بسم الله ال رحمن الرحيم
لكل داء دواء
س1 : عمركم شفتوا آحد كان عنده بهاق ؟ وشنو سوا ؟ راح تعالج ولا وحّد اللون ؟
بدا فيني من سنه2008 ليس وراثي ولا يوجد بالعائله احد يعاني من البهاق ...مرض نفسي بسبب الطلاق
انا ما خليت علاج طب شعبي
ولا كريمات من مصر ومن السعوديه
ولا خلطات الا وسويتها
وصرفت بالهبل بس اي شي يمدحونه يقرقع بقلبي لين اجيبه واستخدمه لغايه ما اتعب ولا شفت نتايج مرضيه
وفريت النت وبعدها سمعت بنصيحه مجموعه من الشباب والبنات المتواجدين في منتدى مخصص للبهاق ان المستشفيات الحكوميه امان احسن من اللي يبيعون بدون لاذمه ولاضمير في سبيل الربح
رحت المستوصف قسم الجلديه وصرف لي كريم النهار وكريم الليل
استمريت لغايه ست اشهر ماشفت نتايج مرضيه وطلبت تحويل لمستشفى اسعد الحمد للامراض الجلديه
قبل تروحين للمستشفى راح يطلبون منج فحص قاع العين... وفحص للدم تكونين صايمه 12 ساعه,,,وورقة التحويل مشروحه حالتج وفترة العلاج فيها
تعالجت عن طريق الاشعاع الضوئي عباره عن غرفه وفيها جهاز نفس البوكس مفتوح من فوق كله لمبات نيون من فوق لي تحت
ويقولن لج انتى اخذتي حصتج من الشمس لان الاشعاع عباره عن الاشعه الفوق البنفسجيه ماخذينها من الشمس
وكل جلسه يزيدون الوقت خمس ثواني عشان الحراره
ونفسيت الدكاتره تفتح النفس انا كنت عند دكتور واستحيت اني اكلم رجال عن حالتي او يشوف جسمي واماكن البهاق وحولت عند دكتوره
بالبدايه راح يشرحون لج كل شي ان ترطبي جسمج يوميا للوجه مرطب وللجسم مرطب وبعد السبوح مرطب
ويسون لج اختبار حساسيه للضوء
وعنده رسمه للجسم بورقه ويحطون علامات على مكان البهاق
وان لونج راح يصير غامج حيل عشان يبين البهاق اللي ما بين وبعده في مراحله الاولى وبعدها يختفي
انا اخذت ثلاث جلسات اسبوعيا كل احد وكل ثلاثاء وكل خميس يبين من جسم لي جسم انا بين مفعول العلاج بعد شهر ونص
للعلم انا بيضه والبهاق منتشر بشكل كبير بالوجه والايد والظهر والارداف والساق
ضايع مع بياضي ومع الاشعاع الضوئي غمج لوني كاني رايحه البر
وبعد فتره يرجع اللون طبيعي وتشافين باذن الله
يعطونج فيتامين ب..... واذا احمر الجسم يعطونج حبوب حساسيه وكريم الفاكورت ,,,,ومرطبات
س2 : تعرفون اشخاص وحدوا اللون كله ،؟ وشلون صار نمط حياتهم من ناحيتهم نفسيتهم ومن ناحية الحياة ؟ يعني ارتاحوا ولا تندموا ؟
انا بس مو توحيد لون لونج الطبيعي....مرتاحه نفسيااااااااا.....لا ما ندمت
س3 : اللي سووا توحيد اللون ؟ هل في اشياء معينة ممنوع يسوها او ممنوع ياكلها ؟
لا ما في شئ ممنوع عيشي الحياه طبيعيه
س4 : وين سويت توحيد اللون ومن متى ؟ وعند منو ؟ وهل عبارة عن ابر ولا كريم ؟؟
ليس توحيد لون ,,, يرجع لونج الطبيعي في مستفى اسعد الحمد للامراض الجلديه قسم الاشعاع الضوئي ,,,, سويته ومازلت مستمره .....الدكتوره جيهان ..... اشعاع ضوئي لا ابر ولا كريم
