&( تــجمــــــع خـــــــ12ـــريـــــ علمي ــــات 2013/2014)&

[(عسل وقشطة)]

كنا وما زلنا نسمع جملة :
*إذا خفت من شيء .. تصاب به*
لا آعلم هل مرت عليكم أم لا ؟ ف مثلاً :
شخص يخاف من العين وفعلاً تجده محسود ، وآخر يتوقع أنه لن ينجح هذه السنة وفعلا لا ينجح! وثالثه تخاف الزوجة ان يمرض ولدها ويمرض ..
*يعقوب عليه السلام من شدة خوفه على يوسف فقده* وغيرها من الأمثلة الكثيرة .
* السؤال : لماذا تخاف الشيء ثم يحصل : /؟
السبب : قول الله تعالى في الحديث القدسي .
( أنا عند ظن عبدي بي )
لم يقل ربنا جل وعلا :
أنا عند *حسن* ظن عبدي بي وإنما قال :
' أنا عند ظن عبدي بي .
ما الفرق : /؟
حينما نتوقع أن حياتنا ستصبح جميلة ورائعة وننجح ، و نسمع الأخبار الجيدة ، ف الله تعالى يُعطينا إياها .. وعلى نياتكم ترزقون ، هذا من حسن الظن ب الله عز وجل ♡.
وإذا كنت موسوساً و دائماً تفكر أنه ستصيبك مصيبة وستواجهك مشكلة وحياتك كلها ستصبح مأسي ، وهم ونكد! تأكد أنك ستعيش مثلما أحسست لأن هذا من سوء الظن ب الله تعالى .
لا تتذمر وتظن السوء و تقول إني أحسست بذلك
لأن رب العزة والملكوت يقول :
*والظانين بالله ظن السوء عليهم دائرة السوء*
ولا تنس أن الله كريم بيده الخير ، وهو على كل شيء قدير فأحسنوا الظن بالله وكونوا متفائلين ، ف تفائلوا ~




فدايما فكروا ان الله مايضيع احد اذاا تعب و اتعبوا و ادرسووا لانه اخر سنه
ففكروا بالنجاااح و الله يووفق الكل ياااااارب

فعلاً كلامج عين العقل
وهذي كلمتي دايماً اقولها (الله عند حسن ظن العبد به فليض به مايشاء)
والله يوفقني انا وياج ونكون مع بعض بالكلية
امتحني قدرات او لا

 

[(عسل وقشطة)]

بنات امتحنتوا قدرااات

 

[memo_elnz8a]

بنات امتحنتوا قدرااات

ايي امتحنتت بس الرياضياات كاان صعبب حيل والله

 

[memo_elnz8a]

فعلاً كلامج عين العقل
وهذي كلمتي دايماً اقولها (الله عند حسن ظن العبد به فليض به مايشاء)
والله يوفقني انا وياج ونكون مع بعض بالكلية
امتحني قدرات او لا

ان شا الله يارب
يس امتحنتتت

 

[3aso0ola]

ايووووواااااا عاااشووو الخريجااااات


انا خريجة 2013
اخييييييي على كلمة التخرج شعور ما ينوصف كلش وﻻ بتحسين فيه عدل

اﻻ اذا قالو الخريجة :فلانه الفلاني و تمشين جداام الكل و تتكرمين
صارت فيني بجيه يريت ارجع


نصيحة اغلبكم ماراح يطبقها راح تتندمون قد شعر راسكم اذا ما شديتوا حيلكم
بناا 12 عليها 60 يعني تخفس بالنسبه و تصعدها والله
ﻻ تستهتروون و تلعبون وو ياخذكم الحماس ان خلاص تخرج

ادري بيصير فيكم شعور اوووهوووو خلاص بندش اي شي بعد التخرج بس بفتك من الدراسه

بس تحكموا بنفسكم و شدو حيلكم خريجات
اي شي تبون سالو ﻻني مريت بلي تمرون فيه و كاني صرت خريجة الحمدالله

و ترا بيرفعون النسبه حتى التربيه الاساسية بترفع لين 80 تخيلوواااا

و عااااشوووو الخريجات الله يوفقكم و يوفقني باول سنه جامعه

يعطيج العافية حبيبتي ،، الله يوفقج بالجامعة :eh_s(17):
ان شاء الله بنشد حيلنا كثر مانقدر ،، ياريت تقولين لنا عن 12 والمواد الصعبة واللي يبيلها دراسة :eh_s(22):
​

