ديوانيـة --> بجريآت <-- : تعالوا نفضفض ونسولف !

[^لغموضي معاني^]

مسااااااااااااااااء الخيرر


:$ المزاج اليوم حده عالي الحمدالله افتكيت من الامتحانات


:$ والله يسهل عليكم يارب ونولد بالسلامه ويتم الخلقه التامه

بكره عندي موووعد وخايفه اذا بتفحصني داخلي او لا

والحمدالله كل شي خلصته حتى سوالف الاستقبال ماابقى الا اني اوولد :$

 

[ms_5ajoola]

مسااااااااااااااااء الخيرر


:$ المزاج اليوم حده عالي الحمدالله افتكيت من الامتحانات


:$ والله يسهل عليكم يارب ونولد بالسلامه ويتم الخلقه التامه

بكره عندي موووعد وخايفه اذا بتفحصني داخلي او لا

والحمدالله كل شي خلصته حتى سوالف الاستقبال ماابقى الا اني اوولد :$

حبيبتي انا كنت نفسج خايفة بس ترا ما يعوور كلش توكلي على الله

 

[تدخلين القلب]

السلام عليكم حبيباتي
بنات انا التهاب البول ذبحني اتعالج منه ويرجع لي يسبب لي توتر احس كل شوي ابي ادش الحمام وماكو بول عزكم الله شالحل تعبت

 

[قرة عيونه]

الله يسهل عليج لغموضي ومبروك دخلتي التاسع

ان شاء الله يارب تبشرونا انتي ومس خجوله يارب ونتطمن عليكم

ولا تحاتوني خلو كل شيء على الله

تدخلين القلب الله يعينج انا جربت التهاب البول قبل لا احمل صج حيل كنت متضايقه منه

بس الحمدلله اخذت علاجي كان حبوب صفره صغيره اكلتها اربع ايام وراح الالتهاب الحمدلله

انتي روحي لاكثر من طبيب مو شرط خاص روحي لحكومه حتى وقوليلهم ان يروح ويرجع وان شاءالله يعطونج العلاج المناسب

للعلم ترا الحبوب الصغار اخذتها من الحكومه مو خاص ولا مستوصف بعد

 

[قرة عيونه]

قائمة بجريات 2014 باذن الله


1- (ms_5ajoola (19 / 1

2- ^لغموضي معاني^ ( 10 / 2 )

3- (1 / 3) cute808

4- غنيمة مقيمة ( 4 / 3 )

5-6 قرمووشه & عاشقة هواك ( 22 / 3)

7- قرة عيونه (28 / 3)

8- (live life (31 / 3

9- ( Fo0oshy ( 3 / 4

10- (23/4) مآيكبرني نك

11- (Lawyara (28 / 4

12- ( 15/5) ليالي العاشقينه

13- (HoD'HoD (26 /5

14- رفيعة الشآآن ( 27 / 5 )

15- # غنوجة بيبي # (4 / 6)

16- سور المدينه (28 / 6)

17- ( 4 / 7) Om_Sanad

18- (Bnt-USA (7 / 15

19- مذهلة2013 (16 / 7)

20- (al_sheikha (29 / 7

21- تدخلين القلب ( 20 / 7 )

22- نور الضي (6 / 8 )

23 آشوآآآق ( 2 / 9 )

♥♥♥♥♥♥♥♥♥♥♥♥♥

 

[تدخلين القلب]

الله يسهل عليج لغموضي ومبروك دخلتي التاسع

ان شاء الله يارب تبشرونا انتي ومس خجوله يارب ونتطمن عليكم

ولا تحاتوني خلو كل شيء على الله

تدخلين القلب الله يعينج انا جربت التهاب البول قبل لا احمل صج حيل كنت متضايقه منه

بس الحمدلله اخذت علاجي كان حبوب صفره صغيره اكلتها اربع ايام وراح الالتهاب الحمدلله

انتي روحي لاكثر من طبيب مو شرط خاص روحي لحكومه حتى وقوليلهم ان يروح ويرجع وان شاءالله يعطونج العلاج المناسب

للعلم ترا الحبوب الصغار اخذتها من الحكومه مو خاص ولا مستوصف بعد

رحت للحكومه من شهر تقريبا عطتني مضاد والحمدلله ارتحت اليوم احس رد علي اذا زاد لي باجر راح اروح الطبيب ان شاء الله .. الله كريم ان شاء الله

 

[رفيعة الشآآن]

الله يسهل عليج لغموضي معاني ومبروك دخلتج التاسع


تدخلين القلب انا من احسه بيبدا فيني التهاب اروح سيدة اغسل بغسول و مسك الطهارة واكثر شرب ماي


ولازم تكثرين ماي و تبعدين عن البهارات وفلفل و دقوس

 

[رفيعة الشآآن]

الله يسهل عليج لغموضي معاني ومبروك دخلتج التاسع


تدخلين القلب انا من احسه بيبدا فيني التهاب اروح سيدة اغسل بغسول و مسك الطهارة واكثر شرب ماي


ولازم تكثرين ماي و تبعدين عن البهارات وفلفل و دقوس

 

