اخوي واختيارنا لزوجته

[عذوبة روح]

ليش جذبوو عليكم بالعمر؟؟

وثاني شي اخوج ماشافها قبل الملجه؟
المفروض يشوفها وهذا حق شرعي لاحرام ولا عيب
وبنات الناس حرام مو لعبه كل يوم يشوف وحده واصلا حتى سؤاله عن بنات الناس موحلوه بحق زوجته
ربي يسخرهم لبعض

ما عندنا في العايلة نظرة شرعية :eh_s(22):

والله عارفة بس انا احيان اقول اذا ما يبيها يتركها اريح له ولها ليه نقوله اصبر ومدري وشو وهو مو مرتاح لها انا تعبت من طريقته ..

 

[امازيغيه]

شنو ذنب البنت طيب

يمكن هي كمان مو عاجبها اخوك لا شكله ولا تصرفاته وساكته

واكيد حاسه بشيئ وكاتمه المسكينه حطي نفسك مكانها يجو اهل زوجك يقولو هالكلام او اهل خطيب اختك او قريبتك وش تحسي

اذا البنت بنت ناس ومتدينه يشكر ربه ليل نهار ويحمد النعمه الي هو فيها احسن ما يجيب لكم وحده بيضا ونحيفه وشايفه نفسها عليكم وتنغص عيشته وعبشتكم

 

[عذوبة روح]

بنات بوضحلكم شغلة اهي اهتماماتها اهتمامات بنات ثانوي يعني ميب على جو كبار بنفس عمرها هذا سبب نقد اخوي لشهادة الثانوي ..
الشيء الثاني احنا كنا ساكتين على ما نشوفه من تذمر اخوي منها الى ان كانت في اشياء تجددت وما اعجبت اخوي ونرررررفزتنا سراحة وهي قصة ثانية اكتبها بوقت ثاني ..

 

[عذوبة روح]

والله الي اشوفه انوا البنت ابتلشت في اخوك

خفيف وسطحي ولا عندة مسؤلية

الله يعوضها برجال سنع وثقيل وقد الزواج والمسؤلية

وربي رحمتها مسكينة طاحت طيحة محد سمى عليها

وجهة نظري لان بصراحة الي زي كلام اخوك عندنا محد يزوجة ولا احد يعطية وجهه

اختي الاء كيف تقولي عنه سطحي وهو مكذوب عليه باشياء كثيرة
وساكت ومتحمل ويتعب علشانها واهي ولا هامها ولا تساعده ولا شي في بيتها
ممكن ما تحمل جزء من المسؤلية لانه متورط فيها ويبحث عن حل
ممكن يفكر في غيرها ليه نتعبه .. اذا هذا رايه :eh_s(1):

 

[rose of kw]

اختي الاء كيف تقولي عنه سطحي وهو مكذوب عليه باشياء كثيرة
وساكت ومتحمل ويتعب علشانها واهي ولا هامها ولا تساعده ولا شي في بيتها
ممكن ما تحمل جزء من المسؤلية لانه متورط فيها ويبحث عن حل
ممكن يفكر في غيرها ليه نتعبه .. اذا هذا رايه :eh_s(1):

السلام عليكم

اختي حبيبتي :eh_s(7):

في شي اهم من كل كلام وحطي تركية بذونج" احنا مو رسل احنا بشر.... منو فينا اللي مايغلط .... واذا هي مقصرة يقولها ويشرح لها غلطها مو تقعدون تتنرفزون وتبون تزوجونه و قالبين حياتها ترى الله فوق الكل... مو عشان انه اخوج تبين تدافعين عنه.... ترى حتى انتي لج دور وتقدرين تحلين المشكله ... فهمي البنت غلطها و بعد فهمي اخوج غلطه... لازم تكونون عادلين ومنصفين... اخوي ساكت واخوي متنرفز ومنو قال ان اخوج على حق... لو انه انسان متزن كان فكر وقعد مع نفسه ويسأل بالله هالبنت ليش ما انصحها اقنعها بالحوار وان شاء الله تنحل المشكلة... اختي اعذريني على اللي بقوله انا ماني داشة قلبج بس احسج من طريقة كلامج ما تحبينها واتمنى اكون غلطانة :eh_s(22):
واذا يفكر بوحدة غيرها اساسا ليش تزوج غيرها ... ماله حق يتعب بنات العالم
عسى ربي يهدي سركم :yaaaaaarb:

 

[امازيغيه]

عزيزتي اخوك مو مكذوب عليه

انتم شفتو البنت واعذريني بس الي كذب عليه انتم قلتوله بيضه وكذا وكذا مو معقول تتحول بسرعه من بيضه لسمره وسالفة العمر يمكن هي ما عندها علم وهو غلط اهلها او الي سالتوه بالاساس ما يعرف العمر الصحيح

