تعالو امشوا معاي خطوه بخطوه مع ريلي واستفيدو البنت والمتزوجه والمقبله على الزواج

[شيخة آلغيد]

ووووووووتنـق

 

[Aloe Vera]

جان صارحتيه بنفس اليوم و هذيج اللي بالعزيمة جان احرجتيها بصراحة قليلة ادب اهي

 

[Om_Ksha]

صح كلامج المفروض بنفس اليوم تكلمينه مو تخشين بقلبج شهر وهذيج أعوذ بالله من ابليسها شتبي بالضبط الريال تزوج وعيل بتخرب حياته يعني ترضا احد يقول جدام الكل عن ماضي ريلها ماكو ريال ماعنده سوابق الا قليييل فشي طبيعي

 

[ظبية بوظبي]

وين المشكله فالموضوع !!
انتي الي تبليتي زوجش وركبتيه سالفه ماله علاقه فيها
شلي ماخذش عشان ينسى ذيك !
على كيفش الفتي سيناريو وركبتيه فالرجال !
بصراحه امرش عجيب
الحرمه قالت لش انه على اساس تقدم لاختها لكن اهلها رفضوه وهي مسويه فيها جوليت وبنتظره العمر كله
طيب شلي خلى خيالش يتوقع انه تزوجشش عشان ينسى ذيك !
ذكرت لش هالشي ؟

ما عليه تنرفزت لان اضطريت اقرى السالفه مرتين عشان افهمها

وبعدين ولنفرض ان صحيح الي تخيلتيه
ما خلاص بح نسيتيه ذيك
وبالعكس هالشي المفروض يخليش تفخرين بذاتش الي قدرتي تمتلكينه
في حريم بصراااحه ااااخ مابغلط بس يحبون يسون اكشن

 

[ظبية بوظبي]

بعد عندي شي ابقوله
بخصوص الزفته الي فتحت لش موضوع انتهى
يعني هي اش مستفيده من ورى كلامها الوصخ السخيف ؟!

ذكرتيني بسالفه وحده من صحباتي

كانت بعدها مخطوبه
تقول ان في يوم طبت بيتنا وحده شاميه ما نعرفها .. الا وتقول لي زوجش هذا حبيبي وانا تعرفت عليه لان كنت اعطيه دروس تقويه وما اذكر يمكن بعد بينهم علاقه محرمه الله يسامحني في هذي في حال ما طلعت صح لان مب متاكده بما ان السالفه قديمه

فهيا جايه متعنيه عشان تقول لصحبتي عن علاقتها مع زوجها
وتحطم صحبتي وتفسخ الخطبه
اي هذا هم شغلهم عادي عندهم يفضحون حالهم وانهم بلا شرف بس مب مشكله المهم يوصلون لهدفهم
وتقوم بنت الحمايل تاخذها عزه النفس وتطلب الطلاق
وياخذون رجالنا مننا

بس عجبتني صحبتي
راحت نادت امها وطردوها طرده الكلاب من البيت
والزواج تم

هذا المفروض الوحده تسويه
لا نخلي ذيلا خططتهم تمشي علينا
ويضحكون علينا وعلى طيبتنا الي في نظرهم سذاجه





ولو ان صحبتي بعد سنننين لقيتها بالمصادفه في عرس وكانت معاها بنتها
لما سالتها عن احوالها حسيت فيها بكيه بس ماسكه نفسها قدام الناس
وطلبت رقمي
لكن ما دقت ليومكم هذا
ما ادري هل تخربطت الارقام لان لقتنها لها
ولا فضلت تحتفظ بهمومها
الله العالم

قعدت اليوم افكر بكل شي صار وبالي تكتبه عتيبيه
هل يستحقون مننا نكافح عشانهم ؟

احس الزواج مجهد ويقصر العمر .. وفي نفس الوقت مضطرين ندخله لان نظرات الناس ومجتمعاتنا ما تساعد نعيشها بكيفنا

 

[لذه السكر]

احس الزواج مجهد ويقصر العمر .. وفي نفس الوقت مضطرين ندخله لان نظرات الناس ومجتمعاتنا ما تساعد نعيشها بكيفنا

