_03ba: ديروا بالكم 
لووووووووووووووووووول يا الخبله امي من مساع تقولج مو راضين 
السلام عليكم ورحمة الله وبركاته
اشلونكم بنات
عساكم بخير
وان شاء الله ايامكم فرح وسرور قولوا آمين
ويارب كل وحده منا تحصل زوج صالح مؤمن تقي
انا هالايام رافعة شعار >> ماكو رياييل
وشفت بنات رافعين نفس شعاري
:eh_s(1):
بنات انا عندي اسئلة سنعة وان شاء الله تفيدكم
انا مواعده يا بختي وكندية بس مالقيت موضوعهم اليديد قلت احطه هني لاني تاخرت وبعدين ارجع اكتب في الموضوع اليديد
+++++++++++++++++++++++++++
أفضل شي
تقابلون ام الولد : امه تقعد مع امج ومعاج وعادي لو يابت خواته هم احسن عشان تشوفينهم شلون يتحجون شيسوون .. وياما بتشوفون ,,
عقب ماتتفقون وماتشوفين عليهم شي طلبي تشوفين الولد ...
.+.+.+.
ممكن الوالد يقعد مع الصبي اول شي وممكن انتي تشوفينه قبل الوالد على حسب طريقتكم ..
.+.+.+.
أول شي
الأسئلة الي امج لازم تسألها بالتلفون قبل لا تجيكم المرأة الي بتخطب ::
بسم الله الرحمن الرحيم
1- اسم عائلة الام وعائلة ابو الولد
ليش ؟؟ علشان تسألون عنهم عدل وما يجذبون عليكم ... مو شرط كل الناس تجذب بس في ناس تحب تخش وتبيكم تقولون كل شي مادري شنو الحكمة .. المهم تاخذون منهم الاسم لزوم المعرفة لان راح تصيرون اهل اذا صار نصيب
2- شنو يشتغل وشنو شهادته؟
ليش هالسؤال؟؟ هم علشان تعرفين اهوا شنو مثلا اذا انتي جامعية واهوا متوسط او ثنوي وماتبين واحد ماعنده شهادة يتوكل على الله ... واذا صار وقابلوتهم وسالتوا عنه تعرفون فعلا هذي شهادة او لا ,, وهم يساعدكم هالشي ان تسالون عنه في المكان الي درس فيه او في شغله...
3- طريقتكم بالخطبة :: مثلا , انا اقول حق امي عقب ماصار فيني موقف من اول ناس خطبوني , زيادة على اربع اشخاص مابي مو تيلي وحده يايبه عايلتها كلها ويمصخروني :eh_s(14): معن الي يولي كانوا 3 بس شنو من 3 , هذا كمثال لا تاخذونه على محمل الجد يمكن انتوا غير عني
او :: تقولون احنا نبي نقعد مع الام والخوات قبل لا نييب الولد والولد ايي عقب مانتفق ونسولف ونشوف رايكم فينا وراينا فيكم
يمكن ماتعجبكم بنتنا او مايناسبها ولدكم ..
يعني من هالحجي
4- العمر
5- الطول
اذا في شي تذكرته بعد بكتبه لكم :tek:
====================
نطوا اللسته الثانية
شنو تسالين الي ياي يخطبج
لوووووووووووووووووووووووووووووووووووووووووووووووووووووول والله بنات صار لي ساعتين و انا اقرا و اخيرا خلصته !! 47 صفحه لووووووووووووووووووووووووووووووول اكثر واحد حبيته اللي شال ماعون المكسرات معاه لوووووووووووووووووووووووووووووووول
انا بصراحه امي ما تخلي احد يدخل بيتنا الا سائله عن اهل اهل اهل اهل اهل اهل قبيلته
وكل الناس مو عاجبينها ياربي
بس لها حق صراحه
بس والله ودي اقعد مع هذا الغفله ماادري شنو سميتووه
مشكوره وايد على الموضوع الحلوو و ماقصرتي
تخيلي عندي امتحان و كله منكم لي اللحين قاعده و لا درست :'(
وايييييييييي ذكرتوني مره كنت رايحه عرس مع امي و اختي و كنت قاعده ارقص شوي ولااتيي مره كبيره عند امي
و تقولها انا عندي ولد عمره 34 و منصبه زين و اسمه بدر << انزين شكو بأسمه
قالت لها امي بنتي صغيره عمرها 19 قالت عطيني رقمج ندق عليكم و نتفاهم
ددقت بعد يومين تخيلي تقول حق امي بنتج دشت بحاطري و ابيها امي تقول لها ماكو نصيب توها صغيره تبي تكمل دراستها جان تقووول تره احنا بيتنا في المنطقه الفلانيه و عندنا بالسرداب غرفه كلها العاب حق اليهال !!! لوووووووووووووووووووووووووووووول يعني شنو تبيني العب فيها مثلا ؟ لووووووووول و بعدين لما شافت انه مافي أمل من امي جان تقول ايي اقولج تره بنتج صغيره ليش تبين تزوجينها ؟
و ان شاء الله اذا تذكرت اقول لكم
هالموضوع من احب المواضيع بالنسبه لي
كل مايضيق خلقي ادش اقرا شوي افرفش
يستحق التثبيت ومن زمان نيتي اثبته بس نتيجه ظروف المت بي تاخر الموضوع
