شسالفة موضة الصديقة اللى تقلب على صديقتها فجأة من غير ما تبين السبب وهالشىء أشوفه ..

[يحبنى الله *]

اتذكر في بنت وياي اول بالمدرسه تدرس تتصل على واحقرها كل يوم جذي ولمه تسالني وينج اقوله نايمه

ادري بتقولون حرام وليش وكما تدين تدان وهالسوالف


اول شي هالبنت تحب الحش والنميمه

ثاني شي انا برابعه ثانويه ابي ادرس ما تخليني كله تتصل وتبي تتكلم وتحش وتسولف تلهيني عن دراستي

وثالث شي تمشي وتعلق وما تشوف نفسها وتعيب وكله هذي فيها وهذي مافيها

ورابعه شي ما احب هالطبع وانا طابعي هادي وما احب المشاكل وكله تلهيني بالحصه تبي تسولف

فيوم نجحت برابعه ثانوي سحب عليهم كلهم الانهم نفس طينتها وانا ما احب هالطبع ولو يتصلون علي احقرهم

ههههه هذا بالثانوى مو متزوجات ويشتغلون وعندهم عيال
وما فى حش ملتزمات ...
وكل وحدة مقدرة ظروف الثانية

وحدة منهم مطلقة لما كانت بحاجة اهى اللى طلبت الصداقة وان اقوقف معاها لما اشتد عودها وطلعت من الأزمة مالها وفاء .. ولا قدرت حتى الوقت اللى عطيتها على حساب اهلى

حسبنا الله ونعم الوكيل والمشكلة تشتكى من الناس اللى بشغلها طيب شوفى نفسك ما قدرتى اللى وقفت معاك ,,,:rgewrg:

 

[@@نور الدنيا@@]

لا تزيد المواجع خلني قد نسيت .. لاتقلب بقلبي صفحه الذكريات ..اهئ اهئ .انا بصراحه مريت بهالشي ..من وجهه نظري مستحيل حد يتم مثل ماهو لازم ظروف الزمن بتغيره الا من رحم ربي بيتم مثل ماهوو

 

[يحبنى الله *]

بصراحة لو الصداقة حقيقة كانت مثل الرسول مع صحابته رمز الوفاء والتضحية

الله يرزقنا

 

[كرز.]

الله المستعان
الحين حتى بين بنات العم والخال جذي
حتى الدم واللحم
دنيا

 

[azaiN]

حبيبتي سوي كل شي لوجه الله لا تنطرين من احد شي او رد جميل او يقدرون اللي سويتيه ترى في ناس لئيمه مهما سويتي لهم ما يبين بعينهم فريحي بالج ولا تعطين المو ضوع اكبر من حجمه اللي فيه خير صديقيني بظل معاج لو تمشي على شوك

 

[يحبنى الله *]

جزاكم الله خير الله يريح بالكم

 

[ماكدونلز]

رفيجتي رحتلها من العدان للجهرا يبتلها هديه سحبت علي بطقاق ما همتني

 

[يستفزني غلاك]

الحمدلله خليت علاقاااتي اغلبها رسمممميه ومرتاحححه لاحقرت فلانه ولاحقرتي من بعد تجااارب مريت فيها عرفت ان موكل من رافقته رفيج خلاص الناس صاارت رسممميه و مواجيب وبس

 

[يحبنى الله *]

اى والله


الله المستعان


صارت التعامل ما فى ذوق ولا وفاء


الحمد الله الذى عافانا ممن ابتلاهم به ربى
حتى ما يفكرون يأخذون الأجر بحسن الخلق


لا من غير سبب سوء تعامل

 

[سحرالعيوون]

انا بوجه نظري التمس العذر لاخيك المؤمن
الناس كلها اعذار وماتدرين الف عذر عذر عند الواحد اذا يسوي جدي
يمكن ظروفها قاسية او اي ممكن نتوقعه او مانتوقعه فلازم نخليها على راحتها
لو انا مكانج جت اهلا وسهلا راحت راسها سالم وبعدين اكيد الله خاش لج احد احسن وافضل يناسب اسلوب حياتج
واذا بتحطين في بالج تصرفات الناس اوه بدوخين ولا عاد هالزمان الاغبر
خلج كوول وبالتوفيق يارب

