شرح لحفلة أختي

[alhayen]

قوة بنات شلونكم

العروض التجارية من حق سيدات الاعمال فقط

وخالأقول لكم شلون دخلة اختي كانت ... دخلت اول مرة << ليش هو في مرة ثانية ؟!

اي دخلت مرتين .. المرة الأولى دخلت لابسة تنورة بف وااايد نافشة ستايل الفكتوريان كانت مأجرتها واول شي دخلوا معاها وصيفات بنتين كبر بعض (18سنة) لابسين فساتين نافشة وطويلة من ورا والوانها كانت بين الاوف وايت والذهبي والبرونز دخلوا اول شي البنات كم خطوة لجدام وبعدين وقفوا والتفتوا على العروس وبعدها اهي دخلت على موسيقى كلاسيكية (فالس) وبعدين اختي عدتهم وبعدها اهم مشوا وراها بخطوات منتظمة لغاية ما وصلت للكوشة صعدت صعدوا معاها وحدة على يمينها و وحده على يسارها وصوروا معاها وبعدين انزلوا ورقصوا رقصة خاصة لهم وبعدين قعدوا شوي بالبدلات وراحوا بدلوا بدلاتهم ... واختي قعدت معانا وصوروا معاها الكل واستانست معانا من اول الحفلة تقريبا ولما اتصلوا وقالوا المعرس بيوصل بعد ساعة الا ربع تقريبا قامت اختي على اغنية وجنها ترقص و سلمت على الحريم الكبار واهي اللي طالعة حتى محد لاحظ خروجها وراحت فوق ويتها اللي تسوي لها التسريحة ( راضية ) << شغلها حلو .. وعلى فكرة اللي سوت لها الميك اب ( منيرة الفرج ) .. المهم اصعدت وبدلت والبست البدلة البيضا غيرت تسريحتها واقعدت تنطر فوق لغاية ما يه المعرس وقلنا للناس المعرس بيدخل تغطوا والبعض كان مستغرب شلون يدخل والعروس مو موجودة ..؟؟ المهم دخل المعرس وقعد على الكوشة وصوروا معاه اهله وامي بعد بس انا لأ ... اكيد لأ :dddds:وبعد شوي الا قالوا بتدخل العروس ... وغنى الردهان هب السعد لاختي واهي تمشي بتمايل ودلع :ggdw:والمعرس يطالعها ومافي احد واقف يمها دخلتها كانت روعة ولما اوصلت الكوشة قام المعرس ونزل من الكوشة واخذ ايدها وصعدوا الكوشة ولما راحوا يقصون الكيكة الكل ماكان متوقع الكيكة وين تصدقون كانت بالكوشة بس ماتبين علبالهم ديكور مع الكوشة لأنه مسوينها نفس ديكور الكوشة وراحوا على جنب الكوشة وقصوا الكيكة والكل كان يشوف لأنهم كانوا مرتفعين لأنه تدرون الكوشة اعلى من مستوى الارض .. وبعدها ارقصت اختي على اغنية تمنيت غناها الردهان وذكر اسمها واسم المعرس وبعدها طلعوا وقعدنا لغاية الساعة 4 الفجر _03BA: اي ماقلت لكم العرس كان بالراية ..
نسيت اقول لكم على البوفيه .. احنا طلبنا البوفيه يكون بالصالة اخر الصالة لأنه ماخذين الصالة كلها والحلويات كانت برا الصالة بالاستقبال .. كنا حاطين 3 سيكشن .. باستا وايس كريم ونسيت شنو الثالث!! وفتحنا البوفيه من الساعة 10:30 ودخل المعرس على الساعة 11 .. وكنا حاطين طاولات .. يعني على دخلت المعرس تدرون الكل قاعد ومافي احد يرقص الا اهله القربين حيل وطبعا ماحبينه الناس يقعدون جذيه الكل اخذ صحنه وقعد مكانه وشافوا دخلت المعرس والكل كانت عاجبته الطريقة .. وطلعوا المعاريس على الساعة 12 وبعدها اللي راحوا قليلين الكل استانس .. واغلبهم اقعدوا لغاية الساعة 2 ..
مميزات العرس :
1.العروس دخلت مبجر واستانست معانا
2.العشا مو متأخر وعلى دخلت المعرس علشان محد يروح مو متعشي ومايصير زحمة يعني البوفيه انفتح من الـ10:30 لغاية الساعة 3 الفجر والأكل كل ماخلص يابوا غيره
3.دخول المعرس قبل العروس علشان يشوف زهوتها مو بس المعازيم
4.اغلب الناس اذا شافوا المعرس اطلعوا لكن بعرس اختي الناس ماطلعت الا لما شافوا العروس داخلة واهي ادخلت على الساعة 11:15 واللي طلع بعدها طلع مستانس شافوا المعرس والعروس وتعشوا ورقصوا
5.كسر الروتين اللي بحفلات العروس ..

