ديوانيـة --> بجريآت <-- : تعالوا نفضفض ونسولف !

[عزاااه]

الله يسهل عليكم يارب

 

[bntnoura]

انا هم محتاره باسم البيبي


الله يسهل علينا


بنات جم صارت اوزانكم قبل وبعد

انا من حملت لي الحين انا بشهر السادس زدت ٨ كيلوو

وطبعا لاننسئ جحم الجنين وماي الجنين هم يزيد الوزن

يعني لاتحاتوون


...

وشنو نظام نفاسكم ان شاء الله اذا الله سهل عليكم


عن نفسي حابه امشي علئ نظام فيافي

 

[مرت الغلا]

انا ام علي ان شاء الله

نظام النفاس باخذ من ام خالد الهاجري ان شاء الله
وبييب رداده او مساج صيني حزتها اقرر
واكل صحي متروس اعشاب
واخر الايام تحاميل البيتادين ان شاء الله
وبس يارب ارجع احسن من قبل

 

[unknown1988]

قرة عيونه انا سويت غرفة البيبي بس للحين ماخلصت .. طبعا فرشتها زل عشان لا سمح الله يطيح والا شي اهون من السيراميك


و عشان الدفا ..

سويتها كلها بيبي بلو و بطوفه و خليته ينثرلي غيوم ع الطوفه طبعا جنهم صجج مو محددين لا تحسينها صج غيمه ..

و الطوفه اللي بحط جدامها السرير خليته يسوي رينبو و جم بالونه .. و الطوف كلهم سماوي فاتح اطلعت حللللوه

الاثاث طبعا ابيض خذيته من ايكيا ... بقالي ستاير واكسسوارات الغرفه والغرفه عادي تصير بنات وصبيان لانها ستايل السما ..

و راح اخذ ابجورة نجمة وقمر .. بس مراح اكملها الا بعد الاربعين.. اول 3 اشهر بخليه معانا بالغرفه ..

 

[unknown1988]

ان شاءالله اسم البيبي يعقوب ..

صار بالاتفاق بيني وبين ريلي الحمدالله .. وكان بخاطري من وانا صغيره اسمي يعقوب ع اسم يدي الله يرحمه ..

ومافي بالعايله يعقوب فالكل مترقب ولدي ويدتي من الحين تقول ان هذا غير ;p


بنت نوره انا زايده 11 تقريبا .. و صح حزة الولاذه اصل شي تطيحين 4/5 او اكثر

وزن البيبي والمشيمه وغيره .. ولي بعد الاربعين تفش الوحده زياده ..

و انا ما احاتي هالموضوع لان بشهر ارقص كل يوم ربع ساعه ارد اضعف من قبل ل وووووو ل

اول ما حملت وزني 41 و الحين شي وخمسين ..

و ع النفاس اهم شي الاشياء الدافيه .. احنا بأهلنا ماكو نظام جدول وتمشين عليه وجذي و اهم شي الماي والخضرا والفاكهه ..

دارسين وزنجبيل .. يعني نفس حزة الدورة .. اللي زياده الحسو والقبوط

و بسوي مساج بشوف وين احجز من قبل لا احمل بخااااااطري والحين ابي احد يدلكنيي اخييييييه

 

[كيميائيه]

ماشاءالله الصبيان اساميهم سهلع وبسرعه تتنقى
بس لبنات مشكله
انا كنت مختاره اسم وسموه توهم
فجاري البحث حق بنوتي

ونظام النفاس يمكن اخذ من ام خالد الهاجري
انا بجر امي وحبيبتي ناسيه النفاس وهالسوالف
واهم شي باهتم بالاكل والماي والخضره
وامس وزنت زدت 10كيلو الى الان

 

[كيميائيه]

انون
وانتي توصفين الغرفه شوقتيني
ان شاءالله تقومين بالسلامه ويقر عينج بشوفة ولدج

 

[ريـ’ـآنـهـ‘]

عالاسم احتمال اسم ام ريلي للحين



ونظام نفاس بطلبه من ام خالد ان شاءالله

وبطلب قبوط من مره


والوزن قبل لا احمل كنت متنانه ونزلت بفتره وحامي
كنت ٥٣ وقبل اسبوعين قست وزني ٥٥

 

[unknown1988]

كيميائية تسلمين بعد عمري .. الله يقومنا كلنا بالسلامه ونفرح بشوفة عيالنا بصحة وعافيه ؛)


مشتااااقتله يختيييي ..

سبحان الله الحامل تحس الوقت يمشي بطيء عكس لما يقولون فلانه حامل مثلا تمشي الايام بسرعه وتولد ;p

حتى ريلي يقول طولتي وايد لووووووول

 

[unknown1988]

كيميائيه احنا كان بخاااااطرنا بنيه حييييل و كنا مختارين اسم ( لجين ) ان شاءالله الله يرزقنا الثاني بنت ;p

سوي سيرج وبتحصلين .. بس حطي ابالج يكون له معنى ..

