غرائب القصص الوواقعيه .. من ايدكم ..

[ام سليمان 2008]

رديتلكم بساالفه توني تذكرتهااا

مره وااحد متزوج وراح السعووديه وتزوج بنت رفيج ابووه وقعد معاها فتره

ورجع الديره شهراهني .. وشهر اهناك .. ياب من المره السعووديه عيال واهو

عنده من الكويتيه هم عيال ... بعد فتره رد الكويت ولازووجته توفت .. طبعاا

قعد فتره عن زوجته الي بسعوودياا. رااح يطمن على زوجته السعووديه

واتهاوشت معاه واخذ عياله منها ورد الكوويت وخلاها اهناك ابرووحها

طبعا مايقدر يقوول حق احد انهم عياله قال هذيل عيال عمي بالسعوديه حق

اهل زووجته واكبروو العيال معه بعض وكلهم عبالهم انهم عيال عم

مواخوان رد الكوويتي السعوديه يبي يطمن على زووجته ولا توفت المره من

اسبوع ومحد قاله وابوهاا ريال مريض مايقدر يسافر يقوول حق ريل بنته

انها ماتت طبعاا لما درا الريال انجلط ومات ... وصل الخبر حق اعياله الي

بالكويت واعياله الكبار اهم تحملوو مسؤلية الباجي واتفقوو انه اخووهم العود

يتزوج بنت عمه واهي بالاصح اختهم واهم مايدرون !! .. تزوجوو ومرت

السنين وياب منها 6 اعيال بس كلهم والعياذ بالله معوقين .. قرر انه

يروح الحج ويستغفر ربه يمكن الله غضبان عليه .. وراح الحج واهو بطريجه

قال خل اسلم على عمي الي موجود بالسعووديه ولما راح البيت لقا ريال عوود

قاعد عند البيت وسلم عليه وقااله انا ولد افلان تذكرني ياعمي؟؟

قاله انا موعمك انا يدك !!! قاله اشلوون قاله انا ابوو امك الي تزوجها ابوك

بالسر وخذاكم الكويت ؟؟؟؟؟؟؟ انصدم الريال وهستر ومومصدق قاله

اشلوون ابوي قالنا احنا عيال عم وانا اللحين متزووج يعني اختي !!!!!

انصدم الجد والولد .. رد الكوويت واهو مصدوووم وموقادر يقول حق اخوانه الموضوع

بعدين راح المحكمه والمشايخ عشان يعرفوون وضعه بالاسلام شنوو

واهم متواجدين ليلحين بالرقه ؟؟؟؟

اي اختي منوولة هذي السالفة صجية واحنا نعرفهم بس من بعيد وامر الشيخ ان ينفصلون بس بدون طلاق لان هم بالاساس زواجهم مو صحيح وتم الوضع على حاله

 

[منوووووله]

منوووولة ..

أنـا عندي قصة واقعيـة ((شخصيـة))...بس مو غريبة حيـل ..

خاطري أحطها هني ..مابي أنزل موضوع مستقل ..أستحي

ممكن ؟

ياقلبي لاتستحين اي موضوع بخاطرج قوليه .. والموضوع قصص واقعيه يعني

صجيه موغريبه ولا جذبيه قولي واحنا ننطرج ونستمعلج_03BA:

اي اختي منوولة هذي السالفة صجية واحنا نعرفهم بس من بعيد وامر الشيخ ان ينفصلون بس بدون طلاق لان هم بالاساس زواجهم مو صحيح وتم الوضع على حاله

واشلون من دون طلاق وينفصلون !! غريبه والله مشكووره حبيبتي على المروور وماقلتيلنه سالفه

 

[منوووووله]

om deaj


وين قصصج قلبي ناطرتج حبيبتي
:tek:

 

[umsarona]

لا حول ولا قوة الا بالله والله قصص تشيب الراس .............. ما عندي شي الحين

 

[نظـــرات حـــائرة]

منوووولة مشكورة حبيبتي ما قصرتي



وهذي القصـة ..

