استقبالي ب ( ليلي ذات الرداء الاحمر )

[ديزاينر الكويت]

بسم الله الرحمن الرحيم
الحمدلله رزقت بمولودتي الثانيه
ليلي تقي

ولادتي كانت بدار الشفا الجناح الملكي عند الدكتوره مي ادريس
احبها هل دكتوره ماشالله وايد تصبر علي حتي علي بجري كنت عندها تهبل

طبعا انا رحت حده حده و كنت طايفه موعدي باسبوع
و سوت لي توسعه و بنفس الوقت فتح الرحم من 2 الي 5 الي 6 و بسرعه دشيت ولاده
و الحمدلله السهاله من الله الحمدلله يارب
خذيت كمام يهبل بس انا حسيت بكل شي لان بسرعه بسرعه فتح الرحم بعد التوسعه
و صرت 6 سانتي و كنت امشي علي ريولي بس الكمام لا يعلي عليه مجربته بجري

سويت استقبالي ثاني يوم
و كان ثيمي علي ثيم ليلي و الذيب ( ليلي ذات الرداء الاحمر )
و الواني كانت احمر و ابيض
عفيه لا تنطلي وحده تقول منو ياخذ احمر حق استقبال
:/

نبدي بسم الله و كله كان من شغلي و شغل ايدي :ggdw:

ماشاءالله تبارك الرحمن


يتبع ....

 

[ديزاينر الكويت]

غيرت نظام الغرفه لان كان السرير بالنص و مو حلو
و خليت كفري واااايد سمبل و ابيض

مدخل الباب
طبعت الثيم علي تبان الاطفال

ركن التوزيعات و التقديم من بعيد

ركن التقديم

الفطاير و الورق عنب و الحلو من مندرين حلو بس نسيت اصور الحلو

ميني ورق عنب لذيذ

يتبع ....

 

[ديزاينر الكويت]

تابع ...

ركن التوزيعات

الماي شغل ايدي

علب التوزيعات
شغلي طباعه علي العلبه
و داخلهم كلونيا ميني جونسون
و حطيت فيونكه فيها ميني صبغ اضافر من كليرز نتفه

الكاكاو طلبته من محل بالسالميه و مكتوب عليه ليلي تقي
لونه احمر كاكاو بلجيكي لذيذ

علقت برواز فيه كاكاو فكرته يديده و همن شغلي

عن قرب

و سويت اغلفه سي دي مع سي دي اغاني مسرحيه ليلي و الذيب
وااااايد استانسوا عليها و حطووه بسياراتهم

يتبع ....

 

[ديزاينر الكويت]

تابع ...



الطاولات الجانبيه
حطيت شمع ، علب كلينكس تصميمي و شغلي ، سله فيها حلاو

السله من بياع الورد فااااضيه و انا زينتها و حطيت كلام مقتبس من المسرحيه

و الطاوله اللي يم سريري حطيت ورد

لبست بنتي نفس الثيم
بس كانت بالتلفزيون ما يبتها الغرفه

صوره سنابيه

و سلامتكم حبايب قلبي
اللي تبي شي لا يردها الا لسانها
و رقمي و انستغرامي موجود بالتوقيع
و حياكم الله

 

[قرة عيونه]

رووووووووعخ ماشاء الله

انا قبل جم يوم شفته بسناااب وصورت الشاشه ووريته خواتي الكل انهبل عليه ماشاءالله

الله يخليلج ليلى يارب ويرزقج برها

حيل حلوه الفكره ��

 

[قرة عيونه]

امبيه شكو سناب اقصد انستقرام هههههه

سوري

 

[حلوة الاخدود]

حمدلله على سلامتج

مبروك تتربى بعزكم


حلوو تبارك الله


عليج بالعافيه

 

[انوار المحبه]

ماشالله مبروك و تتربى بعزج روعه و غريب

 

[روح الأحزان]

مبروك ماياج تتربى بعزج ان شاء الله

 

[اميره بكلمتي]

مبروك ماجاج

وتتربى بعزج يارب

 

[مذهلة2013]

مبروك حبيبتي
والحمدلله عالسلامه

 

[Pissy Missy]

الحمدالله على السلامه وماشاءالله تسلم ايدج

بس بغيت اعرف شلون علقتي اللوحه البيضه الي فيها كاكاو

لاني شريت نفسها و حسيت انها ثقيله ما تتعلق

 

[شوااااااااااقه]

ماشاءالله تبارك الرحمن :eh_s(21):
شغلج وايد حلو وحبيت سيدي أغاني المسرحيه مبدعه :eh_s(17):

:eh_s(21)::eh_s(21)::eh_s(21)::eh_s(21)::eh_s(21)::eh_s(21)::eh_s(21):

 

[ديزاينر الكويت]

رووووووووعخ ماشاء الله

انا قبل جم يوم شفته بسناااب وصورت الشاشه ووريته خواتي الكل انهبل عليه ماشاءالله

الله يخليلج ليلى يارب ويرزقج برها

حيل حلوه الفكره ��

هههه ايي
حبيبتي تسلمين ياعمري

حمدلله على سلامتج

مبروك تتربى بعزكم


حلوو تبارك الله


عليج بالعافيه

الله يبارك فيج عمري
عيونج الحلوه يا قلبي

ماشالله مبروك و تتربى بعزج روعه و غريب

تسلمين حياتي

مبروك ماياج تتربى بعزج ان شاء الله

يبارك بعمرج حبي

مبروك ماجاج

وتتربى بعزج يارب

الله يبارك فيج تسلمين

مبروك حبيبتي
والحمدلله عالسلامه

الله يسلمج حياتي

الحمدالله على السلامه وماشاءالله تسلم ايدج

بس بغيت اعرف شلون علقتي اللوحه البيضه الي فيها كاكاو

لاني شريت نفسها و حسيت انها ثقيله ما تتعلق

انا بعد احترت فيها صراحه
بس كان مكانها لوحه معلقينها المستشفي
فا شلتها و حطيت بروازي و ثبت لان اللي ماسكها مسمار مو علاق عادي

الله يسلمج حياتي

ماشاءالله تبارك الرحمن :eh_s(21):
شغلج وايد حلو وحبيت سيدي أغاني المسرحيه مبدعه :eh_s(17):

:eh_s(21)::eh_s(21)::eh_s(21)::eh_s(21)::eh_s(21)::eh_s(21)::eh_s(21):

بعد قلبي تسلمين عيونج الحلوه حياتي