والبنت اذا تصرفاتها تصرفات بنات ثانوي فهاذا من محيطها طيبه وعلى نياتها وما عندها خبث

ولازم يرضى فيها غصب عنه لان الزواج بيعرف الزوجين على بعض وكل واحد يرضى بالثاني هما ما يعرفو بعض قبل حتى يقول كذبت عليه

اتمنى انكم تاخذون اجر وتسترو عليها ولو فيها عيب بتصرفاتها تتصلح بس انصحوها مو ترموها بالشارع

بنات الناس مو لعبه

 

[دنيا الصدمات]

اخوج نشر غسيل البنت في كل مكان
هو لو شخصيته قويه وعنده راي مايقعد يحن ويطحن ومو عاجبه شي
اذا مايبيها يطلقها وخلاص
الواضح اصلا ان هيا مو عاجبته من الاساس فمايبي يضيع جهده انه يحاول يقول لها عن اخطاءها
والواضح ان مابينهم اي نقاش او تحاور لان يمشي ويتحجى عليها
طبعا كلامي قلته بناءا على المعطيات الي عطيتينا اياها

وبالنسبه لعمرها هل هيا فعلا جذبت او الي راحو لها حطو عليها العمر الي يبان عليها بدون سؤال
وكلمه اخيره قوليها لاخوج اذا هو مو قادر يشيل مسؤوليه وحده ولاعارف يتصرف وياها لايقعد يحن يتزوج الثانيه
امساك بمعروف او تسريح باحسان

 

[أم حسوون]

السلام عليكم

سبحان الله مراية الحب عمية ، مبين أنه ما حبها من البداية ولا جان ما قام يدور على عيوبها ، أنا معاج أنهم غلطوا في سالفة العمر أما غيره فما للبنت ذنب ، شنو يعني سمرة هو مو ماخذ إنجليزية علشان يتحلطم من اللون الا إذا كانت سودا وأنا ما أتوقع ولا جان ميزتوا من البداية ، والشهادة من البداية داري عنها ، اذا فيها عيوب ثانية من ناحية الشخصية والترتيب فكل العرايس في البداية تصادم شخصياتهم ويحاولون يفهمون بعض ، أنت تمدحين بأنها ثقيلة وترا نادر هالايام تلاقين هالميزة واذا كانت البنت مصليه مسمية ومو راعية مشاكل فهاذي أكبر نعمة ، حاولي تطخخين أخوج وحاولي توصلين لزوجته شنو يبي من غير تجريح يمكن الله يوفقهم .

 

[أم حسوون]

وترا احنا لنا أخوان ومروا بمشاكل ولو ساعدناهم جان انهدمت بيوتهم ، والله يكملج بعقلج.

 

[نونه المنكوشه]

اله الزواج مافي مجاملات أما يتم القبول من الطرفين أما بلاها هالزواجه وبعدين لوشايفها حتي لوصوره حرام جذي حتي البنت لازم تشوفه ويشوفها هذا زواج وعشرت عمر وبالنسبه لعمرها صراحه عيب مادري شلون جذبوا يعتبر غشش مايجوز وبعدين ماينفع إذا مومقتنع فيها صدقيني ماراح يتم حتي لوغصبتوه راح يخونها وإن شاءالله الله يعصمه عن الحرام لكن هذا اللي بصير بحال إنكم غصبتوه أما يتزوج عليها ويكون هالشي بعلمها وبرضاها أما يطلقها والله يعوضها ويعوضه بس قولوله عط نفسج فرصه چم شهر وشوف إذا لي الحين ماكو قبول خلاص يسوي اللي يريحه

 

[نونه المنكوشه]

وتري أخوي اللي أصغرمني أول زواجه كل مشاكل وكله يقولي زهقتني وكان يتشكي منها هذا مع إنه شايفها قبل الملچه وقاعد وياها ويكلمها بالتلفون قبل لايملچون وعاجبته بس سبحان الله بالعشره غير لكن الحق ينقال أهيا مرتبه ونظيفه لكن عيبها عسره شوي بس كنت أقوله أصبر وشوف الأشياء الحلوه والزينه اللي فيها وستخير وعط نفسج فرصه چم شهر وسبحان الله تغيرت وصارت أحسن والحين سمن ع عسل مشاءالله الله يتمم عليهم بس أتوقع أخوج كارها لانه جذبت وفوق هذا مهمله صراحه بحالة أخوج مالومه كلش ولاالجذب حتي لوشي بسيط

 

[Jolyan]