الخميس 19/2/1998

عمري 13 سنة .. قاعدة بغرفتـي فترة الظهر وعندي أختي منيـرة عمرها 4 سنوات أمشط لها شعرها.. أول مرة ترضى أسوي لها حركات بـ شعرها..دايما تحبه مفلول .. أمشط لها وأحاول أحببها بالشباصات والماشات وشغلات البنات .. أقولها شوفي شحلات شعرج جذي ..عناقيص حيل حلوين .. ترد علي إي حلو ..اذا صرت كبيرة وأروح المدرسة تسوين لي جذي؟
إي يا عمري أسوي لج جذي وأحلى بعد.. عشان تصيرين أحلى من كل البنات..

طلعت من غرفتي .. دقايق وردت بيدهـا 7 up .. ها منـور تبين أبطله لج؟؟
إي بطليـه ..
بطلته جان تبجـي .. خلاص مابيج تبطلينه !!
بس الحين أنا بطلته ما يصير يتسكر مرة ثانية !!
طلعت عند أمي تبجي .. جتني أمي شايلتها وتقولي شحقه مهاوشتها؟
أنا ما هاوشتها ..قالت بطليه بطلته لها ..قامت تبجي !
منيرة: كتـت السفن أب على الأرض
أمي تكلمها : انزين خلاص الحين أنا أجيب لج واحد ثاني ..جابت لها وسكتت.
عـ العصر جـونا بنات عمي
منور استانست عليهم مع أنهم أكبر منها بجم سنة وقامت تلعب معاهم هي وأخوي بعمر بنات عمي ..
أخوي: يمـة عطيني فلوس بروح البقالة .
أمي: أعطيك بس أخذ منور معاك اشتر لها اللي تبي
أخوي: لا لا مابي أخذها ..
أمي: ليش
أخوي: موذيـة ماني ماخذها ومابي اتعطل بروح وأرد بسرعة
أمي: لا ما عليك أخذها بنات عمك يديرون بالهم عليها.
منور: يمااا انا أبي بس 50 فلس مابي أشتري وايد
امي: أوكي ماما بكيفج ..وعطتها الـ 50 فلس !!

راحـوا للبقـالة ..
رن تلفون البيت .. بنت عم أمي تكلم أمي ..
بعد السلام
خالتي تقول لأمي: شرايج تجين ببيت أمي نستانس اليوم ..
أمي: ان شاء الله . بعد المغرب أجيكم

سولفوا شوي وأنهوا المكالمة ..

أذن المغرب .. أبوي توضى وبطل باب الشارع بيطلع للمسجد

ولا صبي من الشارع يركض وشايل بيده منيرة مغمى عليها!!

أبوي شافها ولقفها وراح للسيارة .. عمي بالديوانية شاف أبوي وركض وراه حافي !!

راحوا مستوصف المنطقة ... المستوصف ودوها بالأسعاف للمستشفى ..

دشوا بنات عمي واخوي ..
أنا وأمي قضبناهم ..شنو شسالفة ؟؟؟
هم: أغمى عليها ماندري شفيها
أمي: تبجي
وهم يسولفون .. رحنا البقالة اشترينا كلنا إلا هي قالت خلاص مابي أشتري ..
ليش منور اشتري اللي تبين؟؟
منور: خلاص مابي بطني وراسي يعوروني
أبي أمي ..ردوني حق أمي
أوكي يالله أمشي نروح البيت
طلعوا من البقالة .. جان تطيح بالشارع ..
هذول كلهم جهال ماعرفوا يتصرفون
شافها صبي من الشارع جان يركض يشيلها ويجيبها للبيت !!!!


أمي تدعي وتبجي
أذن العشا .. وخالتي دقت ..ها وينكم؟
أمي: ان شاء الله بس يرجعون من المستشفى .. نتطمن على منور

وصل عمي بروحه .. لبس نعوله ويبي يرجع لأبوي

أمي قضبت عمي .. الله يخليك طمني منيرة شفيها؟
عمي: مافيها إلا العافية ... بس تعب طبيعي ..بترد لج الحين..

وراح !!!

خالتي(أخت أمي) جت عندنا بالصدفة .. وقعدت تهدي بأمي وان شاء الله مافيها شي والحين تجي ..
جت جارتنا ..هم بالصدفة ..وقعدوا يهدون بأمي ويلهونها ..

