لـــقافه ترفع الضغط +مشاركاتكم +تفاعلكم بنــــــات

[دلوعةمآمآ]

موضوع وايد حلو يعطيكم العافية
صج في ناس ما يستحون على وجوههم قليلين ادب ووقحين انه مرة اخت زوجي قالت لي جدام الناس
اختي الثانية تقول جان اخذتون اختها احلى منها !!!!!!
مع اني مو مصدقة ان اختها قالت لها هذا كلامها اهيه
وحتى لو قالتها تقولي ليش ؟؟؟؟ انه انجرحت ذاك اليوم حتى يوم ثاني مرضت

الله يعاافيك ِ يارب

نااس ماتستحي ,ماعليك ِ منهاا طنشيهاا وخليك ِ واثقه من حالك ..

 

[دلوعةمآمآ]

المووووضوع جميل



وانا من هالسالفه ارد على حسب
يعني اعرف وحده معروووف تغاار مني وتقااارن نفسها فيني اذا تكلموا عن جمالي وسنعي اوذوقي وتقول انا مثلها
وانا اشبهلها تخيلتوووو معي هي تشبهني مع انها بالشرق وانا بالغرب
هي مملووحه ماقلت شي بس ماتشبهني ابد وبتانا البته
المهم هي سمرا وانا بييييييييضا
لو تكلموا عن بياااضي او فتحوووا موضوع البياااض قالت اييه انت الفاونديشن عجييب مرا حلو وش ماركته !!!!!!
او احياننا تطقها بالوجه وتقول انت تكثرررين مكياااج انا مااحط كثير مثلك !! الغيره معذبتها

واخر موووقف من جد رحمتها متصله علي وزوجها معها بالسياره
تاخذ رايي بقصة شعرها وتقول وش رايك وتتوقعين حلوه
انا قلت لها ماادري لاتجازفين انا معجبتني بس اعتبرها مخااطره
ولو قصيتي ومالاقة عليك بتتوهقين
قالت هي ماادري احس بتناسبني وجلست تمدددح بعمرها
قلت والله دامك جازمه قصي ليش لا انا ماابي اقول شي وبعدين تقولين انت اللي شجعتيني ووهقتيني <<اعرف حركاتها
قلت بعد انا مرره ودي فيها هالقصه من زمان بس مااحب اجازف بشعري
قالت لاللا اصلا ماتناااسبك شعررررك خششن !!!! انا عيوووني طلعت من مكااانها
تغغغار مني حتى عند زوجها ؟؟؟؟؟؟استغفرالله طيب حنا كلنا منقبات يعني مستحيييل يشوووفونا
ليش الغيييييييييييييييره خخخخخخخخخخخخخخخخخخخ
سكت لها قلت سوي اللي تشوفينه انا مشغوووله
صارت متصله بس بتمدح عمرها وتسبني بس عشان يسمع زوجها المصون

المهم ارد عليها برد مو متووووقع
وعكسسسكم تماااما

اجلس امددددددددددددح فيها وامجججججججججججججججججججد باخلاقها وسنعها
لدرجه انها يغمى عليها من الفررررحه لانها بالاساس يهمها رائي

واوقااات تنقهر وتستحقر عمرررها لانها تقول كلمه شينه وارد عليها احسن منها وباسلووب استحقار واستخفاااف وهنا تممموت


طبعا هالاسلوووب اتبعه مع اللي معروف تغار مني وواضح عند الناس كلهم


اما اللي وقحه واسللوووبها ززززززفت وماتحسب حساب للعالم هذي اللي ياويلها مني واعلمها السنع
اذكر لكم موووقف

ببيت جدتي الله يرحمها نجتمع كل اسبوع وطبعا عجووز وشغالتها ماتعرف تطبخ زين
فكل وحده تجي تجيب قهوتها وحللاها
وانا مااحب الاقهووتي المهم كل مره نجتمع فلانه احب قهوتك تعالي قهووويني
واروح واقهويها وماشالله تشفطها كلها كاااني صبااابه مستأجرتها

