دوانية المسافرين بصيــف 2008 خلونا نتبادل الافكار حياكم الله

[ام عبوودي]

يعطيج العافية بنت شربت والله شوقتينا على استراليا بس تصلح حق ياهل عمره سنة

 

[lolo77]

احنا انشالله هالسنه امفكرين نروح استراليا

رحت لها شهر العسل واي تهبل تهبل اشوي عليها

والحين ولدي العود ين عليها يقول يالله متى نروح

الحين صورنا وبانتظار ابونا يسويلتا الفيزا

وقاعد يشوف طيران زين وارخيص
والفنادق طبعا شغلنا كله عالنت

بس المشكله ان صار عندي 3 يهال والصغيره سنه وشهرين

الله يعيني عليها وعلى اخوها الاكبر اللي عمره 4ونص حنان وما يحب الطباره

بس ولدي الكبير اسم الله عليه شاطر وخوش ولد ويحب الطياره

ودي اعيد ايام شهر العسل بس هالمره مع اليهال
هههههههه

 

[عروس الدنيا]

لولو الله يابج لي ...... دام ان اسرتج تقريبا نفس اسرتي .....ابيج تقولين تتوقعين جم بتكلفكم السفره ؟
تذاكركم و الفنادق و الاماكن السياحيه و الاكل ... يعني بشكل عام .... بصراحه في ناس عطوني سعر و ناس دبل و انا ضايعه

 

[bnt q8 in usa]

شلونكم بنات شخباركم بنت عبدالغني شلونج انا بما انه ريلي عند شغل ف اجازتي بس بتكون 11 يوم وراح اروح فيها انشالله ماليزيا وين الاماكن الحلوه فيها وخاصه طبيعه والاهم الاسوقه ومشكوره حبيبه بنت شربتتتتتتتتت خوش موضوع ومفيد

 

[Nonoo]

انشالله بنروح لندن كالعاده كل سنه نقول خلاص اخر مره ومردهم امي وابوي لها بس بتنحر ونروح باريس بالقطار ولا بقعد بديرتي ابركلي

 

[@ أم الحلوين @]

السلام للجميع ...:68_asmilies-com:

انا ودى أسافر قروبات بس رجلى رافظ فكر القروبات ليش لانه مايعرف اللغه الانجليزيه يخاف يتوهق
انا اللغه عندي نص ونص يعني مو واجد .ابي احسن اقروب وسفريات حلوه علشان احن عليه في الفترا هذى
ودى اسافر قروووووووب!​

 

[أرنوبهـ]

ام الحلوين هم انا نفس الحالة ودي في قروب

يالله خلينا ندور على قروب حلووو

انتي وين ناويه تسافرين؟؟ انا بخاطري لاستراليا

والصراحة جربت القروب وناسه وناسه وغير ان الاسعار اوفر بتكون وبعدين أمان معاهم

بنات ساعدونا شنو احسن سفريات للقروب؟؟؟

 

[rawona]

هالسنة ان شالله بسافر مع ريلي اول سفره لنا مع بعض من عقب شهر العسل السنه اللي طافت

بس ما قررنا دشيت آخذ منكم افكار مفكرين بايطاليا واسبانيا وريلي وده بامريكا شجعتوني لها

وتايلند وماليزيا حلوة بعد حمولتي الصيف اللي طاف توهم رادين منهم ويمدحونهم بس ماودي بدول آسيوية

شرايكم؟؟ اللي عندها خبره بالسفر تقولي لاني بصراحه ما عندي خبرة بالسفر كلش

وجم تكاليف سفرة امريكا لشخصين من ثلاث اسابيع لي شهر ؟؟


كثرت اسأله ادري بس سوري محتارة

السلام ..


حبيبتي انا توني حاجزه حق حماي ومرته بيسافروون ويانا امريكا وبيقعدون 26 يوم في اورلاندو

كلفتهم السفره تذاكر + تذاكر داخليه + اقامه في شقه فندقيه في منتجع + سياره = 1800 دينار تقريبا اذا مو اقل اشوي ..

موفقه واي استفسار انا حاضره


:tek:​

 

[rawona]

بنت شربت .. الحين وين قررتي تسافرين انشالله؟؟

وترى انا نفسج كنت اسافر اخر 8 عن زحمة الناس بس ديري بالج هالسنه رمضان مجدم اول 9 علشان تعملين احسابج بالرده


:eh_s(8):​

 

[@ أم الحلوين @]

ام الحلوين هم انا نفس الحالة ودي في قروب

يالله خلينا ندور على قروب حلووو

انتي وين ناويه تسافرين؟؟ انا بخاطري لاستراليا

والصراحة جربت القروب وناسه وناسه وغير ان الاسعار اوفر بتكون وبعدين أمان معاهم

بنات ساعدونا شنو احسن سفريات للقروب؟؟؟

ارنوبهـ اشلونج :

ودى اروح حق اكثر من دوله عندج مثل( النمسا وزلمسي وميونج واستراليا وألمانيا .... )
بس مثل ماقلت أشلون اقنع زوجي ....._03BA:​

 

[@ أم الحلوين @]

السلام ..