دق تلفون البيت ..

ركضت أشيله ..ألو ؟
عمي (غير اللي مع أبوي) : ياسميـن .. منيرة شنو فيها؟
أنا: عمي ما أدري أغمى عليها بالشارع وودوها المستشفى
عمي: إي أدري أنا مع أبوج الحين بالمستشفى ..هي بشنو حست ؟ شنو قالت؟
أنا: مادري ! أخوي والبنات يقولون قالت راسها وبطنها وبس طلعوا من البقالة طاحت
عمي : أوكي مع السلامة

دشيت دار أمي .. لقيت بلوزة منور على الكرسي
جاني شعور غريب ... أخذت البلوزة وشميتها وقعدت أبجي !!

دق التلفون ..

أمي: يا ياسمين تعالي شوفي التلفون .
أنا أكلم روحي ..يوه الحين تشوفني أبجي ..شقولها !
مسحت وجهي وطلعت .. ولا اسمع جارتنا تقول لأمي ..ياسمين تبجي!!!!
أنا : ألو؟؟
عمي: ياسمين أنتي متأكدة بس هذا اللي قالته منور؟؟
أنا: إي عمي ...ليش منور شفيها ؟؟؟
عمي: مافيها شي حبيبتي بس الدكتور يسأل
أنا: انزين تعبانة حيل هي؟؟؟
عمي: لا الحين نرد إن شاء الله.
ولا أبوي ياخذ السماعة من عمي .. وزفني !!
لا تسألين واجد ...ردي على أسئلة عمج وخلاص
أنا أبوي شفيه جذي معصب ... أول مرة يزفني جذي !!
أمي تحاتي وتفكر ..

جارتنا وخالتي قاعدين يلهونها..


بعد وقت مو قصير ...

دشت علينا أمي العودة (أم أبوي) .. عماتي الصغار الأثنين ..وبنت عمتي الكبيرة ..

وجوههم شاحبة .. أطالع لهم وهم يمشون ناحية الصالة وما رحت سلمت !!!

عمي وواحد يصير لنا ..أخذ أخوي وبنات عمي للديوانية ..

عماتي وبنت عمتي خذوني لداري ...


أمي شافت اللي جايينا وشافت وجوههم ...

منيرة شفيها؟؟؟؟

أمي العودة: اذكري الله وعظم الله أجرج ..

أمي ما أقدر أوصف لكم حالتها بهذاك الوقت

أنا: سمعت كلام أمي العودة ..وووووقعدت اصارخ وأبجي


لااااااا منيرة صغيرة ..عمرها 4 سنين

لاااااااا منيرة ما تموت (((استغفر الله)))

عمتي ماسكتني وما تبيني أطلع: ياسمين الأعمار بيد الله ..
هذا يومها ..خلاص خليج هني
أنا: وخري عني بروح لأمي


عمتي مو مخليتني أطلع
أسمع البجي برااا.. وأنا ميتة من البجي داخل


الحمدلله على كل حال


عمتي الكبيرة كانت طالعة ..سمعت بالخبر وجتنا

وصلت لباب الصالة جان يغمى عليها

أهلنا وجيرانا كلهم دروا وسمعوا وجوا على طول

الحريم والبنات بكشختهم ومكياجهم ((يوم خميس والكل طالع))



أبووووي ... أه يا أبوي

دلوعته راحت من إيـده
أول مرة بحياتي أشوف أبوي يبجي !!!



وعمي يبجي بأعلى صوته ...ينووووح ويبجي

كان مدلعها .. تنام معاه بنفس الفراش !!!

كره فراشه

ما يبيـــه

دايمـا ياخذها معاه ويشتري لها اللي تبي ..

كانت دلوعة الكل ...


حالة ما أقدر أوصفهـا... حالة تقطع لها قلوب

الحمدلله على كل حال..

خذتني عمتي لكبت ملابس منور ... جابت كيس كبيـــررر

ولمت كل ملابسها .. عشان لا تشوفهم أمي وتتعذب !!!
شفت بدلتها العيد ...وأنهرت من البجي





قبل وفاتها بيومين ..قاعدة على السرير بين أمي وابوي

بابا ..جيب لنا بيبـي .. وخل نسميه ابراهيم..