كل اسبوع على هالحال
وتجي هي ايدينها فاضيه لاحلى لا قهوه لا فطاير تجي تتقهوى وتحلي على حسابنا مع العلم انها موظفه وعندها خييير
انا اكرررررررررره مااشوف الحرمه اللي ماعندها سنع
وانا ياللي وش جابني لها اسنع منها وهي ام عياااال دخلت الاربعين ماادري متى بتسنع
بس ابشررركم سنعتهااا خخخخخخخخ
وكل مرره نفس الحال مشغلتني قهوجيه وانا اسكت بس احترام لجدتي الله يرحمها وامي
وطقت كبدي خلاص نادتني وسفهتها قلت شوي وانا اكذب

وجلست اسولف مع البنات صارت تنااادي وباصراااار وبالاخير قالت خلاص لاتجين بس جيبي قهوتك !!!جد والله اشتغل عند اللي خلفوووك

رحت وصبيت لها وللي بالمجلس كلهم وطلعت قالت وين قلت ببقهوي البنات قالت موو لازم يتقهووون <<سمي عمتي

قلت لا والله انا مسويتها عشانهم فيه قهوة الخدامه وحطيتها قدامها قالت لا مااحبها
قلت سووري قهوتي لي والتفت على باقي الحريم قلت والله كلن يجيب قهوووته

جيبي قهووتك معك !!!!!هي وجهها طااااااااااااااح بالاارضض وجلست تجمع فييه خخخخخخ
ومن عقبها صارت تجيب قهوه وحلا ولا مره عشتنا بعد خخخخخخخخخ تكتب بالتاريخ والكل قال من يومها وهي عجاازه
محد سنعها غيرررررك <<احم احم



طولت قرقرت وااجد

تحملووني

هههههههههههههههههههههههههههههههههههه

تعجبيني ام خُزامى:eh_s(15):

وخاصه الموقف الثاني :rerrerek:

نورتي الموضوع

 

[دلوعةمآمآ]

موقفي مع ام زوجي :

اول مرة حملت بولدي اول وحدة هي علمتها مع ابو زوجي بعدين امي وابوي .. و زوجي قال لها لا تعلمين احد ( لأني كنت وقتها بمعسكر تدريب الشرطة .. وممنوع الحمال ..) الحمدلله كنت بأواخر المعسكر .. و اخت زوجي طول عمرها تكرهني وتحب تحفر لي ..
جان تروح تقول حق بناتها فلانة حامل واخوكم قال لي ما اعلمكم .. مع ان زوجي ما قال لا تعلمين خواتي قال لا تعلمين احد
و طوفتها

خوات زوجي حملوا .. اول وحدة و ماعلمونا الا يوم دخلت الرابع .. و ام زوجي سكتت ( حق بناتها تدفدف )
و بعد فترة حملت الثانية و يوم دخلت السادس سمعت من خالات ريلي ..
جان اقول لهم تصدقون توني آدري منكم الله يتمم لها على خير ..
يوم ثاني رحت بيت ريلي ام ريلي تبي مني شغلة مع السوالف اقول لها يمه شدعوة ماقلتي لنا ترى نبي نفرح لها
جان تقول فلانة ( اول وحدة من خواته ) ريلها قايل لاتعلمون احد ( والثانية ) تقول ماتبي احد ((( غريب )))يعرف ويتبهر فيها !!
و هم سكت

يوم حملت انا مرة ثانية أبنتي الله يخليها زوجي قال هالمرة ما بنعلم الا لما تطلع النتايج ( انا و زوجي حاملين سكلر ولازم نسوي فحص بالشهر الثالث )
يوم طلعت النتايج قلت لزوجي خبر أهلك مو حلوة باجر يحطون بخاطرهم

