مأساتي مع منطقة الاحمدي التعليمية

[هياكويت]

السلام عليكم ورحمة الله وبركاته
اسمحولي اشكي شويه اطلع الي في قلبي قامتني
انا مو قادره اتعايش مع هالمنطقه الغريبه الي تمشي على الواسطه بمعنى الكلمه
والي ما وده يشتغل ينتقل الى الاحمدي بس فيه شرط لازم يحب يمدح ويعجف عدل
ولماانتي تحبين الشغل وضميرج حي والغير الي حواليج لأ ويحصلون نفس الامتيازات ؟؟
او اذا كانت المديره عادله في هذيج المنطقه؟؟ ماتميز بينج وبين الي ماتشتغل
ومستوى الطلبه حدث ولا حرج وطبعا تزوير في النتايج واختبارات المستوى الي من الوزاره بحيث النسب تكون زينه بفدرة قادر:0bee2e8d89:

 

[الكرملين]

اسمحيلي اختي اختلف معج وايد


لاتعممين بالعكس وايد مدارس زينه عندنا ومستوى الطالبات في كثير من المدارس والله توب

والناظرات متفاوتات وهالشي بكل منطقه تعليميه موبس الاحمدي

 

[هياكويت]

مشكوره اختي على المشاركه
صج كلامج الزين والشين في كل مكان بس انا اتكلم عن مشكلتي آناواحساسي وحظي الي طرحني في منطقه بدون ذكر اسمها في الاحمدي فيها هذا الشي

 

[نجمة سهيل]

انا والله ماجربت هالمنطقة بس حبيبتي موشرط يمكن انتي مومرتاحة بمدرستج لان الانسان اذا ماكان مرتاح بالمكان مايقدر يبدع وينتج فأنصحج انتقلي منطقه تعليمية ثانية

 

[هياكويت]

شكوره نجمة سهيل
انا في مدرسه زينه بس الي حوالي في المنطقه اهو الي مو عاجبني
واناهذا حساسي والي اشوفه. لاني ابي كل شي برفكت يمكن اذا قللت من حساسيتي يمكن اتعايش مع الوضع

 

[white~heart]

كلامج فيه نوع من الصحه
يسلموااا

 

[LUCK GIRL]

اذا موعاجبتج المنطقة انتقلي نقل خارجي

 

[هياكويت]

كلامكم على العين والراس بس آنا حل مشكلتي مو في النقل لاني خايفه على مصلحت عيالنا ومن ثم مصلحة جيل يمثل الكويت.....وطبعا الحال ما ينطبق على الكل ولكن الاغلبيه....والتفاحه الخايسه.......؟؟!!

 

[لباس التقوىk]

ياأختي أرض الله واسعة انتقلي
شوفي انا كنت بالعاصمة وماارتحت هجيت للفروانية معنها تبعد عنا كثير
بس التعب على السيارة والبانزين وهذا الحكومة ماقصرت تعطيج بدل طريج
75 دينار

 

[سـكـر زيـادة]

الله يسامحج :\


خليتي منطقة الاحمدي مزورة في النتايج


وعيالهم فشلة


وتفاحة خايسة :\



انتي كل اللي عليج تنجزين عملج بذمة ولا تنظرين للغير هذا اهم شي


ولا تعممين حبيبتي :\

 

[هياكويت]

ترى عيالي في الاحمدي
بس انا ارد وقول مو الكل انا اقول الي فيها مو مهتميين
وبعدين هذي وجهة نظري
ولازم نحترم وجهات نظر الآخرين
والتفاحه مو عيالنا الي على عيالنا؟؟؟؟؟؟؟؟؟؟؟؟؟
والا شتفسرين ان الوافداااااااااااااااااااااات ما يبون يشتغلوون مثلا في العاصمه؟؟؟؟

 

[ضحـاوي]

