دوانية المسافرين بصيــف 2008 خلونا نتبادل الافكار حياكم الله

[مزيونه وشقره]

بنت عبدالغني

جم تكلف استراليا تذاكر وسكن اسبوعين ؟؟؟ ودي اروحلها





مع تحياتي ياحياتي

مزيونه وشقره ​

 

[rawona]

انا بخاطري امريكا بس شهر 10 اجازتي

روانا انا عايلتي نفسح ماشاءالله بنتي 4 سنوات وولدي سنه 10 شهور بس قوليلي السفره جم ساعه

ورحتي والت دزني ويونيفرسال وسي وورلد

وااااااااي مشتاقتلهم

هلا حبوبه ..

انا رحت على اليونايتد دايركت بي واشنطن دي سي وكانت تقريبا بحدود 13 ساعه .. بعدين ترانزيت ساعتين وخذينا طيران داخلي ساعتين تقريبا لي اورلاندو وبالرده كانت اشوي اقل تقريبا 11 ساعه لي الكويت ..


وااييييييييييييييي رحت ديزني واليونيفيرسال جيكي موضوعي عن السفره وقوليلي رايج :tek:​

 

[عسولة الكويت]

بخاطرنا نروح امريكا وكندا بس للحين زوجي ماعطاني الاوكي وباخذ بناتي معاي 3 سنين و5 سنين
لحد الان الرؤيه غير واضحه تبين شهر 6 اذا الله اراد
ادعوا لي ربي يكتب لي واشوف اورلاندو

 

[rawona]

بخاطرنا نروح امريكا وكندا بس للحين زوجي ماعطاني الاوكي وباخذ بناتي معاي 3 سنين و5 سنين
لحد الان الرؤيه غير واضحه تبين شهر 6 اذا الله اراد
ادعوا لي ربي يكتب لي واشوف اورلاندو

انشالله تروحين اورلاندو تشوفينها وتشبعين منها انشالله ..


:tek:​

 

[MyLittleBerry]

اي ماشاءالله شفت موضوعج روانا

دشيت على موقع طيران اليونايتد بس ماطلعلي الاسعار موقعه معقد شوي

 

[الفنانه79]

بشاااااااااااااااارك معاكم

لان فعلا محتاجه احد ينصحني

ماادري وين اسافر هالصيف

ابي ديره حلوووه

ودي باستراليا ؟؟؟

او اوربا ؟؟؟

ماادري

واللي راحوا استراليا تصلح حق يهال ؟؟

انا معاي اعيالي اسم الله عليهم عمرهم 4 سنين

اشلون الديره واشلون الطريج اخاف يتمللون اليهال من الطيارة ويقعدون يحنون ؟؟؟​

 

[PINK*LIPS 81]

بالنسبه لي انا بروح بريطانيا (كاردف) شهر 6 واااااايد حلوة وهاديه ... عمي وخالتي كله يروحون لها وهالسنه عمي بياخذنا

 

[rawona]

اي ماشاءالله شفت موضوعج روانا

دشيت على موقع طيران اليونايتد بس ماطلعلي الاسعار موقعه معقد شوي

تقدرين تدقين عليهم تو تسألين اي مكتب سفريات عن اسعار تذاكرهم ..

بس انصحج حجزي عن طريق www.expedia.com واختاري vacation packages (flight + hotel + car) وشوفي اسعارهم .. انا قارنت اسعارهم بالمكاتب اهني وايد ارخص بس عيبهم ان الباكيجز حدج 26 يوم الا اذا حجزتي كل شي بروحه (ما انصحج بهالطريقه) راح تتطلع اغلى ..

او حجزي الطيران بروح والفندق من السايت و شوفي الانسب لج ..

موفقه ​

 

[ام مهودي]

بناات اذا برووح جوله حق اوربا بس انا وريلي مابي اخذ ولدي
شنو الدول اللي تنصحوني اروحلها يعني لندن وفرنسا واسكوتلند وشنو بعد

 

[إمرأة مثالية]

ودي أروح استراليا

وقاعده أقول يا استراليا يا النمسا

 

[بنت عبدالغني شربت]

استراليا تهبل

 

[شوق الكويت]

بنات توني انصدمت معقولة سفير الزمالك الغرفتين ب 124 دينار بالليلة :0bee2e8d89:

الصراحه السعر موطبيعي

 

[rawona]

بنات توني انصدمت معقولة سفير الزمالك الغرفتين ب 124 دينار بالليلة :0bee2e8d89:

الصراحه السعر موطبيعي

انا الحين ماقمت استغرب من اي شي ..

عادي خلج طبيعية :eh_s(8):​

 

[غيـ الناس ـر]

مرحبا بنااات شلونكم ؟؟


انا زوجي مبيت النيه على سويسرا والنمسا يمكن بنص سته او نص سبعه .. عشان كاس اوربا يكونون الناس رايحين ..


