بنات مليت مليت من الاماكن كلها

[supermarket]

شكلج مأيسة من الكويت ومو متقبلة اي شي فيها

مالج الا السفر

ومثل ماقالت مس شوقر شاطي شويخ المكان اينن ( في صوب رمل وصوب ثيل اسمه حديقة شاطيء الشويخ)

اخذ الجاي والقهوة وباجي البلعة واخذي عشاج ولاتطلعين منه الا تالي الليل ... حتى مصلى في

 

[Bamya]

ايييييييييييييييييه نفس حااالتي مليت من المجمعاات واللوعه

شوفي الطلعه تعتمد على اللي معاج مو المكان اللي بتروحين له

يعني انا ونااااستي لما اروح كافيهات هاديه او بحزة الصخه واقعد اجابل رفيجاتي ونطيح له قرقه:gathering:

عندج كافيهات البدع الصبح والظهاري يكونون صخخخخخه وقعدتهم واايد حلوة

وستاربكس مجمع شيخه واايد هادي حتى بالليل وكل اللي فيها اجانب والا طلبة يدرسون

وهالايااام قمت اروح ممشى بالليل ، ترى انا عصله بس اروح اتمشى :ggdw: الجو حلو بالليل ، ممشى مشرف والسرة يفتحون النفس و شرحين

مرات اروح نادي الفروسية ، مو الصيد والفروسية لااا اللي يمه نادي الفروسيه ، روحي مع وحده من رفيجاتج فعدوا عالكراسي اهنااك وتطمشووا ترى واااااااااااااايد حلو من داخل وراااقي مو بو طقه ، وعندهم كفتيريا نتفه بس عندها كل شي اخذولكم قهوه والا عشى وقعدوا

وووو بعد وبن اماكن حلوة؟ امممم .... ايييييييييييي في منتجع اسمه صحاري صاير بجنوب السرة وااايد امدحولي كافيهات والقعده فيه وداخله ملاعب قوولف وجذي شغلات حلوة ، يبيله اسير عليهم على يوم ، حياااج امرج؟ :dddds:

ووو من باب التغيير ، سوي يمعاااات في البيت عندج ، مثلا سوي يووم جذي عزيمة ومسابقة أحلى طبق وكل وحده اتيي لازم اتسوي طبق وتييبه واللي تفوز تعطينها جاائزة _03BA: ترى ونااسه والقعده تصير فصصصله طلعوا شوي من روتين العزايم اللي يملل
وبس هذي افكااري ان شاء الله تعجبج

 

[غيـ الناس ـر]

روحي قصر يلدز اللي ببرج حمود جبال المثنى .. عندهم قهوه بالهواء الطلق فوق السطح .. اذا ما استانستي لول قطي روحج من فوق لوول


الجو هناك يونس

 

[الفاتنة]

روحي قصر يلدز اللي ببرج حمود جبال المثنى .. عندهم قهوه بالهواء الطلق فوق السطح .. اذا ما استانستي لول قطي روحج من فوق لوول


الجو هناك يونس

هاهاها صراحة دمج خفيف

 

[COOCOO-STYLE]

حبيبتي في اماكن وااايد بالكويت بس احنا ملينا من كثر ما انروحلها.. يبيلج سفره تعدلين المزاج واذا رديتي الكويت ما تروحين الاماكن اللي كنتي تروحيلها عشان تولهين عليها