&( تــجمــــــع خـــــــ12ـــريـــــ علمي ــــات 2013/2014)&

[(عسل وقشطة)]

انا امتحنت مره وحده قدرات بس سقطت بالرياضيات و الكيميا و الانجليزي نجحت الحمدالله بس درجات مو عاليه
و شسمه لا ماخذييت دوره و الدوره تنفع او لااا ؟ و انا بعدد بمتحن مره ثانيه و موفقه حبيبتي

اي الدورات نتفع انا حيل انفعتني بالكيماء الحمد لله
وإن شاء الله باخذ للرياضيات شهر 12 انا ورفيجتي وبنت اخوي
اذا بتاخذين رياضيات او كيمياء شهر12قوليلي عشان نتلاقة إن شاء الله
واذا تعرفين من وين نحصل مذكرت انجليزي اتمنى تقولين لي :eh_s(7):
ويارب توفييقك :yaaaaaarb:

 

[memo_elnz8a]

اي الدورات نتفع انا حيل انفعتني بالكيماء الحمد لله
وإن شاء الله باخذ للرياضيات شهر 12 انا ورفيجتي وبنت اخوي
اذا بتاخذين رياضيات او كيمياء شهر12قوليلي عشان نتلاقة إن شاء الله
واذا تعرفين من وين نحصل مذكرت انجليزي اتمنى تقولين لي :eh_s(7):
ويارب توفييقك :yaaaaaarb:

اايييي شكلييي بااخذهاا
و ان شا الله نتلاقه
و شسمه مذكره انجليزي حق شنوو تبييين ؟؟

 

[Engineer A]

Hello
شلونكم خريجات ؟
النفسيه توب ؟
مستعدين حق المرحله المصيريه ؟
الله يعينكم عالتعب النفسي صراحه
وبليز بنات لا تحطون حرتكم بالاكل حزه الدراسه
الله وكيلكم من دشيت 12 زدت 10 كيلو صار وزني بالستينات

المهم ما علينا من هالقرقه
قبل لا اكلمكم عن المواد بقولكم شي
ترى 12 وايييييد وايييد اسهل من 11 وراح تحسين بالفرق صج !
راحه
بس انا صراحه مريت بضغوط نفسيه
خصوصا لمن تنزل الدرجات
تحسين ودج تلقطين اي درجه عشان تدشين الكلية اللي تبينها
وبنات نصيحه من اخت لكم
من اول يوم شدووا حيلكم وحطوا ببالكم ان هالسنه راح تحدد مصيركم وشنو بتصيرون
كل ما تعبتي من الدراسه تذكري حفله التخرج وتكريم الخمسين الاوائل الكويتين وبيحطون اساميكم وصوركم بالجرايد انشالله

انا تعبت حيييل حييل خلال هالسنتين 11 و12
بس والله كل هالتعب راح لمن وصلني مسج قبولي بكلية الهندسة والبترول طموحيي وحلمي تحقق
شنو احلى من هالشعور ؟؟


يالله ابلش اكلمكم عن المواد

الفيزيا
سهل سهل سهل وعجيييب بس يخربط شوي مال الكورس الاول , اما الكورس الثاني تافه!! المسائل سهله واغلبه ترى حفظ
خذيتوا درس اليوم ؟ ردي البيت راجعي جنه باجر عندج امتحان بهالدرس
وخليلج يوم بالويكند مثلا اليمعه راجعي فيه كل الدروس اللي خذيتهم بالاسبوع اللي طاف بالفيزيا
انا كنت اسوي جذي.. كل يوم اراجع الدرس اللي خذيناه ويوم اليمعه ادرس كل الدروس اللي خذيتهم
خلصتوا الفصل الاول بالفيزيا؟ شوفي اسئله التقويم حليهم
السؤال اللي مو فاهمته سئلي الابله على طول بالفرصه
وبناات نصيحه الفيزيا دايما يكررون الاسئله
فحاولوا تيبوون نماذج امتحانات اللي طافت لان والله الفيزيا ماعندهم اسئله يديده كلش كله تكرار
حتى المسائل نفس الافكار بس مع تغيير الارقاام
انا قبل كانت عقدتي الفيزيا موضوعي كنت دايما اغلط
عقب ما شفت النماذج والله يبت فل مارك !
حليته بثووواني ولا سؤال يديد كلهم مارين علي

