عملية تجميل الأنف ,,, أمور تخيفني

[فاطمة 25]

بسم الله الرحمن الرحيم
يوم السبت ليلاً.. تاريخ 7 ذي الحجة
سأتوجه إلى إيران (مشهد) لمدة أسبوع

وناويه أسوي العمليه .. وأحاول أحجز موعد
لكن إلى الآن المستشفى مابعد يردون علينا

يعني يمكن أسوي العمليه .. ويمكن لأأ ...
لأن للحين مابعد يوصلني الرد منهم

أدعولــي بنات الله يسهل أموري ~~

~~~~~~~~~~~~~~~

حبيت أكتب الأمور إلي تخوفني بعد إجراء عملية تجميل الأنف

أحب أذكر إن (نجاح العملية والنتيجه)
كله هذا توفيق من الله سبحانه وتعالى
وإلي تنجح عمليتها ..
يحق لها تشكر الله ليل نهار وتقول الحمد لله رب العالمين ألف ألف مره
لأن كم بنت مسكينه ربي بلاها بعمليه فاشله ونتائج مريره
وخسرت فلوس وجهد .. كله راح هباء منثورا ..
ونسأل الله يعوض هل بنات ويخلفهم خيــر .. وكل مشاكلهم تنحل يارب

~~~~~~~~~~~~~~~~
وإليكم الأمور التي تخيفني


إذا الله قدر وسويت العمليه ..
خايفه من هل أمور

1- السلام على الناس
أحاتي إذا جيت بسلم على الناس
شلون أسلم عليهم
معروف إن احنا بالخليج,, مايكفي نسلم باليد على الحريم
لازم سالفة (التقبيل على الخد) وإذا وحده كبيره بالعمر (نبوسها على الراس)
أخاف تجي وحده تسلم علي بخشونه وحراره (اسم إن من زمان ماشافتني)
وتصقع بخشمي وينعوج


2-الخوف من اخواني الصغار
مشكلة أخواني دفشين ويحبون الهواش والصراخ.
وخاصة بالسيارة إذا جينا بنطلع ,, أم الزحمه
((بالبيت أقدر أبعد عنهم .. بس بالسياره حاله))
خايفه أحد يضربني أو يطيح فيني منهم,,
أو ولد أختي النونو يضربني على وجهي إذا عصب
أو يرميني بشيء ,, يبيلي أحترس منهم

3- الإصابة بالزكام
أنا أشتكي من حساسية بالأنف
وتعودت إذا جيت أنام لازم أغطي خشمي بالبطانيه
لأن إذا دخل هواء على طول أزكم .. فكيف لو سويت العمليه
((الله يعين)) ما أدري شبسوي بخصوص هل نقطه

4- البثور السوداء
هاذي كثير بنات يشتكون منها بعد العمليه
وصج هي مع الوقت تروح ... بس منظرها كريه
وبعض الأوقات تطول لين تروح
وكمان شغلة تنظيف الفتحات
مايصلح تنظيف الأنف بالمناديل
لازم أعواد أذن للفتحات .. الله يكون بالعون

5- المناسبات والمكياج
لمن الوحده تكون توها مسويه العمليه
ويصير عندهم عرس .. ولازم تحضره ...
يؤؤؤ شصعبها تروح وخشمها مورم .. ولازم تحط مكيــاج
أحس لو بسوي العمليه كلش ما أبي أحط مكياج إلا حمره وكحل
أخاف حيل على خشمي >__<

6- لزقات الأنف
هاذي الشغله بعض الأطباء يشددون عليها ولازم الوحده ماتهملها
فأحاتي مع الصلاة والوضوء .. كل مره بشيل وبحط في اللزقــات

7- لبس النقاب
إذا سويت العمليه بضطر أغطي وجهي كامل (بدون نقاب)
فالله يعيــن 6 شهور .. إلى سنه كامله بضطر أغطي وجهي
<<< لأن ما أبي أي أثر يتركه النقاب على الأنف

8- الصلاة والسجود
بنات شلون صليتوا أول ماسويتوا العمليه ؟؟
هل كان عادي تسجدون .. بس ماتخلون خشمكم يلمس الأرض
يعني بس تنزلون الجبهه بشويش بدون مايرتطم الأنف بالأرض
ولااا لأ ؟؟

9- الوضوء مع الجبيــرة
بنات كيف كنتوا تتوضئون ؟؟
هل بس تتوضون بدون ماتغسلون وجهكم
عشان مايجي للأنف مــاي ؟؟

 

[جواهر 1]

الله اسهل عليج حبيبتي

 

[Jojo1000]

والله حبيبتي اللي عرفته تو ان ما تلبيسي النظاره مدة سنه
انا كنت لما أصلي مرات اتيمم الله لا يعاقبني
الميك اب انا حطيت بعد شهر
اللبثورالسودا ما عنيت منها
والشمس لا تطلعي فيها
والنقاب تقدري تلبسيه بطريقه ما تضغط على الخشم كنت أشوف بنات وهم بالجبيره لابسين نقاب
وانتهي من الضربات انا مره كانت وخده وأنا بالمستشفى تساعدني بالبس وضربت خشمي ظربه

 

[Jojo1000]

بنات كنت بسال بعد الجبيره الداخلية مدري الفتايل ايش فائدتها وكم المفروض تقعد
والفتحات كيف يصغرونها سمعت الخيوط بدل ما يقص منها ياليت اللي عندها فكره تفيدنا

 

[فاطمة 25]

أهلييين بنات

الله يسلمكم .. مشكورين على الرد

يآآآآآآآآآآآآآآي. . ألف الحمد لله لك يارب العالمين

مستااااااااانسه حدي .. الحمد لله وصلني الرد^^ .. ومثل ما أتمنى
عمليتي بتكون يوم الأحد .. الساعه 1 الظهر

يارب تيسر أموري وتسهلها (وكل قارئين كلامي ) وتحقق لنا جميعاً إلي نتمناه
ومايصيبنا مكروه .. وتكوون أمورنا ناجحه وبأحسن حال
وما نواجه أي مشاكل أو صعوبــآآت

أستغفر الله ربي وأتوب إليه
سلام قولا من رب رحيم
قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ
ما شاء الله تبارك الله .. لاحول ولا قوة إلا بالله العلي العظيم...
اللهم صل على محمد وآل محمد

أسألكم براءة الذمه عزيزاتـــي .. ودعواتـــكم

 

[3thbya]

الله يسهل امور عمليتج وتطلع النتيجه مثل ما تبين واحسن

عند منو بتسوينها ؟

 

[فطمطم]

فاطمه 25
الله ايسررلج امرج اختي ويسهل لج ان شاءالله

 

[جواهر 1]

نبي نعرف اخبارج حبيبتي
الله اسهل عليج والله عمليه الانف وايد سهله لكن وين الدكتور الشاط
لله الحمد اخترتين ايران من افضل واحسن بروفوسورات من الدكاتره موجودين
طمنينا عليج

 

[فطمطم]

نبي نعرف اخبارج حبيبتي
الله اسهل عليج والله عمليه الانف وايد سهله لكن وين الدكتور الشاط
لله الحمد اخترتين ايران من افضل واحسن بروفوسورات من الدكاتره موجودين
طمنينا عليج

اختي ايران وايد يرفعووون الخشم كل الي ارفعهم خشمهم فووووق

 

[طفشت90]

لاتسلمين على احد
سلمي على خفيف
وشو الي يصقعونك لاتسلمين عليهم ولا تزورينهم هذا خشم مو لعبه سلامات
عادي اقعدي بطرحه خفيفه بدون نظارات لسنه اهم شي مايخرب الشغل