تنصحوني بالخطوط القطرية وإلا لأ ؟؟؟

[أحلى همبه كويتية]

:0bee2e8d89:

بنات ما حصلنا حجز حق تايلند إلا على القطرية
اشرايكم زينة وإلا فاشلة ؟؟؟

اللي لها تجربة مع القطرية وسافرت عليها تقول

:tek:​

 

[أحلى همبه كويتية]

اشفيكم
كلش محد سافر عالقطرية ؟؟؟

 

[دمي خفيف]

امبله انا سافرت فيها العام

اتييييين وااايد راقيه احسن من الاماراتيه ..
انصحج تروحين فيها

 

[SILVER ROSE]

سافرت فيها من سنين كانت روووعة

 

[أحلى همبه كويتية]

مشكورين بنات
بس ليش السعر فيها للكبير والصغير نفس الشي ؟؟؟

انتوا بعد كانت جذيه ؟؟؟

 

[shusha]

اختي El-hamba elbutamba انا سافرت عليها سنة 2002 رحت ماليزيا كانت وايد زينه . فما بالج هالسنة وهي مغيره جميع اسطولها .

على فكرة انا بجربها هالسنة والصراحة سنة عن سنة المديح يزيد فيها .

بسافر عليها من (كويت - قطر - واشنطن ) ومعاي عيالي والاسعار تختلف على حسب عمر اليهال
من مولود لي سنتين - ومن سنتين لي 12 سنة - ومن 12 سنه لي 0000 لكم طولت العمر

وا شاء الله اكون فدتج

 

[أمانيQ8]

والله انا بسافر فيها ان شاءالله شهر 7بس يقولون زينه

مدام انج رايحه تايلاند سافري عالتايلنديه عجيييييبه اتينن بس طاقمها ولا كلمه انجليزي بس نظيفه وحلوه ووصي مع التذكره ان وجبتكم اتكون مسلم ميلز وبس انا سافرت 3مرات عليها روعه وايد حلوه ماشالله واتذكر انها فازت مره على طيران العالم وخذت المركز الأول وبعدها عششششتوو الطيران السيلاني خذا المركز الأول

 

[لؤلؤية]

رااااااااااااااااااقية جدا
وانصحج فيها...ترى طيران قطر صك على الشركات الثانية

 

[ريمه الكويت]

انا جربت التايلنديه والقطريه القطريه احسن تاكلين وانتي متطمنه وبعد لوتبين تروحين عالدرجه الاولى عاد مطارهم يهبل بس درجه السياحيه ترا مطارهم اي كلام الله يعينكم
بس ليش اسعار الاطفال نفس الكبار الي اعرفه الي 12 سنه واقل سعر التذاكر ارخص

 

[حاااايره]

جم حصلتي تذكرة تايلند عالقطريه؟
ومتى بتروحون؟؟؟؟

 

[كتكوته مكتكته]

وااااااااااااااااااااااايد حلوة صج ما راح تندمين ولا تحسين بالوقت روعه
احلى طيران ركبته
خلف الله عالكويتيه

 

[FOZQ8]

رفيجتي توها راده على القطريه تقول مافيها شي واحسن من الكويتيه ويع الكويتيه اي شي خلااص صاروا سكراب مو مقتنعين كل شي يتراقع ومو ناوين يشترون شي يديد شغل صيانه ورقع

بس تعبت عشان الترانزيت بس

 

[katko0ota]

انا بعد وايد امدحولي القطريه شكلي بسافر عليها هالسنه

و اسعارها مناسبه

 

[supermarket]

رحت فيها ماليزيا ماشاء الله اتينن 7 ساعات طيران نظيف

 

[غلا فهد]

انا السنه اللى طافت رحت تايلند على القطرية حلو ومافيها شى وكانت الطيارة فاضية مافيها الا اجانب وقاليين :dddds: عاد تضحكين انا كنت شاكة وانا رايحة تايلند انى حامل وقعدت ارجع كرمكم اللة :dddds: جان اكسر خاطرهم وياخذونى انا وزوجى على الدرجة الاولى واستانسناوالكرسى مريح والاكل روعه وقالى مشاللة على حوبتج حصلتى الفرست كلاس :0bee2e8d89: وتخيلو اول مانزلنا شنو قالولنا



لوسحمت الاخ فهد قال زوجي نعم لازم تدفع زيادة قال ليش قال حق الدرجة الاولي
اللة يعافيكم انتو اللى جريتونا وقعدوتنا :0bee2e8d89: المهم بعد نقاش حاد بينهم وبين ريلى اهم انتصرو ودفعنا لهم عشان مانخرب سفرتنا ومن بدايتها اخناقة بس اللامانة الخطوط القطرية ما فيها شى وجديدة امغيرينها نفس الاماراتيه تقريبا:gathering:

