تعالو امشوا معاي خطوه بخطوه مع ريلي واستفيدو البنت والمتزوجه والمقبله على الزواج

[Omhamood]

حبيت القصه مشاء الله عليج موووهوبه

طريقة سردج اللاحداث ممتعه سواء كانت حقيقه او من وحي الخيال

نصيحه اتجهي للكتابه لان الي مثلج حرام تضيع موهبتها ،،،،،،


بس عندي سؤال شسالفة الحريم علي ريلج ههههههههه

ماكوو بهالبلد الا هالولد الكل يتخطفه من صوب

والله لو براد بيت ماصار معاه جذي هههههههه

عالعموم الله يوفقج ويحفضج بعينه الي ماتنام

 

[3tebeya]

حبيت القصه مشاء الله عليج موووهوبه

طريقة سردج اللاحداث ممتعه سواء كانت حقيقه او من وحي الخيال

نصيحه اتجهي للكتابه لان الي مثلج حرام تضيع موهبتها ،،،،،،


بس عندي سؤال شسالفة الحريم علي ريلج ههههههههه

ماكوو بهالبلد الا هالولد الكل يتخطفه من صوب

والله لو براد بيت ماصار معاه جذي هههههههه

عالعموم الله يوفقج ويحفضج بعينه الي ماتنام

اول شي تسلمين .. وفكره اتجهه للكتابه ما ظنتي .. ريلي حاله حال اي واحد بالكويت .. عنده موتر جميل فتنس وطويل تهقين البنات ما يحبون اللي جذيه

والله يحرسنا من العين

 

[اهذريبك~]

متابعتج و ناطره البارت

 

[Maha salad]

دزيلي الحركه ع خاص لوسمحتي

 

[ظبية بوظبي]

ماعلش ابدخل
اش فيكم طايحين على عتيبيه مشككين ان الي تكتبه مجرد خيال !!
هذا جزاتها الي تعطينا من وقتها

جد الله يعينش عتيبيه والله ما تنلامين لو تحسفتي تكتبين شي للمنتدى

كله يشككون فيش طيب اش عليكم مب عاجبكم موضوعها خلوه
بس هذا اكبر دليل ان الي كتبتيه عجبنا والدليل ان كل الي ردوا قروا كل الصفحات

والله من كثر ما يشككون انش تالفين بدى مخي يفتر وصدق كلامهم معن ما كنت اشكك في شي

يكفي انش يا عتيبيه حركتي المنتدى وهو صخه وشارف على الانتحار ههههههههههه
صرت ادخله اشيك على هالموضوع


و لو انه خيال فهو يا محلاه من خيال جمعنا وخلانا نسولف ونتبادل خبرات
وين المشكله


***
وبعدين الاحادث فيها ترابط وهذا يدل على صدق كلام عتيبيه

اول الموضوع كتبت انها ما سوت عرس سيده سافرت
واخر جزء كتبته تقول ان زوجها يقول زين ما سويتي عرس ولا كان ذيك البنت الي بغت تزوجه غصب .. بتخرب عرسها
القصه فيها ترابط

وبعد تقول انا ما احب اسوق وبعدين عرفت السبب لان سوت حادث كرها فالسواقه

بليز شغلوا النيه الزينه




ثانكس عتيبيه كلامش الي كتبتيه خلاني ابحث عن مقالات فيها نصايح و من هالامور قاعده اقراها وستفيد منها معن مليت منها وشلت الموضوع من بالي لكن مع موضوعش حفزني اجدد من عزيمتي


اقتباس : يتم انتقاد المرء في هذا المجتمع لا من اجل ان يقدم الافضل بل من اجل ان يكف عن ذالك


***
ااخر شي بعد ابقول ثانكس ل الوفيرا على توضحيها لي الي كان فالصفحات الي ورى :**
ياني ضحكت على العبايه من غير حجاب =))
زمان الناس كان الشرع عندهم عالنيه ههههه
يحليلهم وكانت الحياه اقل مشاكل وماسي

 

[فروحته]

ظبية بوظبي كفت و وفت
يا بنات شغلو مخكم شوي الي شايفة انه خيال ما تدش الموضوع و بس
وفرو عليكم التعب ياخي انا اشوفها تكتب بالخيال و حابة هالشي انتو شكو
مع اني ما اشوف اي خيال بالموضوع بس مجاراة لكم
*
تكفون خلو البنية على راحتها ادا انتو ما تعيشون نفس التفاصيل هادي مشكلتكم
ليش تبون تربطون حياتكم بحياتهم و تجبونها و ان اهيا جدابة و انتو لآ والله تعبنا

*

مو يقولون الشجرة المثمرة تحدف بالحجارة !

