تجمع مواليد سبتمبر (9) 2013

[.. Ro3a ..]

قووه ي حلوين اشتقت لكم فردا فردا
الله يخلي لكم عيالكم ويحفظهم
المنتدى من عقب الانستقرام خلاص قل استخدامه

 

[حوريه ...]

شلونكم بنات

اشباه شلون ولدج

اي قربت تخلص الحبوب وماراح ارد اخذهم يقول خلاص. نبي ثاني فيني صيحه هههههههه اذا تذكرت الحمل والولاده

وبنتي دشت ٥ شهور وللحين ماتقلب قلبت مره بس سدحتها ع بطنها وقلبت رجعت ع ظهرها بس ماتقلب وانا مسدحتها ع ظهرها
شكل طينتها ثقيله هههههههه

وبكره عندنا تطعيمه والله يعين ع الحراره والصياح

تبطي حمدالله ع السلامه والله يهنيكم

 

[حوريه ...]

الوفيرا

انا نزل وزني حيل لان حتا بناطيل شريتهم بعد الاربعين الحين وساع علي

بس مادري شكثر نازله

ودي اوزن ومابي اتعقد لاشفت الميزان

بنات بطني للحين في خطوط بيضا ع بني صاير خريطه شكلها ماراح تروح

 

[white**angel]

هلوووو بنات
الحمدلله على سلامتك تبطي عليكم بالف عافيه زين سويتوا غيرتوا جو

حوريه دام انج تشتغلين وتحسين انج تقدرين عالبيبي الثاني توكلي على الله يقولج تربينهم مع بعض صغار احسن يكبرون مع بعض لانه اذا كانت فجاا كبيره بينهم بتتعبين حيل

وعالجسم انا الحمدلله الحمدلله من حملت مامتنت كللللش ولمن ولدت رد بطني لزق بظهري لوووووول ريلي يقولي انتي حمالج حلوو ماخرب جسمج

 

[حوريه ...]

وايت انجل انا قاعده بالبيت عطالي بطالي هههههههه

اصلاً زوجي يقول هاتيهم ٢ ورا بعض عشان تريحين عقب وهذا اللي قاعده اخطط له

والله يعينا ع الحمل والولاده والتربيه

 

[حوريه ...]

اليوم طعمت بنتي

وقالي فيها حساسيه بالصدر قال نعطيها بخار وزوجي رفض

هي فيها من قبل كحه وتروح وترد ومعها بلغم
واعطيها حلبه للبلغم مادري مااحس تحسن كثير

 

[فطاامي..]

اليوم طعمت بنتي

وقالي فيها حساسيه بالصدر قال نعطيها بخار وزوجي رفض

هي فيها من قبل كحه وتروح وترد ومعها بلغم
واعطيها حلبه للبلغم مادري مااحس تحسن كثير

سلامتها الله يشفيها عطيها اربعه مل زيت سمسم مافي افضل منه للكحه والبلغم. خاصه اذا كان اصلي من المعصره

 

[عروسة فوشيآ]

بنات نزلت موضوع ومحد عطاني ويه لووول

شلونكم ياحلوات

ممكن مساعده

بسألكم


رفيجتي سعوديه وزوجها سعودي

ع وشك ولاده*

لها اجازه وضع أككيد

بس الامومه تبي تعرف لها او لا*

منو مجربه او عندها احد من رفيجاتها ماره بهالموقف

والاجازه بدون راتب لها او لا مثل رعايه أسره وغيرها

 

[Aloe Vera]

وايت اينجل و حورية

ماشاء الله حلو جذي الجسم انا بس في بجري مامتنت بس بالثاني متنت شوي و رديت جسمي بعدين و الثالث متنت نفس الشي و الحين قاعدو احاول ارد لان طبيعة جسمي انا ضعيفة مو متعودة جذي شكلي بس الحمدلله قاعدة اهتم باكلي و احاول اسوي رياضة شوي شوي و الله يقدرني


عروسه فوشية

رفيجتج السعودية لازم تروح قسم الاجازات او السكرتارية تسأل
انا سمعت ان المدرسات من دول مجلس التعاون لهم اشياء خاصة بس مادري شنو بالضبط

 

[^^ananasa^^]

هاااي

شلونكم شخباركم ؟
من زمان عنكم ؟

شلون بيبياتكم ؟ انشالله بخير

بنات انا لهي مع عيالي

ولدي عمره سنه و4 شهور وافكر ادخله حضانه عالكورس الثاني
خصوصا اني اداوم الصبح

وبنتي توها 4 شهور

شرايكم تأيدوني بسالفة الحضانه !

