كرهت حياتي بسبب بنتي ...

[الجادل الطرقا]

ضروري تضمينها كل يوم مره عالأقل احضنيها قوليلها أحبج وبوسي عيالج كل يوم
ترى هذا أهم شي ويغني عن كلام واجد وما تدرين اشكثر يأثر بالنفسية

 

[متواضعة]

استشيري الدكتور مصطفى ابو السعد واقري كتاب المراهقون المزعجون

 

[تواضع انثى]

قسم بالله انك طيببببببببببه لابعد حد ماشالله علييك وبعدين اقعدي استغفري لذنوبك عادي كلنا نذنب وربي يبتلينا فيها اما بالدنيا لتطهيرنا او في الاخره
عالعموم اسمحيلي ان اقولك ربي بلاك فيها الله يصلحها ويكتب اجرك ان شالله

 

[تواضع انثى]

ضروري تضمينها كل يوم مره عالأقل احضنيها قوليلها أحبج وبوسي عيالج كل يوم
ترى هذا أهم شي ويغني عن كلام واجد وما تدرين اشكثر يأثر بالنفسية

صااإاإاإاإاإاإادقه ماتتصورين قد ايش كنت اتمنى الشي ذا وانا صغيره

 

[فوزيه الراسي]

أسال الله رب العرش العظيم يسعدج في حياتج ويبارك لج في أطفالج

 

[Fa6omy]

نفس حالت خالتي حيل متأزمه مع بنتها ودايم تزورنا وهي متضايقه من بنتها مع انها صغيره عمرها 5 سنوات
ومابيدها شئ غير الدعاء والصبر والله يهدي بنيتج ان شاءالله​

 

[امباسيل]

من وجهة نظري الطفله طبيعيه وضغوط الحياه عندج هي المشكله

 

[landscape]

حبيت اشاركك رائي في بنتك:

1. البنت توها صغيره عمرها 11 سنة
2. لازم تفهمين شخصية بنتك يا عن طريق الملاحظة والتحليل او عن طريق مكاتب الإستشارات
3. بنتك ممكن يكون فعلا عندها مشكله مثل ما قالوا الاخوات والدليل انها ماتاخذ حقها في المدرسة وماتدافع عن نفسها وهذي نقطة مررره مهمة لازم تنتبهين لها وتعرفين وش السبب
4. سامحيني اقولك انك ماعرفتي تتعاملين معها رغم انك قلتي انا اكلمها بهدوء واتفاهم معاها والدليل على كذا انها ماتسمع كلامك
5. لازم تلاقين حلول لموضوع غيرتها وتعلقها فيك ومزاجيتها في التعامل وهذا عن طريق انك تجلسين لحالك كذا على جنب وتمسكين ورقة وقلم وتكتبين مساوء بنتك كلها ومحاسنها والاحداث اليومية اللي تصير وركزي فيها اكتبيها بكل امانة لاتحذفين منها شي وحاولي تكتشفين الاخطاء وإذا ماقدرتي استشسيري معالجين نفسيين للاطفال والمراهقين
6. لا تدعين عليها ولاتخلين تفكيرك ياخذك ويصورها لك كانها ضرة ومن هالكلام في الاخير ان صار فيها شي من دعائك انتي اللي بتاكلينها وتراها امانه برقبتك لو دعيتي عليها بغير وجه حق الله بيعاقبك وهي في النهاية طفله بداية مراهقتها شئنا ام ابينا لازم الاب والام يفرغون نفسهم لحل مشاكل اولادهم ولايقارنونهم باولاد الناس بنتك لها وضع خاص وانا متأكده من هالشي بس عليك تكتشفين المشكله
7. اخيرا انا ما اقول انك مقصرة انتي حاولتي بس محاولاتك طرقها خطاء خلي احد يشاركك بالموضوع وياليت اهل الاختصاص ابعدي عن الاهل...الله يصلحها ويطرح فيها البركة...وان شاء الله هالامور بتكون من الماضي لما ان شاء الله تشوفينها تكبر وتبر فيك ...ادعي لها بالصلاح

 

[قاهره عذالي]

