دوانيه شلة منتظرات نتيجه عملية اطفال الانابيب والحقن المجهري

[mona777]

غلاتى ان ما حصلتى موعد قريب بلحكومه ارشح د رائده كانت معاى ممتازه
ناهض يمدحونه كثير بس ما جربته

 

[Katkoota85]

مشكوره منمن ياحياتي ماقصرتي ..

ان شاءالله بعيد بإذن الله وابشركم ان شاءالله

والله يخليلج وليدج يارب ويطرح فيه الخير والبركه

 

[غلاتي الكويت]

سلام عليكم
غلاتى الصباح لا يعلى عليه افضل من الخاص بس ما تقدرين تحددين د . طيبه او غيرها كل مراجعه للتبويض دكتور شكل وبلسحب ناس وبلارجاع ناس مختلفه بس للامانه كلهم ممتازين
نجى لكتكوتتنا ما رديتى على شلون تحاليلج خاصه ال اف اس اتش
الاكل يلعب دور كبير في تحين عدد وجوده البويضات تكثرين بروتينات بيض حليب لحوم وخاصه الحمرا وتكثرين شرب ماى من تبدين تنشيط او حتى قبلها وتاخذين رويال جل وفوليك اسيد وعسل واناناس أيام التنشيط والمشي مفيد للدوره الدمويه وقت التنشيط وتقطعين غازيات ووجبات سريعه وفى لبن الكيفر جان سمعتى عنه مفيد لشغلات وايد منها جوده البويضات
وايد داير بلكويت ونا كنت استعمله وقت علاجاتى وبس حملت بولدى وقفت
شوفى من سنين كان في علاج بره الكويت لكن السنوات الاخيره اقتصر العلاج بلخارج على القطاع الخاص داخل الكويت
والأردن ممتازه قريبتى عالجت بلاردن والله رزقها بنتين توم وحملت بعدها مرتين طبيعى يابت ولدين ضاق خلقها بحملها الأخير ما يبى يهال يبيلهم مباراه

شكلي بجرب الصباح هالمره لانه الكيزانية ماتسمح لازم ايمعلي مبلغ فوق انها مكلفه متعبه نفسيا وجسديا يارب تاجرنا وتعوض صبرنا خييير

 

[غلاتي الكويت]

غلاتي وبالنسبه حق دكتور ناهض بالبدايه تروحيله اهوا ويشوفج ويقرر خطة العلاج وبعدين باجي المراجعات كله مع مساعدته دكتوره جيهان اعتقد اسمها . وهو يشوف السونار ويقرر الادويه ويعطونج الوصفه بس ماتشوفينه لانه لاهي طول اليوم عمليات انابيب سحب وارجاع وتلقيح وولادات . انا بالبدايه كنت اعصب واتنرفز اني ليش كله مااشوفه ويعطيني العلاجات بيد السيتر يعني بدون مااكلمه وقلت هذا اكيد نفسيه بس والله لما بيوم الارجاع رحت ابجي وقلتله دكتور مابي ارد الجنين يصير بعدين وريلي كان واقف ومعصب وكنت ابجي عشان انا معاه رايحين متخانقين ولايقولي ليش جان اقوله بس متهاوشه مع زوجي ونفسيتي تعبانه والله هني صج حبيته الدكتور .. لاتشوفين شصار فيه وشلون عصب على ريلي وقام يدافع عني ويحسس زوجي مو عشان انت سليم تتفلسف على مرتك مع اني ماقلتله شالسبب . قاله زوجتك لو تطقك اسكت عنها وتحملها وقدر الحاله اللي اهيا فيها انت لو تاخذ الابر اللي اهيا تاخذهم راح تطيح من طولك ومرتك ترا مافيها شي ومو مرضها سبب تاخر الانجاب ترا اغلب الحريم فيهم ( بين قوسين المرض السبب بس الدكتور يرفعلي ) هههههه وقاله طلعها وعشيها عقب تعالوا باجر ارجع الجنين اذا نفسيتها مو زينه مو حلو اني ارجع الجنين واذا ماحملت راح تشيل الذنب طول عمرك ولما رجع الجنين رجعه بسهوله وعند رائده كنت اعاني تقولي عنق الرحم عندج عوي وناهض قالي مافيه شي . ولما ماحملت قعد معاي وقعد يتأسف سكثر ويقولي سامحيني والله اي ديد ماي بست وماطلع بيدي شي اسويه اكثر وماسويته وخل نعيد والله يرزقج . هني حسيته انه حنون وطيب وويهه بشوش ومايتكلم بالامور السلبيه ويضيق الخلق . دكتوره رائده زينه بس كانت تسمعني كلام يحبط على بو بتصارحني وكانت نفسيتي صفر معاها وبس اطلع ابجي

