خلطته لتطويل وتنعيم الشعر مجربه مني شخصيا

[برق السحاب]

السلام عليكم منتداي الغالي حابه اقولكم خلطته انا كنت استخدمها للشعري تطول وتنعم وتنبت الشعر وماابي منكن الا دعوه ان ربي يحقق لي اللي اتمناه الخلطه مكوناتها كالتالي تجبي فنجان من كل مايلي حلبه ومحلب وشعير اي شعير لاتستغربون وربي صادقه :eh_s(22):المهم تحمرينهم ع النار عشان تروح ريحته الحلبه:cxxxp:يعني تخف المهم تبرد شوي وتدقينهم بالنجر وتحطينهم مع زيت العافيه وتحطي فوقهم فنجان قهوه عربيه عشان تخفف ريحته الحلبه وتحطون ملعقه كبيره نواه التمر المحروق وتخلو الزيت ناقع بالخلطه 5 ايام بعدها تستخدمونه 3 مرات او مرتين بالاسبوع 4 ساعات ع الشعر وتغسلونه بشامبو انا كنت استخدم شامبو صنصليك هذي الخلطه من تجربتي رووعه عارفين فوائد الحلبه والمحلب تطويل وتكثيرالشعر ونواه التمر والشعير ينبتون الشعر وزيت الطبخ ينعم ويطول الشعر:rerrerek:

 

[صمت العذاري]

مشكوره عاد انا ادور طول الشعر مره مشكوره وموضوعگ مره خفيف وحلو والله يوفقگ ويحققلگ اللي ببالگ

 

[برق السحاب]

اللهم امين يارب والقايل مشكوره صمت العذاري على الدعوه والرد الحلو الله يحلي ايامك وجربيها بتعجبك بااذن الله

 

[الماسة الكون]

ماشاء الله يسلمو حبوبه
ترى نواة التمر تطول الشعر
ربي يحقق لك كل اللي تتمنيه​

 

[برق السحاب]

الله يسلمك الماسه الكون امين والقايل ياررررب

 

[عزوتي خمس صقور]

جزاج الله الف خير

 

[.candy]

يعطيج العافية

بس انا الي اعرفه انه محلب إذا وقفتيه يطيح شعرج




هاي كلام الحريم الكبار يقولون ^_^

 

[برق السحاب]

لامايطيح الشعر المحلب معرووف ينبت وانا ملاحظت تساقط وهذي تجربتي له بكل امانه وصدق

 

[برق السحاب]

جزاج الله الف خير

اجمعين

 

[جذابه بنت ذيابه]

الله يجزاج خير

 

[hotmama]

سؤال حبيبتي ماقد قريتي عنه انه يسود الشيب... او يغير لونه ع الاقل...

 

[ام ااالبنات]

تسلميييييييين


بس حابه زيت الطبخ أي نوع

لان في ذره وفي نوع ثاني

 

[نوف الصقعبي]

انتى كاتبه حلبه
والبنات كاتبين لج محلب

في فرق شاسع بين الحلبه اللي تنشرب للنفاس وبين المحلب اللي ينحط عالراس

حددى شنو اللي تقصدينه عشان نعرف

انا استخدم محلب مو حلبه والمحلب خله شعري عبايه ماشاء الله من طوله وكثافته
بس وقفته من زمان وماشفته طاح من المحلب

خبري فيه من سنتين واكثر يمكن

واللي صج ينعم الشعر ويخليه حرررررريرررررر


زيت دابر آملا اللي مكتوب عليه للتنعيم ومافي ريحه​

 

[مـهـاآ]

يعطيكم العافيه

 

[ايمان7]

جزاج الله خير حبيبتي

 

[روعة الوجدان]

يعطيج العافية حياتي

 

[برق السحاب]

الله يجزاج خير

اجمعي يقلبي

 

[برق السحاب]

سؤال حبيبتي ماقد قريتي عنه انه يسود الشيب... او يغير لونه ع الاقل...

ماعندي فكرهااختي طبيعته شعري اسود والحين انا مبطلبته وصابغه اشقر بس ماازيت ماسكات بس انامجربته وشفت عليه نتيجه وحبيت انزله يفيد البنات للشيب استخدمي موي الزعتر يسودالشعر واستخدمي زيت يسود مثل املا الاخضر

 

[برق السحاب]

تسلميييييييين


بس حابه زيت الطبخ أي نوع

لان في ذره وفي نوع ثاني

ايوه حبيبتي ذره

 

[برق السحاب]

نوف لو دققتي بالموضوع انا كاتبه ومحدده حلبه ومحلب اثنيتهم وكلهم لهم فؤائد للنتبيت الشعر وتطويله وتنعيمه واشكرر لك مروروك