على الطاولات كنا حاطين صواني فضة عليها الحلو وشمعدانات منسقين عليها ورد وجدام كل وحدة علبة كلنكس صغيرة مطبوع عليها عايلتنا وعايلة المعرس وبراويز احنا مسوينها كاتبين عليها برنامج الحفل ( الساعة الفلانية دخلة العروس , الساعة الفلانية البوفيه ... الخ )


شرايكم بنات .. ابيييه طولت عليكم وايد ادر ي اسفة حبايبي

فتكم بعافية :eh_s(8):

​

 

[تمبوشا]

رد: فستانين زفاف مقاس 44و48 وشرح لحفلة أختي

الله يوفقها ويهنيها .....

كل شي اوكي
بس جنها قويه اختج ترقص ؟؟؟؟؟
يعني حلاتها العروس بحياها وربكتها

مادري يمكن عادي عند ناس بس احنا nooooooooooooooooooo wayyyyyyyyyyyyyyyyy مع ان حتى الحضر اعرفهم مايرقصون بعرسهم

وجهه نظري حبوبه لاتزعلين

 

[alhayen]

رد: فستانين زفاف مقاس 44و48 وشرح لحفلة أختي

الله يوفقها ويهنيها .....

كل شي اوكي
بس جنها قويه اختج ترقص ؟؟؟؟؟
يعني حلاتها العروس بحياها وربكتها

مادري يمكن عادي عند ناس بس احنا nooooooooooooooooooo wayyyyyyyyyyyyyyyyy مع ان حتى الحضر اعرفهم مايرقصون بعرسهم

وجهه نظري حبوبه لاتزعلين

احترم وجهة نظرج ..

لكن انا اغلب العروس اللي رحت لها العروس ترقص واضن انتي بدوية .. وترى حتى احنا اصلنا بدو لكن عاداتنا مو عادات البدو .. بس اضن الرقص ما يقلل من حيا العروس والربكة هذا يعتمد على الوحدة يعني مو شرط عروس حتى وحدة معزومة لو يغصبونها ترقص ممكن ترتبك وتطيح بعد لووول .. المهم وجهة نظرج لكن عادي حبيبتي وايد عرايس يرقصون عاد الله والرقص تمشي مشي ولا جنها ترقص .. وانا بعد بعرسي رقصت وانا اللي طالبه بعد << ياويلي ويلا ذي البنت ماتستحي خخخخخخ
انا اموت بالرقص وبعرسي رقصت على اغنية ليلة لو باقي ليله وزوجي يصفق لي ويقول حق امه خالأقوم ارقص معاها لوووووووووووول بدع ريلي لكن كانت الميانة طايحه .. اي وعلى فكرة اختي ملجت قبل عرسها بكم شهر وكانت تطلع مع زوجها يجهزون الشقة يعني افسخة الحيا اختي يوم العرس خخخخخخخخ
لا اتغشمر لكن الميانة طاحت عادي .. اي وخالاقول لج شي زوج اختي بدوي جهراوي بعد واهله بدو اصل وطبع لكن استانسوا على اختي لما رقصت يحليلهم يحبونها وايد واحنا بعد نحبهم ناس ينحطون على الجرح يبرا ..

اي على فكرة ترى احنا من قبيلة معروفة يعني اخاف تقولين هذول بدو اي كلام علشان جذي عادي عندهم ..
يعني ياقلبي يمكن انتوا وجماعتكم عندكم هالشي كبير وكل عايلة على حسب وجهة نظرها وهم نحترمها طبعا لكن مانقدر نقول انه الناس اللي مايسون مثلنا ماعندهم حيا صح وا لأ ..

على العموم شرفتي الموضوع ومشكوورة حبوبة ..

​

 

[تمبوشا]

رد: فستانين زفاف مقاس 44و48 وشرح لحفلة أختي

لاماراح اقول اي بدويه اي كلام اكيييييييييييييييد دام هالاسلوب الراقي لازم تكونين بنت ناس اصيله سواء بدويه او حضريه على راسي

خلاص اي عرس قريب منكم عزميني بخاطري اشوف عروس ترقص
لان ولا مره حضرت عرس لابدو ولاحضر ترقص العروس

 

[@غالية@]

رد: فستانين زفاف مقاس 44و48 وشرح لحفلة أختي

الله وناسه حلوه دخلت اختج مثل الاجانب احس ان العرس كان راقي ليش ما عزمتيني :eh_s(11): والفساتين عرايس ممكن ادزيلي على الخاص صورهم اختي ادور فستان راقي ​

 

[alhayen]

رد: فستانين زفاف مقاس 44و48 وشرح لحفلة أختي

لاماراح اقول اي بدويه اي كلام اكيييييييييييييييد دام هالاسلوب الراقي لازم تكونين بنت ناس اصيله سواء بدويه او حضريه على راسي

