الحمل بعد سن ال 40

[وجهت وجهي اليك]

اشلونكم يا بنات
عندي سؤال
منو احملت بعد سن ال 40 او تعرف وحده مرت بالتجربه هذي
واذا تعرفون هل الحمل صار طبيعي ولا بعلاج
ودي بحمل
الله يرزق كل محرومه يااااااااارب

 

[شمخانيه]

انا بنتي ولدتها
بالاربعين

وصديقتي ولدت وعمرها ٤٦

وأختي ولدت وعمرها ٤٥

هذا رزق من ربي
وإنشاء الله ربي يكرمنا

 

[ام متلق]

حبيبتي ربج رزاق اهلنا كلهم حمالهم بعد الاربعين بجم سنه
حريم اخواني وثلاث من بنات عمي وحريم تعدوا ٤٥ من اهلنا كلهم حملوا
وولدوا مافيهم الا العافيه وعيالهم ماشالله عليهم
توكلي علي الله واخذي الفولك اسيد قبل الحمل علي الاقل بشهرين والله يرزقج

 

[راقية باخلاقي]

السيده خديجه رضي الله عنها

جابت ست ابناء وهي فوق الاربعين

تفايلي

وامهاتنا حملوا علي اثنين وخمسين

 

[وجهت وجهي اليك]

السيده خديجه رضي الله عنها

جابت ست ابناء وهي فوق الاربعين

تفايلي

وامهاتنا حملوا علي اثنين وخمسين

يزاكم الله كل خير اللي رديتوا علي وعسى يعطيكم اللي بالكم

 

[انتيكا]

امي حملت بالاربعين وام زوجي بعد ومرت ولدنا حملت بالاربعين اعرف شكثر ناس الحمدلله ماكو العافيه اهم شي قبله بفترة فوليك اسيد وفيتامينات للحمل ﻻن شوي الحمل خطر فوق الاربعين فعشان تبعدين هشا الشي بإذن الله اكلي الفوليك و الفيتامينات وعسى الله يرزقج يالغاليه