انا مو معاج بهالكلمه .. للاسف ان الناس دايما تشتكي وتذكر السلبيات بس محد يمدح او يقول شي ايجابي عن الزواج يخافون من العين

فالبنت او الشاب اللي مو متزوج ولا جرب الزواج يخاف منه ويحاول يتجنبه

اما الحقيقه شي ثاني ما اقولج الزواج سهل لا طبعا بس اذا كان الزوج صالح ويخاف ربه بغض النظر عن اطباعه والزوجه نفس الشي الحياه تمشي وتمر عليهم ايام سعييده

ماكو حياة كامله بس الزواج حلوووو جان ماشفتي هالناس كلها متزوجه

 

[تولة مسك030]

السلام عليكم

عتيبيه بسرعه نبي النهااية

 

[تولة مسك030]

:bbbiu:

 

[فروحته]

حبيبتي تولة مسك ترا هادي مو قصة لها نهاية هههه
فديتج هادي مجرب تجربة لها و اهيا دكرت بالصفحة الي قبل ان لها ظروف
ربي يوفقها و ان شاء الله ترجع لنا بالسلامة

 

[ام الحلوااات]

السلام عليكم

عتيبيه بسرعه نبي النهااية

يـــامــــاااالـــــج مـــن الــخــــيــــر.....
مـــاحــــووولـــهـــــا نــــهــــااااااااااااااااايـــــــــه
وهــــي كـــل طــاالــعـــه لـنــا بـمـوقــــف :bbbiu:​

 

[هِتاف]

^
^
ههههههههههههههههههههههههه

 

[حلم *]

عتيبية ياعيني ..
ليش كذا المفروض سمعتي من زوجك من البداية حنا دايم لما نعرف شي جديد او ننصدم نقعد نتخيل قصص وآلام ونعيشها ترا والله ما يضيق الصدور غير هالسواة !!
احس لو استخدمتي ذكائك وخبرتك وسكتي هذيك التافهه عند حدها بنفس اللحظه وايد احسن كان المفروض تكون لك ردة فعل غير الصمت والتصديق في زوجك
لو قلتي "اوكي حبيبتي نطريه الين ما تعجزين ان شاء الله" بضحكه خبيثه والله كان طاح وجهها وشمتت نفسها على كلامها بس جد انتي واجهتي مشاكل في نظري اصعب واقوى حيل من هالموقف ليش هذا ضخمتيه !!!
انتبهي !!!!!
لا تتكرين لغيرك مجال يدش ويخرب بيتك ويخرب علاقتك بزوجك
وشوفي كﻻم الاخت ظبية فعلا احس بنات ابليس يدورون هالفرص دواره عشان يهدمون بيوت عامرة حسبي الله فيهم!!
ناطرينج يا عسل يلاااااا ����

 

[ثريا الكون]

مع احترامي لصاحبة الموضوع وياريت كلامي يكون مو جارح بس القصة قريبه جدا للخيال بصراحه حاولت استوعب شغلات بس عقلي رفض يصدقهاا وشكراا

 

[3tebeya]

مساء الخير


تبون تعرفون شنو قلت حق ابوي ..


قلتله اني مزعلته وغلطت عليه .. قلبت الموضوع علي انا
اول مره يصير فيني جذيه .. بس عشان ما اخلي ابوي ينغث النيه افضفض لاحد بس تبلعمت ..
وقالي هذا ريلج ما يصير والنصايح ويعلمني امي شلون تعامله وتحترمه .،

انا ما نزلت جنطتي نزلت جني مسيره ..
مابيه ينغغث ويحاتي ..

الكل لامني ليش تزعلينه ريلج ذهبه .،
وحتى اخواني لاموني وزفوني .. مصدومه من نفسي


دزيتله مساج وقلتله ترا قلت لاهلي انا اللي مزعلتك مابيهم يدرون عن شي
ما رد علي بكلمه ..
شوي ودق علي ..
عييل ردي بيتج انا مسامحج وخلينا نتفاهم وافهمج كل شي

بس رجعي وبتعرفين السالفه بتفاصيل واذا حسيتي اني جذاب مستعد اسوي اي شي عشان تصدقيني

قلتله برد لان مابي ابوي يتضايق ..