[ms_5ajoola]

اب

اب

اب

 

[HoD'HoD]

قرة عيونه
انا ناطرة على اساس موعدي الياي اكون نص السادس واعرف جنس البيبي وابدي اجهز بس على كلامج شكلي بجهز اغراض البيبي وحقي من الحين على الخفيف واخلي ملابس البيبي لما اعرف جنسه

لغموضي
الله يسهل عليج يارب انتي وخجولة ويرزقكم بالولادة السهلة ولا تخافين من الفحص ترى مايعور كلش بس اهم شي لا تشدين

تدخلين القلب
كثري ماي وايد واذا في جماع لازم ريلج ياخذ حبوب احتمال اهو ينقل لج الالتهاب عشان جذي يرد لج وماتشوفين شر

 

[قرة عيونه]

لا عيل نطري لين تعرفين جنس البيبي احسن

بس غريبه للحين مابين

هو من الاسبوع ١٨ يبين واضح اعتقد انتي الحين بيبين معاج

انااذكر رحت بالاسبوع ١٥ قالت احتمال ولد ورحت بالاسبوع ال١٩ اكدتلي الحمدلله ومن وقتها كنت توني داشه الخامس ع طولل بديت تجهيز

 

[ms_5ajoola]

بناااااات ليلحين ما ولدت !!!!!!!

تخيلو يوم الاحد اخلص شهري !!

 

[قرة عيونه]

عادي مس خجوله اغلب البجريات جذي

وان شاء الله تولدين قببل يوم الاحد

الدكتوره شنو قالتلج ؟!

 

[مسـك]

تدخلين القلب نقعي لج علج لبان وكل شوي اشربي مقدار فنجال وبدال قلاس ماي اشربي قلاسين


صج يعذب جاني وانا عروس بغيت اموت منه

 

[HoD'HoD]

قرة عيونه
للاسف ليلحين ثلالث مراجعات ومابين
اول مراجعة اخر الرابع كان مصكر ريوله
وثاني مراجعة اول الخامس مربع ريوله ويتحرك واهو مربعها جنه يقولون لا تحاولون هههه
اخر مراجعة نص الخامس فاتح ريوله بس الحبل السري نازل بينهم مغطي المنطقة

عاد قلت على ماتيي مراجعتي الياية بجهز حق نفسي

 

[تدخلين القلب]

شوفوا بنات هذا رد قديم وحده كاتبته من زمان ورديت نسخته لكم عشان تستفيدون حق التجهيز


اقتباس:
المشاركة الأصلية كتبت بواسطة مدمنة ككاو
انا بقول لكم على طريقة تجهيزي بولدي اخذتها عن وحده قالت لي صدقيني بتريحج

اهي اول شي انج تبدين بالاشياء الغاليه والثقيله
سرير النفاس حق البيبي اللي يكون صغير ويمج
سرير البيبي الثاني اللي راح ينام عليه لي رديتي بعد النفاس اللي يصير فيه حواجز ويظل مع البيبي لي السنتين
الكفر مال المستشفى وكفر النفاس او اذا ما تبين تسوين استقبال كفرين حلوين حق النفاس عمليين اسعارهم مناسبه لو يتوسخ واحد الا الثاني موجود وما تحطين اي شي لان ممكن باي وقت اييونج ضيوف جنطة المسشفى حق هدومج وهدوم البيبي

هذي البدايه اول جوله من التجهيز


الجوله الثانيه
هدوم البيبي من (فنايل داخليه - تبانات - قبعات - دس ايد - دلاغات اذا التبان مو كامل مع الريل - مهادات قطن - لفات البيبي - فوط اللي يكونون مع القبعه - جيس البيبي اخذي جم واحد - فرشه للبيبي حق التبديل يكون يها مثل النايلون من تحت عشان لو يبول وانتو بكرامه - فوط صغيره كبر كف الايد تحطينها على جتفتج اذا شلتي البيبي بتريعينه اول لي نام انا احطها تحت راسه عشان لا يوسخ الفرشه اللي تحته - صدريات اخذي كشخه واخذي عملي قطن واللي على فوطه احسن شي يمتص - جنطة البيبي الصغيره حق الطبيب - وجنطه بيبي العاديه حق الطلعات والزورات احبها تكون نايلون عشان ما تتوسخ - حوض مال سباحة البيبي - صندوق اغراض البيبي - واهم شي بهالفتره تشترين صابون غسيل ملابس البيبي الخاص عشان تغسلين ملابس البيبي اول باول من تشترينهم)

الجوله الثالثه

اهي حق الام ( قمصان النوم - البجامات - الروب - ملابس داخليه ستيانات قطن طبعا اكبر من مقاسج لان بالنفاس يصير فيه حليب ويكبر واخذي اللي يتبطل للرضاعه جم واحد - السراويل اخذ اللي يغطي البطن كله لي فوق السره ويكون قطن اخذهم من مارك اند سبنسر وهم اخذ سراويل نص لي الفخذ قطن - دلاغات قطن - فوط للشعر والجسم وروب السباحه)
دويات النفاس ( حلبه - زعتر - دارسين - لهوم - مره - حسو - الحبه السوده - ينسون - سكر نبات - حبة حلوه)حطيهم كتخزين بالفريز عشان ما يختربون امي سوت لي جذي
اشياء للعنايه بالبشره والشعر والجسم انصح بالفيتامينات ما تنقطع اول شي عشان الشعر ما يطيح وايد والبشره تجدد وطبعا كل وحده وبشرتها تعرف لها تشتري الماركه اللي تريحها وما تقطع عنهم اما حق الجسم زيت اللوز وزيت الزيتون وسنفره والصابون المغربي مع ليفته - ولوشن مبيض)



