**حصرياً لقسمي المفضل : هدية تخرج من طفل لمعلمته ..تصميم ((ساره ستايل)) **

[ساره ستايل]

السلام عليكم

حبيت اعرض لكم آخر تصاميمي لهدية تخرج طفل من الحضانه (الله يخليه لأمه وابوه) الى معلماته .

والله الشاهد اني متوقفه عن تصاميم الهدايا من زمان .. والاسباب متعدده لهذا التوقف ..

بس لأن امه من طرف وحده وااااايد عزيزة علي .. واهي بعد الام غاليه وايد
ف لازم انقوم بالواجب معاها ..

(( للعلم ان ولدي حفلة تخرجه من الحضانه عقب جم يوم
وما سويت له ولااااا شي لأن ما عندي وقت والله الشاهد على كلامي عشان محد يزعل ))


واتمنى انها تعجبكم ..

- الهدية كانت عباره عن كولليكشن متنوع .. وجمعته كلله داخل علبه وحده..

1- الاكسسوارات





(( شريتهم من جمعية الفيحا محل الاكسسوارات اللي فوق)) لونهم عالطبيعه وايد احلى وشايننغ اكثر .

2- المجسم ..
فيه حامل لقلم المكتب



3- قلم حبر نسائي كشخه نعوم ((من مكتبة الفيحا)) اللي حق الجسم اللي بالصورة اللي فوق





4- الككاو (( كان عباره عن قطعه كبيرة وداخله بسكوت ويفر))



5- هالظرف اللي فيه المجسم مال القلم



6- ظرف العطور
(( فرغت عطور فرنسيه داخل قراش عطور زجاجية اصغيره))



7- تغليف علبة الاكسسوار




8- السبوره ..
الكبوس اللي لابسه انا امسويته من ورق مقوى لونه اسود
ولزقت فوقه ستراس برتقالي
وكركوشة قبعة التخرج بيجية من قش




9- هالقطعه اللي امعللقه مع الارنب اهي يعني مساحه السبورة ((عجيبه))

​

بنات بليييييييييييز لحد يرد . باجي صور بنزلها الحين​

 

[ساره ستايل]

11- هذا سميته بيت الهديه .. لأني حطيت الكولليكشن كلله داخل وبطريقة منظمة




12- قلم تذكاري .. مصنوع من الخشب الطبيعي .. والاضافات اللي عليه كلها شغلي ..




13- الهديه بالشكل التهائي بعد وضعها بعلبه بلاستيك شفافه عشان احافظ عليها من التلف





14- هذا جيس الككاو المستخدم بالهدية (( احب ايمع اجياس :tek: ))
​

* ختاما : امانه بنات .. اللي بتاخذ الفكره .. عليها بأللللللللللف عافيه

بس ارجو الحفاظ عالامانه الفكريه (( نسب الفكره لصاحبتها اللي اهي انا :tek: ))

ولاتحرموني من آرائكم ودعواتكم الحلوة ابظهر الغيب​

 

[Shima-Style]

تسلمين حبيبتي .. وتسلم ايدج
بس عندي سؤال بسيط وياريت تردين علي بالخاص >> على قولتج بيت الهديه من وين ماخذته لان ادوره ادواره وعسى الله يوفقج يارب:tek::tek:

 

[Emanova]

ا شاء الله حلو شغلج

 

[( روعه )]

ماشالله حلوة الفكرة ...عجبني الشغل ..... عموما انتي ذويقه ماشالله عليج ... بس مو جنه وااايد أشياء بالهديه ...بس بغيت أشوف توزيعتهم داخل بيت الهديه نفسه ...الكاكاوه و الدرع و العطور و القلم و الاكسسوار ... شلون موزعتهم داخل الشكل النهائي .... تسلم هالأنامل يا سارونه ... شرايج نفتح أنا وياج محل تغليف هدايا و كاكاو؟؟؟:wqedqw:

 

[Pink GirL]

تسلم ايدج سارونة
ومبروك تخرج وليدج

 

[أم بدير]

والله ماتدرين شكثر استانس لما اشوف احد منزل موضوع يديد بهالقسم

يعطيج العافيه حبيبتي ساره عالمشاركه الحلوه
الألوان فرايحيه وتشرح القلب صراحه
وطريقتج بالتزيين وايد حلوه

موفقه حبيبتي

 

[زيـنـه]

تسلم ايدج
خوش هديه

يعطيج العافيه

 

[Miss_Tiger79]

بنات انا حبيت اشكر اختي سارة ستايل على الهديه الي سوتها حق ابلات ولدي
وترى صج والله الهديه كانت وااااااااايد حلوة وراقيه وترى يتهيألج انه فيها اغراض وايد يعني زحمة بس بالعكس طلعت وايد مرتبه

وتسلم ايدج يا سارة

وام بدير بعد اشكرج لانج سويتيلي هدية السنة الي طافت

 

[أم بدير]