الكيميا :
سهااالات
اسهل من 12 بالنسبه لي
الكورس الاول اول فصل اكسده واختزال نفس مال عاشر
الثاني نسييت بالضبط بس جنه الخلايا الجلفانيه والكاثود والانود
سهل همن يبيله تركييز شوي
اخر فصل الكيميا العضوييه
عجيييييب انا حبيته
لحد يخرعكم ويقولكم صعب ترى سهل والله
معادلات تحفظينهم
وتسميات
الكورس الثاني الفصل الاول تكمله الكيميا العضويه
نفس ما قلتلكم فوق
بس كل ما خذيتووا درس راجعوه وبالويكند درسوا كل اللي خذيتوه طول الاسبوع
على ما اييي امتحان الفتره الا انتوا حافظينه نفس اساميكم
الفصل الثاني الكيميا التحليله
نفس مال 11 المولار وجذي بس على اخف
والمعيارية سهل لا تحاتون

الرياضيات
الكورس الاول بتاخذون النهايات والاشتقاق وتطبيقات على الاشتقاق
الكورس الثاني التكامل بعدين مادري شنو اسم الفصل بس سهل قانون وتطبيقين والثالث هــنـــدسسسســـه الــفــضـــاء < وهل يخفى القمر
طبعا الرياضيات معرووف
فهمي الدرس
حلي التطبيق مع الابله
حلي مسائل التقويم
اقري المسائل المحلوله بالكتاب
اي سؤال مو فاهمته روحي عند الابله
علامه كامله باذن الله

هندسه الفضاء كان ملوع جبدي صراحه اول شي لان ما كانت فاهمته
بعدين يبتلي مدرس وفهمنييي عدل الله يعطيه العافيه وحبيييته صججج
من كثر ما حبيته حتى اذا فضيت وعندي وقت فراغ احله مسائل
اهوا بس يبيج تحلين مسائل قد ما تقدرييين
ونصيحه لا تحفظون فهمواا

الاحياء
الفصل الاول يلوع الجبد كله حفظ بحفظ حيل حيل دسم الله يعينكم قبل امتحان الفاينل بيوم صكيتها مناحه مو قادره اكمله
بس يبت علامه كامله 52 من 52 زلمه مو ؟؟
الثاننييي عجيب وخفيف وسلس وسهل
لا تخترعون ان اكو مسائل
ترى سهلين
رجل اصلع تزوج بامراء صلعاء شنو يطلعون عيالهم ?
وناسسه كله عن التزاوج حللوو
اييي وترى الاحياء ضروري تقرون نماذج امتحانات قديمه نفس الفيزيا يعيدون الاسئله بس مو كلهم يعني يصادف ان في اسئله يديده

اسلاميه وقران
خذيتوا ايه او حديث سمعوها على طول
وبنات الاسلاميه والقران لا تاخذون وقت وايد عليه بالدراسه
انا كنت ادرس قبله بيوم واييب فل مارك الحمدالله

الدستور
مواد الدستور وحقوق الانسان وجذي
سهل
نفس الاسلاميه والقران درسواا قبله بيوم
واللي تحس ما تقدر تخلصه بيوم تخليله يومين بالكثير لان ما يسوى صراحه
انا اشوف بنات مشتطين ويدرسون قبلها باسبوع وانا ادرس قبله بيوم
واخرتها انا فل مارك واهما لا xD حق الشماته

عربي وانجليزي
ماكو شي يديد نفس كل سنه
بس بلاغه كله حفظ الله يعينكم صراحه خصوصا ان علمي كلش مو مال حفظ
واغلب البنات كانوا اييون الامتحان مو دارسين بلاغه وانا منهم
بس نصيحه درسوا لا تضيعون 6 درجات بالامتحان من اييدكم


هممم بقى الاحصاء فشله اتكلم عنه سهل خوو

الله يوفقكم وان شاء الله كل وحده تدش المكان اللي تبيه
واللي تبي هندسه ختكلمني عشان اشوفها السنه اليايه

 

[Engineer A]

اي نسييييت اقولكم
انا بالقدرات
ماخذه
95 بالانجلش
96 كيميا
75 رياضيات
تسئلون شلون ؟
الكيميا دشوا دوره الجامعه عجيييبه وراح يعطونكم مذكره درسوا منها قبل الامتحان بيوم
الرياضيات نفس الشي دورة وراح يعطونكم مذكره
انا لمن رحت الدوره خذيت 60 اول امتحان
بعدين يبتلي مدرس يشرحلي اساسيات الرياضيات يبت 75