اسمحيلي انتي شخصيتج مو قويه عشان جذي ما تسمع كلامج

تجاهليها كم يوم وخففي الانفعالات

وموضوع الصلاة الله الهادي

حنا علينا نذكر وننصح وبس

وبنتج الحين مراهقه مو طفله

الطفل يستقبل الاوامر

اما المراهق يكره احد يقوله سو وحط وقوم

بنتج طبيعيه

والمثل يقول لا كبر ولدك خاويه

انتي انصحيها وبس لا تعذبين نفسج معاها

قولي لها انا نصحتج وانتي كيفج

وترا طبيعي بالمراهقه البنت والولد ما يسمعون كلام اهلهم بعدين يصحون ويصيرون يستقبلون النصيحه ويحسون باهمية كلام اهلهم

ملخص السالفه كلها
بنتج كبرت من 13 الى 15

هذي الفترة ثورة هرمونات

والهرمونات تاثر ع

النفسيه والسلوك

انتي ازرعي وربي وانصحي

ومسيرها بنتج ترجع لج

المراهق يهمها يقول انا موجود وهالفتره تتكون شخصيتها

لذلك يبي يثبت لج انه شخصيه لما يرفض اسلوب الاوامر عليه

تقبلي بنتج

مافي انسان كامل

وتثقفي اكثر عن فترة المراهقه والتغيرات النفسيه واسبابها

وراح تلقين كل سطر تقرين فيه عن عمر المراهقه راح تذكرين فيه نفسية وسلوك بنتج

 

[A7la-SmiLe]

حبيبتي بنتج الحين اكبرت وبفترة مراهقه واللي تسويه كله علشان تلفت انتباهج لها ، اشرايج يوم بالاسبوع خصصبه بس لج ولها يعني تاخذينها من المدرسه تروحون غدا او يوم تروحون الصالون تسوون بدكير او سينما او او بس انتي وياها وشوفي اذا ماصارت زيننه وعلى فكره بهالعمر تحاول تفرض نفسها وشخصيتها ويمكن ضعف شخصيتها بالمجرسه اتحاول اتطلعه عليكم فالبيت شوي شوي معاها قربيها منج صادقيها

 

[خوووخه w]

انا لو مكانج جان ذابحتها هههههههههههههههههه ماتحمل جذي

مالج الا العقاب واذا كلمتج كلميها بهدوء ولا تعصبين احرميها من شغلات تحبها قعديها بغرفتها قوليلها ماتطلعين منها ممنوع لانه هالعمره اهم شي راح تكبر على هالشي انه دايم تمشي اللي براسها

 

[وُهْـمَّ #]

كنت متكاسله ارد عليكي ولا لا .
الصراحه مشكلتك واضحه حسب ماقريت انو انتي مرات بتدعي على بنتك وتسبيها .
بنتك تحتاج الحب بدون شروط ..اول شي بنتك غيروه جدا والغيره موجوده عند بعض الاطفال تعاملت مع بنات كثير فيهم نسبه عاليه من الغيره والحمد لله قدرت عليهم اول شي لاتحاولي تثيري غيرتها حاولي دايما تثني عليها سواء كانت الشغله الي سوتها صح ولا غلط ..

يعني اذا جابت نتيجه حلوه بالمرسه قوليلها معليش اكيد في حاجه كانت مشغلتك عشان كدا كانت النتيجه سيئه مو تضربيها وتسبيها وادا جابت نتيجه حلوه صرتي تمدحيها هنا بتحس انو حبك لها بشروط بتحط في بالها انو ماما بتحب سلوكي الحلو وبتكرهني لانها مابتتحمل اخطائي وصدقيني ادا عطيتيها الثقه راح تخجل انها تخيب ضنك فيكي اعطيها الثقه وضحي لها انك بتحبيها بعيوبهاومحاسنها ..طبعا ادا غارت بدون سبب او زودتها لا تعطيها وجهه يعنيي تجاهليها سوي نفسك مو شايفتها ..
وتقدري تصارحيها البنت في السن دا تقدري تتفاهمي معاها ..

انشاء الله اكون افدتك .