 

[memo_elnz8a]

يعطيج العافية حبيبتي ،، الله يوفقج بالجامعة :eh_s(17):
ان شاء الله بنشد حيلنا كثر مانقدر ،، ياريت تقولين لنا عن 12 والمواد الصعبة واللي يبيلها دراسة :eh_s(22):
​

عسوله انا قاريه كذا تعليق من بنات خريجات من علمي و بحطهم منيي اوكي

 

[memo_elnz8a]

(١)



12 s



الســـلام عليكم و رحمة الله و بركاته

اول شي ابارك لكل خريجين هالسنة 2011/2012 و هالله الله بالنسب اللي
ترفع الراس ..
و ابشركم " ذهب الكثير و ما بقى الا القليل " و انتوا عديتوا الاصعب
12 علمي وايد اسهل من 11
و انا بهالموضوع بحاول اني افيدكم و اعطيكم نبذة عن 12

12 علمي راح تحدد مستقبلكم كله و النسبة تعتمد عليها لا تقول/ين انا مزفت/ه ب 11 و عاشر ما ينفع لا وايد بنات بدفعتي كانت نسبهم بالقاع و شدو حيلهم 12 و رفعهم واااااايد فلا تستهينون ب 60 % ترى تلعب بالمعدل لعب


اولا ابدي كلامي بمادة الاسلامية و القران
طبعا القران سهلة و ما يبيلها شئ حفظوا الايات اول باول و لا تتراكم عليكم و ترى
المدرسة اهيا تحط الامتحان ف سألي ابلتج اذا الامثلة معانا بالتجويد و جذي و الفل مارك بجيبج
و الاسلامية كلها حفظ و قليل الفهم و باعترف انا ما كنت احفظ اول باول بس الويك اند اللي قبل الامتحان اقعد على درسين او ثلاث اخفف الضغظ و الباجي ليله الامتحان و هذا كان غلط فادح >>>لووول اشتغلت الفصحى عندي
بس صج انصحكم دررسوا اول باول هذا هو مفتاح التفوق

2- الانجليزي
ما فيه شئ حفظوا الست بوك و الكلمات و بس
و القواعد نصيحة درسوا القديم و ركزوا عاليديد و نصيحة مهم اقرووا الامثلة grammer فايل اخر الكتاب حيل يفيدوكم و اغلبها يعتمد على مهارة الطالب و مخزونه اللغوي

3- العربي
العربي العربي و النحو صراحة هذي المادة انا شخصيا اكرهااااا و ما احبها
حاولت اكون ايجابية و متفائلة بس لا حياة لمن تنادي
و اهيا المادة الوحيدة اللي نزلت نسبتي
و الله يعينكم على البلاغة صج صج الله يعينكم تاريخ الادب اللي لغوه اهون و ترى العام
يابو الامثلة اللي الكتاب و شنو تدل على شكل سؤال توصيل و محد كان متوقعه<<الوهقة
و القواعد طبعا ما ينفع تدرسين كتاب 12 لا زم تدرسين كتب 11 و 10 و 9 و 8و7 لووووول عشان تيبين فل مارك ترى صج ما اتغشمر
و بالنسبة للدروس حفظي النص او الاية و فهمي و اذا في نقاط حفظي

4- الرياضيات
حلوة و سهلة الكورس الاول سهل لا تضيعونه من ايديكم و نصيحة الرياضيات يبيله اول باول
يعني من تاخذون الدرس ردوا البيت تدربوا عالامثلة حلو التمارين ما في شي يطلع برا الكتاب
و الكورس الثاني نفس الشي حلوو و لا يخرعونكم بهندسة الفضاء ترى حلوة و من تحلون مع الابلة و تردون تدربون عليه بالبيت راح يصير سهل و صج فيها حجي وايد بس امتحانا كان سهل و انتو و حظكم

5- الفيزيا
فيزيا 12 اسهل بوايد من 11
يبيلها :انتباه بالحصة و فهم
تردين البيت تحفظين الدرس و اهم شي الفهم الفهم الفهم
تدربين على افكار المسائل
اخيرا الفل مارك بجيبج

