حامل ومعاي كيس مائي .. طمنوني

[Kh_89]

السلام عليكم ورحمه الله وبركاته
حوامل منو صار وحملت وكان معاها كيس مائي .. طمنوني
بكريه وحدي خائفه حجم الكيس 6 سم وانا للحين بالاسابيع الاولى​

 

[گنت أحبگ]

والله ماعندي علم ،. الله يتمم عليج حمالج ويسهل عليج

 

[Kh_89]

والله ماعندي علم ،. الله يتمم عليج حمالج ويسهل عليج

يعطيك العافيه أختي ..وياك​

 

[ام أسد]

أنا يوم عمري ١٧ كان عندي تكيس بالمبايض كيس حواليه ماي وما كنت أراجع عند اي دكتور ولا أخذ حبوب وتزوجت والحمد الله حملت والحين بشهري على وشك ولادة

 

[om 7amoodi]

ان شاء الله ما يأثر تابعي اول باول مع دكتورج و شوفي شنو يقول

 

[أأأميرة الورد]

انا مره حملت وكان معاي كيس ماي

وكل ماتتقدمين بالحمل ويكبر الجنين يضغط على كيس الماي ويصغر حجمه


اذا كنتي بالشهر الرابع وكيس الماي موجود هني يكون خطر

لكن باذن الله راح يصغر لان البيبي اسم عليه يكبر ويضغط

 

[Kh_89]

انا مره حملت وكان معاي كيس ماي*

وكل ماتتقدمين بالحمل ويكبر الجنين يضغط على كيس الماي ويصغر حجمه*


اذا كنتي بالشهر الرابع وكيس الماي موجود هني يكون خطر*

لكن باذن الله راح يصغر لان البيبي اسم عليه يكبر ويضغط

* *
أختي كم. كان حجم الكيس ومتى راح باي شهر .. خذتي ادويه ؟

ان شاء الله ما يأثر تابعي اول باول مع دكتورج و شوفي شنو يقول

أنا يوم عمري 17 كان عندي تكيس بالمبايض كيس حواليه ماي وما كنت أراجع عند اي دكتور ولا أخذ حبوب وتزوجت والحمد الله حملت والحين بشهري على وشك ولادة

يعطيكم العافيه خواتي .. ربي يطمنكم ويعافيكم انتظر المزيد من التجارب​

 

[ريتاج_90]

اول مرة اسمع بهالشي .. الله يهووون عليج ويرزقج بالحمل السليم يااارب

 

[أأأميرة الورد]

يوم حملت كان الكيس اربعه ونص تقريبا

وكل ما اروح اراجع كان يقل حجم الكيس

بدون لاخذ ادويه

تقريبا بالثالث اختفى الكيس

الله يطمنج ويرزقج الحمل السليم

وكل ماروح لدكتور كان يطمني ويقول عااادي

 

[Kh_89]

يوم حملت كان الكيس اربعه ونص تقريبا

وكل ما اروح اراجع كان يقل حجم الكيس

بدون لاخذ ادويه

تقريبا بالثالث اختفى الكيس

الله يطمنج ويرزقج الحمل السليم

وكل ماروح لدكتور كان يطمني ويقول عااادي

اللهم امين .. شكرًا لدعوتك
أنا كان 4 سم وبعد أسبوعين من الحمل صار 6 سم
لكن متوكله على ربي الله يهونها

 

[Kh_89]

اول مرة اسمع بهالشي .. الله يهووون عليج ويرزقج بالحمل السليم يااارب

الله كريم .. تسلمين أختي عال دعوه الله يسعدك يا رب

 

[DivaQ8]

لا تخافين حبيبتي انا كان فيني كيس فوق المبيض اليمين وكان كبير بحدود 7 في 5 سم
و كل ما كنت اروح اسوي سونار يصغر عن اخر مره
اختفى عندي يمكن لما دشيت السادس او السابع مو متذكره بالضبط
ما يأثر على الجنين ان شاءالله

 

[DivaQ8]

لا تخافين حبيبتي انا كان فيني كيس فوق المبيض اليمين وكان كبير بحدود 7 في 5 سم
و كل ما كنت اروح اسوي سونار يصغر عن اخر مره
اختفى عندي يمكن لما دشيت السادس او السابع مو متذكره بالضبط
ما يأثر على الجنين ان شاءالله
مع العلم اني راجعت عند دكتوره و وايد خرعتني منه لدرجة اني قمت اوسوس
رحت عند استشاري وقالي ماعليج منها كلامها غلط و طمني

 

[Kh_89]

لا تخافين حبيبتي انا كان فيني كيس فوق المبيض اليمين وكان كبير بحدود 7 في 5 سم
و كل ما كنت اروح اسوي سونار يصغر عن اخر مره
اختفى عندي يمكن لما دشيت السادس او السابع مو متذكره بالضبط
ما يأثر على الجنين ان شاءالله
مع العلم اني راجعت عند دكتوره و وايد خرعتني منه لدرجة اني قمت اوسوس
رحت عند استشاري وقالي ماعليج منها كلامها غلط و طمني

الله يطمنك أختي .. الله يعافيك ريحتيني مع أني كنت مؤسوسه جداً
بس الكيس عندي بالرحم بجانب كيس الحمل مؤ بالمبايض

 

[كرز.]

الله يثبت مافي رحمج ويرزقج الطفل السليم المعافى
كان فيني كيس بالمبيض ٣ سم واختفى مع الحمل وهذا المعروف لكن كيس في الرحم ماعرف والله
راجعي عند استشاري نساء وولاده افضل وتكون خبرته اكبر من الدكتور ويفضل اكثر من واحد عشان تقارنين صحة الكلام

 

[Kh_89]

الله يثبت مافي رحمج ويرزقج الطفل السليم المعافى
كان فيني كيس بالمبيض 3 سم واختفى مع الحمل وهذا المعروف لكن كيس في الرحم ماعرف والله
راجعي عند استشاري نساء وولاده افضل وتكون خبرته اكبر من الدكتور ويفضل اكثر من واحد عشان تقارنين صحة الكلام

اللهم امين
الله يجزاك خير عال دعوه الحلوه
الله يعطيك العافيه اختي

 

[Kh_89]

الله يثبت مافي رحمج ويرزقج الطفل السليم المعافى
كان فيني كيس بالمبيض 3 سم واختفى مع الحمل وهذا المعروف لكن كيس في الرحم ماعرف والله
راجعي عند استشاري نساء وولاده افضل وتكون خبرته اكبر من الدكتور ويفضل اكثر من واحد عشان تقارنين صحة الكلام

رحت الدكتور امس وقالي الكيس بالمبيض
الحمد لله تطمنت لان كنت اسأل وكل يقول غريبه بالرحم
الله يطمني ويطمنكم خواتي