نفوسات سمينات ( تجمع حوامل سمينات الجزء 2)

[حياة ريلي]

سفيرة الهم لا تنسي نشرب الماي بكثره عشان تطلع السوائل المحبوسه

 

[كل الحلا فحبيبي]

اب الموضوع حلو

 

[Aloe Vera]

اب اب


قبل الولادة وزني ٧٨ و طولي ١٧٠
الحين وزني ٧١
ابي انزل ١٠ كيلو ان شاء الله
انا بالعادة ينزل كل وزني بعد الولادة خلال سنة بالضبط
بس اتمنى هالمرة اسرع

اي و ارضع طبيعي و ان شاء الله هالشب يساعد علئ حرق الدهون و نزول الوزن

 

[mrs.abk]

هالو نفوسات

أنا ما كنت وياكم بالتجمع القديم لأني ما شفته أصلا

ممكن أكون وياكم هنيه ؟؟

​

حبيباتي النفوسات
يسعدني اني افتح الجزء الثاني من تجمعنا السابق
حوامل سمينات
بعد ولاده اول عضوة فينا و قرب باقينا من الولاده
المطلوب هو التالي
كم لج والده ؟
جم وزنج اول ما ولدتي و جم تبين توصلين ؟
شنو نظامج الغذائي؟
شنو بتشربين من اشياء مساعده ؟
شنهي رياضتج ؟

الشي الثاني نبي التزاااااااام بالحضور و مو مهم اللي تخربط تقول مو نهاية العالم بس ما نبي كل اسبوع داشه قايله كلمتين بعدين تختفين
و حيالله كل المشتركااااااات

اترك المايك لكم

أول شيء تقومين بالسالمة حبوبة

الحين نجاوب


كم لج والده ؟

ولدت بتارخ 10 ستة .. يعني 4 شهور ونص

جم وزنج اول ما ولدتي و جم تبين توصلين ؟
ما قسته أول ما ولدت بس يكفيج إني زايدة 25 كيلو تقريبا في الحمل
نزلت للحين قريب 15 كيلو

شنو نظامج الغذائي؟

قاطعة الخبز والعيش .. مشويات وممنوع المقالي .. أكلي صحي خفيف وأشرب سوائل وماي .. ومؤخرا وقفت الاكل بعد الساعة 8 لأني ارقد 11

شنو بتشربين من اشياء مساعده ؟
مافيه شيء معين بس أعشاب مختلفة مثل الزنجبيل والليمون / النعناع / الشاي الابيض / والمااااي

شنهي رياضتج ؟

معتمدة ع الرضاع + أمشي 20 دقيقة في البيت ألف .. ودي أطلع برا بس ظروفي ما تساعد هاليومين

 

[mrs.abk]

صباح الخير ..

اليوم تريقت موزة ولاتيه بدون سكر ..

وطبعا شربت ماي والحين بسوي لي زنجبيل بليمون .. ودعواتكم ..

 

[عاشقة الككاو]

صباااحووو يا امهات
ممكن تقبلوني معاكم !!


انا جادة ابي اضعف شكلي جسمي وكرشي وفخوذي لا يطااااااق
والدة 24/7
كنت 60 صرت 74


والحين 72 كيلو
وهدفي 60

وحلمي البعيد المنال 55


لاني قزوم ف اللحم موزع كلة تحت
طولي 155 ومرات يقولي 157 <<< اكشخ روحي هههههه


اليوم صايمة علي دين رمضان كله بس ارضع لكن مو معتمد علي 100% اعطي صناعي وقت دوامي واشغالي

بتفطر تمر وسندويشة وسلطة
وربي يقدرني ما اخربط



وانتوا شنو نظامكم

 

[Aloe Vera]

انا طلعت من النفاس
بالولادة و النفاس قطيت بس٧ كيلو
و بصراحة وايد خايفه عالحليب يقل لان معتمدة عالرضاعه في تغذية ولدي
بس قاعدة اخفف العشا بحدود المعقول و راضية اقط كيلوين بالشهر

 

[عاشقة الككاو]

عفية عليج الطبيعي ماكو مثله


انا اعطي صناعي ومني لاني اداوم 8 ساعات
واشفط بالمخزن بس بدا ينشف وما ينترس مثل اول

 

[Aloe Vera]

عاشقة


انا من الحين اشفط و اثلج حق رجعة الدوام بعد شهر
بس دوامي نص دوام عساس ابي ارضع اتفق معاهم و لا الطبيعي ٨ ساعات انا قطاع خاص
اليوم قست وزني عند الدكتورة نازلة بعد كيلوين الحمدلله بدون رجيم