خلاص اي عرس قريب منكم عزميني بخاطري اشوف عروس ترقص
لان ولا مره حضرت عرس لابدو ولاحضر ترقص العروس

ولا يهمج بس ادري ان العروس بترقص بعزمج حتى لو بنت يرانه لووووول تخيلي اسأل العروس بترقصين بعرسج اذا بترقصين قوليلي علشان في ناس يبون يشوفون عروس ترقص والله لو اقول لها جذي ماراح تعزمني حتى انا بتقول شنو انا طماشة .. :eh_s(1):

على العموم يا قلبي بعزمج عندي على يوم شاي ضحى واوريج شريط عرس اختي شرايج

لا تسمعني اختي :dddds: ....

شوفي في عندنا عرس قريب بعد اسبوعين تقريبا لكن عروسنا موراضية ترقص وامها تقول لي مالج شغل بقومها شكل البنت من تقوم بيغمى عليها لوووووووووول لأنها اصلا حتى بالعروس والحفلات ماعمرها ارقصت فتخيلي امها بتقومها واهي على الكوشة​

 

[أم حمني المزيون]

رد: فستانين زفاف مقاس 44و48 وشرح لحفلة أختي

والله سالفة المعرس يدخل قبل العروس اعجبتني وايد صج يشوفها ويشوف نفنوفها عدل مو لما يدش تكون متغطيه لين يطلعون الريايل اللي بالزفة يالله تشيل حجابها ...ولا بعدها تكون قاعدة يعني حتى لبسها ما شافه عدل...!!!!!
انتوا جذيييييييه:rerrerek::rerrerek::rerrerek:
الله يهنيها ان شاء الله

 

[الفرج مني قريب]

رد: فستانين زفاف مقاس 44و48 وشرح لحفلة أختي

السلام عليكم و رحمة الله و بركاته،،،،
مبرووووكين و عسى الله يوفجها و يرزقها الذرية الصالحه..............بارك الله لها و بارك عليها و جمع بينهما في خير

 

[alhayen]

رد: فستانين زفاف مقاس 44و48 وشرح لحفلة أختي

الله وناسه حلوه دخلت اختج مثل الاجانب احس ان العرس كان راقي ليش ما عزمتيني :eh_s(11): والفساتين عرايس ممكن ادزيلي على الخاص صورهم اختي ادور فستان راقي ​

ميخالف حبوبة مسحيها بويهي لأني ماعزمتج ... خلاص اذا صار عرس ولدي او بنتي واحنا من الحييين اعزمج ....

ان شاء الله احاول ادز لج الصور لأنها مو عندي احاول اخذهم من اختي وارسلهم لج ...

وفكرة دخلت اختي انا اللي مفكره فيها وسمعت بعد عرس اختي انه في بنات دخلوا قبل المعرس لكن سالفة الوصيفات ماسمعت احد مسويها مو معناته ان محد سواها الا احنا .. لا يمكن احد مسويها لكن للحين ما سمعت .. واذا تبين اي مساعدة حق حفلة اختج او اي فنتق اقدر فكر لج واقول لج بس يعتمد على مكان الحفلة بيت ولا صالة ولا فندق ..

مشكوورة حبوبة على مشاركتج :eh_s(8):​

 

[alhayen]

رد: فستانين زفاف مقاس 44و48 وشرح لحفلة أختي

والله سالفة المعرس يدخل قبل العروس اعجبتني وايد صج يشوفها ويشوف نفنوفها عدل مو لما يدش تكون متغطيه لين يطلعون الريايل اللي بالزفة يالله تشيل حجابها ...ولا بعدها تكون قاعدة يعني حتى لبسها ما شافه عدل...!!!!!
انتوا جذيييييييه:rerrerek::rerrerek::rerrerek:
الله يهنيها ان شاء الله

بالضبط هذا اللي كنت افكر فيه كنت ابي اختي لما تدخل يشوف دخلتها اهم شخص بالحفلة اللي اهي مسويه كل هلشي علشانه ... وفعلا انجحت الفكرة وهم طريقته بدون محد يقول له انه نزل لها من الكوشة ومسك ايدها وصعدوا مع بعض عاد هالشي انا مافكرت فيه هالشي من نفسه ومحد وقف يمها او مسك بدلتها او غطى على التصوير صراحة للحين الناس يمدحون بالحفلة والتنظيم اللي كان فيها وانا اختها الوحيدة يعني انا اللي كليتها لا رقص عدل رقصت << تمووووت على الرقص :ggdw: ولا قعدت راحة تعبت تعب يومها بس الحمدلله كل شي كان مثل ماخططنا له ..واختي تستاهل ..

