فناتك واختراعات ومنتجات مساعده لرجيمج--شاركونا<<متجدد>>

[سمسميه]

حياكم الله بنات
يالله شغلوا مخكم تذكروا شنو الشغلات الي كنتوا تستخدمونها وقت الرجيم وكانت مفيده؟

بانتظار مشاركاتكم

 

[شوق الكويت]

انا الصراحة واااااايد ارتحت حق الشاي الاخضر الصيني ( ماركة رويال )
يعني حتى لو اخربط واشربه عقب اشربه مايزيد وزني ماشاءالله
عاد خلصت كل اللي بالجمعيات _03ba:

 

[غلطة حياتي]

عصير الليمون الدافي على الريج والشاي الأخضر بعد الوجبات وحبوب الأعشاب ايزي لاكس قبل الأكل بنصف ساعه مجرب نزلت 25 كيلو :bye22:

 

[ظلال القرآن]

والله يا سمسم انا خبرج حاطه كبت كامل بالمطبخ حق سوالف الرجيم
ومن كثرهم قمت ما اميز وساعات انسى
امس قلت حق خدامتي اعيني حنه ورحت اخذت قشور رمان انا طاحنتهم عشتو علشان الكرشه
اخذتهم وسلقطتهم على الحنه علبالي ريحان والله يوم قالت خدامتي مداام هذا مال جاي رجيم قلت يا معوده خلاص اشربت مروقها الطسيه على شعري اهو يالله جود تفيد بشي ثاني لانها مو فايده مع الكرشه

سمسم ولدي متسلط على
كلما شافني قاعده ومستانسه واسلولف مع الابو يقول يما يلا متى تولدين ولد ؟؟؟ صارلج 100 سنه حامل

مادري ازنطه هذا

 

[GAP^^الكبيرة]

مممممم
انا السوالف اللي تساعدني بالريجيم

جدول اسبوعي اكتب فيه شباكل وباي حزه.. تقدرون تسون نفسه بوورد.. ويوم الشبت ازهب الاكل اللي بسويه جزء افرزنه وجزء اقسمه واحطه بالثلاجه ومن ايي من الدوام اسويه بسرعه ..انا بالنسبه لي عمليه التنظيم وايد مهمه.. وترا شركات التغذيه تسوي جذي.. تنظم لج الوجرات عشان لا تخربطين ولا تحاتين شنو بتسوين ما تسوين

والشي الثاني هم اشارات تحفيزيه حاطتلي وحده على الثلاجه ووحده بغرفه نومي.. يعني حركات اخذي ورقه وطلعي بدايعج فيها... انا كاتبتلي اسم الدلع و حاطه صورتي قبل المتن .. وجم كلمه حلوة

شي ثاني واااااايد زين... صوري صورج قبل وبعد.. والله مجرد ما تشوفين وين كنتي ووين صرتي بتحسين ان اللي بقى شوي

نيي الحين حق السوالف ام فلوس

مطاره الماي...شاريه من مركز سلطان 2.. وحده على طول معاي بالدوام عشان لا انسى والثانيه بالبيت.. اذا بودي خواتي مشاوير او بنطرهم بمكان معين كل ما اشوف المطاره اشرب حتى لو ماني عطشانه بس عشان اتشجع... وماخذتها بالوان حلوه ومشوقه.. والحين النصيحه الجماليه.. حطي ماي زهر مع الماي.. ريحه نفسج بتصير حلوة وحتى ويهج بينور مع الاستمراريه مع كل نص لتر مقاس علبه الغطا ومع ثلج.. صج حلو


عداد الخطوات.. الله يعافيج حبيبه قلبي سمسوم اللي دليني عليه... كنت ما اتحرك وايد.. والحين صار عندي حافز اني اوصل لي 15 الف.. وترا صعده السلم او المناقز يسوي شغل خخخخخخ

الميزان... كل اسبوع يوم اليمعه الصبح اول ما اقعد اوزن .. يخليني اعرف اذا للحين بالمسار الصحيح او قمت اخوره

الحافظه مالت شاي الاعشاب... انا احطه بدائه معدن مخرمه... شكل الجياس نايس واحسن بجرب امر دايسو..