باقي ٨ كيلو


ريوقي خبز رقاق مع حليب حار عليه ميپل سيرپ
اليوم غداي كرات لحم بصوص الطماط مه عيش اسمر و خضار بس مادري مطبوخة و لا سلطة ليلحين ما قررت

 

[Aloe Vera]

و اكلت سناك تفاحة و موزة

 

[عاشقة الككاو]

عووووافي يا رشيقة

انا بعد قطاع خاص بس مانعين ساعتين الرضاعه للطفل الثاني
حسبي الله عليهم

ريوقي حليب لو فات وتوست اسمر وتشيدر اصفر
وبعدها عصير برتقال


والحين صمونة كباب طالبينها بالدوام بس صغيرة بحجم المشكل العادي

والغدا مادري شنو بس بخلية خفيف

جم وزنج اولفيرا ؟
وطولج

 

[mrs.abk]

أنا سويت مظاهرة وزوبعة في دوامي وأجبرتهم يخصصون غرفة لسحب الحليب .. نظامنا ساعة وحدة رضاعة لين سنة .. أو ساعتين لين 4 شهور بس أنا اخترت ساعة ..

وغرفة الرضاعة أروح مرتين أسحب فيها حليب


وفيها ثلاجة أحط الحليب فيها لين أرجع البيت

 

[mrs.abk]

وزني نازل كيلو و 200 جرام .. والله كريم أنزل زيادة ..

اليوم تغديت شيش طاووق وسلطة يونانية

ريوقي كان كورن فليكس بجحليب لايت

باكل سناك

وعشاي إن شاء الله سلطة أو شيء خفيف


والله يسهل

 

[Aloe Vera]

انا طولي ١٧٠ وزني ٧١ او يمكن ٧٠ مادري لان اليوم بالعيادة وزني نازل بس كنت لابسة هدوم و ماكلة
المهم ابي يصير وزني بين ٦٠-٦٢ احب شكلي بهالوزن




Mrs abk


زين تسوين والله عبالي بس في امريكا الموظفات يهتمون بموضوع شفط الحليب

 

[Aloe Vera]

عاشقة الكاكاو


عاد تدرين شنو في قوانين حلوة حق الامهات الموظفات بالقطاع الخاص بس الشركات ماااااا تطبق للاسف الشديد
قانون ساعتين الرضاعة و ٤ شهور امومة من غير راتب بعد ال٧٠ يوم ملوت اجازة الوضع و الحضانات للاطفال لحد عمر ٤ سنين المفروض بكل مكان عمل فيه ٥٠ موظفة او اكثر اااااخ بس

 

[Aloe Vera]

ريوقي حليب حار بالهيل مع خبز رقاق و ميپل سيرپ قفشتين
اكله مثل الكورن فليكس
مع موزة و حبة كيوي

سناكي قلاص لبن قليل الدسم

غداي عيش مع مرق تونه بالخضار و سلطة

 

[mrs.abk]

انا طولي 170 وزني 71 او يمكن 70 مادري لان اليوم بالعيادة وزني نازل بس كنت لابسة هدوم و ماكلة
المهم ابي يصير وزني بين 60-62 احب شكلي بهالوزن




mrs abk


زين تسوين والله عبالي بس في امريكا الموظفات يهتمون بموضوع شفط الحليب

وأنا مثلج وزني اللي أحبه 62 -60

أهتم لأنه حق بنتي الطبيعي ربي عطاها إياه ما أريد أي جهة تحرمها إياه وأنا حابة تاخذه

الله يحميها يارب

 

[mrs.abk]

عشايه البارحة كان في الكوفي سويت وكوفي

وما كلت عقبه لأن الكريم بروليه حسيته دسم


اليوم تريقت موزة ولاتيه

وتغديت سلطة تونة وعصير اناناس

والله يسهل ع العشا

 

[Aloe Vera]

انا تعشيت معجنات و خفايف و باجر بشوف وزني يا رب اكون نازلة

و صج اليوم كليت عقب الغدا جيلي مع دريم ويب امبيه غلطانه

 

[Aloe Vera]

Mrs abk


انا اشجعج و اهنيج على قرارج
انا مثلج حاسة ان الحليب الطبيعي حق ولدي ان يشربه و عشان جذي كنت مستعدة استقيل بس الحمدلله الله يسر الامور