الانجليزي
اقولكم سر
حق اللي ما تعرف كلمات انجليزيه وايد
اخذوا كتب الانجليزي من 6 لي 12
ابلتنا الانجليزي قالتلنا ان ايبون كلمات الامتحان كلها من هالكتب
ادري ان وايد بتقولون
بس التعب يهووون عشان الطب او الهندسه او اي كليه ببالكم
والقواعد درسووا القواعد القديمه

اييي وانا بعد دشيت دوره انجليزي عطوني مذكره حق القواعد والكلمات

وبس

 

[3aso0ola]

^
يعطيج العافيه حبيبتي مشكورة ريحتيني
الله يوفقج ان شاء الله ، ونشوفج مهندسه اد الدنيا :$
القدرات مانجحت من الانجليزي كله عالحفه ، ان شاء الله هالمره اخذ فيه درجه حلوه

 

[ON_LY]

Good luck

 

[3aso0ola]

بنات ب11 ابلتنا الe قالت لنا انه الامتحان بتتغير طريقته
راح يشيلون الترجمة ويحطون لنا نكتب تعبيرين بدال واحد والقواعد بتتغير طريقتهم
الصراحة ماعجبني النظام خاصه سالفه التعبيرين ،، سمعتو عن هالتغيير ولا بس حجي اتمنى يكون بس حجي

 

[THE.CODE]

السلام عليكم
عسل وقشطه شكرا عالتجمع من اول مابطلتيه كنت برد عليج بس صدفه انشغلت
وانا معاكم انشالله والحمدالله افتكينا من 11 و الجلوجيا التعيسه
​

 

[THE.CODE]

بس بنات انا بسالكم ب 10 يبت زين بس 11 خربتها هل تعتقجون اذا شديت حيلي ب 12 اقدر اعوض
وانا ما خذيت قدرات لان مابي جامعة الكويت انا ودي بعثة
احس 11 خربت علي كل شي حدي متحبطه
​

 

[3aso0ola]

^
اي في امل تعوضين وامل كبير ترى ٦٠٪ مو شوية تلعب بالنسبه لعب
شدي حيلج ودرسي اول باول وراح تاخذين النسبه اللي ترفع الراس وترفع نسبه ١١
شكثر ناس زفتو ب١٠و١١ وشدو حيلهم ب١٢ وكاهم نسبهم عالية ،، دام ١٢ الكل يقول سهله شدي حيلج ولاتضيعين اي درجة
موفقه ؛*

 

[THE.CODE]

^
شكرا عسولة رفعتي معنوياتي :*
انشالله الكل يتفوق
​

 

[THE.CODE]

بنات هذا لنك حق كتبنا بـ 12 ع انشالله
الكتاب الإلكتروني - الصف الثاني عشر علمي
​

 

[THE.CODE]

استمتعوا
​

 

[Maryam_]

بنات نسيت اقولكم شي وايد مهم

وايد بنات بيقولون 12 سهله جد ترا اهيا سهله بس الكتب
متروووووووووسه حجي و افكار و اشياء بين السطور فتنصدمين بالامتحان شلون انا دارسه بس هالشي ما مر علي ﻻن الكتاب محشي محشي حجي ديروبالكم و نصيحة نصيحة العضوية اول اول بالكيماء الكورس 2
هالفصل بس فهميه متعه متعه ﻻ صارت وﻻ ستوت لوووول

و الممالك بعد درسوها بس غثى الله يعينكم

اذا تذكرت شي بقولكم

 

[memo_elnz8a]

بنات هذا لنك حق كتبنا بـ 12 ع انشالله
الكتاب الإلكتروني - الصف الثاني عشر علمي
​

مشكووره حبيبتي بس ليش مايفتح يعني يمكن عشان انا شابكه من جالكسي

 

[memo_elnz8a]

بنات نسيت اقولكم شي وايد مهم

وايد بنات بيقولون 12 سهله جد ترا اهيا سهله بس الكتب
متروووووووووسه حجي و افكار و اشياء بين السطور فتنصدمين بالامتحان شلون انا دارسه بس هالشي ما مر علي ﻻن الكتاب محشي محشي حجي ديروبالكم و نصيحة نصيحة العضوية اول اول بالكيماء الكورس 2
هالفصل بس فهميه متعه متعه ﻻ صارت وﻻ ستوت لوووول

