اكتئاب الحمل

[شيهانه الهيلا]

السلام بنات انا حامل بالشهر الخامس ومن حملت اشعر باكتئاب حمل بجي وحزن وضيق وعدم نوم صرت أخاف انجن حتا ريالي زهق مني منو مرت بها لحاله وشنو الحل قريت عن اكتئاب الحمل وانه ما لازم الوحدة تسكت عن حالها ممكن تسوء بعد لأولاده مدري شسوي كرهت بيتي وريلي وكل شئ

 

[رووح ابووها]

والله مادري عن اكتئاب الحمل بس ماحبيت اطلع بدون رد

نصيحه لج شغلي سورة البقره يوميا واسمعيها وايات السكينه تلقينها باليوتيوب
ولاتنسين قيام الليل والدعاء
والله يشرح صدرج وييسر امرج ويسهل عليج ويقومج بالسلامه

 

[Koko7taty]

عليكم السلام ورحمة الله
الله يمسح على قلبج ويريح قلبج كثري استغفار حيل بترتاحين عادي هذي هرمونات حبيبتي

 

[فراوله توت]

استغفري كثير وصلي واقري قران وحاولي تلهين نفسج بأشياء مفيده وحياتي اكتئاب الحمل المفروض لما تثقلين وانتي بتاسع بس انتي تو الناس عليج الله يفرج همج ويتمم عليج ويقومج بسلامه

 

[أم معاذ الكندري]

الله يكون بعونج لان انا مثل حالتج في حمالي الأول وهذا الحمال بس أكثر من الاستغفار والقران
ولكن بعد الولاده يختفي تدريجي سبحان الله
وحاليا انا مثل وضعج خصوصا أني مرقده بالمستشفي وفي مشاكل بالحمل فالله المستعان
مالنا غير الدعاء والاستغفار وقراة القران

 

[Aloe Vera]

الله يشافيج

انا صارت فيني اول ماحملت لان بدون تخطيط بس راحت بعد ثلاث شهور الحمدلله
لازم تلجأين حق ربج و مايضر اشوفين دكتورة نساء و حمل و تقولين لها عن حالتج و يمكن اهي تحولج على دكتورة تخصصها حالات مثلج

 

[نوفآ]

انا بحمالي الاول والحين احس بالاكتياب
من اصير حساسه واي شي يزعلني و يبجيني اشك اني حامل
لخبطة هرمونات
صار لي فتررره منضك صدرري
الله المستعان
احس هالشي عادي ورا الولاده يروح تحديدا عقب النفاس
و اللي قريتيه كلام الاجانب حييل يبالغوون

 

[M!SS.LOBY]

الله يفرحج ويفرجها عليج

 

[@أم يوســـف@]

ااب

 

[Mrs.H]

حاولي تطلعين وتغيرين جو.. تيمعي مع رفيجاتج.. والحين رمضان كثري زوارات واختلطي بالناس

سولفي مع الحمل اللي وقتهم قريب منج

تعوذي من الشيطان واقري ادعية الهم والحزن

 

[شيهانه الهيلا]

الله يكون بعونج لان انا مثل حالتج في حمالي الأول وهذا الحمال بس أكثر من الاستغفار والقران
ولكن بعد الولاده يختفي تدريجي سبحان الله
وحاليا انا مثل وضعج خصوصا أني مرقده بالمستشفي وفي مشاكل بالحمل فالله المستعان
مالنا غير الدعاء والاستغفار وقراة القران

شنو تعانين منه حبيبتي الله يعينك انا لأني حملت اول عرسي مؤ مخططه ولا مستعده