 

[يحبنى الله *]

انا بوجه نظري التمس العذر لاخيك المؤمن
الناس كلها اعذار وماتدرين الف عذر عذر عند الواحد اذا يسوي جدي
يمكن ظروفها قاسية او اي ممكن نتوقعه او مانتوقعه فلازم نخليها على راحتها
لو انا مكانج جت اهلا وسهلا راحت راسها سالم وبعدين اكيد الله خاش لج احد احسن وافضل يناسب اسلوب حياتج
واذا بتحطين في بالج تصرفات الناس اوه بدوخين ولا عاد هالزمان الاغبر
خلج كوول وبالتوفيق يارب

جزاك الله خير
:eh_s(22):

 

[كويت الاناقه]

النننناس تتغير مو الزمن واذا في عيب العيب في الناس مو في الاختيار هو هو بس المعادن الداخل للناس تغير

 

[اميره بكلمتي]

خليها على بس يأما صادفت ناس من هالاشكال

مره رفيجتي عشره عمر 9 سنوات كانت لي اكثر من اخت طلبت من 800 دينار وانا ما عندي امكانيه ادبرلها هالمبلغ والحين شوفيها وينها ادق عليها وأكلمها واتساب حاقرتني

 

[يحبنى الله *]

الله المستعان

 

[Japanese]

اي صج المفروض ماحد يسوي جذي بس انتو تقولون لازم تصير مصارحه ومناقشه باللي مضايقنا

اي اذا البنت ماتبي تسمع؟ ماتبي تتناقش؟ كله عبالها اهي الصج واحنا الغلط؟ تقعد تناقش بحده وتطول لسانها وتستوقح؟

انا اكره هالنوعيه اللي عبالها انه هي الملاك واللي مايغلط والباقي اهم الغلطانييين

انا قلت من قبل ان كنت هاللي ناويه اسويه وصج هاللي صار وعرفت بعدين ليش سويت جذي

بالآخير بس عشان طالبت بحقي " كنت مسلفتها شغله وكنت ابيها ترد لي فلوس الشغله بعد ماكسرتها "

سبتني وشتمتني بكلام جذا قبيج بس عشان طلبت منها حقي!!!! :/ تقولون لي كلميها وقوليلها شمزعلج

اوبيه فيه ناس ترئ مادري شلون عبالهم اذا طالبتي بحقج الظاهر انه خلاص كرهتيهم

وبعد ماحست علئ دمها تمت تتآسف وتقولي احنا غلطنا ع بعض @@ شاللي غلطنا ع بعض وانتي اللي سابتني

شغله ثانيه وايد قمت احس انها تسوي مشاكل هي عدم الفهم

يعني مثلا انا اتكلم بكلام واقصد فيه شي بس الناس الثانيين يفهمون الكلام ع طريقتهم وهاي مشكله التواصل وعدم شرح الموضووع

بوضوح ،، الناس تفهم على حسب عقلياتها تبون الصج ،، بو النيه الشينه كله بيحسب الناس يبون له الشين حتى لو مب قصدهم شي

:< وااااي هالموضوع صج صج يزعل وايد بنات مرو علي جذي ،، واكتشفت ان الصداقه صج صج شي نادر!!!​

 

[mnoraa]

شوفي هالايام أكثر البنات جذي
وأخذيها مني الصديقة الصح ما تزعل على رفيجتها من أتفهه الاسباب
والصديقة الصح تعرف عيوب رفيجتها وتتقاضى عنها لو كان فيج عيوب
ونصيحة مو كل وحدة تعتبر صديقة واختاري الصديقة الصح الي تفتخرين أنج
باجر تقولين حق عيالج هذي صديقتي الي ما تخليج والي تبقى وياج على الحلوة والمرة
الصداقة شي كبير ..
هذي وجهة نظري وتقبلي مروري

