تعالو امشوا معاي خطوه بخطوه مع ريلي واستفيدو البنت والمتزوجه والمقبله على الزواج

[dlooo3a6]

انا مع 00دوخه00 بكل كلمه
وعلى فكره كل شوي احدث الصفحة شوقتينا

 

[N.o.d]

يالله عيل ننطر الياي ي حلوووه ♡♡

اي صج كلام دوخه # انا وحده من تزوججت صرت نار وشرار استغفر الله وﻻ قبل بليده وبارده لابعد حد وتناحه راكبه راسي
ودي اخفف حده طبعي واصير هاديه و رزينه وافكر قبل لا اهد لساني

الله يثبتج ويكملج بعقلج يارب :*

 

[3tebeya]

حبيباتي انتوو

مساء الخير على الكل

حبيبتي دوخه المواقف لابد يكون في شي رابط بينهم والروايه مو بطريقتي الروايه لها اسس الاحداث الشخصيات الزمن والمكان الحبكه
بالعكس انا مو قاعده اقول الا شي ينبني عليه موقف وبتلاحظين انتي مع الوقت .. دراستي للغه العربيه كمدرسه اعرف شنو روايه وشنو السرد وشنو الذكريات
وابوي انتي ما ازعل فديتج

 

[الله يجازيك]

ﻻ يوقف ﻻ يوقف
وربي استفدت منج وان شاءللله ان رزقني ربي بالزوج الثاني
اعدل غلطاتي وما اخذ قراري بسرعه واتصرف بعقل
والله يتمم عليج وﻻ يغير عليج ويسخر لج زوجج يارب

وﻻ يوقف ﻻ يوقف

 

[مطلقه جريحه]

روووعه رووعه قريته بعد فوات الاوان

 

[أمورته]

كملي ي غالبيييه

 

[افراحي]

قاعدين ننطر يالله وين التكمله ..!!​

 

[3tebeya]

فترة النفاس ..


بلشت معاي حالة الاكتئاب من عاشر يوم .. جدد والله بنات كرهت حتى بنتي مابي اشوفها كنت ارضعها غصب .. مادري شايني هالعشر ايام كان ايي كل يوم بس ما ابي اشوفه .. لدرجه تهاوش معاي على هالسالفه


وصلت لمرحله ابجي مثل اليهال وكنت اصارخ بويهه طلقني مابيك .. امبيه مادري شلون كنت اقول جذيه

من قلتله طلقني ما شفت ويهه بعد . تميت عشرين يوم ماا يا واذا ياا يكون تحت ينزلون له بنته وبس

ويروح ما يسأل عني كنت اموت من الحره كنت محتاجتله وايد وايد وايد بس كان متضايق مني وادري تضايق وحزت بخاطره وايد بس مو بيدي

تميت عشرين يوم احورف بعمري وارجع كل شي قديم فيني دشيت نادي ولبست مشد طول الوقت واخذت مدربه خاصه بنات انا دشيت النادي وانا لي ٣٠ يومين

شي يحر صح ريلج يطنشج ..
كنت رايحه اتسوق بالافنيوو وبروحي .. شفته بصدفه مع ربعه طارت عيونه شبت ضووو

وايد فرحت لمن شفته وااااااااااي استانست حدي هههههههه
ياني وليش يايه ليش ما قلتي وليش مو معاج احد

طبعا سويت روحي مسكينه واكسر الخاطر ههههههههه

وقلتله محد يدري عني ولا يداريني غير نفسي
ويهه يقول ببتسم بس مابي

تخيلوو خله ربعه ويا يفتر معاي .. قلتله شتبي ياي معاي الحين مو زعلان خلاص خلك على زعلك

تخيلو بكل برود قالي

لا تونسين عمرج بس عشان ما اعصي ربي طالعه بدون محرم !!