زوجي قال لأمه وقال لها لا تعلمين احد ( يبي يشوف رد امه )
جان تقول هذا الخبر ما ينخش و خلوا الناس تفرح لكم

انا هالمرة شبيت نار

جان اقول لها يوم فلانة وفلانة حملوا ماعلمتونا و قلتوا الناس تتبهر فيهم و رياييلهم مايبون احد يعرف
و حمالي انا صار الخبر اللي ماينخش ؟؟
قلت لها يا يمه الحيم القطو تحمل و تولد واتييب درزن محد نظلها وعطاها عين
عالعموم انا برويح بخبر الكل .. لأن عادي متزوجة وطبيعي أحمل


ام زوجي ولا كلمـــــــــــــــــــــــــــــــــــة !

ياسلااام <حاطها إيدهاا على خصرها وتهز

ماتعلم بحمال بناتها بس انتي عاادي !

بس عجبني كلامك لها احس تابت عقبها

نورتي الموضوع

 

[دلوعةمآمآ]

الأتصال ضعييف

لكن لي عـــوده للموضوع

 

[البارونـه]

الصراحه موضوعكم وايد حلو دلوعة وعياره
وقصص البنات عجيبه ههههه
امممم انا الصراحه من النوع الي ما انتبه اذا حد قط نغزه ماحب سوالف الي من تحت لتحت
لكن اذا فهمت ان الكلام موجه لي على طول ارد بس ماخذها على هواش اخذها ان الشخص يبي يلعوزني ع ضحك وارد على ضحك بعد ،لان لو خذيتها ك نغزه اعرف ان بينربط لساني
حاليا ماتذكر موقف بس اذا تذكرت بقولكم

 

[ظبية بوظبي]

:'(
معرف الاسن
وألمشّكله اذّا حاولت اخذّ خقي اولا ما اخذّه
وثانيا يانبني ضّميري وقول ياريت. ما تكلمت. +طلعت بمنظّر نزلني وفوق هذّا ما عرفت اسكتهم

ولو ما رديت اقعد احترق
والحل
تعبت
ما اعرف كيف ارضّي حالي

 

[زبــــــــدة]

لقافة اهل ريلي

وايد يتسألون وانا نوعي ماحب اقول شي الا اذا سويته وخلصت

ماحب احد يعرف كل شي عن حياتي احب الخصوصية

يعني يسألون اي مستشفى بتولدين واي سيارة بتشترين وشنو بتسمون البيبي نعم نعم نعم ماحب جذييي افففف

 

[مدينة الاحزان]

بصراحه موضوع اكثر من رائع وكل شي عندي ولا النغزات والله مستحيل اعديها وانا من النوع اللي ماحب اغلط على احد ولا افشل احد لكن اللي يغلط يتحمل مايجيه بذكر موقف صار معي لما كنت متزاعله مع زوجي وكنت بيت اهلي وكانت حيل نفسيتي تعبانه ومره كنت رايحه بيت خالي عزيمه وكانت هناك وحده وهذي بس تبي تغلط وتبي تستعرض وكنت جالسه اتكلم انا مع بنت عمي الا تنط على طول وتقولي فلانه شفيش سرحانه مع العلم اني كنت اتكلم مع بنت عمي لكن خليتها ومارديت عليهابس عطيتها نظره وبعدها بيوم بس تخيلو الفرق يوم تجي بيت اهلي بجمعه بعد وكنا كثير متجمعين وحريم وفجاه تسوي نفس الموقف بالضبط فلانه شفيش سرحانه انا هنا خلاص بعدها والله تمنت الارض تنشق وتبلعها قلت الها شوفي من البارح ماسكه علي سرحانه وسرحانه بالله شتبي سامعه شي وتبي تتاكدي انا كنت اقصد انها تبي تعرف ليش زعلانه من زوجي قلت الها اذا سامعه وحابه تعرفي ترى عادي بس قولي وبشري وعلمش كل السالفه ولا يهمش بعدها خلاص تفشلت من الحريم كلهم وانقلب الموقف عليها تبي تحرجني وحرجتها قسم بالله بعدها ضلت تعتذر وانها ماتقصد واتصلت علي وجت امها لانها حست بغلطها وحست بالاحراج مع اني ماكنت ابي توصل الئ هاالامور لاني ماحب اغلط على احد بس في ناس تبي احد يغلط عليها ولازم بعضهم توقفيه عند حده عشان مره ثانيه يعمل لش الف حساب