6 - الكيميا
اصعب من 11 بس حلو الفصل الاول اسهل من الثاني
و يبيلها : نفس الفيزيا بالضبط
و اذا ما فهمتي شي وقفي الابلة و خليها تعيده لج اهم شئ الفهم
و الفصل الثاني اعتماد كلي عالطالب لان اغلبة حفظ الا فصل المعايرة يبيله فهم

7- الاحياء
اللله يعينكم عالفصل الاول حده يلوع الجبد كله حفظ x حفظ
يعطونكم حيوانات و تركيبها و طبقاتها كانت الدراسة للفاينل حده متعبه يمكن قعدت 5 ايام و ما خلصت المنهج
درسوا اول باول كل درس بيومه عشان لا يتراكم عليكم
بس الفصل الثاني بترتاحون حده حلو و سهل

الاختياري
مايبيله شي و درجاته مضمونه ..و ابلات الاختياري حدهم كانوا مراعينا و ما يطلبون الا تقارير

الدستور
الدستور نفس الاجتماعيات المتوسط كله حفظ بحفظ
و الامتحانات المدرسة يحطونها مو الوزارة .. يعني اذا الابلة قالت هذا مهم عرفواا بيي بالامتحان

و اظن جذي غطيت كل المواد ..

نصائح عامة :
1)حطوا هدف جدامكم حطوا الكلية اللي تبونها ببالكم و بجذي بيزيد من عزيمتكم و اصراركم
2) دراسة اول باول راح توفر عليكم وايد وقت ايام الامتحانات
3)تنظيم الوقت ::الثانوية من عيوبها الضغظ يعني اول الاسابيع تحسون عادي بس من تبلش الامتحانات القصير ه
ضغط وراه القبلي و بعدين الطويل ..نظموا وقتكم ممن البداية

4)لا تاجل عمل اليوم للغد : عندج تسميع حفظي اليوم ,, عندج مشروع سويه اليوم <<هالشغلة ريحتني وايد
5) الثقة بالنفس وايد مهمة
6)مكافئة النفس //هالشغلة حلوة يعني اذا درستي ساعتين كافئي نفسج ان الساعة اللي وراها بشوف فلم او بدق على رفيجيتي اسولف او اطلع و مو كل ويك اند دراسة خلي ويك اند للوناسة لوووول
7) واخيرا نزلوووا اوراق مراجعه تلخيص امتحانات من المنتدى حيل حيل يفيد و اغلب الاسئلة ترى تكرر و حلوها ليلة الامتحان


ليلة الامتحان للمراجعه و ليس الدراسة "" حطوها ببالكم و التفووق باذن الله بتحصلونه .

و اظن بجذي خلصت
و بالتوفيق حبايبــــــــــي و اي سؤال ببالكم انــا حاضـــرة ...


_____

المشاركة الأصلية كتبت بواسطة طـآلـبـة عـلـمـي


ابي استفسر عن الكيمياء ...
انتي تقولين صعبه ؟
ليش ششنو الصعب فيها ؟

ويعطيج العافييه وماقصرتي ..


انـا ما اقول انها صعبة ,,اقول منهج 11 اخف و اسهل من منهج 12 لا اكثر و لا اقل
و اذا ركزتي و فهمتي بالحصة راح تكون سهلة
كتاب الكورس الاول يتكون من 4 فصول
اول فصل اكسدة و اختزال حده سهل و اغلبه ماخذينه بعاشر و باذن الله ماراح تواجهين صعوبة
الثاني يتكلم عن المحاليل الايونية و المحاليل الالكتروليتية .. انتبهي من اول حصة بهالفصل لان كل حصة راح تكون مكملة للثانية الفصل يبيله فهم و تركيز و اذا فهمتي شنو ماييبون اسئلة فيه راح تكون سهلة بالنسبة لج ..
الفصل الثالث عن الفلزات الصوديوم و الحديد كله حفظ و يعتمد عالطالب اكثر من المدرس
الصوديوم معدلاته سهلة اما الحديد معدلاته اكثر و مرتبطة ببعضها ..
الفصل الاخير عضوية و هو المدخل للكيمياء العضوية اللي بيكون كتاب الفصل الثاني عنه ،،حده حلو الفصل و ييبون منه وايد بالفاينل ..

