تعالو اعلمكم ليتر بوكس قطاوتي بالخطوات.. مع الصور

[GAP^^الكبيرة]

السلام عليكم


شلونكم وشخباركم؟؟؟


في بنات سالوني عن الطريقه اللي استخدمها بالليتر بوكس

وصدقوني لو جربوتي طريقتي بتحسون بالفرق من ناحيه الروايح

في البدايه احب اقول مو شرط تتقيدون بالماركات الموجوده بس انا حبيت اوضح لكم الطريقه... وحبيت انوه ان الرمل لازم يتغير من 5 - 7 ايام على حسب درجه الوسخ مع ملاحظه التنظيف اليومي بهالاداة.. ولاحظي وانتي تشترينها ان الفتحات ما تكون كبيرة وايد

تحتاجون الى

كريستال

وطبعا الرمل... استخدمو اي نوع مفضل عندكم.. انا احب ماركه معينه بس ما كانت عندي فشريت هالنوعيه وهي جيده جدا

والبيكربونات... تحتاجون حق نص علبه الى علبه بالمره الوحده خاصه اذا كان اكثر من قطو يستخدم الليتر بوكس والهدف منه ازاله الروايح بس اذا حطيوه تاكدو انكم تغيرونه بفتره قصيره عشان اذا طول ممكن يسبب التهاب بمؤخرة القطو

والجيس اللي اغطي فيه الليتر بوكس.. هذا مو ضروري بس وايد يساعد بعمليه التنظيف مجرد اشيله واقطه واحط غيرة
بس لاحظو اذا ما حطيتوه.. بعد ما تقطون الرمل لالالالالالالالالالالالالالالالالالازم تغسلونه بماي دافي وصابون وتعقمونه بشوي ديتول عشان تتاكدون ان كل البكتيريا والوسخ راح

واكيييد اخر شي الليتر بوكس

 

[GAP^^الكبيرة]

الحين الطريقه


اول شي حطو الرمل

وبعدين الكريستال

تاكدو بعد ما تحطون هالكميتين مع بعض ان الكميه على الاقل 3-4 انش>> انا احط اكثر لان البوكس عميق ولان لاستخدام قطوتين


واخر شي تحطونه البيكربونات

وخلطوه عدل عشان المكونات تتمازج

وهني الشكل النهائي

طبعا هني بيكي حطيتها وقعدت تلعب

بالنهايه احب اقول اذا عندكم السماط اللي يكون من المطاط او مادري شسم الماده حطوها تحت البوكس وبهالطريقه تمنعون تنشر الرمل والوسخ بكل مكان

اتمنى اني افدتكم واذا عجبكم الموضوع لا تنسون تدعون لامي بالرحمه والمغفره ولابوي وخواني بطول العمر والصحه
وانتظرو موضوعي القادم:tek:

 

[سهم وردي]

يعطيج العافية حبوبه انا استفدت وايد مشكوره ما قصرتي
وين موضوعج القادم للحين ما حطيتيه هههههه اتغشمر

 

[barbreeta]

يزاج الله خييير ومشكوره كفيتي ووفيتي والله يرحم والديج ويطول بعمر اخوانج ويخلي قطاوتج الحلوين بس قاب بليز ممكن تقوليلي من وين البيكربونات والكرستال ناطره ردج ..

 

[بنت عبدالغني شربت]

وااااااااااااااو خوش موضوع قبقب يعطيج الف عافيه

 

[Me Myself & i]

الموضوع تحفه و الحلو فيه ان مشروح بالصور .. ما قصرتي يعطيج الف عافيه حبوبه
شكلي بجرب طريقتج .. احنا التراب اللي عندنا نفس اللي موجود بالصوره ترى وايد زين احسن نوع جربنا لان يمتص الروايح

بس انا ما فهمت شنو فايدة الكريستال.. اول مره اشوفه

الف شكر مره ثانيه و ناطرين موضوعج اليديد

 

[GAP^^الكبيرة]

يعطيج العافية حبوبه انا استفدت وايد مشكوره ما قصرتي
وين موضوعج القادم للحين ما حطيتيه هههههه اتغشمر

الله يعافيج حبيبتي... وان شاء الله موضوعي الياي بيتكلم عن اهم المسلتزمات اللي تحتاجينها لتربيه القطاوة وشلون تتخلصين من الروايح اللي تتعلق بالبيت منهم وفي موضوع خاص بالاكل وموضوع على شلون تعاقبين القط وشلون تعودينه على استخدام الحمام و موضوع عن الامراض اللي ممكن تنتقل من الانسان لي القط وبالعكس واشهر انواع الادويه لامراض القطاوة ... شفتي وايد مواضيع ... خخخ وان شاء الله خلال الاسبوع الياي انزل واحد واحد

يزاج الله خييير ومشكوره كفيتي ووفيتي والله يرحم والديج ويطول بعمر اخوانج ويخلي قطاوتج الحلوين بس قاب بليز ممكن تقوليلي من وين البيكربونات والكرستال ناطره ردج ..