مو اي اسم وبس في اسامي استغفر الله احس يظلمون البنيه فيها

 

[كيميائيه]

ريانه
زين مو وايد متنانه
اهم شي انج تاكلين شي،مفيد

انون
اي صاجه انا حسيت اني طولت وانا حامل
وحتي ريلي قالها جنج حامل من زمان
اي باذن الله ابي اسم حلو وله معني
وحلو اسم لجين ♥

 

[bntnoura]

الله يهووون علينا ياررب


بنات ابي ارقام ردادات زينات

ومتئ اسووي ترديد ؟

 

[glby7sas]

السلام عليكم وانا بنصم معاكم
ان شاءالله

بناات منو سمعت عن تضخم المبايض انا راجعت الدكتور وقالتلي عندج مشكله تضخم مبايض اليمين شنو يعني وعطتني ابر وحبوب وتحاميل مثبتات

 

[مرت الغلا]

انووون حلو اسم يعقوب احبه الله يقر عينج فيه يارب

بنت النور ماعندي رداده بس وايد مواضيع بالمنتدى شوفيهم

اااه يا بنات الحمال صعب وريلي يحب اليهال شلون بحمل واييب بعد ماتحمل
حمالي كله تعب ربط وابر والم يالله صرت اخاف يمل مني بعدين ويتزوج علي
الحين اهو مهتم لان اول بيبي وتونا متزوجين افكاري صارت سوداويه

قلبي حساس ماعرف

 

[قرة عيونه]

قرة عيونه انا سويت غرفة البيبي بس للحين ماخلصت .. طبعا فرشتها زل عشان لا سمح الله يطيح والا شي اهون من السيراميك


و عشان الدفا ..

سويتها كلها بيبي بلو و بطوفه و خليته ينثرلي غيوم ع الطوفه طبعا جنهم صجج مو محددين لا تحسينها صج غيمه ..

و الطوفه اللي بحط جدامها السرير خليته يسوي رينبو و جم بالونه .. و الطوف كلهم سماوي فاتح اطلعت حللللوه

الاثاث طبعا ابيض خذيته من ايكيا ... بقالي ستاير واكسسوارات الغرفه والغرفه عادي تصير بنات وصبيان لانها ستايل السما ..

و راح اخذ ابجورة نجمة وقمر .. بس مراح اكملها الا بعد الاربعين.. اول 3 اشهر بخليه معانا بالغرفه ..

وااو ماشاء الله شكلها حلووو

انا ناويه بعد اجيبله من ايكيا غرفة بيضه

انا بعد مستحي اخليه ينام بروحه بس جذي يعمي عشان اغراضه والعابه كلها تكون مرتبه فيها

وهم العصريه نقعد انا وياه فيها ودي احطله تي في بعد

ومشكوره حَبٻبتــۍ عطيتيني افكار

 

[قرة عيونه]

امبيه بنات احس كلنا نفس الاحساس يمكن عشان اول بيبي

هم انا احس حيل طولت ولا توني داشه الرابع قدامي مشوار طويل يارب يمر بسسسرعه

حتى اهل ريلي صارلهم شهر يسئلوني بنت ولا ولد قلت مايبين قالوا امبلا بالرابع انتي قلت شكو توني داشه الثالث لوووول

الله يتمم عليناجميعا ع خير ي رب

 

[قرة عيونه]

انووون حلو اسم يعقوب احبه الله يقر عينج فيه يارب

بنت النور ماعندي رداده بس وايد مواضيع بالمنتدى شوفيهم

اااه يا بنات الحمال صعب وريلي يحب اليهال شلون بحمل واييب بعد ماتحمل
حمالي كله تعب ربط وابر والم يالله صرت اخاف يمل مني بعدين ويتزوج علي
الحين اهو مهتم لان اول بيبي وتونا متزوجين افكاري صارت سوداويه

قلبي حساس ماعرف

لا تفكرينجذي وتعوذي من ابليس

انا اختي كل حملاتها ربط ومافيها الا العافيه ماشاء الله

والرجال اكيد لان بجر فمتشفق ع الياهل اما بعدين بتلاقينه من نفسه بيقولج اخذي مانع تريحين شوي

لان لو ورا بعض حتى هو بيتعب معاج

والله يخليكم لبعض ولا يفرقكم ابد

 

[unknown1988]

مرت الغلا حبج الرحمن ياقلبي ؛**

والله يسمع منج ونفرح بشوفتهم بصحه وعااافيه ..

ولاتفكرين جذي كلش خلج ايجابيه .. وايد بنات يربطون وشزينهم عادي .. بالعكس ريلج بيقدر اكثر التعب اللي تتعبينه ..

انا نساتي شفت منها الموت كنت ابجي واقوله شيل معدتي خلاص مابيها وكل جم يوم طبيب تخيلي و افز من النوم ارجع !

تعب تعب ماراحت عدل الا على ويه الخامس ! فتخيلي 5 اشهر اهو معاني معاي بجي وترجيع ودكاتره لو اشرب ماي ارجعه لا حبوب ولا ابر فاد

خليه يحس بتعبج بالعكس يحس فيج ويقدرج اكثر لان اثنينكم تعبتوا ع البيبي .. و لاتفكرين تفكير سلبي حبيبتي

 

[unknown1988]

قرة عيونه يور ولكم ؛*

ع النومه احنا بس 3 اشهر بنخليه عندنا بعدين بخليه ينام بغرفته وبشتري مونيتر وسماعه واخلي باب داره مبطل .. مابي يتعود ع النومه معانا

وبعدين اذا بناخذ راحتنا او شي ;p حرام يكون موجود بالغرفه وحتا صوت مايصير يسمع

يتعود من و اهو صغير احسن من يأذيني لما يكبر

و اتوقع صح عشان بجر وقاعدين نحسب الايام وماكو شي ملهينا فنحس ان طولنا ..

 

[Roty]

مشالله الموضوع مستمر حتى بدوني
فرحت لما شفت موضوعي مرفوع

الله يقومكم بالسلامه حبايبي ويسهل عليكم