و اتمنى انج استفدتـــي

 

[memo_elnz8a]

(2)




أممممم 12 عموماً أسهل سنة بالثانوية
لأن إنتي تكونين عارفة النظام وعارفة شلون تنظمين وقتج

بسم الله الرحمن الرحيم

الرياضيات
الكورس الأول: راح تدرسين شي يديد بحياتج شي ماله علاقة كلش باللي طول عمرج درستيه
وو كله مرتبط بعضه حطي بالج يعي إذا دشيتي الفصل الثاني وإنتي مو فاهمة الفصل الأول ماراح تفهمين شي بالفصل الأول بس الحمدالله كانت سهلة وحلوة ومقدور عليها إن شاء الله بس يبيلها مجابل وو بالإسبوع تخصصين يومين غير عطلة الإسبوع وو وااايد أسهل من اللوغاريتمات
الترتيب : النهايات - الاتصال - الشتقة - تطبيقات على المشتقة ( كله ورا بعض ولازم تفهمين من البداية )

الكورس الثاني : مثل ماقلت لج كله مرتبط بعضه فإذا مو فاهمة الكورس الأول راح تضيعين ووتوهقين بالفصل الثاني
هذا لي التكامل ،، عقب الفصل اللي بعده نظام تحفظين تقريباً ثلاث قوانين رئيسية بس أهو مال شغل بالتكامل واللي قبله ،، وآخر فصل هندسة الفضاء صراحة خرعوني الناس أكثر من الكتاب والامتحان لأن أهو أسئلته بالامتحان حيييل مباشرة وو واااايد سهلة يعني يدورون أسهل التمارين ويبيونها بالامتحان بس أهو وااااايد يعتمد على اللي درستيه بالمتوسط فإنتي لازم قبل ماتدرسينه تخصصين يومين ثلاث تراجعين فيه اللي قبل والناس يشتكون منه علشان أساسهم ضعيف وأنا صراحة أساسي كان ضعيف بس الأستاذ خصص أيام لمراجعة المتوسط وعن نفسي راجعت المتوسط فصار الحمدالله سهل



الكيميا
الكورس الأول: أمممم مرتبط شوية باللي درستيه بعاشر الأكسدة والاختزال بس عقب يبدا عالم ثاني
وعالم أنا ماحبيته صراحة كرهته بس سهل ومقدور عليه ويبيله مجابل بس ماأنكر فيه ناس حبوه
وو واااايد طويل الكورس الأول حداا طويل فلازم تخصصيين جم يوم بالإسبوع علشان يمديج تلحقين على نفسج

الكورس الثاني: العضوية أهي حلوة وو وايد حلوة بعد
بس مشكلتها امتحان الفترة الثالثة لأن الوقت ضيج ومايمديج وقت تدرسين له لدرجة وايد ناس أجلو الامتحان
بس أقولج دراسة أول بأول وو راح ترتاحين إن شاء الله بس بالفاينل فلا تخافين لأن المنهج أقصر بوااايد من الكورس الأول وو راح يبقى فصل صغير أقل من العضوية بس فصلين وو إن شاء الله سهل




الأحياء
الكورس الأول: الممالك وماأدراك ما الممالك قمة في التعذيب قمة في المعاناة صراحة أكثر مادة تعبتني بالكورس الأول
بس أرد وأقولج مرة ثانية الدراسة أول بأول وتصير سهلة أهي واااايد طويلة وإذا ظليتي تراجعين عليها كل إسبوع مراجعة دورية ودراسة أول بأول تصير سهلة بس إذا كدستي إسبوعين ثلاث تتوهقين فلازم تدرسين له أول بأول
لأن أهو نظام حفظ

الكورس الثاني : الحمض النووي وانتقال الصفات الوراثية
صراحة أهوة أحلى شي درسته بالأحياء وااااايد حلو وسهل بس لازم تفهمينه عدل عدل عدل
إذا فهمتيه فكل شي يكون سهل أهو نظام فهم
صراحة ممتع بس فيه ناس يشتكون لأن ماقدرو يفهمون عدل فإنتي فهمي المنهج عدل وإن شاء الله يكون سهل