الجوله القبل الاخيره
غلاية المميات - المميات اخذي بيجون 2 سانتي 3 حبات و4 سانتي 4 حبات - حلمات مقاس سمول بيجون البيضه الشفافه لا تاخذين الصفره بسرعه تخترب وتتلزق - الفرش لغسل المميات الكبيره للميه والصغيره للحلمات - مصاصه انصح في ماركة bibi المفلطحه - اكو جنطه فيها مشط وبروش ومقص ومقراضه- او اشتريهم كل قطعه بروحهم على حسب المتوفر - بودره - لوشن - شامبو - صابون انا احب استعمل ماركة سيباميد صحية وطبيه للبشره الحساسه او مذركير وايد زينه - حفاضات اصغر حجم - قطن اعواد الاذن - قطن عادي - مناديل مرطبه انصح ملوت مذركير او جونسون اللي عليها باللون الاخضر ريحته حلوه - مناديل الكحول لتعقيم سرة البيبي وعشان تنشف بسرعه واطيح - كريم الحفاظ لونه رمادي موجود بمذركير وسنتر بوينت والصيدليات هذا احسن نوع جربته- فازلين جونسون - بيبي اويل تحطين بجسم الياهل كله قبل السباحه عشان فيه طبقة من القشره اطيح من جسمه وشعره والبيبي اويل تساعده انه يروح بسرعه وعن تجربه - تقسيم الحليب علبه فيها 3 طبقات اول باول عبيهم عشان يسهل لج انج تسوين الحليب - مطاره صغيره على طول فيها ماي حار عشان المميه وجهزي دايما المميات يكون فيهم نص ماي مغلي من قبل ويبرد على حرارة جو الغرفة عشان بس بين تسوين المميه تزيدين عليها الماي الحار وتحطين الحليب البودره وتكون حرارتها زينه ما تنطرينها تبرد - كوتكس الكبار حقج ليدي سوفت زين واحط تحتها اي نوع المضغوط بو اجنحه عشان ما ادمر ملابسي - اي صج نسيت اسفنجه حق سباحة جسم البيبي - كريم حلمة الصدر - شفاطة انصح بالكهربائية وفيه بالشحن وفيه العاديه بالضغط- القطن الخاص حق صدر الام عشان لا ينزل الحليب عالملابس ويتلفج)


الجوله الاخيره

اغراض الاستقبال : تختارين المحل اللي تبينه وتتفقين معاه عالككاو وكميته وتغليفه
حلو الضيوف
الورد
المطارات
طقم الاستكانات والفنايين والقلاصات
تغليف الشكر
البالونات اذا تبين
مواعين الحلو اذا تبين شي موحد مو كل ماعون شكل


وبس سلامتكم والله يقومنا جميعا بالسلامه ويفرحنا بشوفة عيالنا كاملين وسالمين وبصحه وعافيه

وان شاء الله ما اكون ناسيه شي

بنات هذه لسته نقلتها من وحدة من البنات روعه يابنات والله احس اني واايد استفدت منها واتمنى تستفيدون منها

 

[ms_5ajoola]

عادي مس خجوله اغلب البجريات جذي

وان شاء الله تولدين قببل يوم الاحد

الدكتوره شنو قالتلج ؟!

ليلحين ما شفتها ناطرة موعدي يوم السبت بشوف شتقول

 

[رفيعة الشآآن]

خجولة لا تفكرين وايد و ان شاء الله يارب سهالات

حاولي اتكونين مجهزة نفسك من سوالف حف وانج اتكونين متسبحة و مسوية شعرج تدرين هاللحظة تجي فجاءة

 

[ms_5ajoola]

خجولة لا تفكرين وايد و ان شاء الله يارب سهالات

حاولي اتكونين مجهزة نفسك من سوالف حف وانج اتكونين متسبحة و مسوية شعرج تدرين هاللحظة تجي فجاءة

شلون اسوي شعري !! مادري متى بوولد راح يخترب

 

[قرة عيونه]

قرة عيونه
للاسف ليلحين ثلالث مراجعات ومابين
اول مراجعة اخر الرابع كان مصكر ريوله
وثاني مراجعة اول الخامس مربع ريوله ويتحرك واهو مربعها جنه يقولون لا تحاولون هههه
اخر مراجعة نص الخامس فاتح ريوله بس الحبل السري نازل بينهم مغطي المنطقة

عاد قلت على ماتيي مراجعتي الياية بجهز حق نفسي

ههههههههه عذا من اولها عنيد شكله يبي يخليها مفاجاه