عتيبية ما عليج من احد كملي يا بعد قلبي متابعينج
فديتج لا تكدرين خاطرج من هالردود خليها تكون حافز لج عشان تكملين
و تفيدينا الله يسعدج و يوفقج و يسخر ريلج و يخليه لج انتي و بينتج

 

[3tebeya]

مسسساء الخييير ..


طبعا كلكم تدرون شقلتله وتاسفت وشرحليي ووعدني ان مستحيل يدش بينا احد .. وان مستحيل يبدلني باحد دام راحته معاي ..
انا مصدقته وعندي ثقه فيه بس كنت ابي تأكيد منه .. صورته مثل ما اهي ما تبدلت ولا انهزت بس تحذرت اكثر على بيتي وريلي ..

الكل يقول ليش ريلج براد بيت ؟
لو بنيي للجمال بعيز (اعجز) وامل واوصف جماله
او اي كان رجل اخر
ريلي جميل بمعنى الكلمه بس الجمال مو كل شي
انا اول قبل الزواج كنت ماخذه فكره ان الجميل نفسيه ومغرور وعصبي

والفكره انعكست من تزوجته .. الجمال مو كل شي والريال لسمعته الطيبه ويشوفون شلون يعامل زوجته ف يصير محط للانظار اللي ما يخافون الله .. اتمنى تستوعبون هالشي


نرجع



فقالي يبي يعرف منو اللي قالي وشلون عرفت
قلتله ان لمن رحت يمعة حريم ربعه ..
وقلتله بالاسم وانصدم .. يقولي ما خافت انج تقولين واقول لريلها كل شي والصج .. وتحلف فيها لان كانت تبي تخرب بيته


مر يومين ع سالفه .. واثاريه قايل لريلها كل شي وعنده شهود .. وطلع ريلها شاك فيها..
لامه بالاول ليش ما قاله من زمان .. بس قاله انا مقدر رجولتك الوقت كشفها لي .. صارت بينهم مشاكل ووصلت للطلاق .. يتني لبيت ريلي وتتهجم علي جدام اهل ريلي بس الكل وقف بويها
تقول انا اللي خربت بيتها وانا سبب المشاكل ..

انا ما تكلمت ولا كلمه واحد من اخوان ريلي قالها
طلعي برا وكلنا اعيال قريه وكلن يعرف خيه ولا تمسينها بكلمه عشان اطشرج ..

قلبه متروس عليها ..

انصدم ان في حريم جذيه مو قادره استوعب ليش المتزوجه تخون ولا تسبب مشاكل لغيرها
قلت لها كلمه وحده
من حفر حفرة لاخيه وقع فيها ..

وطلعت معصبه .. وخالتي طبعا والبنات مو فاهمين شي .. قلت لهم كل شي صار ومنو هاذي بس سالفة البنت ما يبتها ..

لمن درا ريلها ان يتني للبيت قالها ماراح اطلق وبخليج معلقه وبتزوج ..
وفعلا سوا اللي براسه وتزوج .. اخت ريلي
الريال ذهبه وكل من يتمناه .. عمي وخالتي رافضين فكرة تتزوج بنتهم واحد متزوج .. وعنده اعيال

بس اهي كانت تبيه وراضيه بوضعه .. وريلي اهو من شجعها ..

وتم الخطبه والملجه بكل تفاصيلها ..
كان عمره اهو 28 واهي 20 سنه .. شكله ما كان يدل على عمره وايد زقرتي وفتنس ..
قالها انتي بنت وبسوي اللي تبينه ملجه وعرس ..

وايد فرحت لها .. ولد ناس معروفين وخوش ريال
بس كان شرط عمي انها تسكن عنده فالبيت ..
بيت اهل ريلي عباره عن بيتين ومقسم على شقق طابقين فيهم البنات والصالات رالقعده والطابق الثالث والرابع شقق ..

طبعا رفض بالاول بس وافق لان آآمن لها من النسره اذا طلع او شي ..

وتم العرس مثل ما كانت خالتي تبيه

تم العرس بشيراتون .. والمعازيم كان من الاهل ورفيجاتها ..
يعني باختصار كان عرس هادي وحلوو وملموم ..

تزهبت بشهرين بس كل شي تم بسرعه مثل ما يبي اهو
وزهب اهو الشقه حسب شرطه
وكان لويه وحوسه


ليلة العرس كانت تبي اللي يعزون عليها يدشون معاها وتبي اخوانها يزفونها ..