مشكورة على دعوتج الحلوة ...ومرورج الأحلى ....:eh_s(8):​

 

[alhayen]

رد: فستانين زفاف مقاس 44و48 وشرح لحفلة أختي

السلام عليكم و رحمة الله و بركاته،،،،
مبرووووكين و عسى الله يوفجها و يرزقها الذرية الصالحه..............بارك الله لها و بارك عليها و جمع بينهما في خير

جزاج الله خير .. مشكوورة يا قلبي والله يوفقج ويزيدج من نعيمه ..

تسلمين على المرور الراقي .. :eh_s(8):​

 

[yam_yam]

رد: فستانين زفاف مقاس 44و48 وشرح لحفلة أختي

الله يوفقها يارب
و فكرتكم حلوة
مع ان افضل ان المعرس يدخل و يلقاها على الكوشة احلى حقها
لكن على قولتج ملينا خل نكسر الروتين شوي ههههههههههههه

و يكفي عرسكم بالراية القاعة و العشا يهبلون

موفقة ياقلبي

 

[alhayen]

رد: فستانين زفاف مقاس 44و48 وشرح لحفلة أختي

الله يوفقها يارب
و فكرتكم حلوة
مع ان افضل ان المعرس يدخل و يلقاها على الكوشة احلى حقها
لكن على قولتج ملينا خل نكسر الروتين شوي ههههههههههههه

و يكفي عرسكم بالراية القاعة و العشا يهبلون

موفقة ياقلبي

هلا بـ yam_yam نورتي الموضوع وماشالله بدلج وايد حلوة الله يوفقج ..

والله يا قلبي بالعكس افضل انه اهو اللي يكون بالكوشة والعروس زافينها له .. شخانت العروس قاعدة مكمكمه والمعرس يدخل لا هو اللي شاف العروس بدخلتها ولا اهي اللي شافت المعرس بدخلته .. ومثل ماقلتي كسر للروتين ..
وبالنهاية انا اهم شي عندي العروس والمعرس والمعازيم بعدهم لانه هالليلة ليلتهم والمعازيم مكملين للحفلة .. ​

 

[yam_yam]

رد: فستانين زفاف مقاس 44و48 وشرح لحفلة أختي

هلا بـ yam_yam نورتي الموضوع وماشالله بدلج وايد حلوة الله يوفقج ..

والله يا قلبي بالعكس افضل انه اهو اللي يكون بالكوشة والعروس زافينها له .. شخانت العروس قاعدة مكمكمه والمعرس يدخل لا هو اللي شاف العروس بدخلتها ولا اهي اللي شافت المعرس بدخلته .. ومثل ماقلتي كسر للروتين ..
وبالنهاية انا اهم شي عندي العروس والمعرس والمعازيم بعدهم لانه هالليلة ليلتهم والمعازيم مكملين للحفلة .. ​

على قولتج بس حلوة فكرتكم

 

[شهد العتيبي]

رد: فستانين زفاف مقاس 44و48 وشرح لحفلة أختي

حياتي لو تكرمتي فديتج دزيلي صور النفاانيف بالخاص انا ابي اشووفهم لان عرسي قريب ومريت على جم مصمم ماعجبوني ابي واحد ذرب وراقي مالقيت لو سمحتي طرشيييييييييييييييييييييهم


ومشكوره

 

[alhayen]

رد: فستانين زفاف مقاس 44و48 وشرح لحفلة أختي

حياتي لو تكرمتي فديتج دزيلي صور النفاانيف بالخاص انا ابي اشووفهم لان عرسي قريب ومريت على جم مصمم ماعجبوني ابي واحد ذرب وراقي مالقيت لو سمحتي طرشيييييييييييييييييييييهم


ومشكوره

حبوبة شوفي الخاص ​

 

[bronzya_cool]

رد: فستانين زفاف مقاس 44و48 وشرح لحفلة أختي

وناسه احس العرس يشوق وطريقة دخلت اختج حدها اتشوق الله يهنيها يارب ويبعد عنها كل عين انشالله

 

[alhayen]

رد: فستانين زفاف مقاس 44و48 وشرح لحفلة أختي

وناسه احس العرس يشوق وطريقة دخلت اختج حدها اتشوق الله يهنيها يارب ويبعد عنها كل عين انشالله

تسلمين حبيبتي

ومشكورة على مرورج الذوق :eh_s(8):​

 

[shooq_q8]

رد: فستانين زفاف مقاس 44و48 وشرح لحفلة أختي

حياتي لو تكرمتي فديتج دزيلي صور النفاانيف بالخاص ...

و الله يهنيها يارب ويبعد عنها كل عين انشالله

 

[GaZoZiYa]

رد: فستانين زفاف مقاس 44و48 وشرح لحفلة أختي

وناسة انا كنت مفكرة اسوي جذي بعرسي بس مالي خلق انتقادات الناااااس