بنااات اللي جرب نقال قوتشي تتفضل بلييز

[ناعمه العود]

انا ماعرفه متعوده على السوني اركسون كل يديد اشتريه بس شوقتيني اشوفه

 

[مسك الغلا]

شفته ماحبيته و شكله عادي بس اسم و المميزات اللي فيه موذاك الزوود

يعني موبايل تجاري ماراح تستانسين فيه و بسرعه بتملين منه

احسن شوفيلج شي ثاني لانه اذا اخرب عاد شوفي من يصلحه

 

[سعودية قلبها كويتي]

اللي اعرفه انه يشيل شريحتين

ومنه لونين ذهبي وفضي

ومو موجود بالسعودية

 

[Violetta]

انا عندي اياه
اذا تبينه شكل و كشخه اشتري بس استعمال يومي لا
صوت المكالمه جنها مكالمه دوليه
انا ماستعمله الا حق المناسبات
و تبين نصيحتي
اشتري اصلي مو صيني هالموديل ماكو الا صيني في وايد ماركات نزلو موبايل تاخذين لج منهم احسن على الاقل موصيني !

 

[pinky_gurla]

يسلموووووووووووووو

 

[عسوله كيوت]

حبيباتي أخواتي الجهاز حلو بس للي يفهمه ويقدره وبستعمله صح , أنا جهازي قوتشي ونص الأهل والخوات والحبايب صار لنا مدة نستعملة قبل البيع بوايد مافيه أي مشكلة ويكتب عربي ومسجات عربي بس بعض الناس مايشحنونه 8 ساعات ويتعبثون فيه وهو ينشحن أو يدخلون على مداخل غلط وبنقفل التلفون ويتشكون منه لأن الإستخدام غلط وبعضهم ماصار للجهاز 24 ساعة تبي تعمل فورمات وتبي رقم المصنع والصراحة الجهاز وايد حلو للي ما تحوس فيه على الفاضي والمليان وكلمة حق للي شرت وجربت وبالتوفيق للكل 0

 

[كاتي البرينسيسه]

وين يبيعونا بنات

 

[Violetta]

في بنات يبيعونه بالمنتدى
و في وحده من البنات تقول شرته من نور للاتصلات ب 70 بس مادري عنها صراحه لاني انا شريته من بنات المنتدى 120

 

[lomy]

حبيباتي أخواتي الجهاز حلو بس للي يفهمه ويقدره وبستعمله صح , أنا جهازي قوتشي ونص الأهل والخوات والحبايب صار لنا مدة نستعملة قبل البيع بوايد مافيه أي مشكلة ويكتب عربي ومسجات عربي بس بعض الناس مايشحنونه 8 ساعات ويتعبثون فيه وهو ينشحن أو يدخلون على مداخل غلط وبنقفل التلفون ويتشكون منه لأن الإستخدام غلط وبعضهم ماصار للجهاز 24 ساعة تبي تعمل فورمات وتبي رقم المصنع والصراحة الجهاز وايد حلو للي ما تحوس فيه على الفاضي والمليان وكلمة حق للي شرت وجربت وبالتوفيق للكل 0

ممكن تقولين لنا شنو المواصفات الحلوه فيه ،،،،،،،،،،،،،

انا عن نفسي تصويره خايس ،، وماحبيته كلش مافيه من التكنولوجي شي الحلو فيه بس نظام السكيورتي

وللي باقي المميزات لا تعليق ،، عيل بخزن اسم بالعربي حدي 9 حروف شسالفه ،،

وغير انه مايخزن الرسايل المرسله ،، واللوق ماله ماعجبني كلش مادري بصراحة يعني مو مريح بالاستعمال


وبصراحة بس شكل ،، وانا جهازي من اول ماخذته طبعا تغطيه خايسه فيه يوووووون وايد ،، تعب اذوني لدرجة اني ما قمت استغنى عن الهاند فري ،،

وتصويره يبط الجبد ومافيه زووم ،، يعني بنات والله والله نصيحة اللي تبي اوبشنززززز لا تشتريه واللي تبي بس شكل وكشخة ومايهما بس تقول الو وتدز نسج عادي ماراح تحس بالفرق ...



وفي شغله لوعت جبدي منه ،، مايشتغل عليه ام ام اس ( خدمة الوسائط) ضاق خلقي دقيت على الاتصالات حاولو معاي ،، بس ماركبت عليه ولا تشغليه شنسوي الشكوى لله .......

 

[بنت العيدروس]

الأخت lome كويتية فعالة
تحية طيبة وبعد ،،،
والله أنا شفت الجهاز ومتهددة أبي آخذه بس يوم شفت رسالتج هونت ، وبعد كنت ناوية آخذ الL.V.( لويس فويتون ) أشكالهم عجيبه بس طريقة الإسخدام أخاف إنها تكون مشكلة .
الله يعينج

 

[بدر البدور.]

حبيباتي

حبيت اعلق على الموضوع انا توني يايه من دبي والاخت اللي قالت بمجمع التنين ب40 ياليت والله ... والله اني انصدمت من اسعارهم لقيته عندهم بالكويتي 100 او 110 ديناااااااااااار


وبالامارات مول لقيته بحدود 150 ديناااااااار


عليها بالعافيه اللي تبيعه الوحده تييب البضاعه تبيت تربح من وراها مو تخسر انا اطلبوا مني والي يبته بعته على 130 ... موخساره فيه الجهاااااااز حق التكشخ رووووووووعه وانا عربته بنفسي حتى على الصيني عرفت ادز فيه مسجات جيكت على الاجهزه قبل لا ابيعها ...
وفيه نظام شريحتين ومكان حق الميموري


حبيبتي عسوله كيوت موفقه وعليج بالعافيه

ومشكوووووووووره صاحبة الموضوع على الطرح علشان نستفيد


:tek:​

 

[Violetta]

بنات اشلون اعربه ؟؟؟
اودي اي محل تلفونات ؟