و الممالك بعد درسوها بس غثى الله يعينكم

اذا تذكرت شي بقولكم

مشكووره حبيبتي و ان شا الله بنمشي ع كلاامج

 

[THE.CODE]

مشكووره حبيبتي بس ليش مايفتح يعني يمكن عشان انا شابكه من جالكسي

مادري والله انا فتح عندي بس كتبي بقوقل كتب 12 الالكترونية يطلعلج

 

[(عسل وقشطة)]

اي نسييييت اقولكم
انا بالقدرات
ماخذه
95 بالانجلش
96 كيميا
75 رياضيات
تسئلون شلون ؟
الكيميا دشوا دوره الجامعه عجيييبه وراح يعطونكم مذكره درسوا منها قبل الامتحان بيوم
الرياضيات نفس الشي دورة وراح يعطونكم مذكره
انا لمن رحت الدوره خذيت 60 اول امتحان
بعدين يبتلي مدرس يشرحلي اساسيات الرياضيات يبت 75

الانجليزي
اقولكم سر
حق اللي ما تعرف كلمات انجليزيه وايد
اخذوا كتب الانجليزي من 6 لي 12
ابلتنا الانجليزي قالتلنا ان ايبون كلمات الامتحان كلها من هالكتب
ادري ان وايد بتقولون
بس التعب يهووون عشان الطب او الهندسه او اي كليه ببالكم
والقواعد درسووا القواعد القديمه

اييي وانا بعد دشيت دوره انجليزي عطوني مذكره حق القواعد والكلمات

وبس

مشكوووورة على النصايح والله يوفقج ويسهل طريقج
انا نجحت بالكيماء بس درجة مو عاجبتني
متى قدمتي القدرات ب11او12
وين تسجيل دورة الانجليزي لانها مو مع الكيمياء والرياضيات

 

[Engineer A]

مشكوووورة على النصايح والله يوفقج ويسهل طريقج
انا نجحت بالكيماء بس درجة مو عاجبتني
متى قدمتي القدرات ب11او12
وين تسجيل دورة الانجليزي لانها مو مع الكيمياء والرياضيات

انا قدمت ب 11 و12
لا تحاتين بقالج 3 امتحانات يمدي
انا ما يبت هالنسب الا على اخر امتحان

دورة الانجليزي انا خذيت رقم مركز اللغات بشويخ واستفسرت عنها
يسوون بس مادري ليش ماكو اعلان :/
دقي عليهم وسئليهم عن مكانهم وروحي سجلي
وترى المقاعد محدوده

^
يعطيج العافيه حبيبتي مشكورة ريحتيني
الله يوفقج ان شاء الله ، ونشوفج مهندسه اد الدنيا :$
القدرات مانجحت من الانجليزي كله عالحفه ، ان شاء الله هالمره اخذ فيه درجه حلوه

العفو حبيبتي
اجمعين يارب والفال لج :*
الانجليزي سوي اللي قتلكم عليه وبتشوفين نسبتج مرتفعه حيل
الكلمات اللي بالكتب من 6 لي 12 حفظيهم عدل
ادري وايد
بس سهالات صدقيني
حاولي تحفظين اكبر كميه
والله يوفقج عمري

نفس ما قالت اللي قبلي الاسئله ما بين السطوور ترى درسوا حتى الهوامش لا تطوفون شي

Good luck seniors
​

 

[Ǥoldɛn ʝɛωɛL]

السلام عليـــكم ..

شلونكم يا احلى خريجات عساكم بخير ..؟!
معاكم اختكم بنت 12 ع خريجه سنه 2012-2013 >> يعني توني لول :**
حبيت اعطيكم نصايح واتكلم عن كل ماده وشلون تدرسينها و تقييمي لها >> لله الحمد تخرجت بامتياز فما حبيت اخلي بس هالنصايح لي و ادفنها من غير محد يتسفيد ! لا قلت لازم افيد خواتي مثل ما فادوني اللي قبلي قبل .. !

احم احم .. بسم الله نبتدي ؟

الرياضـــــــــــــــيات ..

للأمانه هالماده اخر سنه صارت عشق مو طبيعي ! حيل حيل احلى من 11 و 10
بس الفصل الاول راح يكون بمقارنه مع الثاني اثقل لانكم بتاخذون
المشتقات - اللوغاريتم - مع فصل سخيف للامانه
بس اول اثنين اكيد ما سمعتو عنهم كلش !
المشتقات لها قوانينها وحاولي تحفظين القانون وتركزين لانه فيه حل بقانون معين والثاني لا اي واحد تختارينه بس سهله يعني لا تحاتون حفظو القانون وانتم مغمضين تحلون !

