محتاره والسبب !!!!!!!!!!!!

[نونه المنكوشه]

السلام عليكم أول مره أكتب موضوع أول مره أحس إني موعارفه أفكر
ولاعارفه شنو أكتب أحس إني ضايعه المهم أنا عمري 35 ورفيجتي اللي من عمر من فتره كلمتني عن أخوها وهذي
رفيجتي أتهبل حبيبه وعرف أخلاقها المهم المشكله شنو إنه أخوها مطلق وعمره تقريبا 53 :eh_s(2): وعنده 5 عيال بس عند أمهم ومطلقها طلقه بائنه يعني مافي رجعه كلش وريال ماديا وأخلاقيا ممتاز بس عيبه عمره وأنه منفصل وأنا قتلها إنه أخاف أخذه وباجر مرته تقط عياله عليه وأنا ماني ملزومه فيهم بصراحه قالت مستحيل لكن فرضا لوصار ماراح يسكنهم عندج راح يحطلهم بيت وأهوه قايل لوصار هالشي أنا كل اللي يتقدمولي ياأكبر ياأصغر وأنا قلت لأمي وقالت شتبين فيه شايب قتلها يمه أنا صح شكلي صغير لكن العمر قاعد يمشي وأخاف أرفض محد أي بعدها قالت فكري وأستخيري أحس مخي مقفل مادري يعني بصراحه ماحس هذا طموحي أهوه ك عايله جدا مناسب لي ولد عايله وماديه نفس مستواي لكن عيبه اللي ذكرتهم مادري شسوي وع فكره أهوه شافني عندها وحيل عاجبته أساسا يحمد ربه هههههه كامله بسم الله علي
وأنا لي الحين ماستشرت خواني ولاأحد غير أمي بنات عفيه أبي نصيحه من القلب لاني صج محتااااره ومشكوررررين مقدما
إن شاءالله أحد يعبرني ويرد علي

 

[قبسات]

والله مادري شقولك انتي توج صغيره وهذا كبير حيل يعني يمكن يجي لج واحد احسن

 

[نونه المنكوشه]

والله مادري شقولك انتي توج صغيره وهذا كبير حيل يعني يمكن يجي لج واحد احسن

نفس تفكيري أنا بعد جذي أقول يعني لوأصغر سبحان الله كثر ماقول ويع مابي شايب هههههه أستغفرالله إن شاءالله ربي يكتب الخيره مشكوره حياتي وأتمني باجي البنات يعطوني أرائهم بعد

 

[sharshora80]

حبيبتي انتي صلي استخاره والله كريم بس ﻻتتسرعين هذا شخص مطلق عقب 5 يهال وطلقه برون رجعه على قولتج يعني بدون زعل احسه مايهمه شيء ﻻعيال وﻻ مره اذا طقت براسه وماعجبه تصرف منج قضبج الباب اسفه يمكن هو موجذي بس انا بحكم عمره وعدد اعياله حسيت بهذا الشيء يعني اللي بعمره الحين يزوج اولده وبنته مو يطلق ويتزوج لو كان 43 �� قلت لج ميخالف

اتمنى ماتزعلين من كلامي انا ﻻني اعرفج وﻻ شيء بس النصيحه بلاش وان شاء الله اللي ربج كاتبه يصير

 

[نونه المنكوشه]

حبيبتي انتي صلي استخاره والله كريم بس ﻻتتسرعين هذا شخص مطلق عقب 5 يهال وطلقه برون رجعه على قولتج يعني بدون زعل احسه مايهمه شيء ﻻعيال وﻻ مره اذا طقت براسه وماعجبه تصرف منج قضبج الباب اسفه يمكن هو موجذي بس انا بحكم عمره وعدد اعياله حسيت بهذا الشيء يعني اللي بعمره الحين يزوج اولده وبنته مو يطلق ويتزوج لو كان 43 �� قلت لج ميخالف

اتمنى ماتزعلين من كلامي انا ﻻني اعرفج وﻻ شيء بس النصيحه بلاش وان شاء الله اللي ربج كاتبه يصير

حبيبتي أهوه طول ع ماياله عيال كانت تعالج مرته ف الحين أكبر ولد عنده 13 وأنا مومعتمده ع كرام رفيجتي ولاع كلامه أهوه بس أنا وياها من عمر وقتها كنت أشوف سبب المشاكل كانت من مرته عوبه وله أهوه كان مدللها بس أهيا كانت يعني مسببتلهم مشاكل وأهوه حيل مدلل عياله الحق ينقال مومقصر فيهم بس أنا أحس من داخل مومقتنعه يعني عرفتي الإحساس اللي ماتدرين شنو لما أتذكر عمره يضيق خلقي وعنده عيال أقول موناقصني شي شلي حادني والله مادري بستخير وربي يكتب الخير مشكوره حبيبتي ع النصيحه ومازعل أنا بالعكس أبي رأي صريح واضح