ممممم وشنو يا بنيه وشنو يا بنيه... الذاكره تخوني حاليا ... لي رجعه بهالموضوع

خاصه اني لي باااااااااااااع بهالمجال خخخخخخ

 

[سمسميه]

غلطة حياتي
ما شاءالله
يعني كنتي مسويه رجيم؟ ولا بس على الجاي الاخضر؟

ظلال
كاااااااااااااااااااااااااااااااااااااااااااااااااااااااااااااك
اخرتها شربت مروقها!!! يالله على الاقل استفدتي من قشور الرمان بدال ماهو مقعد بالكبت!!:dddds:
كااااااااااااااااااااااااااااااااااااااااااك
واسم الله عليه ما تسلط الا لما قعدتي مع الابو؟!!
صج نحيس:eh_s(14):

جاب
واااااااااااااااو افكارج روعه
خصوصا عجبتني فكرة مطارة الماي مع ماي الزهر ممتازه
وفكرة الجدول اتينن
والحافظه الي قلتي عنها من وين؟؟

افكارج كده:icon30:

 

[ظلال القرآن]

بنات يقولون لج بذور البقدوس بدون رجيم 3 كيلوا بالاسبوع

باذن الله باجر ببدا ملعقه صغيره على كوب ماء مغلي

 

[سمسميه]

ظلال من وين هالبذور؟ الحواي؟

 

[ظلال القرآن]

سمسم من الحواي

باجر باذن الله بصابح الحواي من الفير بساعده وهو يفتح المحل

 

[زينا الحلوه]

قووه بنات انا مشكوورين على تبادل الخبرات عن نفسي انا استفدت من تجربة عضوه معانا ولله نسيت اسمها صراحه تسوي حبوب الخل عن طريق وضعهم بااظرف الادويه الفاضيه وتثلجهم لان تدرون الخل صعب شووي من ريحته وطعمه لكن بالطريقه هذي تسهل عليج اكله او شربه وانا ضعفت عليه صراحه واتمنى للجميع الاستفاده

 

[GAP^^الكبيرة]

زينا.. خووش فكره... بس الاظرف من وين تنباع؟

سمسومه.. تسلمين لي مشكوره


وذكرت هالجم شغله

التفريش... بعد كل وجبه عشان تزيلين بقايا نكهه الاكل من حلجج بهالطريقه ما تطلبين بعد فتره قصيره>>> قريتها بمجله وقمت اطبقها

وببدايه الريجيم ييكم عزكم الله امساك او غازات... الحل بعشبه المعجزه ... مريحه و مفعولها بنفس اليوم والاهم انتي تدرين انها اعشاب وما منها مضره ان شاء الله.. والعضوه صدى الاحزان تستخدمها للريجييم اصلا وتقول نزل وزنها عليه

شي اخير الحمامات المغربيه او الخلطات صدقوني تفيد... مره كل اسبوع او مرتين ترسي الحمام بخار وقعدي فيه اول شي بتفقدين سؤائل من الحراره و بعدين اذا سويتي الحمام بنفسج بتعبيين لانك بتسوين جهد... انا مجربتها اطلع من الحمام عزكم الله مهدود حيلي من التعب .. لا تخلين خلطه بقلبك فركي على كثر الكميه اللي بتخربطين فيها بالويكند خخخخخخ

واخيرا وليس اخرا.... عدم الحرمان ومعرفه استخدام البدائل .. لا تحرمين روحج من الايسكريم روحي مركز سلطان اكو ايس كريم لذذذي و فيه 10 كالوري بس .. تحبين الكيك حلو.. روحي دايت سنتر اخذي لج كيك بمقدار الكالوري الممنوح للسناك العادي.. تبين كابتشينو .. شربي مال تروبيكانا لذيذ وفيه كالوري شوي... ماتبين تسوين رياضه.. لا تاكلين خخخخ اتغشمر


ممم واذا ذكرت شي ان شاء الله برد اكتبه>>> زياراتي بتكرر بهالموضوع بكثره

 

[سمسميه]

ظلال
كاااااااااااااااااااااااااااااااااااااااااااااااااك
اخذيني معاج اذا يبي اعاونه بالمحل بعد بس اضعف!!
لووووووووووووووووووووول


زينا
واااااااااااااااااااااو فكره روعه!!



جاب

ممتاز ممتاز افكارج ذهيه الصراحه
عشبة المعجزه انا ما قدرت عليها اتصدقين؟
وتفريش الاسنان بعد مجربته صح كلامج
اما منتجات مركز سلطان شوقتيني يبيلي روحه واخمط

والحمام المغربي صاجه يهد الحيل من التعب!!!

