ي مرحبا ي مرحبا
حيالله الحوامل
شخباركم ي الحلوات ؟
بما اني دايخه الله يعينكم على سوالفي المخربطه والله يواجركم ان شاءالله ههههه
اول شي امنو ي بنات
الله يرزق كل محروم ومحرومه ويعطي كل من تمنى العيال عاجلا غير اجل
ثاني شي
انا طولت ماحملت بعد عرسي ب سنه وشهرين ربي اكرمني بالحمل
وكان حملي عذاب بكل معنى الكلمه
اول الحمل كان ينزل معاي تكرمون دم لين الشهر السابع وكانو قايلين ان اجهاض تخيلوا من الثاني وهم يقولون اجهاض طبعا راجعت عند ايفا اللي بلندن والعدان كان نفس الشي يقولي انا مابيدي شي مثبتات ونعطيج مالج حل الا تدعين ربج
وبالشهر السابع حاشتني حساسيه حمل الله لا يعودها صرت مثل المجنونه وكنت بالمستشفى نايمه لين تاريخ ولادتي وكانوا بيولدوني اخر الثامن
ونحشت وتحملت وماولدت الا بالعاشر هههههههه ولدي مايبي يطلع من بطني
المهم الحين المأساه الاكبر
ولادتي .....
الماي كان ينزل من 4 ايام وماكنت اعرف هذا شنو عبالي التهاب لان من بداية حملي كنت اعاني من الالتهابات والماي مانزل مره وحده كان شوي شوي يعني ماتشكين ان ماي البيبي
المهم دشيت غرفة الولاده 3 ايام طلق صناعي وابرة ظهر واخر شي جبت ولدي بقيصريه وكنت شبه صاحيه معاهم بالولاده بس اغمى علي لما الدكتور قال ي نهار اسود وشوي البيبي طلع وما بجى هني قلت بس مات
لما قعدت بغرفة الانعاش والا السستر تارويني احلى ولد بالدنيا ماصدقت قعدت ابجي وبس
وعلى فكره حملي الاول كنت ماخذه كلوميد وقبل الدوره ب 7 ايام عرفت اني حامل اول شي نزل معاي تكرمون خيط دم و حللت منزلي وبين الحمل
بحملي هذا دورتي تأخرت وحللت منزلي وطلع ايجابي
بس بقولكم على شي وهالمعلومه صحيحه جربتها على نفسي مرتين
احط صبعي بسرتي وانام على بطني اذا في نبض مافي حمل والعكس
وهم معلومه ثانيه اللي في بداية حملها تكثر فيها الالتهابات غالبا تكون حامل بولد وهذا كلام صيدلاني وصدق كلامه معاي
وبس ياكثر قرقتي
