قولو الي تقولون رشا بنتنا

[شهدQ]

ماشفت حلقة خالد العبدالجليل

بس لحقت بالاخر على البنت الي اسمها رشا

هذي بنتنا

اكيد بنتنا

ملامحها

عيونها

سمارها

تقول انا بنت الكويت

بنات انا جدا متفاعله مع البنت رشا مع احترامي للبقية الي ماشفتهم

بس قلبي دليلي

هذي بنت الكويت

ياليت الكل يساعدها

الموضوع بالأول ماعجبني لكن بالاخر اقول يعني مو حرام يروحون هالريايل ويقطون عيالهم ويردون

شذنبهم تكفخ فيهم الدنيا من كل صوب

والمصيبه الاكبر للمدرسات ااااخ ياقلبي

خبركم المدرسات دوام في المدرسه ودوام في البيت الله يعينهم

والريال متزوج وحده من جنسيه عربيه ومفرخ منها والمعاش كله لها وبالسر وياكثرهم انتبهو

بنات الله يرحم والديكم

لابد وضع ضوابط لنفس هالامور

انتو شرايكم

الريايل من هالنوع لابد ياخذون جزاهم عشان يكونون عبره لغيرهم

شذنب هالكويتية تنصدم بضنى ينكشف الستار عنه بعد سنين واهيا عايشه بخداع

وشذنب هالطفل يعيش برى احضان ديرته وتلطمه الدنيا من كل صوب وخبركم بمعاملة الكويتي عن بعض الدول الله يهداهم هم هذا ضننا ومانرضى

انا ضد ومع عبد الجليل والسبب رشا

 

[@ دهن العود @]

والله ياشهد نفس الكلام اللى قلته قبل شوى لحماتى

احس انه رشا صج بنت الكويت ملامحها تقول جذى

 

[القطانيه]

وانا معااج قلبي عورني علييها والله يارب يفرجها عليهم يارب وانا بقووم بلواجب واشرايكم نسوي حمله تبرعات حتى لو ربع دينار بنات باسم منتدانا ونودييها للوطن ياجمااعه هذيل منه وفيينه مايصير جذي خلونا نساعدهم بلي نقدر عليييييه

 

[شهدQ]

شفتي شلون دهن عود

 

[MissChoco]

اي والله صاجه .. وحسبي الله عليهم والله اشلون جذي قاطين عيالهم!!!!!!!!!


والله هذوله ملوت طق وتكفخ عشان يفهون



كسرو خاطري

 

[فرنسا]

الصراحة انا حلقة اليوم ماشفتها بس شفت حلقة الاسبوع اللي فات المفروض انة ايحاسبون ابهاتهم ولا ضيتهاونون بهالموضوع اولا لاخذ العبرة للي ناوي يسوي سواتهم وعشان ما يضيع حقهم المساكين

 

[شهدQ]

وانا معااج قلبي عورني علييها والله يارب يفرجها عليهم يارب وانا بقووم بلواجب واشرايكم نسوي حمله تبرعات حتى لو ربع دينار بنات باسم منتدانا ونودييها للوطن ياجمااعه هذيل منه وفيينه مايصير جذي خلونا نساعدهم بلي نقدر عليييييه

اي والله خوش اقتراح

امبيه عيالنا تلطمهم الدنيا:0bee2e8d89:

 

[شهدQ]

مسس كاكا

فرنسا كلامكم عدل

 

[تسوااهن]

البنت كويتية
العمي بيعرف
ماقول الا حسبي الله على ابوها اللى ضيع شبابها

 

[م فطومه]

اي تبرعات الله يهديكم لا انا مو مع التبرعات هذول يبون حقهم اهما مو فقارة ياجماعه
المفروض ياخذون حقهم بالقانووووون


اذا اهيا صج بنت لكويت ختروح السفارة مو بيت الزكاة الى قالوا عنه



هالعبدالجليل شوه صورة لكويت الصراحة على باله جذي بيحل المشاكل

 

[شهدQ]

صاجه فطومه

تسواهن مشكوره ع المرور والله يعينها

 

[كويتيه وبس!!]

رشاا كويتيه وملامحه بينت هالشي وشكلهااا قبيليه بعد الله يفرج لها عورت قلبي اهي اكثر شي

 

[Miss_Moon]

عبدالجليل قبل كنت اتعاطف معاه الحيين صراحة احس انه قام يشوه صوره الكويت!!! ميخالف عندك حجي مو بالتلفزيوون

 

[شهدQ]

رشاا كويتيه وملامحه بينت هالشي وشكلهااا قبيليه بعد الله يفرج لها عورت قلبي اهي اكثر شي

امين

عبدالجليل قبل كنت اتعاطف معاه الحيين صراحة احس انه قام يشوه صوره الكويت!!! ميخالف عندك حجي مو بالتلفزيوون

يااختج انا وياج بس هم ضدج

تدرين ليش

لانه كشف عنا عيال الديره الي طواهم الزمن ولوعتهم الدنيا

رب ضارة نافعه

وصدقيني هالبرنامج بيأكد ان الشعب الكويتي فعلا شعب واضح وصفحه بيضه ومايرضى بالغلط لو كان بادر منه

 

[القطانيه]

انا ضد البنات الي يقوولون مايصير بتلفزيوون لوماكان بتلفزيوون من وين بندري وليش لي الحين علبالنا احنا ملائكه !! بناات الشق عوود والله

 

[شهدQ]

اي والله يالقطانية

هذي قضية راي عام

ولازم تتوقف هالمهازل

 

[القرآن ربيع قلبي]

الله يفرجها عليهم يقطعون القلب حسبي الله عليهم شلون يقطون ضناهم

 

[شهدQ]

اللهم امين

 

[سابقه جيلها]

مرحبا بنات شنو السالفه ماشفت الحلقه اليوم ؟

 

[خاشووقه]

برايي اذا لهم حق خله يروحون السفاره
مو التلفزيون شنوو هالمسخره
والله فشله
ما اصدق انه في مصري يسكت عن حقه وما يراكض حق السفاره الكويتيه بمصر

وذا لهم حق بياخذونه