بجاااني كلااامه... اي والله الحمدالله كل ما اتذكر العلاجات اللي مريت فيهم والادويه والابر استغرب شلون تحملت كل هذا وانا قبل تحليل دم اخاف منه سبحان الله لايكلف الله نفسا الا وسعها الحمدالله على كل حااال ... الله لايضيع تعبنا يارب

بغيت اسالج عن العلاج على وزارة الدفاع اجراءاتهم اتطىل ؟ ولا شلون الطريقة انا زوجي بالدفاع

 

[غلاتي الكويت]

بنات خل مفتح تجمع يديد هذا صفحاته واايد وثقييل

 

[Katkoota85]

حياتي اسم الله عليج من البجي عسى ماتنزل منج الا دموع الفرح وعسى الله يترس حضنج بالذريه الباره الصالحه ..
والله ياجرج يارب ويسهل امرج وعسى بعد هالصبر الخير والفرح يارب

حبيبتي الاجراءات ماتطول ويصير تعالجين عالصحه او الداخليه او الدفاع او اللي بشركة النفط يشتغلون انا اقولج شلون

اول شي تروحون ادارة العلاج بالخارج مالت الدفاع .. ماادري وين مكانها انا اعرف مالت الداخليه بخيطان

تروحون تاخذون ورقه طلب العلاج .. الورقه ياخذها اللي يكون تابع للوزاره وعلاج العقم يعتبر الزوج والزوجه مرضى لانه يتطلب شخصين للعلاج فينحط بالورقه اسمكم اثنينكم

الموظف اللي بالدفاع ياخذ الورقه ويوقعها من مسؤوله ومولازم تعلمونه ليش بس يوقعها وتقدرون تكتبون بخانة المرض العلاج شنو بعد ماتخلصون تواقيع

انا كتبت امراض نسا

وفي اوراق راح يطلبونها منكم مثل بطايقكم المدنيه وصورة عقد الزواج وشهادة راتب للي تابع لوزاره الدفاع وهوية العمل

هذا اللي اذكره وبعد ماتخلصون توقيع الورقه من مسؤل الدوام تكونون مجهزين تقرير انكم عالجتوا بطفل انبوب وفشل وانكم محتاجين الاعاده تقدمون الاوراق عاللجنه واللجنه توافق لكم
بعد موافقة اللجنه خلال اسبوع راح تطلب اللجنه عرض سعر يعني تبي قائمه بسعر العلاج وجم يكلف تروحين حق المستشفى اللي ببالج وتاخذين منهم عرض السعر وتردين تقدمينه عالدفاع ويردون يوافقون عاليعر ويعطونج ورقه لامانع من العلاج وتاخذينها وتروحين تعالجين على حسابهم

 

[Katkoota85]

