ممكن مساعده بخصوص الشقق الفندقية

[مطر شتاء]

السلام عليكم
انا انشاءالله جايه الكويت الشهر الجاي وابي شقق رخيصه او فندق رخيص قريب من العارضيه والرقعي عندي شغل ساعدوني تكون شقه بغرفتين لني حنى 4اشخاص كل شخصين بغرفه بس ابيها يوم واحد ساعدوني دخلت مواقع فنادق بس مافهمت شي كاتبين الحد القصه 2 شخص مافهمت

 

[aft]

دلال سويت توها مفتوحة جديدة بمنطقة الفروانية خلف كروان بلازا وبجانب السوق وشقة عبارة عن غرفتين وصالة وحمام ومطبخ وحمامين ومجهزة تجهيز فندق ....... سوي بحث بتويتر وتحصلين لهم صور ,,

اتمنى اكون ساعدك

 

[مطر شتاء]

شكرا بس ابي با العارضيه

 

[مطر شتاء]

او رقعي؟

 

[aft]

او رقعي؟





العارضية منطقة سكنية لايوجد بها فنادق تعتبر الفروانية منطقتها التجارية وأقرب منطقة لها ... تبعد عنها خمسة دقائق بالسيارة ....

 

[برنسيسة2007]

صحيح كلام الاخت اللي قبلي
منطقه سكنيه العارضيه ماتحصلين فيها بس حبوبه الكويت صغيره بسرعه توصلين ابعد منطقه ربع ساعه وتوصلين

اما الرقعي فيه فندق رامادا وشقق فندقيه كلها وافدين ماتصلح للعوايل

انا انصحج بالفروانيه كل الشقق الفندقيه بالكويت نظيفه جدا لاتحاتين اختاري الارخص وانتي مغمضه شوفي هالصفحه في بوكنق:

Booking.com: Carlton Tower Hotel Kuwait , الكويت, الكويت - 148 آراء النزلاء . احجز فندقك الآن!

 

[برنسيسة2007]

ونسيت اقولج غيري التواريخ ودوري عدد الاشخاص ٤ او جناح من شقتين او شقتين بينهم باب مشترك وتقدرين تتواصلين مع الفندق ولا حظي النجوم بعضهم ماعنده نجمه وبعضهم وحده وثنتين هذول الارخص وترا كله نظيف

 

[برنسيسة2007]

شوفي هذي شقق الضيافه في الفروانيه
ارقام هواتف وعنوان شركة الضيافة للشقق والاجنحة الفندقية بالفروانية - رقم هاتف الحجز - سوق دنانير - اكبر مركز اعلاني و تجاري و اقتصادي بالكويت

 

[مطر شتاء]

شكراً الله يعطيك العافية ويوفقك

 

[M!SS.LOBY]

فندق رمادا بالرقعي