اهما 5 شباب بس 2 ارفضوا والثالث عمره 17 سنه اللي دشوا ريلي واثنين من اخوانه ..

ويهها بريء لابعد حد .. كانت ملكه بنص القاعه الكل انبهر من جمالها ..
دش ريلي واخوانه .. اسمع كلام الحريم اغلبه ع الشباب سواء ريلي ولا اخوانه ..

ووصلها للكوشه وصوروا معاها وكل واحد صور مع مرته
ريلي طول ما اهو موجود عيونه علي ..
ما ابالغ ولا اقول اني حلوه .. بس يقولي احس من زمان مو شايفج جذيه خبري فيج بهالشكل والميك اب هذا يوم عرسنا ..
مع ان انا اكره الفول ميك اب والاوفر .. بس تعمدت احط نفس مكياج عرسي ونفس التسريحه
كان هدفي هل يذكر شكلي بليلة عرسي ولا نساني ؟

للعلم انا طلعت من الصالون سيده ع الفندق حتى ريلي ما شافني عشان جذيه منبهر فيني .. العيون على حمويني كلهم
كل واحد قاضب ايد مرته ويصورنا .. قالي بسلم على عمتي وينها .. ناديت امي وصور معاها

طق باذني كلمه قبل لا يطلع ..
يننتيني وملكتيني

ويهي صار احمر ..
وقلتله يالله اطلع خلاص ..
قالي تغارين ..
قلتله العذارى وايد
ابتسملي
قلتله
ما الوم من سماك سيد العذارى

سهمه ارتفع فوق فوق

كلمه بسيطه خلته جذيه ..
الكلمه الحلوه وتغزل برجولة الريال لها مفعول وايد حلو
تغزلي بعصبيته
تغزلي برجولته
بشكله
كل شي فيه
حسسيه ان ما بعدك بعد
ولا لي عين تشوف غيرك

هالشي ينعكس عليج وعلى معاملته لج


جربوا منتوا خسرانين ..

تقريبا تمت ساعه ونص واهي مستانسه على خايفه .. حطينا لها اغنيه عشان ترقص ..

عندهم عاده العروس عادي ترقص .. اللي يراقصونها بس خواتها ورفيجاتها ..
شوي فج الخوف



يت دخلة الرياييل ..
المعرس تبارك الرحمن باين ان ولد مو متزوج ..
وايد ماشاءالله حلو .. وجنتل مان والابتسامه مو شايلته .. من الفرحه ..
معاه اخوانه واعيال عمه وربعه ..
تموا يرقصون وفرحانين له ..

امه وخواته فرحانين وايد
الام شايله العرس على راسها ولا مضايقها ان بيتزوج ثانيه ..

يمكن في اغلاط ما حبت تتكلم فيهم بس اكتشفها ولدها..
واضح رغبتها ان تبيه يتزوج غيرها ..

تم العرس بسلام ..

وطبعا اسبوع ما شفناهم بالفندق
خالتي سوت لها استقبال بالحديقه ..
الكل كان يسئلها ها حملتي ؟!
بسم الله البنت اسبوع بس

متى شهر العسل
قالت اخوي وريلي بيتفقون وبنسوي يميع شهر عسل
تبينا معاهم ومنها ايدد عهدنا ..

التكمله البارت الياي

واللي تنتقد يا ليييييييت تستوعبين كلامي وشنو المقصد تالي علقي

 

[مؤمنه بربي]

اختي ماتخافين من العين ذاكره كل قصه حياتج وسوالفج
مع رياج واشيا ماتنذكر !!
وبعدين يمكن احد من عايلتج يفطن ويعرفج
من طولج وشخصيتج والتواريخ ؟؟
والقصص ،..
المهم الله يهنيج ويسعدج
ويارب يرزقني بزوج صالح
بنات ادعولي اتزوج

 

[3tebeya]

اختي ماتخافين من العين ذاكره كل قصه حياتج وسوالفج
مع رياج واشيا ماتنذكر !!
وبعدين يمكن احد من عايلتج يفطن ويعرفج
من طولج وشخصيتج والتواريخ ؟؟
والقصص ،..
المهم الله يهنيج ويسعدج
ويارب يرزقني بزوج صالح
بنات ادعولي اتزوج

ليش اخاف من العين ؟ وادري انها حق .. واذا احد عرف منو انا شنو بيتغير .. للعلم ريلي يدري ان اكتب واهو مشجعني
وربي يرزقح بزوج الصالح

 

[lolwah]

الله يخليكم لبعض

ناطرين البارت الياي :*

 