اللوغاريتم --> ما ودي اجذب واقولكم حلو هو سهل بس اللي ما يحبها ولا يواطنها صعبه بتكون عليه
مثلي يعني عادي جدا لي مافجيتي الكتاب جم يوم تلقين تقولين حق نفسج ها ؟! شنو ؟! شسالفته !
فلازم اول باول بأول !!!!!!

الفصل الثاني هو الحب 3>
تاخذون تكامل + مع القطوع + الفضاء

التكامل من اللحين اقولكم عكس المشتقه بكل شي جنها شريجتها لول يعني كل شي عكس بعكس
بس لا تحاتون راح تحبووووونه حيل حيل حتى لو ما راجعتي اول باول ميخالف لانه سهل انا كنت ادرس كله قبل يومين بالامتحان ايام الفتره لانه الكميه كانت حيل حلوه

القطوع ! ما اقدر احدد شي اسخف من هالفصل عجييب تاخذين الدرجه وانتي مغمضه كله ثلاث دروس ورابع يشرح شي يشمل هالقطوع الثلاثه وبس كل واحد وقوانينه وقوانينه بالعقل تفهمينه =) !

الفضاء لا يقصون عليكم البنات ويقولون لكم صعب ! لا بالعكس هم 14 نظريه وفهمي وخلي خيالج واسع ماكان واسع ماكو الا تحفظين مسأله بكل وحده لانهم نفس الفكره بالضبط وبالامتحان نفس الكلام الموجود بالحرف الواحد اييبونه بالفاينل ..


الرياضيات ككل حيل حلو ب12 بس يبيله اول فصل مجابل و الثاني ترتاحون ما عدا اخر فصل يبيله اول باول علشان ما يدشون ببعض لانه 14 نظريه مو 3 او 4 !



~


الكـــــــــــــــــــــــــيمياء

لله الحمد هالماده اللي يحبها يمشي فيها وهم اللي مايحبها هم يمشي فيها
اللي يبيلها بس ربط افكار وكل شي سهلات
الفصل الاول بالنسبه للبنات وللاغلبيه اسهل من الثاني
بس عندي الثاني عكس احلى من اول " بس احس ما اقدر اوصفها حيل " يعني الماده عجيبه وحيل حلوه وانا عن نفسي ودي اتعلق بالهماده بالمستقبل يعني اصير ان شاء الله مهندسه كيميائيه
بس الكيميا سالفة ربط وفهم ! ولي دشيتي حفظ هذا ويهي لي حليتي الفصل الثاني !
الفصل الثاني كان عن الكيميا العضويه و البنات داشين حفظ دشو الامتحان كارثه صارت ما بقى بنت ما بجت يبيلج مخططات حلوه و خريطه ذهنيه وانتي مغمضه ماشيه بهالماده ! بس الفصل الاول ما يحتاج جهد كثر الثاني بس 1&2 حلوين فلا تحاتون


~

الفيزيا
بالنسبه لي ميولي مو فيزيائيه حيل بس شنوو بتستمتعون يا بنات 11 !
ودعو ايام التعاسه اللي ب11
راح تستانسون حيل ! يعني تخيلو القوانين الفصل الاول لا يمكن تنسينهم لانهم شويه
ولما ايي سؤال شنو يعتمد عليه " فلان " نوع الماده وانتم مغمضين لول ترى صج عجيب بتستانسون حيل
انا الفصل الاول كان عاجبني حيييل حيييل حيل و اقولكم شغله ! طول ما دشيت الثانوي كانت معاي مدرسه تابعني بس 12 مايبتها كلش !! لا والحمدالله يبت درجات احسن من قبل لما كانت ادرسني
يبيلها بس دفتر تقسمونه قوانين - على ماذا يعتمد كلا من .. - عللي - تعاريف
هذا سويه بس ها ! مو قبل الامتحان وتسوون لا اول باول الفيزيا كلها 3 حصص بالاسبوع يعني لما تردون البيت سوو هالطريقه ما ايي الامتحان الا وانتم فاهمين شسالفه وحافظين !
بالنسبه لي الفصل الاول حبيته لانه كله فهم وقوانين اما الثاني حفظxحفظ وقرقه وايد بس هالقرقه مو تختصرون لا تكتبون كل شي لانه لي اختصرتو مثلي بتندمووون ! لانه كل شي عليه درجه
بس بالنسبه لي الفيزيا هالسنه كانت روعه 3>