انا احترم وجهة نظرج وحرصج على عيال المنطقه

لكن ما اشوف المنطقه سيئه لهدرجه

بالعكس منطقة الاحمدي وايد اهون من مناطق ثانيه

وفي كل مكان الزين والشين

والشخص اذا ما عجبه المكان يطلع منه ويفك عمره ويرتاح

لان ممكن يكون الخلل مو من المنطقه ,,

ممكن يكون الخلل انه ما قدر يتاقلم مع المنطقه مع ان الاغلبيه متأقلمه

 

[هياكويت]

مشكووووووووووره اخت ضحاوي
وآنا ماتكلمت الا لاني حسيت اني بين خواتي مو لشي ثاني
فارجو اني اكون خفيفة ظل ؟؟؟
فالاهم مصلحة التعليييييييييييييييييييييييييم في الكويت
الي يؤدي الى رفع عيالنا الى احسن المستويااااااااااااااااااااااات
وشكررررررررررررررررررررررررررا

 

[ضحـاوي]

حياج الله

طبعا انت بين خواتج

وبارك الله فيج على حرصج على مصلحة عيالنا

 

[بنت الفقيد]

انا احترم وجهة نظرج وحرصج على عيال المنطقه

لكن ما اشوف المنطقه سيئه لهدرجه

بالعكس منطقة الاحمدي وايد اهون من مناطق ثانيه

وفي كل مكان الزين والشين

والشخص اذا ما عجبه المكان يطلع منه ويفك عمره ويرتاح

لان ممكن يكون الخلل مو من المنطقه ,,

ممكن يكون الخلل انه ما قدر يتاقلم مع المنطقه مع ان الاغلبيه متأقلمه

ضحـــــــــــــــــــــــــــــــــــــــــــــــــــــــــاااااااااوي


أنا معاج برايج تدرين لبش؟؟؟؟؟؟؟؟؟؟؟؟ لاني من الأحمدي

وبصراحه الأحمدي غيييييييييييييييييييييييييييييييير

ولو جربتي يا اخت هيا الكويت منطقه غير الأحمدي راح تحسييييييييييييييييييييييييييين بالفرق

(فإمسكي مجنونج لا يجيييييييييييييج أجن منه) :dddds::dddds::dddds:[/

 

[وفــا]

اخت هيا
اهنيك على جرأتك بالطرح
انا خواتي بمنطقة الاحمدي
ويشتكون من قله الامانهـ وكثرة التزوير
والله حيل متضايقين من عدم الانضباط والامسؤوليهـ

 

[white~heart]

حبيت اضيف انها منطقه تعتمد على الواسطاااااات بكل شي
و يزورون نتائج الطلبه لمصلحة المسؤولين الشخصيه بغض النظر عن مصلحة الطالب او المعلم

 

[سلطـ زمانها ــانة]

الــــــشــــــــــــــــر يــــــــــــــــعــــــــــم والــــــــــــخــــــــــــــيــــــــــــــر يـــــــــخـــــــص

 

[اخت فروحه]

حرام عليكم هالكلام صار لي 11 سنة بالاحمدي وانتقلت لكذا مدرسة عمرنا ماغيرنا درجة طالبة ولا احد طلب منا هالشي ولا عمرنا غششنا احد ولا احد طلب منا هالشي
وبالنسبة للمعلمات معروف ان معلمات الاحمدي اكثر ناس تكرف وتسوي انشطة وتصرف من معاشها
والطالبات قمة في الاخلاق والادب لانهم لازالوا على تربية اهلنا اللي قبل وعلى الحيا والستر
انا مومتعصبة انا انسانة جدا حيادية وما انحاز حق احد لكن هذا اللي شفته من صميم عملي
واذا انتي يا الغالية في مدرسة تعتمد عالواسطة لا تعممين ومعروف توجيهنا انه حيل يقدر
شتقولين عن منطقة مبارك الكبير والاهمال اللي فيها من توجيه وادارات وطلبة اعوذ بالله ما اتحملت على طول قدمت نقل

 

[bant_alnoor]

انا اختلف وياج انا بالاحمدي بس تعامل الادارة مع المعلمات يهبل