✔✔تجمــ؏ لحوامــل التــوأأأم✔✔

[HOT^CHOCOLAT]

مشأالله ماويا أحسن شي سويتيه الله يتمم عليج انشالله وين تراجعين وين ناويه تولدين انشالله بسلامه

 

[Mawiya]

اراجع بالصباح ودكتوري نفسه عنده عيادة خاصه

يعني اروحله بالحكومة والخاص ...

اما وين ناوية اولد ليلحين الرؤية غير واضحة

لان الدكتور قالي اول تدشين التاسع اذا ولاتج قبل التاسع

تروحين حكومه عشان البيبيات ...




ربي يسهل حملنا وولادتنا ويرزقنا بالذرية الصالحة السليمة المعافاة.

 

[روزماري]

السلام شلونكم

الحمدلله أنا ولدت أمس الصبح
ربي لك الحمد تسهلت ولادتي الفال لكم ان شاء الله

 

[طيوبه1122]

السلام شلونكم

الحمدلله أنا ولدت أمس الصبح
ربي لك الحمد تسهلت ولادتي الفال لكم ان شاء الله

الف مبرووك والحمدالله علي سلامتك طمنينا عليج شلون الولاده والبيبات ياريت تقولين لنا تفاصيل ولادتج بعد ماترتاحين ان شاء الله

 

[HOT^CHOCOLAT]

صباح الخير
ألف ألف ألف مبروك روز حبيبتي الحمدلله على سلامتكم بشري شلون البيبيات وننطر تفاصيل عقب ماترتاحين

ماويا ربي يكتبلج الصالح يارب انأ بعد متردده ودي بخاص بس خوفي ماكمل شهري الله يسهل ونكمله يارب على خير

 

[دلــــع الكويت]

روزماري الحمدلله على سلامتج
وطمنينا لرتحتي

 

[shayto0oNa]

الف الف مبرووووك روز وموووني الحمدالله على سلامتكم وقرة عينكم عسى الله يحفظهم لكم ان شاء الله ويجعلهم من الذريه الصالحه


مبارك عليكم الشهر حبايبي شخباركم


انا صارلي 24 يوم والده وللحين البيبيات بالحضانه ماطلعو صار وزنهم الاول 1،580 والثاني 1،680


الاول يمكن يطلع بعد اسبوع اما الثاني للحينه على جهاز تنفس صناعي وتعبان حياتي للحين مو قادر يتنفس


نصيحه بنات دارو حالكم وريحووو عشان ماتولدون مبجر والله لما اروح واشوفهم كلهم وايرات وابر ابجي ويعورني قلبي دارو روحكم لين توصلون اخر الثامن اول التاسع

 

[احساس السعوديه]

روززززززز واخيرا بشرتينا
الحمد لله على سلامتك حبيبتي يتربون بعزكم يارب وربي يجعلهم من الذريه الصالحه
الحمد لله طمنتينا عليك ربي يسعدك
اهم شي طبيعي وبصحه وسلامه الحمدلله






شيطونه علينا وعليك حبيبتي وتعوضين صيامه يارب

ويطلعون ان شا الله بالسلامه ربي يطمن قلبك حياتي
الحمدلله هانت دام بيطلع الاول يطلع اخوه ان شا الله
الله يخليهم لك يارب


تخوفيني من اني اولد بالسابع
يارب ياكريم اتمم للتاسع يارب

 

[Mawiya]

السلام شلونكم

الحمدلله أنا ولدت أمس الصبح
ربي لك الحمد تسهلت ولادتي الفال لكم ان شاء الله

الف الف مبروووك وحمدلله على سلامتج وسلامة البيبات ربي يبارك لج فيهم ويربون بعزكم


انتي ولدتي باي اسبوع روزماري ؟!
وباي مستشفى وشلون العناية بالبيبيات ؟!

 

[Mawiya]

صباح الخير
ألف ألف ألف مبروك روز حبيبتي الحمدلله على سلامتكم بشري شلون البيبيات وننطر تفاصيل عقب ماترتاحين

ماويا ربي يكتبلج الصالح يارب انأ بعد متردده ودي بخاص بس خوفي ماكمل شهري الله يسهل ونكمله يارب على خير

وخليها على ربج انا كنت اكثر مرحلة شايله همها متى اوصل اخر السادس واخذ ابرة الرئة
الحمدلله اني وصلت هالمرحلة
وعشان اتجنب الولادة المبكره احاول التزم بابر التثبيت .