الدستور
مادة أسهل من الاجتماعيات وو لاتعذبين نفسج وتدرسين بين السطور لأن سهل وأسئلته مباشرة
فإذا بتدرسين له عدل بتضيعين وقت بالتلاخيص أوو الدفتر والتقويم وتقرين الكتاب وبس

الفيزيا
الكورس الأول: كان حلو وأسهل من 11 بوااايد بس فيه الفصل الثالث أهو الصعب
واللي يشتكون من من الكورس راح تلقينهم يشتكون من بس الفصل الثالث لأن كان صعب بس الحلو إن الموجهين وو على مر سنين ماييبون من أسئلة فلا تضيعين وقتج وايد عليه لأن أسئلته مباشرة وغالباً بس سؤال أو سؤالين بالامتحان كله عن الفصل الثالث غير المسائل

الكورس الثاني : وااايد سهل وواااايد حلو بس صراحة أول فصل ماحبيته بس كان سهل وآخر فصل الهندسة النووية أحلى شي راح تدرسين بالفيزيا لأن حلو وسل
فلاتخافين إن شاء الله الفيزيا سهلة وعلامتها مضمون مو مثل 11

العربي والإنجليزي
ماكو شي يديد وكله نفس النظام ونفس المستوى
والإسلامية نفس الشي بس اللهم إن صار أسهل لأن صراحة اللي ب12 وااايد أرحم من الطلاق وأحكام الطلاق فالحمدالله افتكيتي من 11 !!!

 

[memo_elnz8a]

ترى انا قريييت ان الكورس الاول اذا مافهمتي يعني الكورس الثاني ماراح تفهميين




و شسمه يعني شدوا حيلكم من اول كوورس و ركزوا

 

[3aso0ola]

عسوله انا قاريه كذا تعليق من بنات خريجات من علمي و بحطهم منيي اوكي

حبيبتي مشكورة :eh_s(17):
اي انا سمعت انه الكيميا اخر فصل من الكورس الاول اهو اساس للي بناخذه الكورس الثاني فلازم نكون فاهمينه

 

[امل الطموح]

مادري هالتجمع ( للخريجات الفرش ) ولا للي بيعيدون مسائي مثلي

انا خريجه ( النظام القديم ) والي خريجات هالسنه اليدد ,, ومايدرون شنو النظام القديم كان ,, النظام القديم كان ( امتحان الفاينل "اخر السنه " عباره عن كتابين الفصل الاول والثاني كللللللللللللللللهم ندرسهم ويمتحنوننا فيهم وعليها 75% ) وكانت 25% اعمال سنه

بس لما كنت عارفه ان الحين خلوا ( رابعه ثانويه بوقتها كنا نسميها الحين تسمونها ال12 ) صار لكل فصل كتاب ندرسه وماندرسه للفصل الي بعده هالشي صارت راحه نفسيه حيييل سهله وصارت لنا المقدره نعيدها وانييب معدل سنع بهالطريقه + خصوصا كطالبات ( علمي ) لما شفت منهجكم للصف ال12 لقيت في اقسام بالرياضيات ,, خلوها للصف العاشر وكانت وايد صعبه عليها لما كنا برابعه ثانوي ( مثل التكامل والمتتاليات ) ومو موجوده ب 12 ف هم راحه واسهل صار ( لان الرياضيات عليه اعلى الدرجات )



خريجه 2007 ونسبتي بالستينات وخريجا من التطبيقي وموظفا وانشالله هالسنه ( مسائي : نظامنا مو تراكمي مثلكم ) %100 نسبه طول السنه مقسمه على فصلين

ف طموحي ال تسعينات + القدرات انشالله + قبول فوري للهندسه عشان اخذها وارفعها بدوامي وما اتاخر لان محسوبه لي سنوات الخدمه لآن وزارتي فنيـه اساسا
سهالات ووفقني اللله اياني واياكم بما احبه ويرضاه

 

[Madrideya ~]

وانا معاكم بعد ..