 

[M!ss CoLoRz]

عيل سمعوا سالفتيني اللي صج ما عرفت شرد عليهم

ليلة العرس وعقب ما دش المعرس يو يسلمون النسوان والا وحدة من صوبهم يات تقول لي يلا احين بتروحون الفندق شنو بتسوون!!!!!!!؟؟!!!!!!!!!!!!!!!

ويهي حسيته انقص نصين وتبلعمت اشوه بعد ريلي قدر يرد عاد رده ما عجبني ههههههههه قال لها ( شهالحجي عيب ) وبس ما كثر

السالفة الثانية عقب العرس وبعد من صوبه ( وايد جريئين صوبه!!!!!!!!!!!! ) رايحين نزور وحدة كبيرة في السن ولما بنطلع تقول لي يلا روحي لبسي قميص نوم احمر!!!!!!!!!!!! بعد تبلعمت ومشيت كأني ما سمعت شي

يعني بذمتكم وحدة بهالجرأة شتردين عليها

 

[غآب نورك ~]

^ آكره مآعندي اللي جذي قلة حيا

 

[Dana.Qtr]

هالسالفة قديمة شوي ..
انا امي وابوي منفصلين .. وبالصيف ابوي قال يبيني اروح الطايف معاه، وانا كنت ابي اروح مع امي الهند (للعلم السنوات الي قبل رحنا اوروبا)
فصارت مشاكل وبالاخير رحت مع ابوي وانا مغصوبه!
ولا مرت عمي تقولي هاا شنو احسن هني ولا الهند وتعابيرها كلها طنازه ...
قلتلها لا هني ولا الهند سويسرا جوها يهبل !
هي تدودهت وتغير ويهها من الاحراج لاني كنت صغيره وفشلتها.

وياكثر الموااقف .. بس ناسيتهم ومب دايما ارد بصراحه ،

 

[عـيّــآره]

المووووضوع جميل



وانا من هالسالفه ارد على حسب
يعني اعرف وحده معروووف تغاار مني وتقااارن نفسها فيني اذا تكلموا عن جمالي وسنعي اوذوقي وتقول انا مثلها
وانا اشبهلها تخيلتوووو معي هي تشبهني مع انها بالشرق وانا بالغرب
هي مملووحه ماقلت شي بس ماتشبهني ابد وبتانا البته
المهم هي سمرا وانا بييييييييضا
لو تكلموا عن بياااضي او فتحوووا موضوع البياااض قالت اييه انت الفاونديشن عجييب مرا حلو وش ماركته !!!!!!
او احياننا تطقها بالوجه وتقول انت تكثرررين مكياااج انا مااحط كثير مثلك !! الغيره معذبتها

واخر موووقف من جد رحمتها متصله علي وزوجها معها بالسياره
تاخذ رايي بقصة شعرها وتقول وش رايك وتتوقعين حلوه
انا قلت لها ماادري لاتجازفين انا معجبتني بس اعتبرها مخااطره
ولو قصيتي ومالاقة عليك بتتوهقين
قالت هي ماادري احس بتناسبني وجلست تمدددح بعمرها
قلت والله دامك جازمه قصي ليش لا انا ماابي اقول شي وبعدين تقولين انت اللي شجعتيني ووهقتيني <<اعرف حركاتها
قلت بعد انا مرره ودي فيها هالقصه من زمان بس مااحب اجازف بشعري
قالت لاللا اصلا ماتناااسبك شعررررك خششن !!!! انا عيوووني طلعت من مكااانها
تغغغار مني حتى عند زوجها ؟؟؟؟؟؟استغفرالله طيب حنا كلنا منقبات يعني مستحيييل يشوووفونا
ليش الغيييييييييييييييره خخخخخخخخخخخخخخخخخخخ
سكت لها قلت سوي اللي تشوفينه انا مشغوووله
صارت متصله بس بتمدح عمرها وتسبني بس عشان يسمع زوجها المصون

