اللي سافرت واهي حامل تدش

[لينا1]

حبايبي كويتيات

بما ان الصيف جاي وكلنا كالعاده نحب ننحاش من جو ديرتنا الجميل انا كنت مقررة ويا ريلي نسافر هونج كونج



ولكن بما ان الله كتب لي الحمل بشهر مارس فعلى شهر 8 بيصير لي5 شهور حامل



هل وحده فيكم جربت السفر وهي حامل؟؟؟؟


ووش هي الدول اللي راحت لها؟؟؟؟


وكم عدد ساعات الطيران المسموح بها؟؟؟؟


اتمنى انكم تفيدوني بخبرتكم؟؟؟
يعني يصلح اسافر او لااااااااااااااا؟؟؟؟؟؟؟؟






مابي اقعد لحاااااااااااااااااالي بهالحر ..:cxxxp::cxxxp::flower::flower:


ساااااااااااااعدوني:lkmnkl::lkmnkl:

 

[ام عبدالله2006]

??محتاجين رد

 

[مون14]

السلام عليكم
انا مثل حالتج بالضبط ولمه سألت انصحوني بالسفر بالاشهر الثلاثه الوسطى 4-5-6 لان الاشهر الاولى والاخيره خطر السفر فيها الا فيما ندر اما عدد ساعات السفر فيفضل انها ماتكون كثيرهيعني ساعتين او 3 ساعات بالكثير خاصتا للحامل اللي تعاني من الضغط.... يعني هونغ كونغ قويه شوي حاولي تغيرين الديره اذا قدرتي... واتمنى اني فدتج بشي

 

[كويتية أصيله]

هلا حبيبتي أشلونج ؟ وأشلون البيبي ؟؟؟

آنا بالضبط مثلج كانت ظروفي. كنت في الشهر الخامس (الحمد لله كان الحمل جدا طبيعي) وسافرت ألمانيا \أسبانيا\فرنسا\المانيا. وسألت الطبيب قالي عادي .

بس الصراحه آنا عن نفسي ما شلت شي ثقيل كلش كل الأغراض كان يشيلهم زوجي حتي الكاميرا كان يشيلها زوجي وكنت ما أضغط على نفسي ........ يعني بالعربي الفصيح مداريه على روحي

نصيحتي لج إذا كان حملج طبيعي سافري بس لا تنسين نفسج وتركبين العاب خطره وتتنططين على بالج لي الحين بنوته


الله خير حافظ

 

[^kloOot^]

انا سافرت وانا بنص الخامس رحت سوريه
بس صارتلي سالفه مع السوريين
بالطياره شافونى حامل مع انه بطنى صغير قالولى نبي ورقه من الدكتور عن حالتج
قتلهم ماعندى المهم بعدين يالله مشونى

اخذي ورقه من دكتورج لانه في بعضهم يتليعنون

 

[دمـوع الشـموع]

هلا بك
انا سافرت بالسياره للبحرين كنت بالشهر السادس ان شاء الله مافيه شي
وعموما الدكاتره ينصحون ان المره ماتسافر بالاشهر الاولى والاشهر الاخيره
لكن الوسطى مافيه مشكله
وانتي ماعليك خطر ان شاء الله بس اهم شي انتبهي لاكلك هناك عاد هونج كونج اكلهم ذا الاسيوين

الله يردكم بالسلامه

 

[لينا1]

السلام عليكم
انا مثل حالتج بالضبط ولمه سألت انصحوني بالسفر بالاشهر الثلاثه الوسطى 4-5-6 لان الاشهر الاولى والاخيره خطر السفر فيها الا فيما ندر اما عدد ساعات السفر فيفضل انها ماتكون كثيرهيعني ساعتين او 3 ساعات بالكثير خاصتا للحامل اللي تعاني من الضغط.... يعني هونغ كونغ قويه شوي حاولي تغيرين الديره اذا قدرتي... واتمنى اني فدتج بشي

مشككككككككككككككككككككككوره عالرد وشكلي فعلا بغير الديره

 

[لينا1]

هلا حبيبتي أشلونج ؟ وأشلون البيبي ؟؟؟

آنا بالضبط مثلج كانت ظروفي. كنت في الشهر الخامس (الحمد لله كان الحمل جدا طبيعي) وسافرت ألمانيا \أسبانيا\فرنسا\المانيا. وسألت الطبيب قالي عادي .

بس الصراحه آنا عن نفسي ما شلت شي ثقيل كلش كل الأغراض كان يشيلهم زوجي حتي الكاميرا كان يشيلها زوجي وكنت ما أضغط على نفسي ........ يعني بالعربي الفصيح مداريه على روحي

نصيحتي لج إذا كان حملج طبيعي سافري بس لا تنسين نفسج وتركبين العاب خطره وتتنططين على بالج لي الحين بنوته


الله خير حافظ

والله الحمد لله انا والبيبي بخير

بس عقب كلامج خليتيني افكر بالنمسا

ااااااااااااااه نجدد ذكريات شهر العسل


مشكورة ياعمري عالرد

 

[لينا1]