اول شي اخوج عمره 29 و فوق هذا تبون له وحده عمرها 23 يعني يبي وحده اصغر منه من 8 سنين !!!!
مدري شوي غريبه يتشرط بناحيه العمر و هو كبير بالسن مفروض تجيبون له وحده تقارب له بالعمر و بسالفه انهم كذبوا عليكم بالعمر هم غلطوا
على العموم
انا اشوف غلط باخوج المفروض يستر على زوجته حتى لو مو عاجبته و ليبي يتزوج الثانيه مفروض يكون له سبب قوي تاخر حمل عقم ناشز
سليطه لسان بس مو عشان سمارها و لا عمرها و تفكيرها ثانوي و لا جامعي حلوه هذه خلي اخوج يصبر على مراه مثل ما اهي صابره عليه
و ينصحها من ناحيه الاهتمام بالبيت اذا أهي مهمله يقولها زوجها لازم تهتم بالبيت لان هذه من واجباتها الخ مو يظلم بنت ناس عشانها مو بيضه و على حسب مقاييسه اسمحي لي وااايد تفكيره سطحي و صبياني هذا و اهو جامعي بعد الله يكون بعون زوجته اسفه اذا كان ردي قاسي شوي بس ما احب سالفه أتزوج عليها عشانها سمره و ما ادري شنو

 

[حلم *]

سبحان الله الرسول ما أمر بالنظره الشرعيه الا لما يجده المخطوبين من توافق وارتياح بالنفس وتقبل للطرف الآخر او العكس..
هذا حق شرعي كيف ماعندكم !!! استغرب صراحه
عموما لاتجبرون اخوكم يعيش مع وحده مو متقبلها يا اختي هذا شي من الله
من ابسط حقوقه تشوفون له وحده تناسبه وتطابق مواصفات شريكته اللي يتمناها
وزوجته الأولى تتحمل هي وأهلها نتيجة افعالهم المصداقيه والوضوح مطلوبه جدا
لو انتم اللي غشيتوهم بأخوكم كان ردة فعلهم تجاهكم تغيرت !!
الزواج عمره مامشى بالمجاملات .. هذي حياااااااة
الله يسخر لكم الزوجه المناسبه له ويجمع بينهم على خير
تقبلي مروري ياعسل

 

[Royof]

حبيبتي .. انتي ماقلتي بالبنت شي سيء كلمي اخوج مثل ما غشيتوه تبون الفكه بس زوجناه وخلاص يلا صلحو اللي سويتوه ابدو امدحو البنت قدامه انها زينه معاكم وكل الحريم مو جذي الحريم الباقي عوب وبعضهم ماتخاف الله و ان هاذي ستيره يمكن ربي مايرزقك بمثلها .. لان بصراحه موغلطت البنت ولا غلطت اخوكم .. وحرام محد بيتاذى الا المسكينه مرة اخوكم بيتزوج عليها وبتنحر .. وبعدين فهمي اخوج شنو الفرق اذا مو اصغر منه بالعمر واجد ترا نفس الشي يمكن ياخذ اصغر وتطلع بزر وعوبه وتدلع عليه وتغثه

وبعدين شنو يتالم ... يماما شكثر تزوجو متان و جكر ويموتون فيهم اهم شي الاخلاق والستر والله اخوكم مهول الامر هاذا يبيله احد كبير يصحيه حده مكبر الامر خل يحمد ربه شكثر رياجيل حريمهم عوب معاهم وجميلات ويخونون رياجيلهم

والله اخر زمن الواحد ماعاد يعجبه الا العجب !!!

 

[Stay alive]

اخوج يدور السبه عشان يتزوج هذي مشكلته باختصار


ليش ماشافها قبل الزواج بالشوفه الشرعيه ؟ اذا كان الجواب لا معناته اهو غلطان بعد ويتحمل النتايج

بنت وبعرس اكيد تلاقونها حاطه على جسمها كريم اساس وصايره بيضا

شذنبها الحين اذا ماعجبته ؟ الزواج مو بس شكل

اذا عنده اسباب ثانيه مقنعه غير لون البشره زوجوه

 

[دلوعه ناعمه]

خلاص دام مو متقبلها خل يطلقها قبل لاتحمل .. دام كارهها ومو متقبلها ماراح يتقبلها الواحد الزم ماعليه راحته ليش يعيش بنكد وهم هذا من حقه ان ياخذ وحده جميله نفس الي متخيلها فباله اكيد صدمه ٢٨ سنه ودبه وسمرا .. صح اهو عرف هالاشياء بس عرفهم بعد ما ملج عليها ! وبشهر العسل صارحها يعني مو بعد سنتين تذكر وقال بطلقج ! وكمل الملجه وسكت لانه مرتبك ومتخبط مو عارف شيسوي !

خل يسافر برا وياخذ اجنبيه بياض وجمال او دورا على وحده تصير لكم بس معروفين ان بناتهم بياض وجمال مو نفس هذي اللي تدبستو فيها والله يعوضها ويوفقها وهم الله يوفقه باللي يبيها ويرتاح لها