حامل وحدي محتاره باللاستقبال!! اللي يشجع واللي يحبط

[FuSheYa]

السلام عليكم


شلونكم ياحلوين

شلون البيبي
شلون الحمال والمتن واللوعه و و و و و


انا الحمدلله حاليا حامل بالبيبي الثاني .. الله يثبته بصحه وعافيه يارب

عندي بنوته الله يحفظها عمرها سنه ونص الحين


واذا الله سهل ان شاءالله ... اذا ولدت بنتي راح يصير عمرها almost سنتين


الموضوع اللي مأرقني :eh_s(2):



الإستقبال!!!!



انا الصراحه سويت حق اول بيبي
وسويته لمده يومين و خبه من كفر وككاو وهدايا توزيعات و و و و


الحين الصراحه :eh_s(10)::eh_s(10):

ودي وبخااااااااااااطري اسوي استقبال حق ولادتي هذي اذا الله سهل وقمت بالسلامة انا والبيبي ان شاءالله


بس اللي افكر فيه....

جني توني مسويه استقبال !! ماكو فرق وايد.. تقريبا سنتين ماشاءالله!!

هل الناس يتنقد! بتقول توها والده والحين تسوي مره ثانيه!!!

والا شي طبيعي!



انا قلت الكفر بيصير بسيط و هم كلاس وراقي بس مو خبه نفس اول واحد
والككاو طبيعي يكون اكثر من نوع

والتوزيعات مراح اوزع نفس اول بيبي ... بس اوزع ككاو ببوكس للي بيطلعون
غير الككاو اللي معروض ينوكل واهما واقفين! :eh_s(1):


خواتي يقولون سوي... بس سوي يوم واحد!!
ورفيجاتي اللي تقول سوييييييييي واستانسي واللي تقول لا غريبه بس اول بيبي وخلاص! :rgewrg:

هههه ......... ودي اسوي خوش شعووور :eh_s(22):


شرايكم؟

هل شي عادي اني اسوي استقبال؟!
واذا اي! اسوي يوم او يومين!

لان احنا ماشاءالله لا اله الا الله
اهلنا ومعارفنا واايد... فاللي احاتيه اذا سويت يوم وايد راح يصير زحمه وغثقه

انا اول بيبي كان يومين وماشاءالله زحمه!

فشرايكم يا حلويييين


:eh_s(22):

 

[Mrs.H]

ماله شغل خو هذا بيبي وهذا بيبي ويحقلج تفرحين فيهم كلهم.. وحتى لو سويتي يوم واحد الناس بتييلج بعدين مو الكل يقدر بهاليوم

لو تبين نصيحتي غيري عن الاستقبال الاول.. مثلا الاول بيج وذهبي.. الثاني ابيض وسيلفر >> مثلاا

التوزيعات الحين مو ضروري الستاند او ممكن تاخذين ستاندج القديم وتودينه لمحل شاطر يغيره لج

وان شاء الله تولدين بالسلااامة

 

[M!SS.LOBY]

شوفي اللي بخاطرج شنو وسويه

 

[روعة خيال]

احنا ما عندنا سوالف استقبال ما استقبال بس مالج شغل بالناس

 

[أنفاسي دخون]

لاتخبين عمرش الناس ماتعطي خير وخلي الاستقبال على يومين اذا انتم ماتستقبلون في البيت

 

[noufb]

سوي اللي يريحج الناس جذي ولا جذي بينحجوون
انا ماويه اسوي شي بسيط حيل مو عشان شي عشان الناس ماتستاهل اخب عمري واكلف على نفسي شي بسيط وحلو

 

[حبيبة اهلهاا]

اتا ما احب الاستقبال و ترا خلاص الناس ما قامت تسوي استقبالات نفس اوول

و كل شي الحين بسيط و ناعم صدقيني ارتاحي و خلاص

 

[~Diva~]

اذا انتي حابه عادي سوي شعليج
مب كل يوم الوحده تحمل
لو انا مكانج ما بخلي شي ما بسويه
وشنو سنتين مب وقت صغير .. لو سنه واقل بنقول يمممممممممممممممممممممممممممممممممممكن هه

 

[مشتطـه]

والله تبين الصج ماله داعي

ما احب اسقبالات المستشفى بعد الاول
سويت للبيبي الاول واستانست وجربت هالشعور

وما افكر بالثاني موت تعب
ومعرقة حدي من التعب
والزحمة والخياط يعورني حيل

غير التبديل قاعده 5 ساعات ما ادش الحمام والدم شكثره تكرمين


ما أأيد كلشش كلشش


اذا بخاطريج سويه بالبيت يومين للي بتعطيج هدية ويكون باخر 20 يوم تكونين ارتحتي وتحتاجين حزتها تشوفين الناس

وعالاقل ويهج مو مصفوق ولا تعبان

تسولفين وتستانسين بالزوارة

بس الطبيب يكلف وايد
اخذي غرفة عادية وارتاحي يومين وروحي بيتج


الحين محد قام يسوي بالطبيب الا للأول
محد له خلق الصراحـه

واحس خلاص ماله طعم البيبي الثاني مو مثل الاول بالمستشفى

 

[ديزاينر الكويت]

