سادوني يا اهل الذوق

[ريماس لكويت]

السلام عليكم شلونك وشخباركم

ابي منكم مساعده بسيطه حق الولادة بغيت احد يساعدني ويرشدني او يعطيني افكار حلوه حق

الاسقبال

الولادة من -الى وهذا اول بيبي لي وموعارفه شي ابي شي راقي وبنفس الوقت ناعم وياريت اذا عندكم

صور توروني او اي مصممة كويتيه تساعدني في هذا الشي او تعطوني افكاركم او افكار سويتوها وحلوه

ويعطيكم العافية ونردها لكم بالافراح​

 

[بنات حواء2]

هلا و الله حبيبتي شنو تبين قوليلي و انا اقولج من الالف لي الياء حبيبتي

 

[بنات حواء2]

حبيبتي اول شي لازم تفكرين بلون مميز للكفر و ابتعدي عن الوان الاوفوايت و الابيض لأنه وايد سوو منهم و صارت موضه قديمه فكري بالوان غريبه و حلوه محد مسويها
و بعدين فكري بالتوزيعات شنو تبين تسوين تبين تسوين ككاو بس او بتضيفنله شي ثاني انا سويت ماي زمزم و حطيته بعلب راقيه و زنته بورد نفس لون كفري و صفيته مع الككاو على ستاند غريب اشوي و طلع روعه و الككاو غلفته بطريقه غريبه و حطيت عليه شغلات روعه
بعدين فكري من وين تبين تاخذين الككاو انا خيته من مصنع وايد لذيذ و فرش و اصلن الكاو بلجيكي بس يصنعونه بالكويت
و بعدين فكري بالتقديم مثل الشكر شنو تبينه مغلف او عادي و طبعن لازم تراعين بالشكر لون الاستكانات انا استكاناتي كانو نفس لون كفري معنه لونه صعب بس افترينه لين حصلنه نفس اللون و نفس الشي بنسبه للقلاصات
الفناييل انا خذيت فناييل ايطاليه بسكوت و ككاو
و تقدرين تسوين قراش ماي لقاح و سكر نبات هسوالف و انشاله اكون فدتج يا حياتي

 

[بمبرة]

:klhfl:حياتي عسى الله يهون عليج اولا
ثانيا في وحدة تسوي حق الاستقبال من الاف الى الياء وعلى حسب ميزانيتج
دقي عليها وافتكي
(منى 9601088)

 

[cat^q8]

الله يهون عليج انشالله ،

الخطوة الأولى اهم شي تبدين فيه تشوفين وين بتولدين علشان تشوفين الغرفة اي لون وتختارين لون كفرج وقميصج عليها ،

الخطوة الثانية تدورين لج استكانات و فناييل حلوة

الخطوة الثالثة تفترين تدورين حلويات حق القهوه فناتق و تشوفين شلون تبين تقدمينها ( انا باستقبالي الللي طاف حطيتهم

على أرفف زجاج وفوقهم مفارش عنابية و بعدين اواني فضة كبار ) وصفيتهم على بوفيه عند الباب علشان بطريج اللي يطلع

الخطوة الرابعة انشالله تكونين واصله السادس تعرفين اذا بنت ولا ولد وتجهزين التوزيعات واللون اللي يناسبج .

الحين خلصتي الكفر و الاستكانات و الحلويات والتوزيعات

الخطوة الخامسة اللي اهيه الكماليات مثل اذا بتحطين غراش زعفران وماي لقاح وشكر التقديم وهالسوالف اللي هابين فيها

عندج وحده نكها الكاتبة تلقينها بالمنتدى شغلها روعة وأسعارعا مناسبة

والله يهون علينا وعليج انشالله

 

[ريماس لكويت]

يعطيكم العافيه كلكم علي ردودكم

 

[ريماس لكويت]

انا فيني ولد والولادة بمستشفي المواساة انشا الله انا شفت الغرفه وايد روعة ومادري شفتوها ولا لاء اهي القولد اعلا شي التوب عندهم وقالولي سوي لون الجاي حليب او افوايت بذهبي لان يقولون احلا شي وانا رحت استقبال اهل زوجي كذا استقبال وكانت ولادتهم اصبيان كانو مسوين ازرف بذهبي او بيج ماحبيت اقلدهم

 

[دلوشه]

انا توني والده وباستقبالي وزعت عطور على اسم البيبي والكل انهبل على ريحته و ما كلفني شي..

واذا تبين اصور لج شكل العطر

 

[ريماس لكويت]

انا توني والده وباستقبالي وزعت عطور على اسم البيبي والكل انهبل على ريحته و ما كلفني شي..

واذا تبين اصور لج شكل العطر

ياريت والله تصوريلي اياه واذا مافيها كلافه جم طلع عليج وجم حبه سويتي؟

 

[ريماس لكويت]

عاد تصدقين مفكره اني اسوي دهن عود كهديه مع علب كشخه

 

[بنات حواء2]

و الله انصحكم سوو ماي زمزم و حطو عليه ادعيه احسن و ابرك انا سويته بعلب وايد طلعوا حلوين يهبلون اصورهم و اقولكم

 

[بنات حواء2]

يبتلكم صور افكار للتوزيعات شوفوها و حاولوا تيمعون الافكار بفكره وحده
يعني الحين الصور الي بتشوفينهم يمكن ماتعجبج كل شي فيها يمكن جزء منها انتي شتسوين اخذي فكره من كل صوره تعجبج و ركبيها على شي واحد يطلع شي حلو و مميز

 

[ريماس لكويت]

خلينا نشوف لصور يمكن ناخذ بعد فكره؟

 

[بنات حواء2]

 

[بنات حواء2]

 

[بنات حواء2]

 

[بنات حواء2]

 

[بنات حواء2]

هذي الكرستالات يحطونهم بعلب الككاو و شكلهم ناعم و حلو

 

[بنات حواء2]

و هذي هديه حق مولود وايد ناعمه و شكلها حلو

 

[بنات حواء2]