صايرين ماتعطوني وي
بس يلا خل اقولكم اليوم شسويت
علشان العرس رحت الصالون سويت تشحيم وتزييت لوول
كنت ناويه اروح ديفاين الي حطيت لكم عرض ماله
بس غيرت لان اختي كانت تبي تسوي حمام مغربي
جان نتفق نروح الشرقيه نجربه
طبعا انا اول مره بحياتي اطبه
وزين نوعا ما عجبني
سويت عندهم حمام مغربي عادي + بدكير ومنيكير + حف
الحمام المغربي العادي ب 15 و عندهم جنه ملكي ب 25
العادي زين عجبني والي يفركون مغاربه واعجبتني غرفه البخار ان كل شي يمج وفيها شاور والغرفه نفسها واسعه
اول شي حطت طبعا الصابون وبعد الفرك حطت هرده مع ماي ورد ومادري شنو بس الصراحه كان ريحتها شوي مخمره وماشميت ماي ورد وفيها مثل سنفره واخر شي تسوي بسكرب على ليمون والسكرب نفسه فيه زيت
وانا كنت موديه معاي خلطه بس قالتلي ماتحتاجينها بس تحسفت ليش سمعت كلامها احلى من خلطتها
خلطه من المغرب فيها غسول مغربي و لافندر و حنه وحلبه ماخذتها من حواي بالمغرب
وحطيت حمام زيت وانا بالبخار ودهنت ويهي ماسك طين مال Kiehl's يهبل حق البشره الي فيها مسام
وعقب ماخلصت موديه معاي بايو اويل ودهنت جسمي
الحمام المغربي اعطيه 8.5/10
المنيكير و البديكير زوين اعطيه 7/10
والحف زين بس ماخليتها تتعبث فيهم وايد لان برجع حق الي تحفلي على طول بالضاحيه صالون برش
فاعطيها 8/10
وعقب رحت سوق السالميه
شريت رموش ومحددات وكحل ازرق غامج وحمره من فلورمار حمره
المحددات اكثر من ماركه
خذيت:
Miss & Mrs
محدد احمر رقمه 273
والثانين حجمهم اكبر اهما جنه حمره بس قلم مو فر
كلهم الوان نوود (بيجيات) بس بدرجات مختلفه
الارقام ( 6 - 9 - 13 )
المحددات هذول عجيبين دايما اشتريهم مايروحون وثابتين واهما حمره مات ومحدد
ومن كثر ما انهم ثابتين حتى مكتوب عليهم kiss proof يعني ضد البوس
وخذيت ماركه غولدن ليدي
هم بيجي بس غامج رقمه 513
والكحل جست غولد رقمه 583
وحمره فلورمار السودا اسمها long wearing ورقمها L13
والرموش سيلك توتش رقم 205 طبيعيين وخفاف وكامل مو رمش رمش
وسلامتكم
ونشوفكم على خير انا باجر مسافره وراجعه يوم الاحد بأذن الله
والي عنده اي استفسار يسدحه