بينهم سنتين !!!!
عيل اللي بينهم اقل من سنه و سووا شتقولين !!
عادي حبيبتي سويي
في ناس بالثالث و الرابع يسون
علي الأقل انتي الثاني وين المشكله
و اللي بيي حيالله و اللي ما يبي ما يشوف شر
و سوي شي بسيط اقل من المره اللي طافت
و بعدين استقبال المستشفي اريح علي الأقل يوم و يومين بتستقبلين الناس
مو بالاربعين كل يوم طابه عليج وحده
و تعالي طلبي حلو و فطاير و سوي شعرج و ضبطي فرااااغه

 

[candy-87]

والله انا اساغرب من اللي تقول مالا داعي !
انتي اذا ما سويتي بيولج البيت و بتصير بدل لويه لويتين
شوفي انا انشاءالله اذا ولدت بسوي
و اسقباله شوي خبه و قاطه للحين بس استقبال 1500 بس لانه بجري و اول حفيد بالعايلتين من صوبي
بس الثاني انشاءالله اذا بسوي راح اسوي حيييييييييييييييييييل ناعم
يعني لا سوفينيرات لا ستاند بس كاكاو
مو لاني احب اسوي
بس لانه ان ما سويت كليووم وحده بتيلج البييت
ف خل ايولج المستشفى مره وحده و تفتكين

 

[Poison_Girl]

سوي بس شي ناعم.. واحسلج اتسوين بالمستشفى.. صح كلام للبنات اذا بالبيت كل يوم يايه واحد

 

[قلب زوجي وولدي]

سوي كل واحد حر باللي يختاره مالج شغل بالناس

واذا البيبي الثاني ولد يعني فرق بكل شيء عن البنت وجذي بيكون فيه اختلاف

الله يتمم عليج ياااارب

 

[ELFAD3Ah]

اذا انتي من النوع ما تستقبلين احد بالبيت سوي استقبال لاني انا جذي مااستقبل بالبيت فاسوي بالمستشفى

 

[مشتطـه]

والله انا اساغرب من اللي تقول مالا داعي !
انتي اذا ما سويتي بيولج البيت و بتصير بدل لويه لويتين
شوفي انا انشاءالله اذا ولدت بسوي
و اسقباله شوي خبه و قاطه للحين بس استقبال 1500 بس لانه بجري و اول حفيد بالعايلتين من صوبي
بس الثاني انشاءالله اذا بسوي راح اسوي حيييييييييييييييييييل ناعم
يعني لا سوفينيرات لا ستاند بس كاكاو
مو لاني احب اسوي
بس لانه ان ما سويت كليووم وحده بتيلج البييت
ف خل ايولج المستشفى مره وحده و تفتكين

منو قام يطب فجأة شخباري؟


الناس تطورت قامت تنطر مسج من الوالدة اذا عندها استقبال بالطبيب او البيت

وايد مسجات وصلوني استقبلكم في منزلي فقط يومين التاريخ الفلاني والفلاني ؟



اهو طبعآ كيفها بس لو ما سوت حده عادي محد بينقد :eh_s(7):

 

[حبيبي مالكني]

حبيبتي ماعليج من احد سوي الي بخاطرج اشدخل سوستس من سنتين ولا لا
كل بيبي له فرحته
الله يتمم عليج ونقلج لتمامه

 

[FuSheYa]

مشكوووووووووووورين

وعلى الاستقبال بالبيت... الصراحه مو نوعنا نستقبل.. انا بولادتي الاولى بس رفيجات امي الكلوز اللي ماقدروا اييون دقوا و يونا

بس مره وحده

واتوقع استقبال البيت لوويه زياده
البيبي بصوب والاوادم بصوب واوقفي سلمي وبوسي الاوادم وردي قعدي

انا قصدي يا مستشفى يا ولا شي!


انا مثل ماقالت وحده من الخوات اول استقبال قطيت فوق الــ 1700 بس حق الكفر والككاو والتوزيعات والصحون
غير الغرفه طبعا


والله شكلي بسوي ولا راح اييب توزيعات بس ككاو وكان الله غفورا رحيما

وبالنسبه للون الكفر او ثيم الاستقبال... صح انا مفكره اغير اللون بشكل جذري
كان لوني اوف وايت وسلفر


الحين راح اسويه قولد اذا الله سهل

والله شكلي بتوكل على الله بسوييييييه

لا لويه بيت ولا شي!



والله ماقصرتوا

 

[حشمه]

انا لو منج اسوي توج ثاني بيبي وحاليا بسوي مجبوره

كلش مو بخاطري اسوي بس امي تقول سوي

يوم واحد وفكينه مانبي اييون البيت وكل شوي

احد اييج وكل شوي تعالو زهبو تبي يوم واحد وتفتك

 

[om . alzeen]

ارضاء الناس غايه لاتدرك


الي تبينه وبخاطرج سويه


هذا رايي بكل اختصار

 

[Tame]

حبيبتي سوي الي يريحج وع حسب مقدرتج وما عليج من احد كل واحد ينام ع الجنب الي يريحه انا عندي وولد وسوست استقبال وكل بيبي بالمستقبل أن شاء الله بسوي من حقي استأنس وعيالي بالتساوي عندي