انا سافرت وانا بنص الخامس رحت سوريه
بس صارتلي سالفه مع السوريين
بالطياره شافونى حامل مع انه بطنى صغير قالولى نبي ورقه من الدكتور عن حالتج
قتلهم ماعندى المهم بعدين يالله مشونى

اخذي ورقه من دكتورج لانه في بعضهم يتليعنون

والله هالشي مايجي عالبال اشوى انك علمتيني

شكلي باخذ ورقة من الدكتورة


نسخة بالعربي ونسخه بالانجليزي


احتياط بعد


تشكرات ياقلبي عالنصيحه المفيدة

 

[لينا1]

هلا بك
انا سافرت بالسياره للبحرين كنت بالشهر السادس ان شاء الله مافيه شي
وعموما الدكاتره ينصحون ان المره ماتسافر بالاشهر الاولى والاشهر الاخيره
لكن الوسطى مافيه مشكله
وانتي ماعليك خطر ان شاء الله بس اهم شي انتبهي لاكلك هناك عاد هونج كونج اكلهم ذا الاسيوين

الله يردكم بالسلامه

شكلي ياعمري بطلت عن هونج كونج

المسافة طويله

تسلمين ياعمري عالرد

 

[Pissy Missy]

انا ساقرت وانا بأخر الخامس البحرين بالسياره والحمدالله ما تعبت

بس بالنسبه حق السفرات الطويله بالطياره ما أدري

بس الاحسن انج تتأكدين انه كل شي طبيعي وتاخذين اظن من دكتورتج وحاولوا تروحون مكان قريب وماطولين بالسفره ولا تتعبين

 

[tofy]

انا سافرت وانا بالخامس

تعبت لان الرحلة كانت طويييييييييلة

تقريبا 14 ساعة طيران وقعدة بالديرة شهر

وماقدر امشي وايد بسرعة اتعب وكانت نساتي بالنوم فما استغليت السفره عدل

 

[أم أنور]

انا سافرت وانا حامل بالخامس ورحت جروبات اوروبا ومن دوله لي دوله بالباص وحده تعب كلش ماستانست كلا دايخه وتعبانه وماقدر امشي

 

[أم صالح]

انا مارحت بعيد وانا حامل رحت الامارات وانا بالرابع وكنت اول حمل (البكر) بس فعلا لما اروح مولات كبيره احس بدوخه وعوار ظهر من المشي وعزج الله ماامسك نفسي من اشرب اي شي ابي الحمام
بس نصيحه اذا مسافه طويله لازم تمشين بين فترة وفتره بالطياره عشان مايتجلط الدم بالساق وهذا كلام الدكتوره لان الحامل اللي ماتتحرك وايد يصير في البعض جلطه بالساق

والله يحفظج حبيبتي ويتمم عليج ويهون ولادتج وتروحون وتردون بالسلامه

 

[rawona]

هلا والله ..

حبيبتي انا سافرت وانا بالسابع كنت راده من امريكا لي الكويت بالكريسمس وكنت ماخذه من دكتورتي اورقه لانهم ساعات ما يرضون يسفرونج الا اذا شافوا ورقه من الطبيب ومثل ماقالوا البنات سالي الطبيب اول وشوفي شنو يقولج لان كل وحده على حسب حالتها الصحية ..

وتروحين وترديم بالسلامه :tek:​

 

[May81]

أهلين اختي

السنه اللي طافت سافرت وانا حامل بداية السادس وقعدت تقريبا شهر ... ورحت امريكا من
البحرين - لندن 7 ساعات
قعدت بلندن 4 ساعات
ومن لندن لي اورلاندوا 9 ساعات وربع = 20 ساعه هاهاهاها

والحمدلله كل شيء كان اوكي كنت بالشهر السادس .. وكنت امشي لفترات بلحدايق والاسواق وكل مكان واذا تعودتي على المشي وانتي حامل تحسين بنشاط ... انا احب السفر وقت الحمال لاني امشي مااحس بالثقل عكس لي رديت وقعدت بالبيت اصيررررررر ثقيله وكل تعبااانه ... بس لاتنسين تأخذين معاج اورقه من الدكتوره تكتب لج فيها انه مسموح لج السفر بهذي الفتره وركوب الطياره لان بعض المطارات والطيارات يتحججون فكوني مستعده لهم

 

[الجوري74]

انزين واللي باشهر الثااااالث شتسوي........؟؟؟؟؟؟

 

[q8helwa]

ودي باوربا اروح بس اخاف من المرتفعات

 

[رمانة الكويت]

نصيحه لا تسافرين وانتي حامل والله ماراح تستانسين

سافرت السنة اللي فاتت دبي وانا بالسابع ما رضو اركب الطيارة الا لما وقع زوجي على ورقة

والطلعات كانت متعبة كل شوي قاعدة وكل شوي وانتي بكرامة حمام ..

وفوق هاذا كله طحت وانلويت ريلي وصار فيني تمزق بالاربطة وماقدرو يسوون لي شي لاني حامل

واااي صج صج تعب ...

 

[دانة_ دبي]

بالاشهر الوسط اوكي بس بشرط مكان جريب من الكويت مثل دول الخليج لا تبعدين

و اهم شي الراحة وما تشيلين شي ثجبل