يعني يحبني ويغار علي واااي من داخلي ارقص اوقص

دشيت محل ملابس داخليه طبعا مستحيل ما يدش لو متروس حريم .. اخاف عليج .. المهم قاعده اقولها ابي سايز ميديم جان يقول للموظفه عطيها دبل اكس


نحييييييسسسسس حدا

المهم جان اقولها لا ميديم .. يلف ويهه ويضحك ..

شفت كذا قميص نوم وتعمدت اقلبهم جدامه الريال تنح اعرف ريلي لا تنح ومزج على الشي بعد هههههههه

بقلبي اقول وانا بنت ابوي يرضى يرضى ربي عطاني الصدفه هاذي وما انتهزها ههههه

شفوا بنات صج طولي ١٧٠ بس اعتبر قزمه عند ريلي طوله ١٩٣ قولو لا اله الا الله .. تبارك الرحمن

المهم دشيت فالنتيو وعجبني شوز شوي مرتفع نقدني عشان كعب ؛(

شنو بتصيرين واحد من ربعي ��
وطنقرت وقلبت السالفه عليه ومديت بوزي ونفست وسويت روحي ببجي هههههههه
حرررررريم ��

المهم كنت قاعده اتعير واقلقس وايد دشيت دبنهامز ونسيته من شفت ميك اب

على ما خلصت جيس فالنتيو شفته بيده اسوي روحي ما شفت شي
شريت وايد من دبنهامز وشريتله مانسيته واهو حاسب على كل شي ومن الضحكه ضروسه العقل بينت ههههههههه

تميت زعلانه ومرينا صوب ماك ميك اب
جان يوقف عنده وقالي حبيبج هههه
قلتله مالي حبيب انا

شوفو انا اعترف فيني عياره وايد
ودشيت ماك ولا سئلته عن الجيس ما حبيت اخسره اكثر .. يعني ما خذيت وايد

بالنهايه عرفت .. اذا زعلانه او زعلان الطلعه تراضينا غصب طيب ..

كالعاده اقلب الموضوع عليه وانا اللي ازعل واطنقر

اعتذرت له وتاسفت وانا هاذي حاله تمر كل وحده بالانفاس قام يعاتبني وحلفت ما اعيدها الليله ختمناها بمطعم وتعشينا وتونسنا ورديت ايام الخطوبه ارد البيت وادش سكاتي مابيهم يدرون شصار هههههههه

المهم جان يفاجأني بالجيس وعلى اساس اني ما شفته .. وخذيت اللي ابيه ههههههه

الملخص
صدفه تعالج خطا
طلعه تسعدكم وتوددكم من بعض
مو شرط تتسوقون سوي بتودين اليهال الالعاب او خليهم يحنون على ابوهم
وانتي بتروحين على اساس ماتبين اليهال يحسون بشي

بنات ديروا بالكم تتهاوشون جدام اعيالكم حتى واهما صغار .. المخ ترا ببداية الشهر الثالث يبدا يجمع ويكون ويدرك اشيا تنبني لمدى بعيد
وتتركز في باله اكثر
عشان تطلع شخصيته قويه وفعال وطفل صحيح المشاكل بحدود غرفة النوم


وسلامتكم

 

[مالك لزوم]

يعطيج العافيه ~,َ

 

[3tebeya]

صبحكم الله بالخير

عسى ديرتنا كل عام بخير



تميت تقريبا ٥٥ يوم بضبط عشان رجعت بيتي .. طولت مووو ؟
لان صارت معاي مشكله .. مع ان وايد اهتم بعمري ولبسي واكلي وانا بالنفاس بس من بعد ٣٢ يوم قمت اي شي البس وتفصخ
دشني هوا ولعب فيني لعب .. لان ريلي كان ايي وساعات ينام عندي ف مستحيل اقعد بدراعة امي ويدتي وشعري مدهن وريحتي حلبه


بس كليتها والله .. رداده من يديد ادويه من يديد ..
شلون اكتشفت ان فيني هوواا

اسمحولي عالكلام بنات .. بس لمن يكون ريلي عندي شي طبيعي بيتحرش ووو وانتو عارفين .. ما نتعمق بس انا ما احس مرتاحه احس عمليتي فيها شي
لدرجه ما اقدر اقعد عدل يعني الم بسيط
دشني هوا واصوات ومادري شنو ويع لوعه

سوتلي امي تحاميل للمتزوجات فقط
بنات وحده بوحده .. طلعت كل اللي فيني وكنت اسوي رياضه وانتي قاعده شدي هالمتطقه كرريها وايد ..

