رودي للاستشارات الهندسية

[sara3]

الكيكة

حبيبتى سلامتك وما تشوفين شر

انا لازم كل يوم امركم اهنى واشوف مداخلات البنات ورددودك اللى اندلت على شى انما تدل على حبك خدمة ومساعدة الكل


انا عندى رفيقتى عندها طبلون الكهرباء اللى ما ادرى ليش يرزونة لنا فى الصالات خو بالافلام كل انشوفى يا بالمطبخ يا بالسرداب

الحين اشلون انموه بطريقة جميلة

رفيجتى تقول بتحط لوحة 50×50

انا اقولها حطى تبسترى لان يكون معلق على عمود ستارة ناعم فيصير بارز لان تدرين الطبلون يكون بارز شوي


ام وهابى ردت على فى( موضوع ديوانية بيت العمر )وقالت كبت المنيوم ناعم

انتى اشرايك

 

[rudy]

مرحبا بنات شلونكم شلونك كيكه مشكورة على الردود الحلوه والنصائح القيمه

انا هالايام لاهيه عنكم

ما ادش المنتدى الى وين و وين


لأني





اتنسى نساتي قويه ادعولي الله يهون علي


وهالله هالله بالموضوع دايما طلو عليه


مع السلامة

 

[nono78]

رودي سلامات ما توشفين شر

والنساه شر لابد منه الله يعينج

ويهون عليج

عاد طلي علينا الموضوع موضوعج

 

[ام وهابي]

الكيكه والله انتي الكلاس وذوق بعد
مدام الي شفته عاجبني ابي اتوكل على الله واخذه صج حار شوي بس الغالي دايما سعره فيه
حبيبي اسوله ليش ما تحطين ستاره معدنيه بالمطبخ تكون نفس لون مطبخج وايد احسن وعمليه اكثر من الشتر

نونو الباب شنو يطل عليه الحوش او البيت من داخل واعتقد الدريشه بالمطبخ ضروريه للتهويه وللطواري لا سمح الله وانا ناويه احط بسقف المطبخ سقف اللمنيوم و10 لمبات سبوت لايت الحجم الوسط وعليهم تحديد لون نحاسي مقارب للون المطبخ والسقف لونه بيج فاتح



رودي
حمد الله على السلامه لك وحشه والله اشتقنالك
والله يتمم عليك ويعينج على التنسي

 

[sara3]

رودى

مبروك الحمال والنسات فترة واتعدى يلا شدى حيلك علشان تسوين ديكور غرفة البيبى

 

[nono78]

الكيكه والله انتي الكلاس وذوق بعد
مدام الي شفته عاجبني ابي اتوكل على الله واخذه صج حار شوي بس الغالي دايما سعره فيه
حبيبي اسوله ليش ما تحطين ستاره معدنيه بالمطبخ تكون نفس لون مطبخج وايد احسن وعمليه اكثر من الشتر

نونو الباب شنو يطل عليه الحوش او البيت من داخل واعتقد الدريشه بالمطبخ ضروريه للتهويه وللطواري لا سمح الله وانا ناويه احط بسقف المطبخ سقف اللمنيوم و10 لمبات سبوت لايت الحجم الوسط وعليهم تحديد لون نحاسي مقارب للون المطبخ والسقف لونه بيج فاتح



رودي
حمد الله على السلامه لك وحشه والله اشتقنالك
والله يتمم عليك ويعينج على التنسي

ام وهابي عندي بابين بالمطبخ داخلي وخارجي يطل عالحوش وحق اغراض جمعيه وحق تكرمين الزباله

مابي شي يدش عن طريق الصالات من داخل

قلت الباب كافي بخليه كبير وفي جام كبير حق الأضاءه ولا سمح الله حق الطواري

بلمطبخ كن في دريشه بس صغيره ومكانها فوق حسيتها مشوهه المنظر الجمالي ولا منها فايده فصكرتها

الكهربجي بيحطلي 12 ليت مثل السبوت لايت بس على اكبر

قلت اسالكم مو جنه وايد ؟؟؟؟؟؟؟؟

 

[ام وهابي]

حبيبتي نونو اذا بابين بالمطبخ ما داعي الدريشه انا مطبخي باب واحد وعندي جنبه ممر للحديقه
يكون باب للخدمه وتكرمين للزباله بس حاطه دريشه وحده ومساحة مطبخي موكبيره 6*5 ووحاطه 10 لبات سبوت الحجم الوسط اذا مطبخج اكبر حطي 12 حلو المطبخ اا ذا اضاءته قويه يبين اكبر ونظيف

 

[الكيكة]

مبروك رودي الحمال الله يهون عليج و يقومج بالسلامه و تفرحين بالبيبي ... والله فقدناج .. بس لا تقطين الحمل علي بروحي ما نستغنا عن استشاراتج

هلا اسوله ... احنا سوينا بيتنا كله اب 1200 دينار ( درايشنا وايد و كبار ) ... سويناه عند العيسى و اذا تبين الرقم ادزه لج ... ما ادري جم الدريشه .. بس اهم يحسبونه بالمتر....بس اقولج انا سويت عندهم عقب فتره من سكنت البيت باب السطح ( الباب الالمنيوم العادي و الدارج اللي فيه جام )طلع الشتر اب 100 دينار... فاتوقع الدريشه ال مترين اب متر يمكن سعرها اقل ... لا تحطين الستاره اللي تشابه الشتر لان الدهن ينام عليها و تصير تلوع الجبد... الشتر انظف

نونو مطبخي الكبير اللي حطيتلكم صورته مافيه دريشه .. بس بابين باب عالصالات و باب عالحوش ... حطيت فيه 8 لمبات نيون
مربعات 60 في 60 ( ابيض ) كل واحد فيهم داخله 3 نيونات.