 

[Mawiya]

شيطونه حياتي ربي يطلعلج اياهم بالسلامه

ويطمن قلبج عليهم يارب ؟!


انتي شكلج ولدتي مبجر لان احجامهم صغيرة

لا تستعجلين عليهم خليهم بالحضانه .

شلون عنايتهم بالبيبيات ؟!

بأي مستشفى ولدت والبيبيات باي حضانات ؟!

 

[HOT^CHOCOLAT]

مساء الخير
شيطونه تطمني العدان أحسن مستشفى للخدج أنا بنتي باخر السادس ايدها وريلها مغذي أربع وتنفس صناعي كل مايحاولون يشيلونه ماتتعمد على نفسها لازم جهاز بتدريج يشيلونه وردونه ولما تكبر وعلمونها على مص لخلمه لاتستعيلين شهرين أنا معاهم لما تحسنت من صالحها والله وانشالله يطلعون بسلامه تطمني أنا كل يوم كنت اقرا عليها وادعي وأقول دعاء الشفاء اسأل الله العظيم رب العرش العظيم ان يشفيك سبع مرات قوليه وشفطي يوميا لأنه حليبي اهو الي قوه متاعتها الحمدالله وكنت اشرب حليب احط فيه قفشه حلبه وكركم وزنجبيل يقوي عضامه وعضامج وكثري خضره عشان يدر والله يطمنج طمنينا عاد

 

[HOT^CHOCOLAT]

الحمدلله الله يتمم ماويا على خير تولدين بسلامه انشالله يارب

 

[دلــــع الكويت]

بنات شيطونه بأي شهر ولدت
وكانت مسويه ربط
لان يقولي الدكتور اذا مسويه ربط ان شاء الله توصلين للتاسع

 

[HOT^CHOCOLAT]

شيطونه ولدت بسابع

 

[Mawiya]

بنات شلونكم

انا احس اني بديت بمرحلة يديده بالحمل
تعب وثقل وتشنجات بالريووول اثناء النوم

ربي يسهل علي وعليكم

 

[دلــــع الكويت]

ياحياتي ربي يهون عليج
اي شهر دشيتي التاسع

 

[HOT^CHOCOLAT]

ربي يسهل عليج ماويا يهون عليج وعلينا
شلونكم وينكم لاحس ولاخبر من زعل القمر

 

[Mawiya]

دلع لا انا توني دخلت السابع امس


هوت شوكليت ربي يهون علي وعليكم يارب ونشوف ذريتنا سليمة معافاه


طبعا انا بتجمع اكتوبر بنات عشان جذي اذا حطيت مشاركة هناك احب انسخها هني وهناك
v
v
v
السلام عليكم

شلونكم بنات

شخباركم مع التجهيزات ومع رمضان ؟

انا بالنسبة لي خلصت تجهيزات البيبي

باقلي شغلي انا ....

ابي من حاطه لسته بتجهازات الأم

تذكرني شنو احتاج

انا خلصت الكفر والاستكاين

اما الملابس اخذت ليلحين بس قميصين
و٣ برا حق الرضاعه
واندر ويد من مذركير للاستعمال مره وحده قلت حق اول يومين

ابي تذكروني فباجي الاغراض ...
وبالنسبة للمردود واللهوم بصراحة انصدمت باسعار الحريم
شنو دوا النفاس المجموعة على خمسين ؟!
وين قاعدين تر كلها اعشاب من العطار على ربع ونص ويجمعونها !!!!
ليش وايد يبالغون بالاسعار ؟!


ربي يسهل لنا على خير ويرزقنا شوفة عيالنا ذرية صالحة سليمة معافاه .

 

[HOT^CHOCOLAT]

صباح الخير حبايبي
مشالله ماويا عقبال التاسع ربي يتمم عليج
أحسن شي سويتي خلصتي من الحين والحريم مافكر لو شنو اخذ منهم اشتري وأمي تسوي لي انشالله بصحه وعافيه
أنا أول شي بشتريه جناط كبيره لي ووسط لببيبات و2صغار عقب ملابس بخمط تبانات وافرول وفوط وفوط كبيره ولاحافات قطن وصوف واجياس بيبي الي أذكره حاليا لازم أسجل ادري راح انسى