شربت فلفل ابيض وماش وزنجبيل خلطة عتيبيات لوول
التحاميل .. تحاميل فتافيت تلاقون طريقتها بقوقل
وحتى الماش وفلفل ابيض وزنجبيل معروفه للتضيج والهوا وكل شي تشربينه مع حليب ..

المهم بنات حتى لو مو حامل جربي الفلفل الابيض والماش المطحون والزنجبيل المطحون كلهم مقدار واحد كثر ما تبين وقت الاستخدام قفشة حليب وشربيها مع حليب


بنات شي خيالي .. اقولكم شلون بعدين


المهم يا يوم طلعتي كانو حمولتي مسوين لي استقبال !! وقته غلط صح هههههه

ريلي متنرفز ومتضايق ومتعومس ..

كشخت ومكياجي بايدي طبعا .. الكل عباله حاطه صالون والحمدالله حبي للميك اب ياب نتيجه بس دقيت على وحده يت سوت شعري


شكلي كان حدا عجيب .. كشخت بنتي ابدله من بربري .. مر اليوم على خير ووايد استانست بحبهم لي .. وفرحتهم برجوعي .. صارت ١٢ .. شلييت شلايلي وقمت صعدت فوق ..

كان بركان وجمر يغلي .. ويهه منتفخ ومعصب .. حتى انا بس مو بيدي هم فشله اخليهم واصعد لمن يروحون الناس .. يتني فكره شيطانيه .. جهزت ملابسي وملابسه بجنطه وعدتي كلها وملابس بنتي وقلتله اني حاجزه فندق وانا مو حاجزه ههههه


قالي والصغيره ..
الحمدالله تشرب حليبتها واتنام وهذا وقت نومتها وما تقعد الا ٤ او ٥

طبعا طخ وشوي ارتخى ..

طلعنا والحمدالله ماكو احد بصاله رحنا .. ريجنسي .. عند الرسبشن

قالي روحي الغرفه وانا ايب الاغراض انا صارت بريولي ترولي هههههههه

كلمته مثل المينونه وانا ابي افاجا ريلي ومجذبه عليه حاجزه وانا الحين لحجز الريال ما قصر بسرعه عطاني المفتاح حجزت سويت عشان ما يقول بخيله ..
نظامي ترا اخذ من جيبه وعايده هههههههه


طبعا جكني وعرف توني حجزت بس يازتله عشان نغير جوو .. بدت افلام الفندق

نسيت الحليب .. مع ان ما فطمتها بس ما تبي صدري ..


راح واشترى حليب ..

شربتها وتوهي بتنام .. الا صرخت .. بدا المغص وتتلوى .. المهم خليتها تخرج واهو يقولي

انتي تغتصبين بنتي جدامي ههههههههه
تعرفونها حركة قطن اذون وفازلين


قالي تغتصبينها انتي ههههه


المهم اهو قاعد على اعصابه اشيا اكتسبها واهي طولة البال مع ان عصبيي وما يحب ينطر


المهم ثاني اول ما قعدنا .. او سؤال قاله لي ..