بس عندي استفسار .. هل يستنكرون النقاب ؟؟ لان ببرلين استنكروه حيل وكانو يخزوني يخرعون ويعلقون وقطيته .. فاللي رايحه هالديره تقولي .. وانا اذا بروح بروح للريف مو للمدينه يعني بروح الجبال هذي نيته ..

 

[Ms. luxury]

ديري بالج لاتروحين جنوب افريقيا الا مع قروب عمتي راحوا مع قروب ويقول لهم مترجم الرحلة المينون اللي يفكر انه يي هني _قصده جنوب افريقيا _ بروحه تقول إذا احتاجوا يسحبون يروح القروب كله مع بعض ومعاهم شرطيين اثنين ويسحبون تقول يطالعون الافارقة من بعييد يطلون عليهم يعني قطاع طرق وتقول مايبي لها يهال لأن كلها جلسات رومانسية وطلعات رومانسية وجو شاعري لما تطلعون قبل الغروب حق الادغال رحلة البحر اللي كله قروش والبحر اللي كله دلافين ورؤحلة راس الرجاء الصالح تقول مناظر خلااااابة <<حلوة هذي اندمجت وأنا أوصف لج ..هههه
أتمنى اني أفدتج
أما أنا ناوين نروح تركيا ان شاء الله بس موأول العطلة لأن زوجي بيروح سوريا مع ربعه بالبداية واحنايودينا تركيا باذن الله بشهر سبعة ان شاء الله بس كم يوم يصلح لها أنا كنت رايحة لها قبل لاأتزوج يعني قبل 12 سنة كانت رخيصة واهلها طيبين بس لما اهلي راحوا لها بطيارة الصيف اللي طاف تحسفوا انهم ظيعوا وقتهم وفلوسهم فيها وبهذلوهم بالمطار بسبب النقاب وأنا متنقبة أخاف يصير فيني مثلهم قولوا لي تجاربكم

 

[Ms. luxury]

انا بسافر مكان ما راح يخطر علي بال احد بروووووح الكويت احد فكر يقعد بالعطلة بس انا

هههههه احنا صار لنا 3 عطل ورا بعض بالكويت أول مرة بسبب ولادتي وزوجي مرابط معاي المسكين وثاني عطلة زوجي شرا بمعاش الصيف كله كله أسهم حتى بذيج العطلة ماطلعنا طلعات وايدة الفلوس حده حده والعطلة الثالثة كنت حاااامل بالسابع والثامن والتاسع (أخطر شهور) والحين عيالي صاروا 4 اسم الله عليهم ونحاتيهم لو كنا بنسافر معاهم وأمي موراضية أخلي عندها الصغار اقل من 3 سنين تقول حتى هم بيسافرون وهي خلاص استقالت من اليهال الحين بتستانس مع الشايب أبوي هههه ياحليلهم رجعوا معاريس هههه وخالتي فيها الرقعة بقلبها وتحاتي وايد ماأبي أزيدها بعد فلازم لازم آخذهم معاي ومومعقولة ننحكر بالبيت هالعطلة بعد وودنا بسفرة دسمة
بس البنات شوقوني عن دول اوروبا واحنا ودنا بس سمعنا انه حرام السفر لدول الكفر إلا لحاجة بس تدرين بسأل الشيخ بقناة المجد عن إذا التزمت بلباسي الاسلامي وغطاء وييهي هناك هل يعتبر ايضا حرام؟؟

 

[**بياض الثلج**]

واااي حطو صور اللي قبل مسافره مكان انا ودي اروح زلمسي

 

[lolo77]

احنا حجزنا على طيران الاتحاد طبعا حق استراليا
بتاريخ 6/7/2008 من البحرين

من البحرين لي بو ظبي
ومن ابو ظبي دايركت لي استراليا

والاسعار كل مالها ترتفع فالافضل الحين تحجزون

والفندق بعد حجزنا بس ناطرين ردهم


تقريبا التذاكر صارت علينا 1750 دينار

 

[Ms. luxury]

عسى الله يتمم عليكم لولو77 ويونسكم وتروحون وترجعون بالسلامة

 

[malekatsabaa]

رووونه..

ممكن حبيبتي.. تعطيني جم ممكن يصير سعر الباكيج(تذاكر+داخلي+الفندق+السياره) لو كنت باروح بس من 25-6 الى 15-7 انا حاولت بس ما عرفت؟؟؟؟

2 كبار و الصغار12 و7 و6 وشنو تشورين علي؟؟اكيد احتاج غرفتين وصاله..ولا ؟؟الصاله تنفع حق نوم اليهال؟؟

وانا ناويه اروح معرض السفر الاسبوع الياي واقارن الاسعار!!

ريلي يقولي نطري لين انشوف الفيزا..بس ابي اعرف من الحين عشان اسوي حساباتي؟؟؟

ومشكوووووووووووووره