 

[امـل لاينتهي]

الله يعينج بس ترا البنت بعمر حساس وسنة ولاسنتين راح تبلغ وتزيد معاناتج وبالمراهقة يكونون حساسين ويحتاجون حنان

حاولي تحتضنينها وتحسسينها بالحنان والاهتمام والله يهديها ان شاءالله

 

[ashwaq1]

حيااااتي الله يكون بعونج التربيه صج صعبه
انا رحت مرة مركز الراشد للاستشارات النفسيه عشان اتعلم شلون اربي عيالى صج يعلمونج بس يستنزفون فلوسج عدل وبالتالي هديته لان ما الحق .
قولي الحمد الله وادعيلها بالهدايه ورا كل صلاة ولا تدعين عليهات وتقسين قلبج وقلبهها توها صغيرة .

 

[صمت الليل]

ياعمري حاسه فيج حيل حيل لأنه تصرفات بنتج قريبه من تصرفات بنتي اللي ترفع الضغط وتجلط مع انه طفولتي كانت هاديه جدا

ومطيعه ومهذبه بس بنتي سبحان الله انا اللي ماكان ينسمع صوتي في بيت ابوي احين تعالي سمعي الصريخ عليها .....

بس كل مره حاولي تغيرين الأسلوب معاها واكثر شي الحب الحب الحب انتي اصدميها بالحب من تناديج ردي هلا ياروح ماما

تحتاج للحب لانه أغلب اللي ذكرتيه تصرفات مكتسبه تقدرين تغيرين منها ....الله يسر لج الأمور ويحنن قلب بناتج عليج ...

 

[نوف الصقعبي]

الله يكون بعونج ويهديكم انتى والبنت لان الغلط من الطرفين

بختصار اختي ان كنتي تبين رايي

روحو انتو الثنتين لمركز استشارات اجتماعيه وهالشي مو عيب ولا عار او غلط

انتى محتاجه جلسات علاج نفسي قبل البنت مومعناته انتى مينونه لا محشومه اختي

لاكن بعض الامهات يصعب عليهم ادارة شئوون وتربية اطفالهم بالطريقه الصحيحه وتتفاقم عندهم المشكله وتكبر وتسوء

وهالمراكز سريه تماما ويعطونج انسب الحلول والاساليب للتربيه الصحيحه وهم يفيدون سلوك بنتج 99%


والامر راجع لج اختي​

 

[نوف الصقعبي]

ركزت ع نقطة انتى كاتبتها

ان بنتج بسرعه تقتنع بكلامج

لحقي على بنتج لا تكبر وتضيع من بين ايدينج​

 

[منار123]

لالا
لاتدعين عليها
ادعي لها
البنت صغيره في بداية المراهقة
راح تعقل صدقيني
اصبري عليها جم سنه
.ادعييييييلها بالصلاة


عسى ربي يهديها ويسخرها لج

 

[misspurple]

الله يعين بنتج بس
اللي تبيه حب وحنان وحاولي تفرقين بين الدلع والحب والحنان
خوفها بره البيت ومع اصدقاؤها بالمدرسة يدل على عدم الثقة والامان
حاولي تكسبينها صديقة وحبيها قبل لا تخسرينها واتدور الحب بره البيت
اغلب المشاكل تصير من هذا السبب
والغيرة بين الخوات طبيعية جدا بس انتي بشطارتج تبسطين الغيرة وتقللينها وتقربين بين الخوات
وصدقيني شطانتها تدل على انها كاتمة بقلبها ومو عارفة تفرغ اللي فيه
الام لازم تتعب على ما تصلح عيالها بالدعاء وبالاستعانة بالله وتعطيهم وقتها وحبها وان شاء الله مع الوقت راح تشوفين الفرق الى الافضل ان شاء الله
ادري الموضوع قديم بس اغلب الامهات ما يحسون لما يقسون على عيالهم وما يدرون اشلون يؤذونهم نفسيا الله يهدينا لعيالنا ويهدي عيالنا لنا

 

[البابانه توته]

راجعي دكتور مختص بالتربيه
يعطيج الحلول المناسبه لبنتج

البنات ممكن يعطونج طرق ماتنفع مع بنتج