المهم ارد عليها برد مو متووووقع
وعكسسسكم تماااما

اجلس امددددددددددددح فيها وامجججججججججججججججججججد باخلاقها وسنعها
لدرجه انها يغمى عليها من الفررررحه لانها بالاساس يهمها رائي

واوقااات تنقهر وتستحقر عمرررها لانها تقول كلمه شينه وارد عليها احسن منها وباسلووب استحقار واستخفاااف وهنا تممموت


طبعا هالاسلوووب اتبعه مع اللي معروف تغار مني وواضح عند الناس كلهم


اما اللي وقحه واسللوووبها ززززززفت وماتحسب حساب للعالم هذي اللي ياويلها مني واعلمها السنع
اذكر لكم موووقف

ببيت جدتي الله يرحمها نجتمع كل اسبوع وطبعا عجووز وشغالتها ماتعرف تطبخ زين
فكل وحده تجي تجيب قهوتها وحللاها
وانا مااحب الاقهووتي المهم كل مره نجتمع فلانه احب قهوتك تعالي قهووويني
واروح واقهويها وماشالله تشفطها كلها كاااني صبااابه مستأجرتها

كل اسبوع على هالحال
وتجي هي ايدينها فاضيه لاحلى لا قهوه لا فطاير تجي تتقهوى وتحلي على حسابنا مع العلم انها موظفه وعندها خييير
انا اكرررررررررره مااشوف الحرمه اللي ماعندها سنع
وانا ياللي وش جابني لها اسنع منها وهي ام عياااال دخلت الاربعين ماادري متى بتسنع
بس ابشررركم سنعتهااا خخخخخخخخ
وكل مرره نفس الحال مشغلتني قهوجيه وانا اسكت بس احترام لجدتي الله يرحمها وامي
وطقت كبدي خلاص نادتني وسفهتها قلت شوي وانا اكذب

وجلست اسولف مع البنات صارت تنااادي وباصراااار وبالاخير قالت خلاص لاتجين بس جيبي قهوتك !!!جد والله اشتغل عند اللي خلفوووك

رحت وصبيت لها وللي بالمجلس كلهم وطلعت قالت وين قلت ببقهوي البنات قالت موو لازم يتقهووون <<سمي عمتي

قلت لا والله انا مسويتها عشانهم فيه قهوة الخدامه وحطيتها قدامها قالت لا مااحبها
قلت سووري قهوتي لي والتفت على باقي الحريم قلت والله كلن يجيب قهوووته

جيبي قهووتك معك !!!!!هي وجهها طااااااااااااااح بالاارضض وجلست تجمع فييه خخخخخخ
ومن عقبها صارت تجيب قهوه وحلا ولا مره عشتنا بعد خخخخخخخخخ تكتب بالتاريخ والكل قال من يومها وهي عجاازه
محد سنعها غيرررررك <<احم احم



طولت قرقرت وااجد

تحملووني

^^^^

ياربي شهالاستفزاز تتصل وتمدح بعمرها شهالمرض النفسي الله يعينج والله عاد

اوصخ شي تصادفين وحده تغار من شكلج

بخصوص القهوه ماجربت تجيها الدله طايره على سرعه 180 بنص جبهتها اففففففف

انقهرررت منها امانه هاذي للحين تسوي نفس الحركات ولا تادبت خلاص

ويعه شهالناس​

 

[عـيّــآره]

انا ياما انقطت علي نغزات اتسم البدن بس لاني ع نيتي وطيبه وايد وغير اني اداري خاطرهم..

