بنات ابيكم تأخرت علي الدوره

[سميره مملوحه]

قوه بنات شلونكم

اول امس الصبح كان موعد دورتي وشفت نزل دم شوويه مع البول عزكم الله

قلت خلاص شرفت الاخت

ومر يوم كامل مانزل شي
حتى اعراض الدوره ماحسيت فيها
وامس مانزل شي غير بني فاااتح شكلها شكل الافرازات
وسويت تحليل طلع مافي حمل سالب
ورحت الصيدليه وعطاني حبوب تنزلها اخذها لمده 5 ايام بس
مرتين باليوم وامس بلشت باول حبه
مادري اكمل ولا شنو

شورو علي

منو تاخرت عليها وبين مافي حمل بعدين بين انه في حمل

اعرف وحده تأخرت عليها 10 ايام وبعدين بين معاها انها حامل


نااااطرتكم حبايبي

 

[جوزائيه مغروره]

انتي بروحج جاوبتي على نفسج المفروض ما تاخذين شي

انا اعرف هالحبه عدل كانت صديقتي لمده سنتين ونص الى 3 سنوات

المهم حللي دم اضمن لج وبعدها كملي عالحبوب اذا طلع التحليل سلبي

وعلى فكره هالحبه غثيثه تتفخ بطنج جنج حامل وتصيرين ثقيله بالحركه

الله يعينج وعسى ربي يكتب لج الحمل

 

[أمورته]

حبيبتي الله يرزقج بالحمل

والله انا ماعندي خبره بس حبيت ادعيلج مدام مريت بموضووعج

 

[سميره مملوحه]

جوزائيه
يعني لازم استمر بالحبوب دام بديت فيهم
ولا عادي اخليهم

امورته حبيبتي تسلمين على المرور

 

[مذهلة2013]

المفروض ماتخذين شي كلششش


حللي دم اضمن

 

[سميره مملوحه]

انا توني قريت وحده خذتهم 5 ايام وكتشفت انها حامل

والطبيبه قالت لها اذا طلع حمل تثبته واذا دوره تنزلها


بروح المستشفى وبحلل دم

 

[جوزائيه مغروره]

ماعليه حبيبتي فيني زهايمر بدال لا اكتب اقوله بمخي ههههه

كنت بكمل الكلام واقولج هالحبوب اذا في حمل تثبته واذا مافي تنزل الدوره بعد ما تقطعينها ب ٣ الى ٤ ايام

 

[لوولوو_88]

عرفتها الحبة مالها مضار دافستون .. إذا في حمل تثبته و إذا لا بعد 5 ايام من تاكلينها تنزلج الدوره ..

بس المفروض تنطرين تحليل البول عزج الله مو مقياس .. و بنات ما يبين الهرمون بجسمهم بسرعه ..

تحليل دم و يا رب تبشرينا بحملج حبيبتي ..

 

[@أم يوســـف@]

الله يكتب لج اللي فيه الخير

 

[سميره مملوحه]

فديتكم عالمرور

باجر الصبح بحلل دم وان شاءالله ابشركم

 

[قلب ريلها]

ان شاء الله تبشرينه بشارة خير

 

[العياره]

بالعكس هالحبوب تثبت اذا في حمل واذا مافي تنزل الدوره

 

[أأأميرة الورد]

الله يرزقج بالحمل السليم

 

[كرز.]

الدافستون اذا في حمل تثبته وإذا لا تنزل الدوره
انا أكلتها بيوم دورتي لما ما نزلت وحللت بنفس اليوم وطلعت حامل
الله يرزق الجميع

 

[A p r i l]

يارب تبشرينا بالحمل ياررب الله يرزقج يارب ويرزق كل محرومة ..

 

[Roozlin]

الله يرزقج يارب

 

[زينب 12]

انا صارلي مثلج الشهر اللي طاف وطلعت حامل ومابان علطول ان حامل طول حيل معاي على بان اني حامل
وبعدين الله ماكتب واجهضت
والحين الدوره متاخره علي 5 ايام يمكن ,,
ومادري ليش للحين مانزلت وانا متاكده مو حامل ..
يمكن تخربط بسبب اجهاض هذاك الشهر والله اعلم

 

[HoD'HoD]

لا تاخذين حبوب وقفيهم وحللي دم اول يمكن تبويضج متأخر ومابين الهرمون بالتحليل

والله يكتبلج اللي فيه الخير ويرزقج بالحمل السليم يارب

 

[كيكة فانيليا]

تحليل الدم اضمن انا سويت تحليل منزلي وطلع سلبي وحللت دم طلع فيه حمل


الله يرزقج بالحمل السليم وبشرينا حبووبه

 

[مستشاره قانونيه]

انا صارلي مثلج الشهر اللي طاف وطلعت حامل ومابان علطول ان حامل طول حيل معاي على بان اني حامل
وبعدين الله ماكتب واجهضت
والحين الدوره متاخره علي 5 ايام يمكن ,,
ومادري ليش للحين مانزلت وانا متاكده مو حامل ..
يمكن تخربط بسبب اجهاض هذاك الشهر والله اعلم

انا نفس حالتج من 3 اشهراجهضت وصارت دورتي مو منتظمه ولخبطه بالهرمونات
وعطتني الدكتور بريمولوت تنظمها