~


الأحياء

.................................................ما ادري شقولكم
الفصل الاول كميتها ماودي اقولكم بس قصبن علي
كمييييييييييييييييييييييييييييييييييييييييييته كبيره حيييل حيييييييييييييييييييييل حيييييييييييييييييييييييل !
كلامي عن الفصل الاول بس
يعني لما تاخذون الكتاب راح تاخذون القسم الثاني من الكتاب يعني مو من اول تبدون
يعني شفتو الحيوانات ؟ ! او اقولكم حشرات ؟ او اقولكم بكتيريا ! ؟ كلها بتاخذونها
يعني تبدون من نتفه اللي هي بكتيريا لماااااااااااااااااااااااااااا توصلون حق الحيوانات الكبيره اللي تشوفونها واذكر اخر صقحه وصلنا للكنغر !
يعني كل شي حفظ وو مثلا البكتيريا يندرج تحتها مميزات وهذا طبعا بكللللل المجاميع الباجيه
وكل مجموعه مثال او 2 او 3 حفظ
بس اقولكم نصيحه درسو من الكتاب يعني لا تلخصون ! ما يمدي وتضييع وقت
خلو كل صفحه معاج اقلامج والوان تحديد ونوتات اللي تنشال وتلصق حطي رؤوس اقلام لان لي يتي الامتحان تتذكرين شكتبتي فوق وحتى تتذكرين الصفحه اما لي لخصتي ما تتذكرين كثر ما تدرسين بالكتاب نفسه

الفصل الثاني روعه روعه روعه ! يعني تدرسين عن الــ DNA والجينات والانقسامات وحتى المسائل الوراثيه بس هالفصل عجيييب عجيب عجيب ! انتي راح تشوفين بنفسج انج تدرسين وانتي مستانسه لا ثقل ولاشي ! واذكركم الفصل الثاني راح يكون احلى من الاول يعني تاكلونها اول شي بس بعدين ترتاحون !



~


الجيلوجيا



طبعا هالماده ..
لوووووووووووووووووووووووووووووول اكيد اخترعتو لا اتغشمر استانسو مافي جيلوجيا !!


~

الاحصاء

ماودي اتكلم حتى عنه اقولكم اخر هالسنه درسته بعشر دقايق بس لول يعني ماله داعي
اتكلم وحيييل حلو عن 11

~

الانجليييزي
هالماده ما اقدر ازيد عنها الماده اللي مهما تغيرت السنين تظل الاروع والاروع والاروع
الكلمات حلوه وسهله و حتى القواعد كل الحجي ينعاد ! بس جم شغله يديده بس لا تحاتون حلوه
وطبعا القصص حلوه وسهله اول قصه تتكلم عن امير وشلون تغيرت حياته من كان صغير ولما كبر بس الصراحه ما اواطنه لول واتذكر البنات اخر القصه كان له صوره وكلمن قاعد يشوه ويهه ماني قايله ليش انتم بتعرفون انه يبي كلشي لنفسه !! :rgewrg: وهي يعني عن صراعاته علشان يستولي على عرش فرنسا .~
الثانيه تتكلم عن PIP وهو واحد ماتت كل عائلته ماعدا اخته يعني امه وابوه وخوانه الخمسه وعايش مع اخته و ريلها وريلها حيل حبوب وطيب ويشتغل حداد فكان بيب كله يتخذه مثال اعلى له من يا يوم تغير كل شي 180 درجه خلاه يحس انه مهنة مراح تسوي الا انها تقلل من كرامته وقيمته فقرر انه بدل ما يصير حداد انه يصير جنتل مان و يوم من الايام تحقق هالشي بمساعده احد .... الخ

يعني حيل حلوه القصه الثانيه انا تعلقت فيها حيل وانا دايما اقرى روايات اجنبيه فلما رحت شريتها انصدمت من الواقع انه اللي حاطينها مفروض يكتبون مو تأليف تشارلز ديكن ! لا وزير التربيه
لوووول لانه كل شي غير و القصه رومانسيه لول وشايلين البطله الموجوده وحطو بدالها واحد لا وما سمعنا عنه الا اول تشابتر بالقصه هههههههههههه بس حيل حلو بس اللي تتخربط لا تنفتح وايد تلتزم بالكتاب وحتى له فلم بس هم اللي تخربط لا اطالع بس راح يثبت عندج اكثر فيه مقاطع تفيدج في مقاطع ما تفيد