 

[دمـوع الشـموع]

القطرية جيده وماخذه المركز الرابع على مستوى العالم في عام 2007

بعد البريطانيه والسنغاافوريه والامراتيه

وانا عن نفسي احب اروح على خطوط عربيه اظمن واحسن وانظف

 

[أحلى همبه كويتية]

والله انا بسافر فيها ان شاءالله شهر 7بس يقولون زينه

مدام انج رايحه تايلاند سافري عالتايلنديه عجيييييبه اتينن بس طاقمها ولا كلمه انجليزي بس نظيفه وحلوه ووصي مع التذكره ان وجبتكم اتكون مسلم ميلز وبس انا سافرت 3مرات عليها روعه وايد حلوه ماشالله واتذكر انها فازت مره على طيران العالم وخذت المركز الأول وبعدها عششششتوو الطيران السيلاني خذا المركز الأول

والله أنا منصدمة
تصدقين الإماراتية والتايلندية والإتحاد CLOSED يعني ما في أمل حتى على الإنتظار
وما حصلنا إلا القطرية ، أنا ودي بخط دايركت بدون ترانزيت بس زوجي الله يهديه صارلي شهرين أقوله أشتر التذاكر عشان نحصل حجز والأسعار شابة مو نار إلا قنابل صايرة

السيلانية حلوة أختى راحت ماليزيا العام الماضي بس تقول ريحة الخدم اللي بالطيارة موتتنا
:cxxxp:

 

[أحلى همبه كويتية]

اختي El-hamba elbutamba انا سافرت عليها سنة 2002 رحت ماليزيا كانت وايد زينه . فما بالج هالسنة وهي مغيره جميع اسطولها .

على فكرة انا بجربها هالسنة والصراحة سنة عن سنة المديح يزيد فيها .

بسافر عليها من (كويت - قطر - واشنطن ) ومعاي عيالي والاسعار تختلف على حسب عمر اليهال
من مولود لي سنتين - ومن سنتين لي 12 سنة - ومن 12 سنه لي 0000 لكم طولت العمر

وا شاء الله اكون فدتج

مشكورة حياتي صاجة والله
طلع الغلط من المكتب أنهم قالولي أن الأعمار كلها نفس السعر
اليوم اتصلوا وقالو أن اليهال ب 190 د.ك - الكبار 234 د.ك

 

[أحلى همبه كويتية]

جم حصلتي تذكرة تايلند عالقطريه؟
ومتى بتروحون؟؟؟؟

رايحن إن شاء الله 3/8 وراجعين 26/8
الأطفال 190 د.ك
الكبار 234 د.ك

وترا بالغصب لقينا الحجز كل الخطوط Closed

 

[أحلى همبه كويتية]

:eh_s(14):

انا السنه اللى طافت رحت تايلند على القطرية حلو ومافيها شى وكانت الطيارة فاضية مافيها الا اجانب وقاليين :dddds: عاد تضحكين انا كنت شاكة وانا رايحة تايلند انى حامل وقعدت ارجع كرمكم اللة :dddds: جان اكسر خاطرهم وياخذونى انا وزوجى على الدرجة الاولى واستانسناوالكرسى مريح والاكل روعه وقالى مشاللة على حوبتج حصلتى الفرست كلاس :0bee2e8d89: وتخيلو اول مانزلنا شنو قالولنا



لوسحمت الاخ فهد قال زوجي نعم لازم تدفع زيادة قال ليش قال حق الدرجة الاولي
اللة يعافيكم انتو اللى جريتونا وقعدوتنا :0bee2e8d89: المهم بعد نقاش حاد بينهم وبين ريلى اهم انتصرو ودفعنا لهم عشان مانخرب سفرتنا ومن بدايتها اخناقة بس اللامانة الخطوط القطرية ما فيها شى وجديدة امغيرينها نفس الاماراتيه تقريبا:gathering:

أنا سامعة أنهم يسوون من هالحركات وايد
أختي من سنتين راحوا الصين بالقطرية
وبالرجعة دفعوهم وزن زايد 400 دينار وهم ما كانوا شاريين شي يذكر
فقلوا لهم يا تدفعون وإلا يتكنسل الحجز وتقدروون تسوون شكوى والخطوط يرجعون فلوسكم
تصدقين ليومنا هذا محد اتصل والفلوس صارت ببطونهم
عشان جذيه زوجي متردد :eh_s(14)::eh_s(14):