 

[يحبنى الله *]

اي صج المفروض ماحد يسوي جذي بس انتو تقولون لازم تصير مصارحه ومناقشه باللي مضايقنا​

اي اذا البنت ماتبي تسمع؟ ماتبي تتناقش؟ كله عبالها اهي الصج واحنا الغلط؟ تقعد تناقش بحده وتطول لسانها وتستوقح؟ ​

انا اكره هالنوعيه اللي عبالها انه هي الملاك واللي مايغلط والباقي اهم الغلطانييين ​

انا قلت من قبل ان كنت هاللي ناويه اسويه وصج هاللي صار وعرفت بعدين ليش سويت جذي ​

بالآخير بس عشان طالبت بحقي " كنت مسلفتها شغله وكنت ابيها ترد لي فلوس الشغله بعد ماكسرتها " ​

سبتني وشتمتني بكلام جذا قبيج بس عشان طلبت منها حقي!!!! :/ تقولون لي كلميها وقوليلها شمزعلج ​

اوبيه فيه ناس ترئ مادري شلون عبالهم اذا طالبتي بحقج الظاهر انه خلاص كرهتيهم ​

وبعد ماحست علئ دمها تمت تتآسف وتقولي احنا غلطنا ع بعض @@ شاللي غلطنا ع بعض وانتي اللي سابتني ​

شغله ثانيه وايد قمت احس انها تسوي مشاكل هي عدم الفهم ​

يعني مثلا انا اتكلم بكلام واقصد فيه شي بس الناس الثانيين يفهمون الكلام ع طريقتهم وهاي مشكله التواصل وعدم شرح الموضووع ​

بوضوح ،، الناس تفهم على حسب عقلياتها تبون الصج ،، بو النيه الشينه كله بيحسب الناس يبون له الشين حتى لو مب قصدهم شي ​

:< وااااي هالموضوع صج صج يزعل وايد بنات مرو علي جذي ،، واكتشفت ان الصداقه صج صج شي نادر!!! ​

حبيبتى الله يعينك

بس ترى موضوعك مو نفس اللى اتكلم عنه انت فى اسباب واضحة مسلفتها ,,فى ناس صداقات وما بينهم تسليف ولا شىء الكل عنده

انا اتكلم اللى من غير ولا سبب يمكن تكون داقة عليك وما فى الا العافية فجأة

انقلبت


وعلى فكرة يعرفون انهم مو طبيعين لأان فى وحدة سوت فينى هالحركة وبعدين قامت تدق خليتها وطنشتها ليما قالت سامحينى ادرى انى غلطانة ..لأن ما فى سبب مزاج بس

 

[يحبنى الله *]

شوفي هالايام أكثر البنات جذي
وأخذيها مني الصديقة الصح ما تزعل على رفيجتها من أتفهه الاسباب
والصديقة الصح تعرف عيوب رفيجتها وتتقاضى عنها لو كان فيج عيوب
ونصيحة مو كل وحدة تعتبر صديقة واختاري الصديقة الصح الي تفتخرين أنج
باجر تقولين حق عيالج هذي صديقتي الي ما تخليج والي تبقى وياج على الحلوة والمرة
الصداقة شي كبير ..
هذي وجهة نظري وتقبلي مروري

عساك العافية يهبل ردك ومرورك حبيبتى

وانتى صاجة المشكلة انى منقيتهم نقوه وما عليهم زود الحق ينقال بس يا ريت فى سبب


والا تصارحك


عموما ردك يا بختى فيه يهبل حبيبتى جزاك الله خير

 

[shahad 88]

فعلا صارت عادة عند بعض الناس مادري شي السالفة لاجتك الوحدة تقولين تبي تجلس معاي الا الاخت جاية مصلحة

 

[عادت ذكرياتي]

الله المستعان
اللي ما يبيج لا تعورين راسج معاه