دوانيه شلة منتظرات نتيجه عملية اطفال الانابيب والحقن المجهري

[أمة الجليل]

المهره حبيبتى ربى يعوض عليك يارب ويقر عينك وتحملين طبيعى بقدرة الواحد الأحد الرحيم والله لن انساك من دعائى رب يقر اعيننا جميعاً بالذريه الصالحه عاجلاً غير اجلاً

 

[أمة الجليل]

هلا روح الورد كيفيك يا غاليه يارب يتكونى بخير ويطمنى ربى عليك والله مشتاقين لك

 

[& حكاية حب موعود &]

بنات تكفون منو اتعرف دكتور يرجع اكثر من جنينين 2
حق عمر اقل من 25
خاطري ارد 3
بليزز ساعدوني

 

[عسل حدي]

رب لا تذرني فردا وانت خير الوارثين

 

[أمة الجليل]

حبيبتى حكاية حب . اكتر الدكاتره بالكويت يرجعون 2 فقط حبيبتى هما ماشين كلهم على قانون واحد يمنع ترجيع اكتر من جنين

 

[عسل حدي]

رب لا تذرني فردا وانت خير الوارثين

 

[عاشقه زوجي]

بنات انا مسويه العمليه الترجيع من خمس ايام بس من امس صداع فظيع وكل اخذ بندول هال البندول ضار هالمره ثالث مره ايد العمليه اول مرتين فشلت بس هالمره كل شي غير التعب اقل بس الصدااع ذابحني وانا كل ايلس فس الصاله على القنفه عادي ولا لازم اتم نايمه واسمحولي طولت عليكم بس بليز ردوا علي

 

[عسل حدي]

دقي على دكتورج قوليله عن الصداع والبندول
وعادي جلسي في الصاله بس لا تسوين مجهود ويارب قريب الفرج

 

[fatoma.fatoma]

هلا بنات شخباركم بذن الله ودي اسوي اطفل انبوب بعد شهرين ونه مسويتها من غبل وفشلت ابي منكم نصائح شنو اسوي بهشرين قيل اني ابلع حمض الفوليك وكثر ماء

 

[عسل حدي]

فطومه عند منو سويتيها
انصحج فوليك اسد وغذاء ملكات النحل لج ولزوجج وتوكلي على الله

 

[عاشقه زوجي]

بنات انا المثبتات الي عطاني الدكتور بس هالجل مره باليوم والحبوب لي نصها بني وابيض بس حبه وفولك اسد

 

[fatoma.fatoma]

انه من الحسا وسويتها عند المانع دكتور محمد بدر الدين

 

[عسل حدي]

الله يعوضج خير حبيبتي

 

[شمخانيه]

عاشقة زوجي

شنو حبوب الجل هذي

ووين سويتي عمليتك

 

[عاشقه زوجي]

انا من الامارات ومب جل اقصد التحاميل هالطويله متعايزه اقوم ايبها واليوم انا سادس يوم من الترجيع والله باديه اعصابي تتعب كل مادخل الحمام تكرمون اخاف اشوف الدوره المره الي طافت تاسع يوم من الترجيع نزلت يارب المره تثبت يارب

 

[عسل حدي]

الله يعوض تعبكم خير

 

[نكهةالبرتقال]

السلام عليكم شلونكم بنات أنا سويت أنابيب الشهر اللي طاف يعني شهر 3 و فشلت ، و أول ما تركت التحاميل نزلت الدورة مالت الفشل بنفس اليوميعني نزلت 4ابريل ، مفروض على هالحسبة اتييني دورة شهر 5 بتاريخ 1 ، يعني 1مايو تنزل الدورة الثانيةو صارلها 11 يوم متأخرة لي الحين ما نزلت تخيلواطبعاً سويت تحليل بول و أنتو بكرامة طلع سلبيو أمس سويت تحليل هرموني ، الهرمون صفربس قمت اخاف عل نفسيليش اختربت دورتي ؟هل هذا طبيعي تخترب الدورة بعد فشل الانابيببسبب المنشطات ؟

 

[شمخانيه]

عاشقة زوجي

مشكورة

والله يتمم لك علي خير وتنجح عمليتك

 

[شمخانيه]

نكهة البرتقال

لا تتضايقين الدورة تنزل بسبب الهرمونات والنفسية
تلعب بالهرمونات وتخليها مثل سوق البورصة

والله يعوضك خير

 

[عاشقه زوجي]

السلام عليكم شلونكم بنات أنا سويت أنابيب الشهر اللي طاف يعني شهر 3 و فشلت ، و أول ما تركت التحاميل نزلت الدورة مالت الفشل بنفس اليوميعني نزلت 4ابريل ، مفروض على هالحسبة اتييني دورة شهر 5 بتاريخ 1 ، يعني 1مايو تنزل الدورة الثانيةو صارلها 11 يوم متأخرة لي الحين ما نزلت تخيلواطبعاً سويت تحليل بول و أنتو بكرامة طلع سلبيو أمس سويت تحليل هرموني ، الهرمون صفربس قمت اخاف عل نفسيليش اختربت دورتي ؟هل هذا طبيعي تخترب الدورة بعد فشل الانابيببسبب المنشطات ؟

لا جي طبيعي انا اول مره فشلت الانابيب قالي الدكتور الدوره اليايه بتتاخر لاتحاتين وصدق اتاخرت وماعليج بترد تنتظم عن تجربه