خبيرات العطور يفيدوني بليزز

[rose2012]

خبيرات العطور
بنات فيدوني باحلى عطور اغراء وعاديه يعني ريحتهم تينن لاني ماعرف للعطور وشمي ضعيف*

 

[نوف الصقعبي]

اذا يات عالعطورعدي وخربطي


في عطور ماتستخدمينها الا بالصيف

وفي عطور ماتفكرين ترشين منها الا بعز الشتا

عشان ماتصير خيسه بعز الصيف

وبما ان احنا مقبلين على موسم براد واشتا

بعطيج جم عطر يربيهم وعطيني رايج وفي منهم تستر اذا خايفه تقطين مبلغ وقدره يربيه اول بالتستر الين يبرد تالي يبين معاج اذا حلو او لوعه


عطوراتي حق الشتا

كوكو شانيل

ميرور

غوتشي

هيبنوتيك من ديور

ميد نايت من ديور

بويزن من ديور

بيور من ديور

ماغنيفيك من لانكوم

فندي

ناف ناف

ويست سايد من مجموعة عطورات بوند ناين من نيويورك لونه احمر تحصلينه بدبنهامز
وعشان اريح بالنسبه لي كل عطورات بوند ناين حلوين روحي وشميهم طبي وتخيري

سينما

كريستال من فرزاتشي

نارسيسو ردريغورز السودا
والورديه بيرفيوم بس انا اخذ السودا

عطر بلاي من جيفنشي انا حبيت الرجالي

عطر جيفنشي اليديد الاحمر ايديموازيل

سبل باوند هذا عطري الابدي من استي لودر

نوينق من استي لورد هالعطورات صج تحسين بفخامه مو اي احد يستخدمهم الا الناس الذوق

لان لاحظت وايد بنات غافلين عن عطورات استي لودر القديمه رغم فخامتها

ولاتنسين اذا تبين فخامه حق العيد اشتري محمل العود من محمل العود سعره 35 بس رهيب

عطيتج معظم اسراري بالعطورات الحلوه
​

 

[قاهره عذالي]

عطور عربيه :

عطر ماجستيك من العربيه
عطر اربيان برستيج روز من العربيه

عطر رامان من القرشي

عطر مخلط الدرر من الدر المنثور
عطر هاجر من الرصاصي

عطر الزين من الفايز

عطر عود وورد من الفايز

عطر انفال من الفايز

عطر غلا من مملكة البخور وعطر اريان



العطور الفرنسيه :


لاكوست لاف اوف بينك

قوتشي الذهبي

عطر اودوموزيل من جيفنشي

عطر شوبارد هابي سبيرت

عطر جادور من ديور

عطر ايفوريا من كلايفن كلين

عطر سمسرا من غيرلان

عطر كوليستار الوردي

 

[نكتار 2010]

حبيبتي قاهره عذالي ماشاء الله عليك كيف تستخدمي هالعطور مفروض الواحد يتميز بعطر واحد او اثنين اكككثر شيء خصوصا لو متزوجه حتى زوجك تبقى في باله ريحتك وكل ما يشمها بمكان يتذكرك لان هيك الواحد كل يوم عطر ما راح يكون مميز ابدا. هاذا رايي والله اعلم. وانا العطر الي استعمله جفنشي الي لونه بينك خفيف معاه كريمه الخاص. واحيانا مو دايما شانيل5

 

[قاهره عذالي]

لا العطور انا مقسمتها حسب ريحتها

الخفيف البارد للنهار

القوي واللي على عود للعزايم والحفلات والمناسبات

 

[قاهره عذالي]

عطور عربيه :

عطر ماجستيك من العربيه ( فخم ريحته عود بس مو واضح كثير مخلط بكذا عطر وتحسين فيها انتعاش مخللطه عطر قوي ويصلح للاعياد والليل والشتاء )
عطر اربيان برستيج روز من العربيه ( ريحته عود خفيف بورد بس ريحته هاديه وتميل للبروده يصلح للبيت للشتا وحتى للربيع والجو المعتدل )

عطر رامان من القرشي ( فخم فخم يصلح حق عروس )

عطر مخلط الدرر من الدر المنثور ( روعه للعبي والشيال وفواح جدا )
عطر هاجر من الشايع ( العطر الوحيد اللي عجبني من الشايع ريحته فخمه واحسه يصلح حق شتا وصيف ومناسبات من اشمه اتذكر الفرح )

عطر الزين من الفايز ( يعجني بريحته اني احس بريحة خشب الصندل بس مو واضحه كثير هم حلو وقوي ويعتبر عطر مناسبات وجمعات )

عطر عود وورد من الفايز ( فوااااااااااااح ريحته تحسينه قديمه بس حلوه وثابت اكثر قوي ويصلح لليل والمناسبات والشتا اكثر )

عطر انفال من الفايز ( عطر فرنسي ريحته ورد بورد وبااااارده حلو للنهار )

عطر غلا من مملكة البخور وعطر اريان ( عطر غلا ريحة نظافه وشامبو حلو بعد الشور وبالنهار والصبح وعطر اريان هم حلو للصيف ريحته ورد بمسك فقط هاديه وحتى حلوو للاطفال)



العطور الفرنسيه :


لاكوست لاف اوف بينك ( فروتي فلوري بس فلوري اكثر وعطر نهاري صيفي تطلع ريحته احلى بالجو اللي يكون حار)

قوتشي الذهبي ( عطر صيفي نهاري وليلي وهاااااادي بس ريحته فخمه )

عطر اودوموزيل من جيفنشي ( روووووعه مو لاقيه كلام اوصفه عطر غامض )

عطر شوبارد هابي سبيرت ( عطر نهاري صيفي )

عطر جادور من ديور ( فخم ويصلح حق عروس ريحته فرنسيه تحسينها ريحه مألوفه اول ما ترشين بعدين تغير وتصير شي غامض بس حلوو)

عطر ايفوريا من كلايفن كلين ( رااااااااااااائع )

عطر سمسرا من غيرلان ( راااااائع بس قديم مو اكيد تحصلينه يمكن)

عطر كوليستار الوردي ( عطر عبيري فلوري وشوي فروتي بس تحسنه فلوري وزهري اكثر حلو للنهار والاوقات الخاصه يصلح للمتزوجات )

تعديل *

مع اضافة شرح ووصف لكل عطر

 

[om.googi]

جربي عطر فكتوريا القديم اللي انقطع حيل حيل ( بتوقيعي ) بارد وعجيب

ودليل ان انقطاعه سبب أزمة لباجي عطورات فكتوريا ..

بارد وفواح ويجذب ..​

​

 

[شذونه]

عطر انفي مي من قوتشي وايضا فلورررا من قوتشي هادين وحلوين