!!!




نسيـــت أقــول


ماتــت وهي متمسكـة بالـ 50 فلس
مسكرة ايدها حيييل عليه ..


وما زال ذكرى عند أمي !!







سبب الوفاة : تبي ترجـع –عزكم الله- ماقدرت ..رجع على القصبة الهوائية ...اختنقت وماتت !!

الله يرحمها ..آيـة بالجمال ..الكل يتكلم بجمالها ... فعلا مو بزر دنيـا ..

 

[3тħвţ άĻα6вα3]

منوووولة مشكورة حبيبتي ما قصرتي



وهذي القصـة ..

الخميس 19/2/1998

عمري 13 سنة .. قاعدة بغرفتـي فترة الظهر وعندي أختي منيـرة عمرها 4 سنوات أمشط لها شعرها.. أول مرة ترضى أسوي لها حركات بـ شعرها..دايما تحبه مفلول .. أمشط لها وأحاول أحببها بالشباصات والماشات وشغلات البنات .. أقولها شوفي شحلات شعرج جذي ..عناقيص حيل حلوين .. ترد علي إي حلو ..اذا صرت كبيرة وأروح المدرسة تسوين لي جذي؟
إي يا عمري أسوي لج جذي وأحلى بعد.. عشان تصيرين أحلى من كل البنات..

طلعت من غرفتي .. دقايق وردت بيدهـا 7 up .. ها منـور تبين أبطله لج؟؟
إي بطليـه ..
بطلته جان تبجـي .. خلاص مابيج تبطلينه !!
بس الحين أنا بطلته ما يصير يتسكر مرة ثانية !!
طلعت عند أمي تبجي .. جتني أمي شايلتها وتقولي شحقه مهاوشتها؟
أنا ما هاوشتها ..قالت بطليه بطلته لها ..قامت تبجي !
منيرة: كتـت السفن أب على الأرض
أمي تكلمها : انزين خلاص الحين أنا أجيب لج واحد ثاني ..جابت لها وسكتت.
عـ العصر جـونا بنات عمي
منور استانست عليهم مع أنهم أكبر منها بجم سنة وقامت تلعب معاهم هي وأخوي بعمر بنات عمي ..
أخوي: يمـة عطيني فلوس بروح البقالة .
أمي: أعطيك بس أخذ منور معاك اشتر لها اللي تبي
أخوي: لا لا مابي أخذها ..
أمي: ليش
أخوي: موذيـة ماني ماخذها ومابي اتعطل بروح وأرد بسرعة
أمي: لا ما عليك أخذها بنات عمك يديرون بالهم عليها.
منور: يمااا انا أبي بس 50 فلس مابي أشتري وايد
امي: أوكي ماما بكيفج ..وعطتها الـ 50 فلس !!

راحـوا للبقـالة ..
رن تلفون البيت .. بنت عم أمي تكلم أمي ..
بعد السلام
خالتي تقول لأمي: شرايج تجين ببيت أمي نستانس اليوم ..
أمي: ان شاء الله . بعد المغرب أجيكم

سولفوا شوي وأنهوا المكالمة ..

أذن المغرب .. أبوي توضى وبطل باب الشارع بيطلع للمسجد

ولا صبي من الشارع يركض وشايل بيده منيرة مغمى عليها!!

أبوي شافها ولقفها وراح للسيارة .. عمي بالديوانية شاف أبوي وركض وراه حافي !!

راحوا مستوصف المنطقة ... المستوصف ودوها بالأسعاف للمستشفى ..

دشوا بنات عمي واخوي ..
أنا وأمي قضبناهم ..شنو شسالفة ؟؟؟
هم: أغمى عليها ماندري شفيها
أمي: تبجي
وهم يسولفون .. رحنا البقالة اشترينا كلنا إلا هي قالت خلاص مابي أشتري ..
ليش منور اشتري اللي تبين؟؟
منور: خلاص مابي بطني وراسي يعوروني
أبي أمي ..ردوني حق أمي
أوكي يالله أمشي نروح البيت
طلعوا من البقالة .. جان تطيح بالشارع ..
هذول كلهم جهال ماعرفوا يتصرفون
شافها صبي من الشارع جان يركض يشيلها ويجيبها للبيت !!!!