يعني العلاج يتطلب انه طرف واحد يكون بالدفاع مو شرط الزوجين اثنينهم بالدفاع ..
يروح الزوج وياخذ ورقه من ادارة العلاج بالخارج ويوقعها من مسؤوله ويقدم الاوراق المطلوبه من بطايق مدنيه وشهادة راتب وعقد زواج
بعد مايوقع الزوج او الزوجه اقصد الطرف اللي صار تقديم العلاج باسمه الاوراق من المسؤول ياخذ الطلب ومعاه تقرير طبي ويقدمهم لادارة العلاج بالخارج والاداره راح تدخل الطلب لجنه
واللجنه اعتقد كل اربعا بعني خلصوا كل اوراقكم لي يوم الثلاثا عشان الاربعا تدخل اللجنه والاحد تطلع الموافقه

اللجنه بتقولكم انا وافقت بس عطوني الاسعار عشان نقرر لكم مبلغ ( يسمونه عرض سعر )

تروحين للمستسفى اللي تبينه وتقعدين مع الدكتور ويعطيج تقرير بحالتج والسكرتاريه ملوته راح يعطونج كتاب عرض السعر

تودين الكتاب لنفس الاداره اللي اهي ادارة العلاج بالخارج وتقولولهم هذا كتاب عرض السعر وراح تطلع الموافقه هم يوم الاحد تاخذينها وتعالجين فيها ويارب تحملين بتوم بارين وصالحين والله يوفقكم ويرزقكم باللي تتمنون

 

[غلاتي الكويت]

يابعد عمري ياكتكوووته ماقصرتي وصورت الحجي وان شاءالله يمدينا مخلص قبل الاربعا واذا اله ماكتب ومامداني هالشهر الدوره اليايه ان شاءالله

سبحان الله محد يحس فيناالا اللي مر بنفس التجربة

انتي شنو ناويه تسوين الحين ؟ ماودج تحربين الصباح ؟

 

[Katkoota85]

والله معاي وحده تمدح الصباح تقولي روحي لهم .. انا فتحت ملف هناك من سنتين وسويت كل التحاليل وقررولي اني اسوي منظار وبيوم العمليه كنسلوها لان كان عندي التهاب بالبلاعيم ومن شفت غرفة العمليات وصخه انحشت قلت ماني مكمله . بس والله يمدحون علاجهم تقول البنت بغض النظر عن المكان وانه موذاك الزود بس الدكاتره فنانيين وعلاجهم ممتاز ويهتمون فيج من ناحية التحاليل والعلاج

 

[Katkoota85]

والله شكلي بروحلهم .. بقت لي اخر محاوله عالداخليه بسويها عند ناهض وبعدين غصبا علي بعالج بالصباح هههه

الله يرزقنا يارب قادر على كل شي

 

[غلاتي الكويت]

كتكوته ان شاءالله تنجح عند ناهض وماتحتاجين الصبااح يارب

الله يرزقنا من واسع فضله

 

[mona777]

الصباح مثل ما قلت ممتاز ونا بوضعى كونى كبيره سوولى علطوول بس طلعت نتايج تحاليلي ما نطرت دور.
اعتبرونى حاله استثنائيه بسبب عامل العمر حملت عندهم مرتين بس ما كمل تالى سكرو ملفى لان القانون يمنع يسوونها بسن معين تالى رجعت للخاص
غلاتى خلج علخطين الصباح والدفاع
الصباح غالبا مو علطول موعدج فان فشلت محاوله الدفاع تعيدين بلصباح
وان حملتى يارب بلدفاع وقرب موعد الصباح اجلى عشان تسوينها عندهم وتحنلى بلثانى يارب

 

[غلاتي الكويت]

الصباح مثل ما قلت ممتاز ونا بوضعى كونى كبيره سوولى علطوول بس طلعت نتايج تحاليلي ما نطرت دور.
اعتبرونى حاله استثنائيه بسبب عامل العمر حملت عندهم مرتين بس ما كمل تالى سكرو ملفى لان القانون يمنع يسوونها بسن معين تالى رجعت للخاص
غلاتى خلج علخطين الصباح والدفاع
الصباح غالبا مو علطول موعدج فان فشلت محاوله الدفاع تعيدين بلصباح
وان حملتى يارب بلدفاع وقرب موعد الصباح اجلى عشان تسوينها عندهم وتحنلى بلثانى يارب

الرازق الله سبحانه شهالقانون اللي يمنع علاج المواطنين مايصير يمنعوننا من العلاج بديرتنا احتريت !!