وانا طول الدرب افكر .. شنو بتكون السالفه
شنو بيجذب علي

بنات اغلبكم لامني ..
لانكم ما حسيتوا هالاحساس عساكم ما تحسونه وتذوقون حرته ..

وحده تنطره؟! شنو يعني !!
يعني بينهم علاقه كبيره ومستحيل ينساها
اهني التفكير ..

رجعت وكان مسوي عشا ههههه
اي اي مسوي عشا
ريلي ساعات يحب يطبخ .. ويبدع


انا مالي نفس اطل بويهه حتى .. بسس جبرت نفسي وتعوذت من بليس .. لمن لفيت على بنتي
قلت انا الحين اهو بين ايديني انا وعندي بنت منه

ليش اكدر نفسي .. حاولت اقص ع نفسي بس تحاولت يا بنات


تبون الصج من اليوع كليت .. نسيت الزعل لووووول


ويسئلني ها شرايج بطبخي ..
شفت عيونه وذبت .. وقلتله مثل الايد اللي مسويته
ويعطيني ذيج القمزه اللي فاهمتها

القصد .. ادري زعلانه بس ما تبين تكسرين فيني وتجامليني ..

من داخلي يحترق عليه احس ظلمته بس من حقي اعرف كل شي

..

عقب ما نومت بنتي ..
وقعدنا وقالي الحين ياا وقت اقولج السالفه كلها

قلتله تكلم كلي اذان صاغيه لك ..

قالي ..

بدايتها قبل 5 اسنين ..
كنت طالع مع الربع وتعرفين ان التحرش شلون شغله وبدايت القزز
رفيجي رقم وحده وصارت بينهم علاقه ويبيها زواج
لمن عطاها الرقم كانت اختها معاها .. وانا ما كنت يمها .. ولا حولها ،.
جان تقول لصاحبي الحلو اللي يمك ليش ثقيل ..

المهم رفيجي نقزني طالعها يقول انا جاملت جان تقولي ممكن ادق من تلفونك
قلتلها تفضلي
جان يرن عندها تلفونها
يقول انا انصدمن شالجرأه
اول مره تمر علي بنت جذيه ..
يقول بدت تدق بشكل يومي وسوالف لساعات الفير

يقول ما كنت حاس بعمري
شلون انا تعرفت عليها ..
لمن ياا هذاك اليوم وقالتلي في ناس بيخطبوني ..
انا ابيك مابي غيرك
يقول قلت لها يا بنت الناس انا مو مهيأ نفسي للزواج ،، يقول ما كنت حاس نفسي احبها ومابيها

يقول مو اهي اللي املكتني
يقول مو ناقصها جمال ولا جسم ولا اصل بس ما ارتحت لها

يقول عصبت وسدته بويهي ..
يقول جان اقول اوريج انا تسدينه بويهي

يقول صارت تدق ما ارد
عقب اسبوعين جان تدق علي وحده وتقولي الحق حبيبتك تبي تموت عشانك
جان اقولها وينها اهي ..

يقول شفتها ويهها كله مبقع وكدمات وجسمها مزرق

اشفيج مننو مسوي فيج جذيه
قالتلي بالفم العريض
اذا ما ييت وخطبتني .. بقولها انك هتكت عرضي واغتصبتني وجسمي مبقع منك

يقول انا انذهلت وانصدمت فيني بنات جذيه
يقول انا خلاص ماني مستوعب شلون جذيه يطري عليها .. في ناس صاحيه شرفج وسمعتج بعتيهم عشاني

قلت اللي ما تواصلينه بيدج واصليه بريلج .. مشيت وخليتها ..
يقول رحت قلت لصاحبي كل شي صار

قالي واعدها بمكان وقولها بستر عليج بس اعترفيلي غلطتي مع منو

يقول سويت اللي قالي عليه لكن كل المححادثه تسجلت
وقالتلي انها غلطت مع واحد كانت تحبه وعشمها ..
وراح وانقطعت اخباره..
طبعا اعترفت بالمكان وين صار جذيه والوقت ..