أمي تدعي وتبجي
أذن العشا .. وخالتي دقت ..ها وينكم؟
أمي: ان شاء الله بس يرجعون من المستشفى .. نتطمن على منور

وصل عمي بروحه .. لبس نعوله ويبي يرجع لأبوي

أمي قضبت عمي .. الله يخليك طمني منيرة شفيها؟
عمي: مافيها إلا العافية ... بس تعب طبيعي ..بترد لج الحين..

وراح !!!

خالتي(أخت أمي) جت عندنا بالصدفة .. وقعدت تهدي بأمي وان شاء الله مافيها شي والحين تجي ..
جت جارتنا ..هم بالصدفة ..وقعدوا يهدون بأمي ويلهونها ..

دق تلفون البيت ..

ركضت أشيله ..ألو ؟
عمي (غير اللي مع أبوي) : ياسميـن .. منيرة شنو فيها؟
أنا: عمي ما أدري أغمى عليها بالشارع وودوها المستشفى
عمي: إي أدري أنا مع أبوج الحين بالمستشفى ..هي بشنو حست ؟ شنو قالت؟
أنا: مادري ! أخوي والبنات يقولون قالت راسها وبطنها وبس طلعوا من البقالة طاحت
عمي : أوكي مع السلامة

دشيت دار أمي .. لقيت بلوزة منور على الكرسي
جاني شعور غريب ... أخذت البلوزة وشميتها وقعدت أبجي !!

دق التلفون ..

أمي: يا ياسمين تعالي شوفي التلفون .
أنا أكلم روحي ..يوه الحين تشوفني أبجي ..شقولها !
مسحت وجهي وطلعت .. ولا اسمع جارتنا تقول لأمي ..ياسمين تبجي!!!!
أنا : ألو؟؟
عمي: ياسمين أنتي متأكدة بس هذا اللي قالته منور؟؟
أنا: إي عمي ...ليش منور شفيها ؟؟؟
عمي: مافيها شي حبيبتي بس الدكتور يسأل
أنا: انزين تعبانة حيل هي؟؟؟
عمي: لا الحين نرد إن شاء الله.
ولا أبوي ياخذ السماعة من عمي .. وزفني !!
لا تسألين واجد ...ردي على أسئلة عمج وخلاص
أنا أبوي شفيه جذي معصب ... أول مرة يزفني جذي !!
أمي تحاتي وتفكر ..

جارتنا وخالتي قاعدين يلهونها..


بعد وقت مو قصير ...

دشت علينا أمي العودة (أم أبوي) .. عماتي الصغار الأثنين ..وبنت عمتي الكبيرة ..

وجوههم شاحبة .. أطالع لهم وهم يمشون ناحية الصالة وما رحت سلمت !!!

عمي وواحد يصير لنا ..أخذ أخوي وبنات عمي للديوانية ..

عماتي وبنت عمتي خذوني لداري ...


أمي شافت اللي جايينا وشافت وجوههم ...

منيرة شفيها؟؟؟؟

أمي العودة: اذكري الله وعظم الله أجرج ..

أمي ما أقدر أوصف لكم حالتها بهذاك الوقت

أنا: سمعت كلام أمي العودة ..وووووقعدت اصارخ وأبجي


لااااااا منيرة صغيرة ..عمرها 4 سنين

لاااااااا منيرة ما تموت (((استغفر الله)))

عمتي ماسكتني وما تبيني أطلع: ياسمين الأعمار بيد الله ..
هذا يومها ..خلاص خليج هني
أنا: وخري عني بروح لأمي


عمتي مو مخليتني أطلع
أسمع البجي برااا.. وأنا ميتة من البجي داخل


الحمدلله على كل حال


عمتي الكبيرة كانت طالعة ..سمعت بالخبر وجتنا

وصلت لباب الصالة جان يغمى عليها

أهلنا وجيرانا كلهم دروا وسمعوا وجوا على طول

الحريم والبنات بكشختهم ومكياجهم ((يوم خميس والكل طالع))



أبووووي ... أه يا أبوي

دلوعته راحت من إيـده
أول مرة بحياتي أشوف أبوي يبجي !!!