اقول مالت ع هالخواطر اللي بتعل قلبي ...


انا ماانعل قلبي كثر نغزات خوات ريلي اللي تنقط بالوي دايركت..


الموقف الاول .. مره كنا قاعدين انتعشى في يمعتنا بيت ام زوجي وانا صار لي يومين صابغه شعري وقاصته

وكنت قاعده اتعشى ..وثنتين من خوات ريلي قاعدين معاي ع سفره ويتعشون.. وتدخل اختهم الثالثه علينا علشان اتعشى

الااللي قاعده اتعشى اتقول لاختها اللي ادخلت .. شفتي شعر مرت اخوج .. الاترد اللي ادخلت وقالت ايه اشوفه مشوط

صاير شوط ... بال اذبحتني الغصه انقهرت انه ماعندي لسان وارد عليهم..


وموقف ثاني ..وحده من خوات ريلي طاح حظها هذه مادانيها خير شر شايفه روحها ومتكبره ومسويه فيها بنت العز ودلال
كانت مطلقه وعندها بنت والله كتب ياخذها واحد ثاني عاد اهله كانوا مايبونها وفي يوم لمن رضوا اهل ريلها
قالوا يبون يمرون علينا علشان يشوفون شنو قاصرها لتجهيزات العرس لانه كان باقي اسبوع ع عرسها

عاد كان معصبه وحالتها حاله واتحندا تقول يحمدون ربهم اني باخذ ولدهم ومن هسوالف وهي داشه الااتشوفني
وانصدمت واتقولي انتي اهني محد قالي انج راح اتجين وماعلموني .. وجهي انصفق قلت لها امج واختج قالوا لي اجي
وبس سكت وانا اتالم من داخل قلت ليش ليكون راح افشلها قدام اهل ريلها.. وتمت تروح وترد اتجيب صواني

حلويات وفطاير اتوزع ع خواتها الاانا..كاني مهب موجوده.. واتشربهم قهوه وانا اكس علي وعقب لمن جو الضيوف
كلهم اطلعوا يستقبلونهم بالصاله الاانا قلت لام زوجي ماراح اطلع قالت لي ليش قلت لها كل سالفه قالت لي ختولي وماعليج
انتي بنتي وماعليج منها...

وادز مسج لريلي واقول له كل سالفه ويعصب ويقول لي ابرزي انا جاي اخذج ختولي اختي شايفه عمرها ع ايش
وبس الاعمتي بالغصب دخلتني ع الناس وقعدت معاهم..

ولي رده لمواقف ثانيه ان شاءالله

^^^

ام هيا ليش ياختي شنو اللي يمنعج تردين عليهم قاعدين يهينونج هالنوعيه

مايفهمون انه اخلاقج عاليه ومتربيه خوش تربيه هذول يستغلون طيبتج ويطلعون

حرة اي شي فيج اشدعوه علييهم يقطونها بويهج اشكره ؟؟

ابتعدي عن الشخصيه الضعيفه وهذول ترا اوادم مو ملايكه اللي يغثج غثيه والي

يحترمج احترميه اما تسمعين الاهانه وتسكتين وتاكلين بنفسج ليش اصلا غيرهم

بيتمادون عليج اذا ماوقفتي هالاشكال عند حدهم

قسم بالله قليلات ذوق ​

 

[عـيّــآره]

هههههههههه مو لقافه الا منبطه جبدهم هالحركات ما تطلع الا من وحده منقهره منج او ماتبي لج الخير





انا اهل طليقي بسس شمو ريحة خبر اني بملج على طول يددزون مسجات وكان يقولون فيس تو فيس مبروووووك تخيلو مع انه ماصار شي كلش حتى فحص مافحصنا لحين بس جذي لعانه شوفو انه احنا درينا مو لوجه الله او يبون لي الخير

حسبي الله ونعم الوكيل ~~~

^^^

ويه منجب مافيه احساس زين مانبيكم تعرفون خيرررر اشتبون !!!