يقول لوو رديت البيت ودقيت عليها ..
قلت لها ان قربتي لي ثاني مره وان شفت رقمج بتلفوني صدقيني بدزه لاخوانج وابوج


يقول سبتني سب .. عشان سجلت لها ..
يقول كان ودها تسوي شي يخرب عرسي .. بس الحمدالله انتي ما كنتي تبين عرس ..



يقولي عشام اهي تبي تغثج واختها ما تزوجت من غلطتها وتدري انا شسويت باختها يقول انا ما كنت اهدد بس كنت بخوفها .. فحاقده علي وتبي تخرب حياتي ..
ما الومج ومن حقج تزعلين


بس ابيج تكونين لي ثقه ومصدر استمرار
مابي اي اهتزاز بحياتنا اذا مو عشانا عشام هالبنت

تأسفت منه وبست راسه وطيبت خاطره بجم كلمة حلوه ..

وان هالشي ما يتكرر مره ثانيه

 

[3tebeya]

مع احترامي لصاحبة الموضوع وياريت كلامي يكون مو جارح بس القصة قريبه جدا للخيال بصراحه حاولت استوعب شغلات بس عقلي رفض يصدقهاا وشكراا

رايج احترمه .. بس يعلم الله كل شي اكتبه صاجه فيه وكافي عند ربي صدقي
وتسلمين ع مرورج

 

[ظبية بوظبي]

يا ساتر

اعتقد بعد الي صار مستحيل ينحرف ويكلم
يعني ريحي بالش ههههههههههههه

الله يستر على كل المسلمين والمسلمات

 

[كاملة الدسم]

قريت موضوعك كله حياتك تشابه حياة وايد بنات بالكويت بس عندي سؤال
ليش احتفظتي برقم زوجج لما رقمج وإنتي مالج نية تدقين عليه !!!!!! المفروض تقطين الرقم من حزتها
ما تخشينه فترة أسبوع

 

[3tebeya]

قريت موضوعك كله حياتك تشابه حياة وايد بنات بالكويت بس عندي سؤال
ليش احتفظتي برقم زوجج لما رقمج وإنتي مالج نية تدقين عليه !!!!!! المفروض تقطين الرقم من حزتها
ما تخشينه فترة أسبوع

وشهد شاهدا من اهلهم .. كلامها موجهه للبنات الللي عبالهم خيال خخخخ

انا خشيته بس مادري ليش .. يمكن النصيب جذيه

 

[فروحته]

حبيبتي عتيبية شلونج؟ شخبارج؟
شلون صارو الناس المقربين منج عسى صحتهم في تحسن؟

انا قريت اخر بارت و ترا انا حسيت فيج و لو منج بسوي اكثر من جدي
لان لما الوحدة تحس ان الي تحبه و مرتبطة فيه كان مرتبط قبلها
تفكر ادا للحين يحبها و ادا تنطره اكيد واعدها بشي و من هالكلام
و خاصة ان الشيطان على طول يخلينا نفكر بالاشيائ الشينة
و اهيا ما تنلام عتيبية ربي يوفقكم و يسعدج يالغالية
الله يعينج و زين انج ما وصلتي الموضوع لاهلج و انا حبيت هالنقطة
انا نفسج حتى لو شنو ما يصير ما اوصل لاهلي شي من خصوصياتي
لان تبقى هادي حياتي الخاصة مع الانسان الي احبه و لازم احافظ عليها بكل تفاصيلها
حتى لو كانت تضايق و تزعل و تكدر الخاطر
ربي يوفقكم و ان شاء الله ما يصير شي بالمستقبل يضايقكم

سلامتج

 

[Omhamood]

حبيت القصه مشاء الله عليج موووهوبه

طريقة سردج الاحداث ممتعه سواء كانت حقيقه او من وحي الخيال

نصيحه اتجهي للكتابه لان الي مثلج حرام تضيع موهبتها ،،،،،،


بس عندي سؤال شسالفة الحريم علي ريلج ههههههههه

ماكوو لهالبلد الا هالولد الكل يتخطفه من صوب

والله لو براد بيت ماصار معاه جذي هههههههه

عالعموم الله يوفقج ويحفضج بعينه الي ماتنام