حبيبتي انا توني حاجزه حق حماي ومرته بيسافروون ويانا امريكا وبيقعدون 26 يوم في اورلاندو

كلفتهم السفره تذاكر + تذاكر داخليه + اقامه في شقه فندقيه في منتجع + سياره = 1800 دينار تقريبا اذا مو اقل اشوي ..

موفقه واي استفسار انا حاضره


:tek:​

rawonaاشلونج :
ابي اسئلج التذاكر هذي حق الصيف !! تكون ببلاش او في اى شهر ؟
وشكرا ​

 

[rawona]

rawonaاشلونج :
ابي اسئلج التذاكر هذي حق الصيف !! تكون ببلاش او في اى شهر ؟
وشكرا ​

هلا حبوبه ..

هذا مو سعر التذاكر بس لا التذاكر (مع الداخلي) + شقه فندقيه بمنتجع حلو تتكون من غرفة نوم ومطبخ مجهز كامل وحمام فيه جاكوزي وقنفه بالصالة تصير سرير وفيها غسالة ونشافه اوتومتك + سياره


انا حاجزه هالصيف مع ريلي واعيالي 2 (4 سنوات - وسنه و1/2 ) التذاكر +نفس الشقه اللي فوق + السياره لمدة 26 يوم ب 2180 دينار

واذا حابة تشوفين صور المنتجع وتعرفين اكثر عن سفرتي حياج الله بموضوعي (سفرتي لاورلاندو) راح تلاقينه مثبت بالدول الاجنبيه وقوليلي رايج .. :eh_s(8):


اي على فكره اذا تبيني اسويلج باكيج حلو ما عندي مانع احجزلج بس اخذ عموله :sfg:


لوووول غشمره :tek:​

 

[rawona]

نسيت اقولج حبوبه ..

السفره باذن الله تعالى هالصيف بتاريخ 25/7/2008 الى 21/8/2008

ونفس الشي حماي ومرته بيوون ويانا ..


:tek:​

 

[lolo77]

لولو الله يابج لي ...... دام ان اسرتج تقريبا نفس اسرتي .....ابيج تقولين تتوقعين جم بتكلفكم السفره ؟
تذاكركم و الفنادق و الاماكن السياحيه و الاكل ... يعني بشكل عام .... بصراحه في ناس عطوني سعر و ناس دبل و انا ضايعه

عروس الحزنن

شخبارج اقولج للحين زوجي قاعد يدور ويدور الارخص بصراحه
في طيران الاتحاد
طيران الاماراتيه
طيران السنغافوريه

وشكلنا بنروح على الاتحاد
حسبنا تذاكرنا بس تقريا طلع 1600دينار حنا اثنين كبار واثنين اصغار وبنتي سنه
وطبعا الفيزا راح تطلع تقريبا 100دينار لنا كلنا
يعني صار المجموع 1700
والسكن حسب جم ليله تبون تقعدون والفندق جم نجمة
تقريبا يطلع السكن اللي حسبنالنا على 15يوم 600دينار
يعني صار 2300تذاكر واقامة

الحين تحسبين الاماكن السياحيه والاكل والمواصلات والمشترى عاد انتي وطريقتج
بصراحه كل شي غالي هناك

يعني تقريبا راح يكلفنا بحدود 3500دينار

والله الموفق
انا ما احاتي غير اليهال بالطيارة

واسفة اذاا طولت عليكم

 

[الحلا لبنت عطاا]

يسلمووو

 

[tolip2tolip]

ودي اسافر بس ما ادري وين بس جني بخليج تحجزيلي بروح معاكم ((رزه ويي ) )) rawona

 

[irresistible]

انا بسافر مكان ما راح يخطر علي بال احد بروووووح الكويت احد فكر يقعد بالعطلة بس انا

 

[rawona]

ودي اسافر بس ما ادري وين بس جني بخليج تحجزيلي بروح معاكم ((رزه ويي ) )) rawona

حياج الله حبويه ..


انا للحين بيروحون وياي عايلتين والعايلة الثالثة بالطريج من شافوا صوري والاغراض اللي اشتريها كل سنه من اهناك واسعار باكيجاتي الحلوه "احم احم" واهم ما صدقوا خبر يابوا جوازاتهم وقالولي يالله حجزيلنا وحجزتلهم

يالله منو بعد بيروح ويانا شكلها الطياره بتنترس كويتيين :dddds:


حياكم يا كويتيات :tek:

​

 

[rawona]

انا بسافر مكان ما راح يخطر علي بال احد بروووووح الكويت احد فكر يقعد بالعطلة بس انا

يوم كنت متغربه نفسج كنت اعطل بالكويت


حياج الله :tek:​

 

[MyLittleBerry]

انا بخاطري امريكا بس شهر 10 اجازتي

روانا انا عايلتي نفسح ماشاءالله بنتي 4 سنوات وولدي سنه 10 شهور بس قوليلي السفره جم ساعه

ورحتي والت دزني ويونيفرسال وسي وورلد

وااااااااي مشتاقتلهم