وعمي يبجي بأعلى صوته ...ينووووح ويبجي

كان مدلعها .. تنام معاه بنفس الفراش !!!

كره فراشه

ما يبيـــه

دايمـا ياخذها معاه ويشتري لها اللي تبي ..

كانت دلوعة الكل ...


حالة ما أقدر أوصفهـا... حالة تقطع لها قلوب

الحمدلله على كل حال..

خذتني عمتي لكبت ملابس منور ... جابت كيس كبيـــررر

ولمت كل ملابسها .. عشان لا تشوفهم أمي وتتعذب !!!
شفت بدلتها العيد ...وأنهرت من البجي





قبل وفاتها بيومين ..قاعدة على السرير بين أمي وابوي

بابا ..جيب لنا بيبـي .. وخل نسميه ابراهيم..

!!!




نسيـــت أقــول


ماتــت وهي متمسكـة بالـ 50 فلس
مسكرة ايدها حيييل عليه ..


وما زال ذكرى عند أمي !!







سبب الوفاة : تبي ترجـع –عزكم الله- ماقدرت ..رجع على القصبة الهوائية ...اختنقت وماتت !!

الله يرحمها ..آيـة بالجمال ..الكل يتكلم بجمالها ... فعلا مو بزر دنيـا ..

وآآآآي قلبـــي عورنــي عليهـــآآ ..

الله يرحمهــآآ يــآآرب ..

 

[منوووووله]

وااااااااااااااااااي اخنقتني العبره صج صج بجييييييت وانا اقرااااااااااااااا الله يرحمهاا برحمته انشاءالله حبيبتي

بس بقولج انتو بصباح السالم لاني مره كنت بالمستوصف ودشت بنت اصغيره مغمى عليها وموعارفين حالتها والابو كان
مصدوم يقول كانت بالشراع وطاحت لايكون اهيااا لاني شفت هالموقف ابعيني

 

[A7la-SmiLe]

والله العظيم اني اقرى القصه وابجي ..
عورني قلبي ..
الله يرحمها برحمته ..​

 

[شيخه***البنات]

الله يرحمها برحمته يارب ..

عورني قلبي ..

 

[almost a whisper]

اااااخ الياسمين عورتي قلبي والله خنقتني العبره وانا اقرا

الله يرحمها ..

 

[** مـاروكـو الصغيرة **]

الياسمين .. عورني قلبي والله وكش جسمي مو قادره الله يرحمها والله قريت سوة الفاتحه على روحها الله يرحمها

 

[أسيرة قلبه]

والله يا ياسمين بجيت بجي على اختج الله يرحمها

 

[irresistible]

ياسمين صج عورتي قلوبنا عليها الله يرحمها تاكدي انها بحال احسن من حالنا

 

[om deaj]

الياسمين>>>عورتي قلبي عظم الله اجركموالله يرحمها برحمته
ويصبر قلب امج وابوج

 

[Q8-Lady]

الياسمين خنقتني العبرة ودمعت عيني الله يرحمها برحمته و يصبر قلوبكم

 

[منوووووله]

يسلمو على المروووور ..

 

[مجنونة نت]

ياسمين حبيبتي ان شاء الله تكون بميزان حسنات امج وابوج يوم القيامة

دموعي تصب وانا اقرا.. لأني اعرف غلا الاخوان الصغار شلون.. واحس بأمج لأني اعرف غلا الضنا شلون

الحمدلله ربي عطا وربي خذا وما لنا اعتراض على حكمه سبحانه

 

[meen_ana]

صج قصتها تعور القلب

 

[منوووووله]

يسلموحبيباتي على المروور ,,,

 

[ام سليمان 2008]

الياسمين صج قصة تعور القلب خنقتني العبرة لان بنتي اسمها منيرة بعد اسم الله عليها


بس صدقيني هي عند اللي ارحم من اي ثاني الله يرحمها يارب






منووولة ان شاء الله بس اتذكرسالفة جذي بقولها