 

[كويتاويه2009]

حبيبتي اولا الله يكتب لج الخيره
انتي ماشالله ع كلامج حلوه ومو مبين عليج ليش مستعيله دام السالفه فيها تردد بلاش من هالزواج وبعدين يقلبي فرق ٢٠ سنه مو شوي احس حتى فارق التفكير بينج وبينه يختلف وان الله رزقج يهال متى يلحق يكبرهم ع العموم صلي استخاره وشوفي ربج شنو بيكتب لج

 

[رتولة]

انا اقول اخذيه انتي ٣٥عمرج علي الاقل تقدرين تييبين لج عيال ينفعونج اذا كبرتي
اذا نتطرتي راح اقل فرصتج للحمال هذا رايي

 

[CuTe KuwaiTia]

مو عيب عمره 50 بس شوفي تصرفاته و اسلوب حياته اذا راح يعيشج حياة شياب مانصحج بالشي هذا

استخيري و فكري حطي السلبيات والايجابيات استشيري القراب منج اللي يعرفون اطباعج الله يكتب اللي فيه الخير

 

[شادن33]

ما ادري والله أحسه كبير عليج !!!
بس انتي استخيري وربي يختار لج الافضل

 

[هب العطر]

السلام عليكم حبيبتي
و الله ياما شياب احلى من الشباب بألف مرررره و اكشخ
اذا محافظ ع شكله و نظيف و انيق و مثقف ليش لا
احسن ما تطيحين لج بياهل جمبازي عيونه اتلاقط ع الحريم
جيل طنى ورور ما وراهم الا الغثا اسأليني
رياييل قبل واااايد ابرك و يحسون بالمسؤوليه
و هذا كبير يعني ما وراه بعد لا مغازل و لا بطيييخ
يبي القاع البارده

انتي شوفيه
دينه و اخلاقه و ثقافته و انفتاحه
صحته زينه ما فيه امراض لا قدر الله
حطي له شروطج : بيت منفصل و مصرف سنع يدلعج فيه
و استخيري مره و مرتين و عشرين مره قد ما تقدرين

و عسى ربي يوفقج ♡

 

[نونه المنكوشه]

حبيبتي اولا الله يكتب لج الخيره
انتي ماشالله ع كلامج حلوه ومو مبين عليج ليش مستعيله دام السالفه فيها تردد بلاش من هالزواج وبعدين يقلبي فرق 20 سنه مو شوي احس حتى فارق التفكير بينج وبينه يختلف وان الله رزقج يهال متى يلحق يكبرهم ع العموم صلي استخاره وشوفي ربج شنو بيكتب لج

أنا بعد جذي أفكر وبستخير والله يكتب الخيره مشكوره حبي

 

[نونه المنكوشه]

انا اقول اخذيه انتي 35عمرج علي الاقل تقدرين تييبين لج عيال ينفعونج اذا كبرتي
اذا نتطرتي راح اقل فرصتج للحمال هذا رايي

والله مادري أحيانا جذي أفكر وأحيانا أقول يمكن في الافضل والله يكتب الخيره مشكوره حبيبتي

 

[نونه المنكوشه]

مو عيب عمره 50 بس شوفي تصرفاته و اسلوب حياته اذا راح يعيشج حياة شياب مانصحج بالشي هذا

استخيري و فكري حطي السلبيات والايجابيات استشيري القراب منج اللي يعرفون اطباعج الله يكتب اللي فيه الخير

أهوه شكله وتصرفاته موشايب يحب الحياه بس انا أقول إذا الله عطانا عمر بعد چم سنه يعني أحس خلاص ماله خلق وأنا بكون توني لاني أشوف جم وحده أعرفها متناصفه الاربعين لي الحين تبي الحياه والوناسه ف وقتها بيكون بالستين ماله خلق جذي أفكر الله يختار الخيره مشكوره حبيبتي

 

[نونه المنكوشه]

ما ادري والله أحسه كبير عليج !!!
بس انتي استخيري وربي يختار لج الافضل

أنتي نفس تفكير أمي وإن شاءالله بستخير والله يسهل مشكوره حبيبة قلبي

 

[نونه المنكوشه]

السلام عليكم حبيبتي
و الله ياما شياب احلى من الشباب بألف مرررره و اكشخ
اذا محافظ ع شكله و نظيف و انيق و مثقف ليش لا
احسن ما تطيحين لج بياهل جمبازي عيونه اتلاقط ع الحريم
جيل طنى ورور ما وراهم الا الغثا اسأليني
رياييل قبل واااايد ابرك و يحسون بالمسؤوليه
و هذا كبير يعني ما وراه بعد لا مغازل و لا بطيييخ
يبي القاع البارده