 

[قطعة حلا2]

شخباركم ي أمهات

ؤألله ولدي اسم الله عليه سار يمسك ويقلب وبالعربيه يمشي بس ع ورا

أنا من واهو صغير أفججه مأمهدته وأيد ؤلا اعترفت بالمهاد

واسم الله عليه حرك وطاح مرتين من جلاسته الله ستر عليه

سرت كله اخليه بالأرض

وع الجسم بنات تركوا الحلويات والمعجنأت وخلوا كل شيء اسمر

وجائ أخضر مع ليمون وزنجبيل وحبه حلوه وكمون

حيل حيل تضعف

ألحمدالله جسمي رد مثل قبل بس باقي الشد لأن أحس العضلات مرتخيه


بنات اللي يرضعون

أنا إذا رضعت ولدي أحس بضيقه

طبيعي ؤلا شنو

للحين مانزلت علي الدوره وآنا أرضع طبيعي وضناعي والاعتماد ع الصناعي

ومستعربه سويت سونار طلع عندي تكيس قالت لي مآدري هذا تكيس أول حمل

ومعاي إفرازات بيضاء وساكه أكون حامل

لي شهرين أحس بألم الدوره ولانزلت

حالليا بس ألم صوب المبيض اليمينن

وتحليل دم وبول يطلع سالب

أمي تقولي يمكن حملج مايبين لإنج ترضعين

ونهائة هالشهر بروح أسوي سونار مره ثانيه عشآن أتأكد إذا حمل ؤلا

حيل هالموضوع أتعبني وأيد الله يعين

لدرجه كرهت الجماع وكل شيء لين تنزل واكل حبوب

وأخباركم بعد

 

[Aloe Vera]

قطعة حلا

فيج تكيس و لا كيس؟

في فرق

الكيس حمل اكيد

التكيس بالمبايض ماله شغل بالحمل

 

[Aloe Vera]

انا اذا رضعت اول دقيقة احس نفسي دايخة و راسي ثقيل بعدين خلاص يروح الاحساس و الشي هذا طبيعي من الهرمونات
و هم انا ولدي يقلب اسم الله عليه و يمسك بس ماحطيته بالدراي احس تو الناس عليه

اناناسه

اذا ولدج عمره سنتين دخليه حضانه
انا عيالي جذي عالسنتين ادخلهم يكونون كبار و يفهمون و الحضانه يساعدون على تدريب الحمام

 

[a7la.moon]

سلام شلونكم

بنات الدوره متأخره علي اسبووع ..؟!

 

[أشبـاهـ المطـر]

قوه بنات شلونكم؟


الحمدالله ولدي الحين احسن بوايد
ياربي لك الحمد

قطع قلبي تعبان من بطنه غازات
نام بدون لا يرضع شكله حزين
حبيبي الله يشافيه

بسالكم ولدي له فتره ايده على طول بحلجه
وصرت البسه صدريه من اللعاب الي يطلع

اول مره اشوف جذي حتى بناتي ماكانوا جذي


احلى مون حللي منزلي بس اذا تاكلين مانع
احتمال كبير انج مو حامل والله اعلم

 

[أشبـاهـ المطـر]

بسالكم صج تطعيمه 4 شهور ابر بالفخذ؟
جم ابره؟ وصخنوا عيالكم؟ مطول ولدي لان
خذينا تطعيمه الدرن متاخر كان تعبان وقتها


وي مرت الشهور سبحان الله اباشر اخر شهر 3
الله يعين شنو مالي خلق لدوام

 

[Aloe Vera]

اشباه

تطعيمة ال٤ شهور يقولون متعبة
عاد انا بناتي ماتعبو من تطعيمة الشهرين بس ولدي تعب فا الحين وايد خايفة اطعمه
المفروض الخميس اللي طاف اوديه بس كان اجازة وقلت باجر ان شاء الله اوديه الضحى

و ولدي مثل ولدج ايده كله بحلجة و الصدرية مااااتلحق كلشوي اغير من التسعبل ههههه

 

[حوريه ...]

شلونكم بنات

الحمدالله بنتي ماتعبت من التطعيمه مثل المره اللي طافت عطوها تحميله قبل يطعمونها
ارتفعت شوي وردت عادي الحمدالله بس صدرها

طبعاً رديتها للدكتور عشان صدرها سالته عن الحلبه واليانسون وقال ماانصح فيهم ابددددداً قبل السنتين
لانهم يتلفون الاعصاب بالمخ وموزينه تضر البيبي وقلت له عن الحساسيه وقال في دوا عباره عن نقط موجود بمصر والكويت كان اسمه بروسبان تقريبا اذا مو غلطانه

وكنت احط لها زيت سمسم وخرعوني بنات خالتي يقولون مو زين ويضر ومادري شنو

تعبت كل شي فيه عذروب وعيب
انا بنتي تبي تقلب وتحاول بس ماتقدر تجي ع جنب وترد ع ظهرها وتنطقر وتبكي هههههههه لانها تبي تقلب
بس احطها بدراجتها تمشي ع ورا الحمدالله جسمها تحسن عن قبل شد الحمدالله مو مرتخيه

 

[حوريه ...]

اشباه ههههههههههههه فديته والله

مثل بنتي قبل تدخل طرف اصبعها الحين مايشبعها

تدخل 3 من اصابعها حيييل بحلقها وتسعبل مو طبيعي ماي ماي مغرقه الصدريه واللبس

بس في وحده اعرفها عندها8 عيال ماشاءالله تقول الطفل اذا يسعبل معناته بتطلع اسنانه

والدكتور قايل لرفيقة اختي الطفل اذا يسعبل معناته صدره تعبان

عاد الله اعلم منهم

 

[حوريه ...]

اشباه بنتي تطعيمتها الاولى كانت بالفخذ بس من قدام فهمتي علي !!!

التطعيمه الحين بالفخذ من ورا يعني كانها بالمؤخره
وابرتين
ابره بكل فخذ