ما هو الكتاب نمبر 1 بالنسبه لج ؟ المفضل لديك اللي بالقمه ؟

[جيتارا]

اتصلت المكتبة وقلت لهم ابي اخذ الكتب الجديده


اللي نازلة اكتشفت انه عامل المكتبه يحليله انصدم يوم عرف أنه بنت اماراتية تاخذ كتب ,,

خخخخخخخ


حسيت أنه طايحين من عيونه

 

[بايعتهاا]

نمبر ون بالنسبه لي هي رواية الاخوه الاعداء
قريتها من سنه ويمكن اكثر ، بس للحين احس هي اقرب وحده لقلبي

اسم الرواية شيق
شكرا على المشاركه

اتصلت المكتبة وقلت لهم ابي اخذ الكتب الجديده


اللي نازلة اكتشفت انه عامل المكتبه يحليله انصدم يوم عرف أنه بنت اماراتية تاخذ كتب ,,

خخخخخخخ


حسيت أنه طايحين من عيونه

خل يولي زين شكو تطيحين من عينه لأنج اماراتيه
فديتج وفديت الإماراتيات , الحمدلله الخليج كله عندنا مدارس وتعليم لأعلى المستويات , راح زمن الجهل
شكرا على المرور :eh_s(17):

 

[al-musk]

الكتاب الي ما أنساه فعلا هو قصة السجينة .. بس كتاب لاتحزن للقرني عجيب وبين فترة وفترة الواحد يردله ويشحن طاقته فيه .. وطبعا أشعار البدر أكيد وخالد الفيصل

 

[وهج الحب]

من أجمل الكتب التي قرأتها : للكاتبة الأمريكية جين ساسون
mayada daughter of iraq
love in a torn land
for the love of a son
growing up bin laden
جميع كتبها قصص واقعية و تجدونها أيضا بالنسخة العربية

و الكتاب الي اقراه حاليا كتاب the help for kathryn stocket أيضا موجود باللغة العربية و اعتقد اسمه خادمة المنزل ،

السلام:
جين ساسون احسها كذابة وتزيد بهارات حتى تباع كتبها بامريكا

 

[MRS.coupe]

عيناك قدري
غادة السمان
اعجبني كثيرا
​

 

[Beautiful soul]

شوفي انا احب اقرا بس بقولج 3 كتب يمكن تحمست واشتطيت وانا اقراها وطبعا كان يعتمد على النفسية وقت قراتها

كتاب لاتحزن لما كن امر بفترة تعيسه
كتاب مليكة اوفقير السجينه لاني انقهررررت وتاثرت عشانها
كتاب مذكراتي اللندني لكاتب سعودي اسمه نديم الهوى كتاب يونس جدا جدا جدا وتمنيت انه مايخلص

 

[بايعتهاا]

الكتاب الي ما أنساه فعلا هو قصة السجينة .. بس كتاب لاتحزن للقرني عجيب وبين فترة وفترة الواحد يردله ويشحن طاقته فيه .. وطبعا أشعار البدر أكيد وخالد الفيصل

فعلا كتاب لا تحزن روعه لكل حزين
شكرا على المشاركه

عيناك قدري

غادة السمان
اعجبني كثيرا ​

شكرا على المشاركه

شوفي انا احب اقرا بس بقولج 3 كتب يمكن تحمست واشتطيت وانا اقراها وطبعا كان يعتمد على النفسية وقت قراتها

كتاب لاتحزن لما كن امر بفترة تعيسه
كتاب مليكة اوفقير السجينه لاني انقهررررت وتاثرت عشانها
كتاب مذكراتي اللندني لكاتب سعودي اسمه نديم الهوى كتاب يونس جدا جدا جدا وتمنيت انه مايخلص

كتاب مذكراتي اللندني يتكلم عن شنو بالضبط ؟ حمستيني أقرأ هالكتاب

شكرا على المشاركه

 

[في الجو غيم]

انا ماحب وايد اقرا الروايات بس هالفتره قاعده اقرا كتاب الف ليله وليله
صج يشد هالكتاب لان القصص مرتبطة ببعضها
وقريت قبل كتاب كليله ودمنة اتذكر من حلاته كنت مسوية ليزك لعيوني بس مب قادره اوقف قرايه لين خلصته
والكتاب الروعه اللي دوم اسمع عنه وفعلا يستحق المدح والذكر وهو كتاب رياض الصالحين وكاب صفه الصفوة
واميل وايد اقرا كتب التاريخ وكتب عن السيرة وعن الصالحين والدولة الاسلامية في العصر الاموي والعباسي
وماقدر احدد نمبر ون كل كتاب له وقته واثره اللي يتركه فينا
والحين صرت انوع اقرا كتاب تاريخي وكتاب ديني ورواية وكتاب عن تطوير الذات او التفكير الايجابي

 

[بايعتهاا]

^

^


^


شكرا على المشاركه

وحلو التنويع بالكتب

 

[قــمر]