انتي شوفيه
دينه و اخلاقه و ثقافته و انفتاحه
صحته زينه ما فيه امراض لا قدر الله
حطي له شروطج : بيت منفصل و مصرف سنع يدلعج فيه
و استخيري مره و مرتين و عشرين مره قد ما تقدرين

و عسى ربي يوفقج ♡

شوفي أهوه شكليا مومبين عليه كبير ومن ناحية الثقافه جامعي ومكمل ماستر وبياخذ الدكتوراه أهوه أعتقد جنه أخته قالتلي عقيد بس متقاعد وشفني نظام يحب السفرات والوناسه ونظامه يدلع حده ومرتاح ماديا بس أنا الحمدالله هم مرتاحه ماديا وبيت أهلي مرتاحه لوأنطر يمكن أي الافضل وساعات أقول هذا أفضل من صغير يمكن يلوع جبدي بغثاه وخيانات بس بستخير وبدعي والله يكتب الخيره مشكوره حبي

 

[أم حسوون]

السلام عليكم
ما أدري والله ، صج في فرق بينكم بس هم هو مو كبير بالعكس ، وأنت سنج هم مو صغير ، أقول استخيري اذا الرجل صحته زينة يقعد ل٨٠ شباب أما المرأة بآخر الأربعينات وخلاص ما تقدر تجيب عيال ، وهذا الأهم بالنسبة لج ، لو كنتي أصغر بعشر سنين بأقولج لا تاخذينه بس بوضعج وبوضعه ما أعتقد في مشكلة ، أنا أختي زوجها أكبر منها ب ١٥ سنة وعادي وهم مو ملحقة عليه ، وحماتي أكثر من ٢٠ سنة وما شا الله الحريم كبروا والرياجيل ما بين عليهم ، بس أهم شي رضا أمج وأبوج ثم الاستخارة، والله يكتب لج الخيرة.

 

[نونه المنكوشه]

السلام عليكم
ما أدري والله ، صج في فرق بينكم بس هم هو مو كبير بالعكس ، وأنت سنج هم مو صغير ، أقول استخيري اذا الرجل صحته زينة يقعد ل80 شباب أما المرأة بآخر الأربعينات وخلاص ما تقدر تجيب عيال ، وهذا الأهم بالنسبة لج ، لو كنتي أصغر بعشر سنين بأقولج لا تاخذينه بس بوضعج وبوضعه ما أعتقد في مشكلة ، أنا أختي زوجها أكبر منها ب 15 سنة وعادي وهم مو ملحقة عليه ، وحماتي أكثر من 20 سنة وما شا الله الحريم كبروا والرياجيل ما بين عليهم ، بس أهم شي رضا أمج وأبوج ثم الاستخارة، والله يكتب لج الخيرة.

حبيبتي صح كلامج المرا بسرعه تكبر وأنا قلت لأمي إذا موعاجبج وماتبين مولازم أهم شي عندي رضا أمي قالت أنا ودي تأخذين أحسن الريايل ولكن مابي أرفض ع طول أستخيري والله يكتب الخير وصالح وأنا أستخرت والله كريم سبحان أما أيلي صغير أصغر مني أب 5 أو 7 سنين وله أكبر هههه أستغفرالله ماكو واحد مناسب بس إن شاءالله ربي يكتب الأخير والأصلح مشكوره حياتي

 

[قلب زوجي وولدي]

حبيبتي أستخيري

يمكن يكون نصيبج ليش لا


وبصراحه 35 مو صغيره كللللش علي ما تتزوجين

وتستقرين فيها 36 وعلي ما تحملين ما يندرا متي تحملين

عالطول ولا طولين يعني 37 ولا 38 وعلي ما تولدين وصلتي 40

متي يمديج تيبين عيال وتربينهم


صدقيني كلامي من القلب لج اذا اهو زين وافقي عليه

اهم شي ما يقدر يرد لها وعياله ما يخلون أمهم ولا اهي بتخليهم


الام ما يهمها لا الزوجه الثانيه ولا الزوج دام عيالها معاها تبيهم اهم


والله يكتب لج للي فيه الخير

 

[نونه المنكوشه]

^^^^^^^^^^^^^^^^
مشكوره حياتي ( قلب زوجي) بس أنا خلاص رفضته لأني أستخرت وبعدها أستشرت أخوي قالي لأ كبير عليج وبعدين بعد چم سنه ماله خلقج ولاخلق يهال وأنا قبلها كنت مصليه وداعيه ربي بالخيره وقعدت وحسيت إني مابي وكنت مقتنعه بالرفض ف لعل فالأمره خيره وإن شاءالله ربي يرزقني بالأفضل أنا موكله أمري لله ومدام أستخرت وربي ماكتب معناته الخيره فيما أختاره الله والحمدالله ربي يعوضني ويعوض كل بنت تبي الستر بالأفضل مشكورين بنات

 

[أم حسوون]

السلام عليكم
إن شاء الله خيرة يا قلبي ، والله يعوضج بالزوج الصالح.