انتي مسويه شي بنفسج .. شنو شمسويه ..
اللي اعرفها ويسولفون فيه الربع بعد الولاده تصير غنجه هههههههه
انا ما حسيت بهالشي جنه ما ولدتي

اهني سويت حركة الانتصار الا اهي الفلفل والماش


قعدنا ثلاث ايام بالفندق تغير جووو ومنها نبي بروحنا

وان شاءالله الياي اكثر

 

[3tebeya]

صبحكم الله بالخير

عسى ديرتنا كل عام بخير



تميت تقريبا 55 يوم بضبط عشان رجعت بيتي .. طولت مووو ؟
لان صارت معاي مشكله .. مع ان وايد اهتم بعمري ولبسي واكلي وانا بالنفاس بس من بعد 32 يوم قمت اي شي البس وتفصخ
دشني هوا ولعب فيني لعب .. لان ريلي كان ايي وساعات ينام عندي ف مستحيل اقعد بدراعة امي ويدتي وشعري مدهن وريحتي حلبه


بس كليتها والله .. رداده من يديد ادويه من يديد ..
شلون اكتشفت ان فيني هوواا

اسمحولي عالكلام بنات .. بس لمن يكون ريلي عندي شي طبيعي بيتحرش ووو وانتو عارفين .. ما نتعمق بس انا ما احس مرتاحه احس عمليتي فيها شي
لدرجه ما اقدر اقعد عدل يعني الم بسيط
دشني هوا واصوات ومادري شنو ويع لوعه

سوتلي امي تحاميل للمتزوجات فقط
بنات وحده بوحده .. طلعت كل اللي فيني وكنت اسوي رياضه وانتي قاعده شدي هالمتطقه كرريها وايد ..

شربت فلفل ابيض وماش وزنجبيل خلطة عتيبيات لوول
التحاميل .. تحاميل فتافيت تلاقون طريقتها بقوقل
وحتى الماش وفلفل ابيض وزنجبيل معروفه للتضيج والهوا وكل شي تشربينه مع حليب ..

المهم بنات حتى لو مو حامل جربي الفلفل الابيض والماش المطحون والزنجبيل المطحون كلهم مقدار واحد كثر ما تبين وقت الاستخدام قفشة حليب وشربيها مع حليب


بنات شي خيالي .. اقولكم شلون بعدين


المهم يا يوم طلعتي كانو حمولتي مسوين لي استقبال !! وقته غلط صح هههههه

ريلي متنرفز ومتضايق ومتعومس ..

كشخت ومكياجي بايدي طبعا .. الكل عباله حاطه صالون والحمدالله حبي للميك اب ياب نتيجه بس دقيت على وحده يت سوت شعري


شكلي كان حدا عجيب .. كشخت بنتي ابدله من بربري .. مر اليوم على خير ووايد استانست بحبهم لي .. وفرحتهم برجوعي .. صارت 12 .. شلييت شلايلي وقمت صعدت فوق ..

كان بركان وجمر يغلي .. ويهه منتفخ ومعصب .. حتى انا بس مو بيدي هم فشله اخليهم واصعد لمن يروحون الناس .. يتني فكره شيطانيه .. جهزت ملابسي وملابسه بجنطه وعدتي كلها وملابس بنتي وقلتله اني حاجزه فندق وانا مو حاجزه ههههه


قالي والصغيره ..
الحمدالله تشرب حليبتها واتنام وهذا وقت نومتها وما تقعد الا 4 او 5

طبعا طخ وشوي ارتخى ..

طلعنا والحمدالله ماكو احد بصاله رحنا .. ريجنسي .. عند الرسبشن

قالي روحي الغرفه وانا ايب الاغراض انا صارت بريولي ترولي هههههههه

كلمته مثل المينونه وانا ابي افاجا ريلي ومجذبه عليه حاجزه وانا الحين لحجز الريال ما قصر بسرعه عطاني المفتاح حجزت سويت عشان ما يقول بخيله ..
نظامي ترا اخذ من جيبه وعايده هههههههه


طبعا جكني وعرف توني حجزت بس يازتله عشان نغير جوو .. بدت افلام الفندق

نسيت الحليب .. مع ان ما فطمتها بس ما تبي صدري ..


راح واشترى حليب ..