[فروحته]

فديتج عتيبية حيل حبيت هالبارت
و حبيت انج قلتيلها من حفر حفرة لاخيه وقع فيها
هادي كانت السهم القاتل و كانت بمكانها جدام كل الناس
حبيت انج جددتي ميكاب العرس عشان تحسسينه انه معرس من الو و يديد
و هالشي وايد ياثر منها يتدكر ليلة العمر و منها ما يطالع غيرج حتى لو اكو احلى منج
ربي يسعدكم و يبعد عليكم العين يا رب


*

الي عرفته ان لازم نحسس الريال انه مركز حياتنا و ان عيونا ما تشوف غيره اهوا
بايجابياته بسلبياته و الاهم نتغزل فيه بكل هالصفات مهما كانت حتى لو عصبي بيستانس انه هالشي عاجبج
و ان انتي تحبيه بغض النظر عن حالته الي يكون فيها و جدي يعني
ادري صايرة اتفلسف وايد و نفس كلامج بس حبيت اقوله لاني فهمته من البارت
و موفقة يا قلبي ربي يسعدكم يا رب و يسخركم حق بعض

 

[الزيـــــ^^ـــــن]

كملي

متآبعتج


♡

♡

 

[N.o.d]

اب

اب


:eh_s(22):

 

[om fairoz]

عتيبيه حبيبتي استمري وحياتج وقصتج تصير بوايد بيوت عندنا بالكويت انا مستغربه من الي يقولون خيال وتأليف
عموما حبيبتي الله يوفقج ويسعدج ويسخر لج ريلج ويتمم حياتكم على حب وخير يارب​

 

[Om_Sanad]

الله يوفقج بحياتج يالغاليه

لي تنبيه بسيط ياريتج تتقبلين

انتي بموقفج مع بنت خالج ما فضحتيها جدام خالج و اخوانها و سكتي و كان جدام بس الحريم

و موقف بنت خالته فضحتيها جدام ابوها و اهلها كلها

مع العلم موقف بنت خالج ما يغتفر له كلش لان اهي تدري هذا زوجج و اهي من لحمج و دمج و كانت تسبب لج المشاكل و لا سمح الله الطلاق وبحسبه اختج المفروض و هذيح مو من لحمج و دمج فعادي تغار


شفت تصرفج كان في حزايزيه لان هذيج من اهلج و هذه لا المفروض الثنتين ينفضحون جدام كل الاهل

هذا رايي و تقبلي مروروي

 

[nameIess]

خيال واسع، كاتبة مسلسلات في المستقبل. بالتوفيق.

 

[امون المطيري]

عتيبيه كملي حبيبتي متابعينج

 

[Aloe Vera]

غريبة شلون اهل ريلج رضو بزواج بنتهم احس صعبة ان وحدة عمرها ٢٠ توها في بداية عمرها تتزوج واحد عمره ٢٨ و متزوج و معلق زوجته و عنده عيال و زوجته مو زينة و راعية فضايح و مشاكل يعني مادري الواحد يحل مشاكله مع مرته اول بعدين يتزوج وحدة ثانية و مجازفه بحق البنت انها تاخذ واحد جذي حالته معقدة انا هذا رايي

 

[ام شيوخه~~]

الي يقولون خيال ممكن نعرف وين الخيال بالموضوه؟؟؟؟ ترى تصير قصص اكبر من الي هي ذكرته. وانا اشهد لهالشي .. بالعكس الموضوع واقعي وماله الخيال وجود بالموضوع .. ياما نقرا مواضيع نترفع عن الرد اذا ماعجبنا .. لان فيه احترام حق الي يطرح الموضوع .. الله يوفق الجميع وجد ماله داعي التجريح بالردود !!!
الله يهنيها ويسعدها ويسعد الجميع ويصلحهم

 

[nameIess]

الي يقولون خيال ممكن نعرف وين الخيال بالموضوه؟؟؟؟ ترى تصير قصص اكبر من الي هي ذكرته. وانا اشهد لهالشي .. بالعكس الموضوع واقعي وماله الخيال وجود بالموضوع .. ياما نقرا مواضيع نترفع عن الرد اذا ماعجبنا .. لان فيه احترام حق الي يطرح الموضوع .. الله يوفق الجميع وجد ماله داعي التجريح بالردود !!!
الله يهنيها ويسعدها ويسعد الجميع ويصلحهم

نعم كل شي يصير. بس هذا الموضوع من نسج الخيال.
وهذا ما يمنع انكم تستمتعون فيه او اتأثرون معاه!