النيون احسن للمطبخ ... مايصرف كهربا وايد و ما يحترق بسرعه


هلا ساره تسلمين حبيبتي كلج ذوق ... والله كبت الكهربا عقدني ابيتي بكل طابق رازيلي واحد .... اللي بصالة الاستقبال حطيت عليه سجاده صغيرونه تباستري .. حلت الموضوع ولا جنه موجود .

شوفي الصور

هذا الممر فيه الاصنصير و يفصل بين صالات الاستقبال حطيت فيه هالكونسول جدام الاصنصير و السجاده التباستري اللي عاليمين تحتها كبت كهربا

و هني السلم من الدور الثاني ... تحت اللوحه بعد كبت كهربا

و في بعد بالدور الثالث كبت كهربا بالممر مغطيته بالوول بيبر ( مجلدينه بطريقه ينفتح فيها الباب)

 

[الكيكة]

هذا كبت الكهربا بالدور الثالث ( جناحي )

 

[koko2007]

مشكورة حبيبتي عالفكرة الحلوة انا توني مأجرة دور بس صايرة الصالة مستطيلة فيها طول بس مافيها عرض يعني مثلا طولها تقريبا 12 متر و العرض 6 امتار
محتارة شنو افرش الارضية رخام و الا خشب باركيه و الا بورسلان و بعدين انا بحط غرفة طعام فراح تكون من ضمن الصالة مو معزولة فشنو من افكار عندج؟
علما بان غرف النوم اطل عالصالة

 

[الكيكة]

اهلين كوكو .. منزل مبارك

بما انه اجار ...فرشي الصالة سيراميك ( اهو الارخص و اقوى شي و يتحمل و ما يبقع )
الجرانيت الصيني نفس السعر و احلى ( اكشخ وايد ) بس السيراميك اقوى ( و مو لازم تاخذين جرانيت فل بودي لانه البيت اجار )

حطي طاولة الاكل بالكورنر ... يعني بوحده من زوايا الصاله .. و اذا تبين حركه حلوه ... ركبي ورق جدران على الطوفه اللي عند طاولة الاكل

و بالتوفيج حبيبتي

 

[nono78]

مشكورين كيكه وام وهابي

امس رحت الشايع الي بالشويخ

خلاص ان شاء الله باخذ سيراميك المطبخ من هناك

تعبت من الفراره مالقيت شي يدش خاطري

وخصوصا حق الطوفه ابي 10 * 10 ما عندهم او الوانهم بولمعه وانا ابي المطفي


بس لقيت عند الشايع

والله سيرامكهم حلوووو وسعره تحت الغالي بشويه

لقيت المتر ب 3,900 سوالي ب 3 و ربع

ولقيت ب 3

تقريبا طلع علي كله 395 دينار

واليوم بعد بروح حسن ابل الركن الأقتصادي بشوف اسعارهم واقارن

بينه وبين الشايع

وان شاء الله اخلص وافتك

الله يعيني على سراميك الحمامات مطبخ واحد وينني

الله كريم

 

[nono78]

ما شاء الله كيكه بيتج مبين روعه

 

[الكيكة]

بالعافية نونو ... و الله يسهل عليج باجي الامور ( صج البيت يهد الحيل )

و مشكوره عيونج احلوه .... اذا فضيت اليوم بحط لكم غرف نوم عيالي اذا تحبون

 

[ام وهابي]

بالعافيه نونو حلو الواحد يعرف شنو يبي بالضبط وعنده ثقه بذوقه خليج على طول جذي واثقه
لان السراميك والبورسلان يدوخ يبي طول بال الله يعينج ويسهل عليج الباقي

 

[nono78]

بالعافية نونو ... و الله يسهل عليج باجي الامور ( صج البيت يهد الحيل )

و مشكوره عيونج احلوه .... اذا فضيت اليوم بحط لكم غرف نوم عيالي اذا تحبون

الله يعافيج كيكه حبيبتي
ويالله ناطرين غرف عيالج الله يخليهم
وان شاء الله بس اخلص المطبخ راح اصور واحط الصور بالموضوع

بالعافيه نونو حلو الواحد يعرف شنو يبي بالضبط وعنده ثقه بذوقه خليج على طول جذي واثقه
لان السراميك والبورسلان يدوخ يبي طول بال الله يعينج ويسهل عليج الباقي

مشكوره ام وهابي حبيبتي

ونطروا علي بأذيكم انتي وكيكه كل ما اخلص بشي راح استشيركم بأشياء ثانيه

ان شاء الله

 

[الكيكة]

غرفة ولدي العود

و هذا حمامه عزكم الله

و هذي غرفة ولدي الوسطي

 

[ام وهابي]

ما شاء الله حلوين غرف عيالج والالوان متناسقه وحلوه
الله يخليهم لج ويحفظهم ربي وتاثثين غرفهم معاريس

 

[sara3]

صباح الخير

مشكورة على الصور مالة طبلون الكهرباء


وصور غرف عيالك ما شاء الله الله اكبر وايد حلوين وذوقك وايد راقى ,يسلمو:ggdw:

 

[الكيكة]

شكرا بنات .. كلكم ذوق