شربتها وتوهي بتنام .. الا صرخت .. بدا المغص وتتلوى .. المهم خليتها تخرج واهو يقولي

انتي تغتصبين بنتي جدامي ههههههههه
تعرفونها حركة قطن اذون وفازلين


قالي تغتصبينها انتي ههههه


المهم اهو قاعد على اعصابه اشيا اكتسبها واهي طولة البال مع ان عصبيي وما يحب ينطر


المهم ثاني اول ما قعدنا .. او سؤال قاله لي ..


انتي مسويه شي بنفسج .. شنو شمسويه ..
اللي اعرفها ويسولفون فيه الربع بعد الولاده تصير غنجه هههههههه
انا ما حسيت بهالشي جنه ما ولدتي

اهني سويت حركة الانتصار الا اهي الفلفل والماش


قعدنا ثلاث ايام بالفندق تغير جووو ومنها نبي بروحنا

وان شاءالله الياي اكثر

 

[تبيني آرضى عليك]

آآآآآب

 

[Aloe Vera]

وي مسكينه بنتج شنو حركة قطن و فازلين ؟؟؟؟ اول مرة اسمع فيها


المهم كملي القصة ناطرين

 

[3tebeya]

حركة عود الاذون تدهنيه فازلين شوي وتفرينه مكان الخروج كرمكم الله ..

ما اسويها وايد .. بس للحالات الميتعصيه .. لمن يكون فيها مغص واشوفها تتعصر من الغازات اسويلها عشان تقدر تخرج طبعا مع اول شي ترجعين ريولها شوي ورا مادري فاهميني انتو عشان اطلع الغازات اللي ابطنها وادخلينه شوي شوي تفرينه ومو وايد اللهم جزء بسيط بترتاح لانها خرجت .. وبسس وبكمل ان شاءالله


اليوم اعذروني بنودي مهر اخوي واستسمحوني عذرا حبايبي ..

 

[سمو الغلآ]

وناسسا متابعه

وعسى ربي يحفظكم من كل ششر


والفلفل والماش جم مره باليوم ؟

 

[3tebeya]

مره باليوم .. بس لا تشربينه بطنج خاليه .. صحيح حاااااااار ويشلوط بس نتايجه ناااااار وحتى بتحسين تحت شابه ضو بس دشي وشوفي نتايجها بقوقل بتدعين لي

 

[شمعه م]

السلام عليكم
يسعد مساكم
الله يحفظكم ويخليكم لبعض :yaaaaaarb:


بسألك أختي أش سر سعادتك الزوجية ؟؟؟
وشلون خليتي زوجك يتعلق فيك كذا؟؟؟؟

 

[3tebeya]

السلام عليكم
يسعد مساكم
الله يحفظكم ويخليكم لبعض :yaaaaaarb:


بسألك أختي أش سر سعادتك الزوجية ؟؟؟
وشلون خليتي زوجك يتعلق فيك كذا؟؟؟؟

يعتمد على اشيا وايد اذا عندج بيبي اقدر افيدج اكثر بدون حواجز دزيلي بنج اذا ودج

 

[شمعه م]

يعتمد على اشيا وايد اذا عندج بيبي اقدر افيدج اكثر بدون حواجز دزيلي بنج اذا ودج

أش يعني (بنج)؟؟؟؟؟؟؟ ما فهمت :eh_s(10):

 

[كتكوته حبيبي]

يعطيج العافيه صراحه موضوع روعه استمتعت وانا اقرا وانتظر البارتات اليايه
الحمدالله انا نظامي شوي في من نظامج مع ريلج والحمدالله تعلمت بعد اشياء او بالاحرى اشياء عبالي انا ماتتسوى ولا تنقال للريل بحسب عادات عايلتنا بس الحين بتجرأ اسوي الي مايتسوى ههههههههه

المهم الاخت الي فوق كاتبه شنو يعني بنج يعني pin bbm قصدها