مشكووووووووووووووووووره يا بعد قلبي ما قصرتي على هالدعوه الحلوة... بالنسبه للكريستال تلقينه في بعض الجمعيات ومركز سلطان والبيكربونات حبيبتي من الجمعيه صوب الكيك وهالسوالف

وااااااااااااااو خوش موضوع قبقب يعطيج الف عافيه

تسلميييييييين لي حبيبتي وحياج الله

الموضوع تحفه و الحلو فيه ان مشروح بالصور .. ما قصرتي يعطيج الف عافيه حبوبه
شكلي بجرب طريقتج .. احنا التراب اللي عندنا نفس اللي موجود بالصوره ترى وايد زين احسن نوع جربنا لان يمتص الروايح

بس انا ما فهمت شنو فايدة الكريستال.. اول مره اشوفه

الف شكر مره ثانيه و ناطرين موضوعج اليديد

حبيبتي الكريستال يساعد على التكتل مع الرمل ويمنع الروايح

 

[جوجو.]

والله بعد شغلات وايد اخاف اشتريهم ابوي يذبحني
ليلحين ادور قطو

 

[خوش بنيه]

مشكووووووووووره اختي

 

[ام مسااعد]

يعطيج العافية حبوبة ونفس الطريقة الي اتبعها بس انا ما احط البيكربونات وين احصلها؟ وهل هي ظرورية وايد؟

وتسلمين

 

[om mariam]

يعطيج العافية حبي

 

[barbreeta]

مشكوره حبيبتي يعطيج العافيه

 

[نملة حوله]

يعطيج العافيه وبس حبيت ادعي حق امج الله يرحمها برحمته الواسعه
وربي ياجركم انشالله ويجمعكم معاها بالجنة اللهم امين

 

[brat]

مشكوره ويعطيج العافيه

ناطرين موضوعج اليديد

 

[سويتي الحلوه]

مشكوووووووووووووووووووره


تسلمين علي الموضوع

 

[soo_soo]

في منتدى ثاني قرييت نفس الطريقه هااذي

بس في احد رد ؤقال ان بيكربؤنات صح تمسك الريحه بس مضره لانها تسبب فطريات ؤبكتيريا ؤعاد هاذي تنتقل للقطؤؤه
الافضل ماتحطينها لا يضرؤن قطاؤتك

 

[GAP^^الكبيرة]

والله بعد شغلات وايد اخاف اشتريهم ابوي يذبحني
ليلحين ادور قطو

لوووول الله يعينج.. حاولي تقنيعينه احلى شي عاد تربيه القطاوة

مشكووووووووووره اختي

حياج الله حبيبتي

يعطيج العافية حبوبة ونفس الطريقة الي اتبعها بس انا ما احط البيكربونات وين احصلها؟ وهل هي ظرورية وايد؟

وتسلمين

حبيبتي البيكربونات تحصلينها بالجمعيات صوب الكيك وهالسوالف... وفايدتها انها تنمع اتنشار الريحه... جربيها وبتحسين بلافرق

يعطيج العافية حبي

يعافيج حبيبتي

مشكوره حبيبتي يعطيج العافيه

الله يعافيج حبيبتي

يعطيج العافيه وبس حبيت ادعي حق امج الله يرحمها برحمته الواسعه
وربي ياجركم انشالله ويجمعكم معاها بالجنة اللهم امين

مشكووووووووووووووووووووره مشكوووووووووووووووووووووووووووره حبيبتي ما قصرتي... والله ونستيني صج

مشكوره ويعطيج العافيه

ناطرين موضوعج اليديد

تسلمين يا قلبي

مشكوووووووووووووووووووره


تسلمين علي الموضوع

الله يسلمج حبيبتي

في منتدى ثاني قرييت نفس الطريقه هااذي

بس في احد رد ؤقال ان بيكربؤنات صح تمسك الريحه بس مضره لانها تسبب فطريات ؤبكتيريا ؤعاد هاذي تنتقل للقطؤؤه
الافضل ماتحطينها لا يضرؤن قطاؤتك

ايي حبيبتي طريقه البيكربونات اخذتها من موقع كات فور اراب ... والبيكربونات تسبب حساسيه اذا طولت بالرمل... عشان جذي قلت ان من 5 الي اسبوع بالكثير

والحمدالله انا استخدمها صار لي 3 شهور ومافي قطاوتي شي الحمدالله
واذا متخوفه منها لا تحطينها

 

[زيـنـه]

يعطيج العافيه

 

[GAP^^الكبيرة]

يعاااااافيج حبيبتي الغاليه

 

[مالفينيا]

يعطيج الف عافيه الصراحه انه قمت كل ما تسوين شي اقلدج