مدة علاج خراب الرحم للبنت ؟!

[انيقه الملامح]

السلام عليكم بنات

طبعا انا من زمان عارفة بسالفه خراب الرحم وفي فتره اهتميت وقطعت صارلي 9 اشهر تقريبا تمر الدورة واطنش اكل الي ابي من الحلو واطلب مطاعم والحوامض فجأة اشتهيها احزة الدورة ماخلي شي بخاطري ومرات انام على جوع

بس بالصدفه طحت على موضوع واحس صحيت وقلت برجع اهتم كبداية التزم بس بالممنوعات واتدفى وجاي اعشاب
اما التمر والرشاد واللهوم وسوالف النفاس مالي خلق لها وخاصة توني بنت


الززززبدة يابنات قريت ان فترة العلاج تطول يمكن 4 اشهر هل المقصود 4 دورات اهتم فيهم وارجع اوكي ولا يوميا ؟

 

[كويتيه فرنسيه]

تبين نصيحتي ترا البنت اساسا ماتخرب
ياما بنات ماكانو يهتمون وعادي مشت امورهم تمام

وفري الاهتمام حق الزواج والنفاس هني صج الخراب والبلاوي

 

[Mrs.H]

الخراب للمتزوجات اكثر وخصوووصا للوالدة..

انتي بس تدفي وشربي اشياء دافية وكثري ماي وهدي الاشياء اللي تسبب عوار وتخثر بالدم مثل الﻻشياء الباردة والغازات واللبن وان شاء الله مافيج الا العافية

 

[آنسه بيبو]

اببببببب

 

[يٱسمييڼ]

بقولك شي ترا البنت تخرب نفس المتزوجة بس المتزوجة تلاحظ بسرعة
وخراااب البنت يتعالج بسرعة مو مثل خراب المتزوجة

 

[انيقه الملامح]

مشكووووورين عالرد يعني ارجع افلها احسن ههههههههههههه

 

[بنت^كآليفورنيآ]

ههههههههههههههههههههه


استغرب ان ناس تصدق

مابي احر نفسي واكتب رد شكبره عن هالموضوع البايخ والغبي


الخراب ماله اي علاقة بخرابيطج وقت الدورة


كله حجي فاااااااااااضي


عيشي احلى حياة بالدورة ولحد يقص عليج

 

[انيقه الملامح]

^

اكبرررر غلللط ترا يخررررب والدليل المثل الي يقول الاكل اكل حضرية والنومة نومة بدوية لان البدويات يسوون الاعشاب وقت الدورة والنفاس الحين الكل يسويها

بس ترررا تأثر حتى عالبنت يبين لما تهتمين او لا لان يشد من تحت بس انا مالي خلق فاسوي اقل شي اقدر اسوية الممنوعات مو قادرة التزم فيها بالنسبة للاكل فاقل شي الدارسين

 

[M!SS.LOBY]

البنت عادي بس يفضل تهتمين بعمرج

 

[ريتاج_90]

شلون البنت تخرررب .....؟؟؟؟؟؟؟!

بس اهم شي انج تدفين نفسج وقت الدورة
تلبسين دلاغاات وملابس طويله
وتشربين سوائل دافيه وتبتعدين عن الاشياء البارده
واللي فيهاااا حموضه لانه مو زينه

 

[برونزية رشيقة]

^

اكبرررر غلللط ترا يخررررب والدليل المثل الي يقول الاكل اكل حضرية والنومة نومة بدوية لان البدويات يسوون الاعشاب وقت الدورة والنفاس الحين الكل يسويها

بس ترررا تأثر حتى عالبنت يبين لما تهتمين او لا لان يشد من تحت بس انا مالي خلق فاسوي اقل شي اقدر اسوية الممنوعات مو قادرة التزم فيها بالنسبة للاكل فاقل شي الدارسين

شنو هالمثل الشعبي الغريب ؟؟؟؟؟ ليش تتطنزون عالحضرية وشفيها الحضرية .. وااااااااااااااااي أي شي الرد :bbbiu:

 

[انيقه الملامح]

شلون البنت تخرررب .....؟؟؟؟؟؟؟!

بس اهم شي انج تدفين نفسج وقت الدورة
تلبسين دلاغاات وملابس طويله
وتشربين سوائل دافيه وتبتعدين عن الاشياء البارده
واللي فيهاااا حموضه لانه مو زينه

اعراض وايد من خراب البنت بس نا سيتهاو

 

[انيقه الملامح]

شنو هالمثل الشعبي الغريب ؟؟؟؟؟ ليش تتطنزون عالحضرية وشفيها الحضرية .. وااااااااااااااااي أي شي الرد :bbbiu:

ه انا حضرية وبالعكس المثل مدح طبخ الحضرية بس هالسوالف اختصاص بنات البدو اول فعشان جي قلت بسأل والحين مع النت كل شي تطور فصارت الحضرية تعرف لهالسوالف والبدوية تتفنتك بالطبخ ،، جني طلعت عن سياق الموضوع هههههه

 

[Aloe Vera]

ماكو شي اسمه خراب بالعلم


في شي اسمه
التهاب
فطريات
قرحة ،، الخ

كل العالم عايشين طبيعي وقت الدورة و مافيهم الا العافية

 

[Hindza]

والله هالموضوع يجيب الوسوسه يا بنات خلاص تعبنا نهتم و نسوي في انفسنا ، علشان الزوج و هو في الآخر ما يهتم و اللي يقهرني اللي يقولون اللي تخرب خلاص زوجها بيكرهها و يتزوج غيرها كلام تافه جد ياختي ترا مو أكبر همهم هالشي و اللي يكون هالشي أكبر همه يكون مثل الحيوانات انا ما أقول لا تهتمون إلا اهتموا بس لا تكبرون الموضوع و يتحول ل وسوسه و حلطمه ... ادري شكلي طلعت عن الموضوع بس هالشي قاهرني ولازم اقوله !

 

[Bio_reem]

ما اعتقد فيه اي اساس علمي لعلاقة الاكل بهالشغلة خاصة للبنت
هذي عضلات نفس كل عضلات الجسم تقوى بالتمرين عشان جذي اللي يفيدج هو تمارين عضلات الحوض السفلية اهمها كيجل