ولدكم ورجع لكم اشتبون فيني احين


هههههه​

 

[عـيّــآره]

انا قصيره لكن شكلي مره كيوت ونعوم واصلن ماتخيل نفسي طويله هع ملامحي وستايلي لايق عليه طولي
147 طولي ف حنا نجتمع باستراحه وكل مارحت يوووه شفيك قصرتي ! واحنا نسلم وحده من البنات داااايم تقط نغزه يابنت شفيك كل مره تقصرين :/

خخ انا طبعا اسلك وابتسم وامشي السالفه يعني عادي ماكنها قالت شيء هع ودايم يطيح وجهها خخخ كل مره تحاول تحرجني قدام البنات هي طويله 170 طولها وعريضه طول بعرض يعني وكل مره تقط نغزه قدامهم ف صرت ارد بوجهها انوثه ي حبيبي واصلح دوري دوري عرفتوها زي رقصه الباليه خخخ وش فهمك يالزرافه وخري بس هع

وفي بعد نفس موقف الي قبلي ولد عمتي خطبني ومدري مين نشر السالفه مع ان اهلي ماخبرو احد نهائي وللحين ماصار شيء بس كلام يعني والكل قام يبارك ! خيييير انا مره انحرجت واخر شيء قلت اصلن طلع السالفه كانت خاصه وللحين كلام ! الله يبارك فيكم بس ماصار شيء للحين وماندري وش يكتب ربي ! ادري مهب محبه يباركون بس كذا لقافه يعني ترا دريناااا


وفي من قرايبي مادري وش اقول عنهم صراحه كل ماااسويت شيء سووته وتخبي عني تخيلو في موقع نطلب منه فساتين من امريكا انا كنت ابي يطلبون لي معهم لان هم دايم يطلبون وقد جربو وماعرف حيل انقلش ف عطيتهم رابط الموقع خذوه وطلبو لحالهم وسكتو وكل ماسالت وش صار ع الموقع ابي اطلب عرفتو له قالو لا صعب ومالقينا الرابط ومدري ايش تصريفه يعني اخر شيء لما صار مناسبه اكتشفت انهم طالبين من نفس الموقع الي ابي لهم بلحالهم ولا قالو شيء بس انا عرفت الفساتين لاني اتابعه دايم وبعد ماجابوها قالو من امريكا !
واذا صلحت شيء خاص فيني قالو الحمد لله والشكر علمينا ترا ماينقص منك شيء ي حسوده لاتخافين مرح احد ياخذ نفسك او يتشرهون اني ماعلمتهم قدام امي وامهم :/

< بصراحه للحين اسكت عنهم لان مره قراب واستحي اغلط لان علاقتنا قويه بس حركتهم ابد ابد مو حلوه يخشون عني وانا اساسا الي جايبه الشيء يستفيدون منه ويسحبون علي


تصير ياما مواقف لكن احيننا نعديها عشان لايجي مننا العيب واحيننا الواحد ينفجر هع

^^^
اول موقفين عادي لقافة وهبل حريم بس سالفه الموقع جامده والله شهالانذال ؟؟

اذا هم قراب ويسون فيج جذي وانتي تعرفين حركاتهم ليش تعتمدين عليهم !!