لا تحرمينا من مشاركاتج الحلوه والمتميزه بانتظار الجديد

 

[سمسميه]

بنات مره قريت لعضوه معانا بالمنتدى بس ما يحضرني اسمها
تقول تصب خل التفاح بقوالب الثلج وبعدين لما يجمد تدلك فيه جسمها منها ان الثلج البارد يشد الجسم و ومعروف الخل يضعف

 

[Pop^*^CoRN]

انا اليوم بديت اكل حبوب خل التفاح اللي ذكرته وحدة من الخوات مايحظرني اسمها الحين

اللي هي تفضين علبه الحبوب و تنظفينها و عقب تعبينها خل تفاح و تفرزنينها و عقب الوجبة اكلي 2 و بشوف تاليتها مع هالمتن

و مشكورة سمسومه على الموضوع الفنتك

 

[سمسميه]

حياج الله حبيبتي بنوته
بس مو جنه حبتين وايد! اتوقع وحده كفايه اخاف يضر معدتج

 

[مزيونه وشقره]

شوقتوني على حبوب خل التفاح بسويها ان شاء الله بس افضا

والله بس يبيلي كيلوين ثلاث وبعدين اضعف ومحد يكلمني_03BA:

انا اقول بسوي رجيم يقولولي شنو تبين تختفين جسمي زين ماشاء الله بس احساسي يقولي يبيلج كيلوين ثلاث مع ان طالب الشمري يقولي وزنج جذيه طبيعي وحلو اوكي بس احساسي يذبحني عاد انا كل شي ولا احساسي


وبشاركم في جم طريقه للصد عن الاكل والابداع والفناتق المتفنتقه


=== اذا خربتها بالعشا ثاني يوم او نفس اليوم بليل كوب اعشاب مع شاي رويال ترقيعه والامور تمشي


=== اذا بسد جبدي عن الاكل انا بالنسبه لي اهم شي فتره العصر والمغرب هالفتره تطري علي طواري شينه واهيا شنو اكل حق العشا او شنو اكل الحين غير العشا

فاتفنتق واقوم اسويلي كوب ثري ان ون وازيد عليه نسكافيه واخليه يسد نفسي وصج ثقيل ويسد الجبد عن الاكل لي فتره العشا وساعات كبتشينو تروبيكانا بس اهم شي زياده نسكافيه يسد النفس

==== السلطه اذا بخلي شكلها اغراء ويعني لذيذه ابشر فوقها اشوية جبن كرافت يم يم تهبل بس لا يكون معاها ليمون يخرب الطعم

==== اذا طرا علي الاكل والمطاعم اكل من هارديز سندويتشه لوكارت اللحم وبعد ساعات امر المنصوره واخذه منهم بالشكن فيليه عجيبه وتشبح ولايت او من كنتاكي قطع دياي شي لذيذ ومايمتن بس اهم شي بدون شبس او خبز

=== الغدا اذا ثقلت اشوي اشرب عقبه عصير ليمون يهضم وحلو :ggdw:

و


مع







مع تحياتي ياحياتي

مزيونه وشقره​

 

[سمسميه]

مزيونه
خوش افكار
وطريقتج بالنسكافيه انا اسويها لاني احب النكهه تكون زايده شوي

 

[Pop^*^CoRN]

حياج الله حبيبتي بنوته
بس مو جنه حبتين وايد! اتوقع وحده كفايه اخاف يضر معدتج

لا بالعكس تدرين ان الحبتين مايجون ربع غطا يعني شوية ماعاليج لا تحاتين خخخ

 

[brooad]

انا عن تجربتي عندي شيين أعرف فيهم مقاييس وزني و أعرف إذا كنت متنانة والا لأ!

عندي بنطلون أسود خام (مو جلد ولا جينز) وفيه سحاب من جدام ... بالوقت اللي أكون فيه متنانة ما أقدر أسكر السحاب!!!!!!! لا وبعض المرات ما أقدر أصعده ليه بطني بعد!!! منها عاد أدق أجراس الخطر و أبتدي الريجيم والرياضة!!!

وعندي بعد المتر مال الخياطة ... أقيس فيه زنودي ومنطقة البطن كل أسبوع ( لأني أعاني من المتن بهالمنطقتين) وبالنسبة لي هذا أضبط من الميزان لأنه الميزان يخوره بعض المرات ويسبب إحباط خاصة إذا كنتي تمارسين رياضة أو بتييج الدورة فطبيعي تزيدين كيلو... أو ما يتغير وزنج..

 

[ام مضاوي]

يعطيكم العافيه بنات خوووووووووش موضوع سمسميه

اذكر خلال تجربتي الصيف الي فات مع رجيم دكتور اسامه


اول اسبوعين استمريت على الخلطه الي قالي عنها
وكنت الخبط واااااااايد بالرجيم ومع هذا نزلت 6كيلو خلال اسبوعين بس

كمون مطحون تحطينه في ماي مغلي وعليهم عصير ليمونه طبعا انا ما اتحمل وايد ليمون
كنت احط عصره صغيره
وانطر الكوب يدفى واشربه

على الريييييييييييييييييج

وان شاء الله اليوم باديه رجيم مع المسابقه وبرد استخدم الخلطه