العفو مس تايجر والله لي الشرف كان بالتعامل معاج
وسامحيني عالقصور
بس انا مثل ساره اعتزلت الفن خخخخخخخخخ
بس انا مؤقت مثل ماقلتلج مني لين القى مساعده من شريك او محل لأني جد تعبت
وماشالله ساره ماقصرت عرفتي تختارين
والله يوفق عيالج انشالله ونسويلهم سوفينير زواجهم

 

[^^نـــواره^^]

تسلم ايدج واااااااااااااااايد حلوة الهدية وراقية

 

[موج الحزن]

ماشالله حلوة الفكرة
الله يعطيج العافيه

:klhfl: :tek:

 

[مغرورة بنت ابوها]

ماطلعت الصور عندي بليييز دزيلي على الخاص

 

[OmRashed]

ماشالله شغلج روعه وتسلم ايدج

 

[Miss_Tiger79]

العفو مس تايجر والله لي الشرف كان بالتعامل معاج
وسامحيني عالقصور
بس انا مثل ساره اعتزلت الفن خخخخخخخخخ
بس انا مؤقت مثل ماقلتلج مني لين القى مساعده من شريك او محل لأني جد تعبت
وماشالله ساره ماقصرت عرفتي تختارين
والله يوفق عيالج انشالله ونسويلهم سوفينير زواجهم

مشكورة حبيبتي ام بدير

والصراحه من انتو الصراحه قمة الاخلاق
واسعدني التعامل معاج ومع سارة

والله يوفقكم انشالله

 

[ساره ستايل]

ماشالله حلوة الفكرة ...عجبني الشغل ..... عموما انتي ذويقه ماشالله عليج ... بس مو جنه وااايد أشياء بالهديه ...بس بغيت أشوف توزيعتهم داخل بيت الهديه نفسه ...الكاكاوه و الدرع و العطور و القلم و الاكسسوار ... شلون موزعتهم داخل الشكل النهائي .... تسلم هالأنامل يا سارونه ... شرايج نفتح أنا وياج محل تغليف هدايا و كاكاو؟؟؟:wqedqw:

هلا حياتي شجرة الورد ((روعه سابقا ))

توزيعهم داخل الهديه :
الهديه كان فيها ظرفين برتقاليين + ككاوة + علبة الاكسسوار ..

ا- الدرع الصغير كان معاه ابنفس الظرف القلم ..
2- العطور كانوا اصغار وايد وكانوا بالظرف الثاني البرتقالي.
3- الاكسسوار علبته الصفره
4- الككاو .

اول شي حطيت العلبة الصفره .. وبعيدن حطيت يمها الظرف مال العطور ..
وحطيت فوق العلبه الصفره الككاوة
والظرف الثاني حطيته من ورا بيت الهدية .. يعني جنه صار امسكر على الوجه الآخر من بيت الهديه

وممكن هالصورة اتوصل كلامي هذا كلله ((بس دققي عدل من الداخل))



وشاركه لج مرورج الرائع ومداخلتج ورايج الحلو اللي نفتقدهم ابصراحه بمواضيع قسم الهدايا..
لأن ياما ناس تدش المواضيع بدون كلمة شكر :0bee2e8d89: :eh_s(14):
وناس تدش تبدي كلمة شكر يزاهم الله خير :tek::ggdw:
وناس تدش وتبدي راي ونقد بناء يفيد ويعلم وونرتقي فيه للأحسن :ggdw: :tek:

واقتراحج ابفتح المحل .. موافقه عليه مبدئيا ,, بس ماكو راس مال

 

[ساره ستايل]

تسلم ايدج سارونة
ومبروك تخرج وليدج

الله يسلمج بنك

الله يبارك ابحياتج :tek:

 

[ساره ستايل]

والله ماتدرين شكثر استانس لما اشوف احد منزل موضوع يديد بهالقسم

يعطيج العافيه حبيبتي ساره عالمشاركه الحلوه
الألوان فرايحيه وتشرح القلب صراحه
وطريقتج بالتزيين وايد حلوه

موفقه حبيبتي

هلا والله ام بدير

شكرا للمشاركه الحلوة يا حلوة
وتعليقاتج وايد اتهمني ابصراحه
لأن ذوقج بالتغليف والهدايا احسه قريب من ذوقي وايد
الف شكككككككككر :tek:

 

[ساره ستايل]

بنات انا حبيت اشكر اختي سارة ستايل على الهديه الي سوتها حق ابلات ولدي
وترى صج والله الهديه كانت وااااااااايد حلوة وراقيه وترى يتهيألج انه فيها اغراض وايد يعني زحمة بس بالعكس طلعت وايد مرتبه

وتسلم ايدج يا سارة

وام بدير بعد اشكرج لانج سويتيلي هدية السنة الي طافت

هلا بمس تايقر

العفو ياقلبي وانا جد شرفني التعامل معاج
الله يخليلج ولدج وتفرحين فيه معرس انشالله :tek:

 

[ساره ستايل]

الشكر موصول لكل من شرفني بلموضوع وابدى اعجابه ..

تسلمووووووووووون حبايبي وماقصرتوا

الله يجزاكم الجنه