بنات شلون تقضون وقت فراغكم ؟؟

[اميره بكلمتي]

قوه

تعالوا نتكلم ونسولف شوي عن وقت فراغنا

شنو تسوون بوقت الفراغ عن يومكم واهتماماتكم اليوميه في بعض البنات يقولون ادخل نوادي او يومي كله رايح ع الدوام والنوم او بعضكم متزوجات او اللي مثلي بطاله وناطرين الديوان ??????

انا حاليا مفكره ادخل جيييم وخصوصا اللي 360 مول حيل مدحوه لي بس مشكلته ماكو مسبح ،، وقاعد امشي على نظام يااهتم بنفسي من اسنان او جلديه او ممشى بس هم مرات ازهق او اقرق مع رفيجاتي بالفون ونومتي معفوس صحح ومرات ارتب غرفتي وقاعد اتعلم ع الطبخ خصوصا انه رمضان ع الابواب

قلولنا شنو جدولكم اليومي للفراغ ?

 

[الـكـايـدة]

بالنسبة لي وقت فراغي كله يروح ع الجامعة والنوم ماكو شي يديد الروتين مقلوب فوق حدر

 

[اميره بكلمتي]

بالنسبة لي وقت فراغي كله يروح ع الجامعة والنوم ماكو شي يديد الروتين مقلوب فوق حدر

انا نومي حدث ولاحرج مقلوب من امهه ???

 

[اختكم نونا]

بالنسبة لي موظفة وعندي عيال

وقت فراغي اعدل وارتب بالبيت او اطبخ طبخه مشتهيتها ههههههه

ادري اضحك بس هذا الصج

الود ودي اقرا كتب بس لازم هدوء واليهال من ينامون انا انام وراهم

 

[اميره بكلمتي]

انا مو حييل مع الكتب والطبخ انا اكثثثر شي احبه احط حنه وماسكات وزيوت على شعري او ارتب غرفتي

 

[Happiness_92]

اسألي صديقاتج وأهلج شنو تشوفون فيني شيء يحتاج تغيير في شخصيتي أو في شكلي
واشتغلي على نفسج فيها ..

مثلاً لو قالو عصبية .. أقراي أكثر في كيفية السيطرة على الغضب ..
يعني ابني شخصيتج وحسنيها وطوريها عشان تكونين انسانه بيرفكت في كل شي مظهر ومضمون.


أنا عن نفسي وقتي دراسة ، وابحاث ، وشغل بيت

 

[عالم بلا اسم]

يسلمو
وقت فراغ لا يوجد هذا مصطلح في حياتي لانه حياتي زحمة في زحمة
اللهم بعض الأسابيع في السنة أكون عندي فراغ كبير نفس فترة الحالية هنا استمل من الفراغ فادخل المنتديات اتصفح
اما وقت الجد ما عندي وقت احك حتى راسي

 

[اميره بكلمتي]

اسألي صديقاتج وأهلج شنو تشوفون فيني شيء يحتاج تغيير في شخصيتي أو في شكلي
واشتغلي على نفسج فيها ..

مثلاً لو قالو عصبية .. أقراي أكثر في كيفية السيطرة على الغضب ..
يعني ابني شخصيتج وحسنيها وطوريها عشان تكونين انسانه بيرفكت في كل شي مظهر ومضمون.


أنا عن نفسي وقتي دراسة ، وابحاث ، وشغل بيت

انا موعصبيه

بس نوعيتي مالي شغل احد هذا كلام اللي يعرفني من اهلي ورفيجاتي
يعرفوني وايد اهتم باموور احبها

 

[Kocheko]

انا اربي حيوانات قطاوه وطيوور فوقت فراغي لهم .. اهتم فيهم أسبحهم جذي
والنهار دوام ..

 

[نبض قلبي M]

انا بالنسبة لي ماعندي وقت فراغ نهائي طول اليوم


بصراحه عيالي صغار وعندي دوام وعيالي مشاغبين طوووووول اليوم احوس معاهم

اذ نامو خلاص الشحن عندي يخلص ماقدر اتحرك

 

[سور المدينه]

انا عني احط خلطات بوجهي وزيوت بشعري واسوي رياضه امشي امشي عادي حتى 3 ساعات وبعد اطبخ طبخات واتفنن
واذا لنتي مو موجوده او نايمه اقرأ لاني اموت بالقراءة

 

[بنك بااستا]

حمدالله لا جامعه ولا وظيفه ولا صديقات الشكوي لله

 

[هجرانك]

النوووم ومجابل العيال وطلعات معاهم وحذي

 

[نـعـومـه]

والله كان منتدى كويتيات ماكل نص وقتي وإذا مليت وعندي وقت فراغ ادش المنتدى واحس بعالم ثاني وبصراحه عالم جمييييل بس الحين مع الأسف المنتدى صار مهجووووؤ كئيب والله مادري اذا ابالغ ولالا احس متحسفه عليه

طبعا انا دشيت عرض ههههه

لي عوده

 

[Pinky -cat]

حاليا داشة بفترة صفاء مع نفسي واكتشاف لها
عقب ما خلصت الماجستير من aum ل

بشوف خطتي الثانية بالحياة

 

[نـعـومـه]

بخصوص وقت الفراغ والله ذكرتيني لما تخرجت كنت فاضيه ومادري شسوي

وقت الفراغ

حددي كل يوم تصلين قيام الليل مثلا عقب 12 راحه نفسيه قبل النوم

اشوف انسب شي نادي راح يمشي وقتج ورياضة تستفيدين ومنها تتسلين

وتزورين اهلج رفيجاتج وحده ولدت وحده بعيد الشر مرضت تحضرين هالمناسبات كلها منها توجيب ومنها وقتج يمشي واتحتكين بالناس

وشي حلو العنايه بالأسنان بوقت الفراغ لان الأسنان يبيلها صج مجابل

وسلامتج