بس والله الدنيا بخير دام فيها نفسج لانج تعدين وتحاولين قد ماتقدرين انج ماتخسرين قرابيج

اهنيج والله انا عادي اتصل وارررردح بالكلام وازفها زف انا يايبه الموقع تطلبون لكم وتخليوني يالعصابه ؟؟
​

 

[عـيّــآره]

اذكر مره كان أخو خالتي زايرنا هو و مرته و كنت توني عروس يعني ما شفت مرته ولا مره المهم دخل رجالي يسلم عليها يوم جاء يطلع إلا تسأله امه وين بتروح قال بطلع مع خالي شوي إلا تنط و تقول أي يا عمري اطلع غير جو و نفهه عن نفسك و أنسى همك > !!
والله حزت بخاطري حيل
عاد يوم رجع و كنا بنرجع لبيتنا عاد تقول خالتي ويييه بتمممشون قلت أي والله بنروح نفهه عن انفسنا شوي ضاق صدري انا > طبعا انا قلتها و فهمتها هي و ركبت السيارة و أخذت تهزيئه حلوه هههههههههههههه بس بردت حرتي

^^^

تعادل والله 1_1

ههههههههههههه​

 

[عـيّــآره]

ووواي خوووش موضوع .،
انا حمواتي يقطو كلام ونظرات بس كنت اسكت لانه عروس يديده واحس سكوتي خلاهم يتمادون ومايحترمون .،
فيه موقف ماانساااه ودي ارجعه وارد
.، بعد العرس بيومين ام ريلي لزمت ننزل نتغذى معاهم ونزلنا بعد الغذا وانا قايمه الا وحده من حمواتي تقول وين وين ؟
روحي المطبخ علشان تغسلين المواعين @@ انا خلااااااااااااااااص الدمعه بعيوني شهالاسلوب
وعمتي بعدها بيوم لما نزلنا للغذا تقول لي تعالي حطي لج ولريلج غذا وتعلمي شلون يحطو الغذا @@
مع العلم اطبخ واهي تدري انا مو بحاجه انها تعلمني
آه ياقلبي .، ودي ترجع هالايام و ارد باسلوب يبرد قلبي

^^^

لاتتضايقين انتي عاملتيهم باصلج وتربيتج وبيضتي ويه امج صدقيني

بس بشريني ان شاءالله احترمو نفسهم معاج وماصارو يغثونج !!

وبخصوص موضوع روحي غسلي المواعين حركات ريا وسكينه بطلوها عيب عليكم

ناس لاذوق ولا رحمه قلوب ميته

هاي نظام تعطينهم على راسهم والله ماينفع تسكتين
​

 

[عـيّــآره]

موضووعكم ابدااع

انا من النوع اللي تصيبها حالة طرم ماادري شيصير فيني
وصج اذا بغيت ارد تشوفيني اتنافض واحمر واعرق وارمش وفووق البدليات اللي تفششل 

^^^^


انا عكسج اذا موقف غريب و لقافه غير متوقعه ابالغ بردة الفعل واهزء بظمير

واخليها تتحسف انها ماتجنبتني ​

 

[عـيّــآره]

بالنسبه لي انا اذا تكرر معاي اكثر من موقف ومع انسانه معينه اعرف انها قاصدتني
وامشي على مقولة (في ناس تخاف ما تستحي) واضطر اهزئها وامسح فيها الارض
لانها من النوع اللي ما فيه تربيه تربيه شوارع حشاكم فضروري تنعاد فيها التربيه

^^^

هاذي انــــا بالضبط

كفو عليج زين تسوين فيهم

ناس ماتفهم الا بالشسمه​

 

[عـيّــآره]

الصراحه موضوعكم وايد حلو دلوعة وعياره
وقصص البنات عجيبه ههههه
امممم انا الصراحه من النوع الي ما انتبه اذا حد قط نغزه ماحب سوالف الي من تحت لتحت
لكن اذا فهمت ان الكلام موجه لي على طول ارد بس ماخذها على هواش اخذها ان الشخص يبي يلعوزني ع ضحك وارد على ضحك بعد ،لان لو خذيتها ك نغزه اعرف ان بينربط لساني
حاليا ماتذكر موقف بس اذا تذكرت بقولكم

^^^