كتاب نمبر ون بالنسبه لي هو كتاب السر هالكتاب غير حياتي فكرة الكتاب موجوده عندنا في ديننا الاسلامي وهي ان اي شي نفكر فيه يصير واقع في حياتنا لازم نتعلم شلون يكون تفكيرنا ايجابي ونفكر بس في النعم اللي عطانا رب العالمين ونحمده ونشكره

 

[عاشقة الكاكاو]

احلى كتاب قريته

الرجال من المريخ النساء من الزهره

عجييييييييييييب الكتاب
​

 

[بايعتهاا]

كتاب نمبر ون بالنسبه لي هو كتاب السر هالكتاب غير حياتي فكرة الكتاب موجوده عندنا في ديننا الاسلامي وهي ان اي شي نفكر فيه يصير واقع في حياتنا لازم نتعلم شلون يكون تفكيرنا ايجابي ونفكر بس في النعم اللي عطانا رب العالمين ونحمده ونشكره

وايد سمعت عن هالكتاب :rerrerek:

شكرا على المشاركه :eh_s(7):

احلى كتاب قريته ​

الرجال من المريخ النساء من الزهره​

عجييييييييييييب الكتاب ​

شكرا على المشاركه :eh_s(7):

تم تسجيل اسم الكتاب وجاري شرائه

 

[روعة الأمومة]

كتب د. ابراهيم الفقي ( الله يرحمه ) :eh_s(17):

ثلاث ارباعها موجودة بمكتبتي

 

[Q8tiyah]

كتاب حكايات من جورجيا .. يتكلم عن أساطير في ثقافتهم و الحلو كان في قصه عن حاكم عربي الكلام صور لي المشهد و وصفوا المشهد صح !

في كتاب اعشقه " و لو مرة أصلي" من دار اقرأ .. هذا يعلمه جمال كل ركن في الصلاة و لما أقراها و ارجع أصلي كنت أحس بفرق بصلاتي .. يعني تعرفين وين مقصرة بالسجود او الركوع .. شلون تخشعين .. و اللي عندها خبر وين احصل هذا لكتاب تقول لي يزاها الله خير .. لان عطيته احد يقرا و استحيت أخذه منهم :eh_s(22):

 

[white haert]

رواية عشاق من احفاد الشيطان للكاتبه السعوديه شمس السيديري روووعه اشويه عليه وكتاب سقف الكفايه اخر كتاب قريته حلووو روايه تشد

 

[~ طـــواري ليل ~]

كتاب نمبر ون بالنسبه لي هو كتاب السر هالكتاب غير حياتي فكرة الكتاب موجوده عندنا في ديننا الاسلامي وهي ان اي شي نفكر فيه يصير واقع في حياتنا لازم نتعلم شلون يكون تفكيرنا ايجابي ونفكر بس في النعم اللي عطانا رب العالمين ونحمده ونشكره

عفوًا حبيبتي
اسفة عالمداخلة .. بس الكتاب قصوا عليج بكل أسف !

ماكو شيء بالدين اسمه جذي ..
لكن الكتاب ككل يعارض مفاهيم كثيرة بالدين

وعشان تتوضح عندج الفكرة اقري مقالات د. فوز الكردي عن قانون الجذب < اهو موضوع كتاب السر الاساسي !

وبتفهمين انه خرافات وخزعبلات !


وهم بعد في كتاب اسمه ( خرافة السر ) للكاتب عبدالله العجيري .. يرد على كتاب السر ويبين المنهج الصحيح ويفند موضوع الكتاب بالادلة العقلية والشرعية ..إلخ!

واسفة عالإطاله بس ما احب اشوف ان في شيء مأثر على الناس والناس عبالهم اهو صح واهو بالاساس غلط :d


لكم فائق الاحترام

 

[~ طـــواري ليل ~]

كتاب حكايات من جورجيا .. يتكلم عن أساطير في ثقافتهم و الحلو كان في قصه عن حاكم عربي الكلام صور لي المشهد و وصفوا المشهد صح !

في كتاب اعشقه " و لو مرة أصلي" من دار اقرأ .. هذا يعلمه جمال كل ركن في الصلاة و لما أقراها و ارجع أصلي كنت أحس بفرق بصلاتي .. يعني تعرفين وين مقصرة بالسجود او الركوع .. شلون تخشعين .. و اللي عندها خبر وين احصل هذا لكتاب تقول لي يزاها الله خير .. لان عطيته احد يقرا و استحيت أخذه منهم :eh_s(22):

حملته عندي بـ i Boook لكن ما حصلت لي فرصة اقراه

واسمه أول مرة أصلي ..

حاولت ادورلج الرابط لكن ما لقيته .. بحثي بالنت وإن شاء الله تلاقينه موجود

 

[عادت ذكرياتي]

كتابات مريد المرغوثي راااااااائعة بمعنى الكلمة

وأغاثا كرستي

 

[كاريزما حلوة]

الله وناااسة



اختي بسأل عن شنو يتكلم كتاب طعام صلاة حب
وكتاب الذكاء الحياتي



انا عن نفسي عجبني كتاب السر


وكتاب احلام مستغانمي ذاكرة الجسد

 

[كاريزما حلوة]

اي ووين احصله باي مكتبة