ما اعرف شي عن القطاوة ساعدوني بخبرتكم ,, !

[Ms.romanceya]

السلام عليكم :*​

بنات انا ولا مرة صارت لي قطوة بس اقرا عنهم و احبهم اعششقهم .. بس اهلي ما يرضون​

يوم الاحد رديت من المدرسة لقيت قطوة يمكن توها مولوده عنها اشوي شعر ..​

المهم خذيتها وعطيتها حليب و بعدها صارت احسن اول ما خذيتها كانت ما تتحرك طايحة جذي مثل الميته بس تتنفس انا خفت عليها نطرت اشوي العصر صارت احسن .. بس للعلم انا حاطتها بالحوش مو راضيين ادخلها ..​

كل ما وتصير احسن ..​

اليوم ثالث يوم رديت من المدرسة مالقيتها تضايقت قلت يمكن راحت بعدين لقيناها المهم ..​

صارت احسن تلعب و تتحرك احسن بس الي دهشني فيها انه وحده عيونها زرقة و الثانية بنية يعني نادر جذي قطاوة عيونهم ..​

بس انا مادري يعني لي متى بتشرب حليب يعني متى تاكل عادي (لحم,دياي,..الخ) اهي اشوي صغيرة يعني يمكن ثاني اسبوع جذي تقريبا من ولادتها ..​

بس اليوم قامت تعض و تلحقني ما تهدني خفت منها لووووول .. ​

بس اهي مارح تطول معاي بس خل تكبر اشوي بعدين رح اهدها لانها مال شوارع و وصخه ولازم تتعود على بيئتها لوووول المهم مادري شنو اسوي بس ابيكم تفيدوني و تعطوني معلومات اكثر عن القطاوة و شنو اوكلها يعني كله حليب لي متى ؟ و اشلون اعاملها ؟

​

 

[rose2012]

يحليلج قبل بقنا قطوه من الشارع وامي زفتنا بس ترا في بعضهم مريضين لا تشمخج او تتنفسين قريب منها او توصخ بدارج اقري عن
Cat scratch disease
و toxoplasmosis
امراض من القطاوه

 

[نونو عسوله]

عطيها اكل بيت الي هو صبح عطيها بيض وخبز جبن كيري يحبونها ضهر العيش وخضروات ولازم كل يوم تحطيلهم ماي وتغيرين صحن الي تحطيلهم اكل فيه ولعبيها عشان تتقرب منج سالفتي نفس سالفتج لقيت ٥قطاوه بحديقتنا اتمنى استفدتي

 

[Ms.romanceya]

يحليلج قبل بقنا قطوه من الشارع وامي زفتنا بس ترا في بعضهم مريضين لا تشمخج او تتنفسين قريب منها او توصخ بدارج اقري عن
cat scratch disease
و toxoplasmosis
امراض من القطاوه

مشكورة حبيبتي :*

عطيها اكل بيت الي هو صبح عطيها بيض وخبز جبن كيري يحبونها ضهر العيش وخضروات ولازم كل يوم تحطيلهم ماي وتغيرين صحن الي تحطيلهم اكل فيه ولعبيها عشان تتقرب منج سالفتي نفس سالفتج لقيت ٥قطاوه بحديقتنا اتمنى استفدتي

تسلمين ما قصرتي خيتي :***

 

[جميله29]

حطي لها مع الحليب مضاد حيوي يعني فكي الكبسوله وحطي اللي داخلها بالحليب واخلطيه
زوجي جرب هالشي على قطوتين صاروا ينططون من العافيه سبحان الله