اللي يبي الضنا خلوه يتعالج صج شي يقهر والله

والخاص عادي يسمحون باي عمر ؟

شنو سبب اجهاضاتج وباي شهر تجهضين؟

 

[mona777]

هم يدفعون لج بلخاص كانه بلخارج
كنت اجهض بلبدايات بس اسمع النبض وحيانا قبلها وما عرف السبب ممكن غالبا اجسام المضاده تسبب الإجهاض
واخر حمل تقررر اتنوم من اسمع النبض وظليت للولاده

 

[غلاتي الكويت]

والله شكلي بروحلهم .. بقت لي اخر محاوله عالداخليه بسويها عند ناهض وبعدين غصبا علي بعالج بالصباح هههه

الله يرزقنا يارب قادر على كل شي

بعيت اسالج الحين اذا على حساب الدفاع وسويت السحب ورجعت فرش وعقب رجعت مجمد هل تعتبر عمليتين وبقتلي وحده؟؟

ولايقصدون بالعمليه من السحب مع ارجاع كل الاجنه من ظمنهم المجمدين تعتبر عملية وحدة؟

 

[غلاتي الكويت]

هم يدفعون لج بلخاص كانه بلخارج
كنت اجهض بلبدايات بس اسمع النبض وحيانا قبلها وما عرف السبب ممكن غالبا اجسام المضاده تسبب الإجهاض
واخر حمل تقررر اتنوم من اسمع النبض وظليت للولاده

الحمدالله على كل حال ربي يعوضج خير ويرزقج من واسع فضله

 

[mona777]

الحمد الله الله عوضنى ورزقنى بولدى عندى بلدنيا
اى الحكومه عندهم قانون لسن معين ويقفلون الملف حتى لو تحاليلي سليمه وحتى لو مستوى هرمون الاف اس اتش طبيعى وكنت جذيه
واسمع حتى الخاص فى منهم ما يقبلون الاعمار الكبيره لانهم ما يبون تزيد عندهم نسب فشل عملياتهم كونهم موقنين ان نسبه النجاح للكبيره قليله
لكن ممكن تحصلين حد منهم يسويها لج

 

[Katkoota85]

غلاتي العمليه يسوونها شامله التنشيط والسحب والارجاع وتجميد الاجنه وبيوم الارجاع خلاص يقفلون الحساب ويصير اذا حملتي ان شاءالله الحساب عليج .. بس اذا قصدج زادلج محمد وتبين تردينه ماادري والله يمكن بهالحاله تطلبين علاج تكميلي للاول بس انا الداخليه مارضوا لان اللي صار معاي دكتوره رائده قررتلي مبلغ ٣ الاف ومنه سوتلي منظار بالف فنقصني الف . قالت طلبي علاج تكميلي طلبت مارضوا . وزدت على مبلغ الداخليه الف واعتبروها محاوله كامله على حسابهم قالوا لو نقصج مالنا شغل . فعشان جذي انتي قوليلهم كتبولي كل شي جم بيكلفني وقدميه عالدفاع . الدفاع يعطون ماشاءالله مبالغ حلوه فحرام من البدايه خلي كل شغلج كامل

 

[Katkoota85]

اقصد اذا رجعتي الاجنه بيوم الارجاع الحساب يتسكر حتى لوفي مبلغ زايد يرجعونه للوزاره . واذا راجعتي ورا يوم الارجاع يكون حساب الزيارات عليج واذا حملتي انتي خلاص تدفعين مراجعاتج لين الولاده ان شاءالله

 

[Katkoota85]

ياحلوج منى عسى الله يوفقج ويرزقج من واسع فضله ويخليلج وليدج يارب