 

[(عسل وقشطة)]

مادري هالتجمع ( للخريجات الفرش ) ولا للي بيعيدون مسائي مثلي

انا خريجه ( النظام القديم ) والي خريجات هالسنه اليدد ,, ومايدرون شنو النظام القديم كان ,, النظام القديم كان ( امتحان الفاينل "اخر السنه " عباره عن كتابين الفصل الاول والثاني كللللللللللللللللهم ندرسهم ويمتحنوننا فيهم وعليها 75% ) وكانت 25% اعمال سنه

بس لما كنت عارفه ان الحين خلوا ( رابعه ثانويه بوقتها كنا نسميها الحين تسمونها ال12 ) صار لكل فصل كتاب ندرسه وماندرسه للفصل الي بعده هالشي صارت راحه نفسيه حيييل سهله وصارت لنا المقدره نعيدها وانييب معدل سنع بهالطريقه + خصوصا كطالبات ( علمي ) لما شفت منهجكم للصف ال12 لقيت في اقسام بالرياضيات ,, خلوها للصف العاشر وكانت وايد صعبه عليها لما كنا برابعه ثانوي ( مثل التكامل والمتتاليات ) ومو موجوده ب 12 ف هم راحه واسهل صار ( لان الرياضيات عليه اعلى الدرجات )



خريجه 2007 ونسبتي بالستينات وخريجا من التطبيقي وموظفا وانشالله هالسنه ( مسائي : نظامنا مو تراكمي مثلكم ) %100 نسبه طول السنه مقسمه على فصلين

ف طموحي ال تسعينات + القدرات انشالله + قبول فوري للهندسه عشان اخذها وارفعها بدوامي وما اتاخر لان محسوبه لي سنوات الخدمه لآن وزارتي فنيـه اساسا
سهالات ووفقني اللله اياني واياكم بما احبه ويرضاه

حياج الله وتراى في تجمع للمسائي
إن شاء الله يوفقنا وياج حبيبتي وتدخلين هندسة
واذا تبين اي استفسار للقدرات انا حاضر :eh_s(7):

 

[(عسل وقشطة)]

وانا معاكم بعد ..

هلا وغلا شلوونج شخبارج
نور التجمع
:eh_s(17):

 

[(عسل وقشطة)]

ايي امتحنتت بس الرياضياات كاان صعبب حيل والله

جم مرة امتحنتي ورحتي دورة او لا
انا متحنت مرة رياضيات وجبت 35 هههه بس مارحت دورة
وامتحت انجليزي 3مرات وجبت نسبة تفشل بس ناجحة الحمد لله
وامتحنت كيميا 3مرات لكن رحت دورة وجبت نسبه زينه الحمد لله لكن راح امتحن مرة ثانيه عشان اجيب اعلى إن شاء الله
:yaaaaaarb:
بالتوفييق حبيبتي اذا بنات تبون تستفسرون عن القدرات انا حاضر

 

[(عسل وقشطة)]

حبيبتي مشكورة :eh_s(17):
اي انا سمعت انه الكيميا اخر فصل من الكورس الاول اهو اساس للي بناخذه الكورس الثاني فلازم نكون فاهمينه

اي صح لان اخر جزء كيمياء عضويه والفصل الثاني اول جزء كيمياء عضوية :eh_s(11):

 

[(عسل وقشطة)]

هذي روابط مفيدة
http://www.q8yat.com/t809358.html
http://www.q8yat.com/t937200.html

 

[memo_elnz8a]

جم مرة امتحنتي ورحتي دورة او لا
انا متحنت مرة رياضيات وجبت 35 هههه بس مارحت دورة
وامتحت انجليزي 3مرات وجبت نسبة تفشل بس ناجحة الحمد لله
وامتحنت كيميا 3مرات لكن رحت دورة وجبت نسبه زينه الحمد لله لكن راح امتحن مرة ثانيه عشان اجيب اعلى إن شاء الله
:yaaaaaarb:
بالتوفييق حبيبتي اذا بنات تبون تستفسرون عن القدرات انا حاضر :d

انا امتحنت مره وحده قدرات بس سقطت بالرياضيات و الكيميا و الانجليزي نجحت الحمدالله بس درجات مو عاليه
و شسمه لا ماخذييت دوره و الدوره تنفع او لااا ؟ و انا بعدد بمتحن مره ثانيه و موفقه حبيبتي

 

[memo_elnz8a]

هذي روابط مفيدة
http://www.q8yat.com/t809358.html
http://www.q8yat.com/t937200.html

يعطييج العافيه ع الروابط

 

[memo_elnz8a]

وانا معاكم بعد ..

نورتي التجمع