~

العربي

الدروس عجييييبه القواعد حييييل حلوه

البلاغه ! لاتعليق ! اهي خربت على العربي هالسنه يعني انسو كنايه واستعارات و اساليب انشائيه وغيرها هذول تلقونها بالدروس نفسها اما البلاغه شي مو طبيعي لحد اللحين مو فاهمه شسالفه بس كنت اسمع ابلتي بالحصه لانه كنت احبها حييييييييل فلما ايي الامتحان اتذكرها واحل اما البلاغه لو درست ستييين الف ساعه هم انسى وما اثبت بس يعني لازم تفهمون بس الحفظ اهم الفهم !

~

الاسلاميه

ها عساكم استانستو بسوالف الزواج ما الزواج لووول !
هالمره مافيه بس دروس سهله وخفيفه وحجي مكرر فلا تحاتون اذكر بالفاينل رحت بيت اختي ونمت عندها بس علشان تسولف لي عن الدروس فوق راسي لانه ما يحتاج كله بالفهم لول بس حيل حلوه الماده


~

القران

ما اقدر اقول شي عن هالماده كافي انها من كلام رب العالمين فمنو ما يرتاح ويحبها
التجويد سهل ووخفيف مو مثل 11


نصايح عامه .. *مهمه *

1. الرياضيات\الكيمياء\الفيزيا --- > كثر ما تقدرون راجعو اول باول اذا تبون الامتحان يكون خفيف وسهل عليكم تراكم ما ينفعكم بالعكس يضركم

2. الفيزيا خلو لها دفتر بروح لكم وكتبو فيه التقسيمه اللي قلت لكم اياها قبل صدقوني حتى لي راجعتو تتذكرون وين السؤال العكس مع الاحياء لاتفكرون حتى تلخصون لانكم بس بتضيعون وقتكم على الفاضي

3. توكلو على ولا تخترعون ايام الامتحانات يعني تخافون ان الاسئله صعبه وما ادري شنو مثل ما تعودتو

4. اكره اقولكم انه بالفاينل تصليحهم دقييق لانه الوزاره تصلح وتخيلو كل الكويت يصلحونهم بنفس اليوم يعني اكره اقولكم انه لازم تكتبون بس اللي يبونه ولا تزودون شغلات مالها داعي لانه لي كتبتو شي غلط زايد عادي انه ينقصونكم بس بالرياضيات يصير حل ثاني بالمسائل عادي حتى لو 20000 المهم تحلون !

5. اذا كان عندج اسئله سئلي ابلتج على طول واكيد مراح تقصر بس نصيحه لي خلصتو رجعو وكتبو اجابات اسئلتكم وخلوهم عندكم لانه لما ايي الامتحان احتمال تنسين بس يكون الجواب عندج وتتذكرينه

6. حلو نماذج امتحانات وطالعو اجاباتكم لانه الاسئله نفس الطريقه ما تتغير اللهم الارقام و الاسئله بس الترتيب نفسه

7. لازم معاكم كل ماده فايل لها وكل فايل فيه كتاب الماده الدفتر مال الحصه + دفترج اللي تكتبين فيه معلومات علشان تركزين عليها ودفتر حق الفيزيا كتقسيمات ينفع للكيميا و للرياضيات بس احياء اذكركم لا تضيعون وقتكم + نماذج امتحانات + مراجعات معتمده

8. مراجعاتكم وانتم مغمضين اخذوها من مكتبة المشاعل بأبو حليفه طول هالثلاث سنين ما اخذ غيرها ومعتمده ! بس يعني مو تخلون الكتاب لا بس يعني معتمد بصحتها وانها حلوه وتفيد خصوصا العربي هالمره بالفاينل دشيت حفظ بالاوراق دخلت لقيت نفس هالاسئله بالضبط بالحرف والاجابات كتبتها كامله فما نفصت الا 3 درجات بالفاينل !


وان شاء الله اكون فدتكم واي شي تبونه على الخاص ولا تنسون تدعون لي بالتوفيق .!
وموفقين خريجات 2013-2014 :***